مجـــــــــــــــــادعــــات

[شمعة امل]

مجـــــــــــادعــــات

فكرة البوست مشتركه بين اختكم شمعه امل والاشيــــــــــتر

بتكون فيهو مجادعات والعايز يجدع يتفضل معانا

[محمد نعيم]

والله الايام دي الاشيتر سخَن تب
(لما الشتره تسخن أشتر اوعا توقف)

وانتي يا شمعه بعد الزول دا ما بقاك بتاعت شاي
عايزه تعملي معاهو تحالف؟

[الاشيتر]

مشكورة الراقيه شمعة امل اتمني ان تكوني دائماً شمعة امل تضىء للاخرين ببهائه وطلتها المعهودة على هذا المنبر الراقي بو جوووودك .
وهذه هي اول المجادعات المنقوله من بوستر (( عيال اسعوديه بتاع هومي ومهنم الجديده ))

طبعاً عدم قدرتي في خت الصور عشان مابعرف ليها والغريبه ما داير اتعلمها عشان عارف نفسي كان قمته على الشغلانه دي الناس بتتعب معاي . ولو في طريقه بنسخ هذه الصوره وبخليها توقيع الاشيتر بالجد عجبتني الصورة والمنظر .


((( ست الشاي المكسره // لشاعر الاشيتر )))

ياست الشاي يالمزيونه
يالقاعده تحت شجرة الليمونه
تنفضي كلوشك كلما طلبوا منك شاي التقول مجنونه
انتي ست شاي ولا مشاطه ولابتبيعي الفول ياحاجه ميمونه
شايفك وشايف كفيترتك وقاعده في البنبر تبحلق بي عيونه
داك جاي وداك ماشي علّي وده داير جبنه وداك شاي احمر لونه

++++++++++++++++++

صحي نطحني التور
مالك خايفه علي ومكسرة التلج للاشتير المشتور
نشوف اللسته اظن تكوني الطيش او الاول لو تدخل هومي ود حاج كبشور
اشوفك كل يوم مبحلقه فيني تراكي قليبك مكسور
خلاص بتم ليكي الفي مرادك بس تخلي الشاي والدستور

شمعة امل يالضوايه
خلي فكيكي قوي يعمل ليكي اقوي بخرات ومحايه
يفكك من الاشيتر ويكمل في اللوح كل حبروا و الدوايه
اجري جري واسألي ناس محبه غُرزه وهنايه
كان ما خليتلك تربطي الوليد و تودي المدرسة الغنمايه
عارف لسانك ماهو قصير بس اصبري ياست الشاي بتدخلي العنايه

+++++++++++++++++++



الاشيتر عكس عقارب الساعه الناس في وادي وهو في وادي تاني .

نلعب مره نثر ومره حلمنتيشي والمعاكي معاكي والمعاي معاي

[شمعة امل]

تحالف وين الاشيتر دا خلى على يامحمد نعيم

الاشيتر: نعل الحواشه جابت ليك نجيلة حاره
ومن أكل الدقيق كرشت وبطنك جاره
زراك الفلس زهجان وروحك كاره
من سقط الترع تقطر دمعتك حاره

بقراتك ماتحلبن وإتعوجن كرعيك
دلوك بالسلب والآخره من فوق ليك
تقطف في الدلو وخام الحروت بي إيديك
ومرقوك العصر متل القدود عينيك :D

[محمد نعيم]

تحالف وين الاشيتر دا خلى على يامحمد نعيم


تقطف في الدلو وخام الحروت بي إيديك
ومرقوك العصر متل القدود عينيك :D

والله يا اشترنا الكلام دا فيك ما بتقال

احسن تبعد من البنيه قبل تعمل ليك كشف حال

قول ليها دا حالي انا زولاً تربال

عايز اخدم وراي كووووم عيال

[/size]

[شمعة امل]

يا محمد نعيم أسقينا من أب كتحة

أب لبناً تقيل حلابو ضاق النطحة (الاشيتر :D )

قلاع المدومس مرمي الصداع والنتحة

يا دوب في النميم أقلامو جات منفتحة

[محمد نعيم]

يا محمد نعيم أسقينا من أب كتحة

لو سقيتك بسقيك شرابـــــــــــــــاً مر

اخليك تقومي تصلي العشاء تقولي دا عصر


اما صاحبنا خليهو للنطيح

سكت من الكلام عامل فيها فصيح

[/size]

[شمعة امل]

لو سقيتك بسقيك شرابـــــــــــــــاً مر

اخليك تقومي تصلي العشاء تقولي دا عصر

مانى قشيمه واشرب من سقيكا محال

ما نى العايبة انا الزّينة التعدل الحال

وما بتلقالى نـد لا في الجنوب لا شمال

[نفسيات]

انا انا انا ماااااااااااالك داير اجدع :D


اجهز لى كم واحدة واجيكم

[الاشيتر]

كما اسلفت يوم شعراً ويوم قصة فاليوم احكي لكم قصة صاحبة الشاي

تطور صاحبة الشاي /// بقلم الاشيتر

في يوم من الايام والاستاذه شمعة امل ( ست الشاي ) وهي تفكر افكاراً جديده في كيفية التطور والرقي من الكفتيره والشرقرق فقط ، همها مزيد من الدخل .
بدأت الافكار والهواجس تدخل راسها خاصة وانها تريد ان تغير تلك البنابر المُجلده بالحبال وبعضها مهتري وارجله غير متساويه ويسبب للبعض الام في الظهر ، وتلك الطاوله الصغيرة ذات الثلاث ارجل صٌنع الحلبي جارها او بالقرب منها في شجرة اخري على الشارع العام ، هذه الطاولة التى من كثرة انواع الدهانات الملونه اصبحت لاتتحمل اي لون آخر من البويه فصارت بعدة الوان ويظلل تلك الالوان قليل من اوساخ فصارت كخريطة جاذبة للذباب ، لم يفلح بخور التيمان الذى تناولته من اقرب عطارة تيمان لي تجنب الذباب وبعض الروائح الاتيه من الخور الذى بالقرب منها .
وحيث ان ست الشاي لاتلمك في المؤهلات لجذب الزبائن وليس لها من الدرايه في امور بعض صاحبات الشاي ، فهي ست شاي تقدم الشاي فقط بأدب جم ، ولكن احياناً تنفلت منها ضفيرة شعرها دون قصد وتلمها بحياء وذاك مايترك بعض الزبائن همهم النظر الى تلك الضفيرة . كعادة اهل السودان الشعر الطويل له مكانة عندهم .
كل هذا وذاك اذ ان صاحبتنا الافكار بدت تجول في ذهنها كثيراً ، خاصة وان البلدية قررت منحهم رواكيب في منطقة بالقرب من موقف البكاسي والحافلات وبعض الشاحنات .
ففكرت في تصصميم جديد للراكوبه الجديده ، المهم اخيراً وصلت الى عمل كراسي بلاستيك وكم من طاوله جديده فكانت الراكوبه ارضية من السراميك المحلي الصنع ولكم ان تعرفوه .

هذه هي المقدمه ونتواصل نثراً وشعراً

[محمد نعيم]

ففكرت في تصصميم جديد للراكوبه الجديده ، المهم اخيراً وصلت الى عمل كراسي بلاستيك وكم من طاوله جديده فكانت الراكوبه ارضية من السراميك المحلي الصنع ولكم ان تعرفوه .

هذه هي المقدمه ونتواصل نثراً وشعراً

سمعت بست الشاي العامله ليها كراسي

جيت لكباية شاي تسعدلي لي بيها راسي

ومن شفت ضفيرتك ملكتي لي احساسي

خليتيني اكتب في الحيط واسيب كراسي

[سيبو9]

السلام عليكم ورحمة الله وبركاته

ويا سلام عليكو

[Hoomy]

احم احم ود الدعول جااااااااااااااااكم
للشمعة بقول
هاجنا شن الشمعة كمان هبيب الله الخفيفة تطفيها
شوف عيني الاشيتر الصباح الصباح باريها
هوي يابنية ارحمي الجنا دا قبل مايروح فيها:D :D
هع هع ابشر
للاشيتر بقول
الاشيتر الريد في الكبر ماهو عيب
العيب في الفلس وقدة الجيب
ودا الخلاك تفتشلك مية دريب
بقيت مرضان والصباح الصباح لازم العنقريب

هع ابشر ابشر أزول
أها لود النعيم بعقب وبقول
الجنا ود النعيم حبابك
فوق دربنا يوما ابيض اللينا جابك
ان درتنا بتلقانا فوق خشم بابك
والاشيتر لاتهبشو بي درابك
والشميعة خليها في عينيك زي باقي عقابك
هع هع ابشر ابشر
ولي عودة

[شمعة امل]

انا انا انا ماااااااااااالك داير اجدع :D


اجهز لى كم واحدة واجيكم

السلام عليكم ورحمة الله وبركاته

ويا سلام عليكو

مرحبتن حباب اخوانا اجدع ناس

وأهلاً بيكم في الضل اليساع جميع الناس

[شمعة امل]

قصة راعى البقر الاشيتر \\ للكاتبه شمعة امل

• القصه عربى فصيح + دارجى لكى يكون فيها نوع من الراحه فى القراءه

• اليكم القصـــــــــــــه :


فى احد ضواحى المدينه كان يعيش صبى صغير اسمه الاشيتر ترعرع فى تلك القريه البسيطه والتى كانت تفتغر لادنى
مقومات الحياه فقد كانت حياته شاقه جدا.... منذ ان كان فى السابعه من عمره كان يصحى الصباح بدرى ياخد غنم الحله
ويمشى بيهم الخلاء لكى تاكل الكلاء والعشب يعنى باختصار كان (راعى الحله) وبعد الرجوع من المرعى كان يذهب الى
(الحواشه) يحش ويزرع وبعداك بالعصير كان يلعب مع اولاد الحله بعض الالعاب الشعبيه التى تعرفونها وقريب المغيرب
يمشى البيت ويقع فى السرير ينوم امو تصحيهو وتكورك فيهو نزل كرعيك المتربات ديل من الملايا وبالغصب تجره عشان
يستحمى كان كعبول مابحب الحمام اغيبش شديد :D ..... وتمر الايام والاشيتر اشتد عودو كبر بس كان عندو مشكله مع البقر
التقول عندهم معاو تار كل مايقرب من بقره البقره يجن جنونها وتقعد ترفس وحالتها تبقى حاله (دا سر ماعرفناهو ل الليله)
المهم لحالة الفلس العليهو كان لازم الرويعى دا يستحمل البيجيهو من البقر لانو مضطر وبقى ياخد من ديك رفسه ومن دى
نطحه وادشدش ياعينى خالص كل يومين راقد فى البيت ويجو ناس الحله يسالو منو ..... بس ناس الحله كمان شالو هم لبقرهم
وغنمهم لانو لازم ترعى وتاكل كل يوم . واتفقوا اهل الحله يجيبو راعى تانى من الحله الجمبهم .... عشان يبقى بدل الاشيتر
المدشدش كل يومين (واااااى على الاشيتر المنحوس) ..... يالله كيف حيكون وقع الخبر على صاحبنا الاشيتر وحيعمل شنو
نشوف فى الحلقه القادمه .....



ياالعكس الساعه هوووى حااعمل ليك مسلسل عديل
كان احسن ليك تبقى على الشعر هع هع هع

[شمعة امل]

سمعت بست الشاي العامله ليها كراسي

جيت لكباية شاي تسعدلي لي بيها راسي

ومن شفت ضفيرتك ملكتي لي احساسي

خليتيني اكتب في الحيط واسيب كراسي

عشان ماتكتب فى الحيط وراسك يبقى جروفا
هاك من شمعة امل حبة من نميما وحروفا
مشكور من قديم والسمتة فيك معروفا
ود عز القبايل للناس عذور لظروفا
في بابك يتامي صفوف.. تتلقى في مصروفا



الصور دى خليك بعيد منها
عشان بعد شويه شمعه بطلع جنها

[شمعة امل]

احم احم ود الدعول جااااااااااااااااكم
للشمعة بقول
هاجنا شن الشمعة كمان هبيب الله الخفيفة تطفيها
شوف عيني الاشيتر الصباح الصباح باريها
هوي يابنية ارحمي الجنا دا قبل مايروح فيها:D :D
هع هع ابشر

الشمعه القويه فوق النجم كبر شانا
ماهى الهبيبه البتطفي ليك ولاعانا
فى القول مابتخاف ماهى زوله جبانا
ماتخاف على الاشيتر براهو برجليهو الجانا
هع هع هع

[الاشيتر]

اشكر جميع من مر ومن وقف معي مُتحداً على هذه البنيه دايره ليها مجموعه حتى يقدروا عليها ولكن لابد من التواصل



نتواصل يا شمعة امل وما اجمل قصة راعي البقر


وفي نومة راعي البقر وكريعاتو المشققات المتسخات ديل ... شمعة امل لازم تشوفوا كل يوم ، بعدين الراعي في الخلاء كده قاعد براهوا قام قال الدوبيت ده .

ههي هي هي اه الليلللللللللل الليل الليل الليل
اه


جات شمعة امل تتاوك لي راعي البقر
وقالت في نفسها الراعي ده مامنو مفر
وكلما يمر ببيتنا عشان يلفتني لازم يقول للحمار بصوت عالي عر
وكانت عر معاي اغنية الحبيبة كلما اتزكرها اقول احلى اشتر
وانا شموعوا الفتوا لما اقول للجداد كر
وهو كلما شاف جداده حايمه قال الشمعه توقد في حشاي نار صقر
والحب ماشي رمزوا كر وعر


اها بعد الدوبته الحلوه دي نواصل القصه بتاعت ست الشاي ، الصبر سمح

[محمد نعيم]

أها لود النعيم بعقب وبقول
الجنا ود النعيم حبابك
فوق دربنا يوما ابيض اللينا جابك
ان درتنا بتلقانا فوق خشم بابك
والاشيتر لاتهبشو بي درابك
والشميعة خليها في عينيك زي باقي عقابك
هع هع ابشر ابشر
ولي عودة

حبابك في دارنا وليك تحيه

حبابك الف وزيد عليهن تسعميه

بنكرم الضيف تب لو واحد ولا كان ميه

بنضبح ليكم عديل ما بنعشيكم فول وطعميه


نحن ناس شهامه ما بنعرف الكرم بالموجود

والاشيتر من غنمو بجر ليك عتود



ومن الصباح هاك يا قراصه بالدمعه

وكباية شب كبيره من ست الشاي شمعه

[شمعة امل]

الاشيتر والله لكين موووبالغه

ابشرو بالخير