مجـــــــــــــــــادعــــات

[امال الناس]

الليلة الغرب امست بروقــــو سهاري
وخلت قلبي مشغولا عضاي فتـــاري
نامن نون لي الصعيد ونادن لي البقاري
عاجبني الدليل كان ريس الشوقارة
إخراج هدير أصوات من الحنجرة

[لبيب]

الليلة الغرب امست بروقــــو سهاري
وخلت قلبي مشغولا عضاي فتـــاري
نامن نون لي الصعيد ونادن لي البقاري
عاجبني الدليل كان ريس الشوقارة
إخراج هدير أصوات من الحنجرة

حب الجدية كيف اخفيهو ليهو أداري
مادام انسرب في دمي أصبح جاري
شالت نومي واحتارت معاها افكاري
لمتين بالحلال تصبح تكون في داري

[Batta]

قوماك يابطه ارح ندى اللبيب شبــــالنا
دا الياهو الاصيل الديمه حارسو حمــانا
دايخ!! معزور انجرح بس للعتب لمـــانا
والظـاهر العبـوس راويـاهو من احــزانا

مون يا رهيبة والله لبيب يستاهل

الزول لسانو حالي زي السكر وكلامو موزوووون شديد

والله اخو حارة الكلام ساكت ما رضاهو فينا

[Batta]

حب الجدية كيف اخفيهو ليهو أداري
مادام انسرب في دمي أصبح جاري
شالت نومي واحتارت معاها افكاري
لمتين بالحلال تصبح تكون في داري

الله يجمعكم والله بدعي ليك من جوة قلبي

[لبيب]

بطة كلامك القلتيهو حالي عجبني
حب الريلة بدري منامي مني سلبني
ربنا يستجيب لدعاك مايمحنّي
وانتي كمان تلاقي رضاك ليك مستني

[ريانه إمام]

جـــــــدعه ..

حبيبي هاتفني
التاع اينشتاين
لأن صوته فيني
و كأن سرعة الضوء تنطفئ

"
"

[الطاهر التاي]

البنات يا ناس ..... اللبس القبيح لبسنو
ولبس بنات .. الغرب والشرق .. فاتنو
والغنج والدلال ... في الشارع ما خلنو
والدرب العوج .. عديل .. عديل مسكنو

ما كل البنات لكين ....... كتير إتغربن
خلن جميل خصالنا وراهن وما إتأدبن
وفي الجامعات كمان .. ياما كتير إتفنن
وللعرفي القبيح ........ لبسن وإنلفحن

ما كل البنات لكين النسبه والله خطيره
الحيا والأدب .... في نسبة جد صغيره
أدبهم يا كريم ..... خليهم يعيدو السيرة
وكل واحدة تكون باسم الأمومة جديرة

[من الحله جيت]

العيب علينا ونحن نلقي على التياب
ما عرفنا أدبنا ورعينا
وضعنا حد الانضباط
السوق ملآن يغري البنات بالانفلات
واشاشه تب ما قصرت
من كل بلد جابت شتات
والراعي ما جايب خبر
لحقوقنا أو للواجبات
والعيب علينا ونحن نلقي على البنات ؟؟؟؟؟؟

[من الحله جيت]

العشره هلن ياشباب الشات
الصوم بالنهار وكتروا الصدقات
وبالليل لاتنوموا تقلوا الدعوات
وان شاالله يعود عليكم بالصحه والبركات

[لبيب]

[align=center]دخل نفس القفر ذكرني جديا نافر
كايس لى لقاه على بلادو بسافر
حالي لهيجو حسنو بديع وواضح وسافر
بحر اشواقي ليهو انا بالمحبات وافر[/align][/size]

[الأسيد]

لبيب اللبيب :


ذكرتني النسااام والقبل الشايل وبرق العصير البلم القبائل

ذكرتني ريحة الدعاااش وغيمة الضليل والسحاب الشايل

اشكرا بحرارة علي هذه الروائع

[لبيب]

لبيب اللبيب :


ذكرتني النسااام والقبل الشايل وبرق العصير البلم القبائل

ذكرتني ريحة الدعاااش وغيمة الضليل والسحاب الشايل

اشكرا بحرارة علي هذه الروائع

[align=center]حبابك أستاذ الأسيد (قدر ماتشتهي)


في موضوعين زي البوست دا
1- مسدار + مسدار
2- مجادعات شعبية[/align][/size]

[ريانه إمام]

فتشت عليك
سلقط ملقط
شتت الشوق
وهواى دقاااق
ما بتلقط
خايف يلقاك زولاً
غيرى
وفيك يتسلبط
ماإنتى حنينه خلاص
ما بتحرجى زولاً
إتعلبط
شذبتى الريد
رتبتى كيانى
الإتخلبط
لو تعرفى كيف
ساعة لقياك
انا بتنطط
ما تخافى عليك
جواى عشقك
إتمطط

[امال الناس]

دمك صافى تحوير المعردب لونك
بدر الكون جبينك والضلمة قرونك

ما دام انتى زى نجف الخواجة عيونك

كيف يداوى من المه ويطيب مجنونك

[المونت]

[frame="7 80"]

بتمنى ليك فى دنيتك أجمل نغم

لاتجرحك يوم الصعاب لا آهه لاهم لا نغم

يتبدد الشقا والعذاب ويمطر عليك غيم النعم

أصلو العذاب ما بشبهك ولا فيك ملامح للألم[/frame]

[ريانه إمام]

امى لم تعلمنى الصبا
فى الاربعين من الكتابة
فوق نهد الرمل والحناء
والماء المورق والضحى
والليل اذا سجى
واذا الصبيا حدثتنى
كنت اصرخ
ملا سروالى وابكى
سوف تقتلنى الرهافة يا صبيه
سوف تقتلنى الرهافة

[حافظكو]

الليلة الغرام أصبح حكايتو حكاية
اه من ألمو ونارو دي القلاية
ابواتي الشويخ اكتبولي محاية
كان يبرد حشاي ودمعتي البكاية

[لبيب]

hالمولى الكريم كال الجمال وافاهو
البرق البشع ذكرني بسسمة فاهو
الدر الندر في بحرو حاكى صفاهو
لصلف عينو يدمي الزول ويبقى شفاهو

[شمس الهدى]

hالمولى الكريم كال الجمال وافاهو
البرق البشع ذكرني بسسمة فاهو
الدر الندر في بحرو حاكى صفاهو
لصلف عينو يدمي الزول ويبقى شفاهو

ده كلام زولاً شايل الجمال جواه
ما قالوا الفسل الناس دربو تتلافاه
والزين العديل ديمة الجميع في حواه
وعاشق الجما يا لبيب في القبيح بيراه

سألتك يا الجواد دنيا وآخرة ترضاه

[نسيم الشمال]

وأتيتَ تسأل ياحبيبي عن هوايا

هل مايزال يعيش في قلبي ويسكن في الحنايا

هل ظل يكبر بين أعماقي
...
ويسري..في دمايا

الحبُ ياعمري

تمزقه الخطايا

قد كنتَ يوماً حب عمري

قبل ان تهوى..سوايا