مجـــــــــــــــــادعــــات

[هجره]

قال مغترب يحن للأهل وللوالده
**********************************
يا المشاوير المشيتك يا المشارع السالكة وينك

بالى فيكى إلا درب العيشة باعد بينى بينك

يا لبينة المغربية النازلة من أطراف سعينك

يا السرابة الحبلى كل الناس تعاين لى جنينك

[هجره]

شنو الجابرك علي الوادي الدبيبو يشفــــــق

غير زولا وشيشو من الملاحــــــه يدفـــــــق

[همسة فرح]

ي مون القصيد تلقينا اهلو و ناسو
ديك هاجر بقت في دارو بين جلاسو
الدوبيت بزيد للزول لهيبو حماسو
وانتي الفي البنات فوق للقمر تاج راسو

[هجره]

هاكم الجدعة دهـ ؟؟؟
**********************
الهزاني من جوّاي وجنن فكري

بنوتاً متل (همسة فرح) فلق الصباح البدري

سارب من ضحاي لي ليلي لامن فجري

شاكي الفرقة والصد المضيّق صدري

قسّام الصبر انجدني يا (مون) ضايع صبري

[هجره]

قدلت في الفريق الليلة شان تازاني

نغمات فاها تطرب للبعيد والداني

ممشوقة القوام محزوزة الوسطاني

وديسا ليها أسود من حظيظي الجاني

[همسة فرح]

هاكي الجدعة دي
****************************

و انتي الفي البنات هاديه و خلوقه رزينة
ي هاجر دحين جري النميم و اشجينا
معروفين دوام حافظين كلام شادينا
شايلنك وداد جوات حدق عينينا

[هجره]

همسة فرح بت القبائل شرّفتى لي ساحاتنا

بالنـم السـمح داوي لى جــراحـاتـنا

انا ســائل الكريم يزيد يقوى صـلاتنا

ما تغيبى وعشمناتكونى دوام بيناتنا

[همسة فرح]

تسلمي في البنات ما أظن بنلقى مثيلك
فايته الكل سماحه و ذوق و مسروج خيلك
للخيرات دوام سابقتي كل ناس جيلك
و العز و الكرم جت من طباعك و هيلك

[هجره]

هااااااااااااااااااااااااااااكم الجدة دى

**************************************

انت مهما جريت ومهما قسيت

حبك برضه لذيذ sweet

ليه يا قاسي ستة شهور

Since I saw you وامكن more

ماشي وجاي حزين مأسور

بين الـ ****** وبين ال door

ليه تظلمني وتنسي هواي

وأنا بحبك زي my eye

وصولك كيف ومكانك high

تعال أدركني before I die

ليه يا قاسي كفاي تعذيب

في ذكراك I can't sleep

داخل قلبي جرحك deep

تعال أدركني before I weep

بحلم بيك أنا day and night

أنا والنوم دوام في fight

ماعرفت شمالي من my right

هل الكلام دا منك right !

[هجره]

ودى جدعة برضو

**********************

أيا ذا القلب لا تحزن فذاك الحب
*Infection*


فلن تجدي عقاقير ولن يشفيك
*Injection*


فكم من عاقل فطن مضى بالحب
*Direction*


ستنكره وتنساه ولن يبقى له
*Mention*


فلا تكتب له شعراً ولا تكتب له
*Section*


ولا يحزنك من باعك فقد أخطأت
*Selection*


ولا تبدي له أسفاً ولا تبدي له
*Action*


فإن الحب منزلةٌ لبعض الناس
*Exception*


وبعض الناس إن هجروا فلا حزنٌ ولا
*Tension*


وبعض الناس إن هجروا يظل ويبقى
*Connection*


فوصل الروح له مفعول وما أحلاه
*Re-action*


بدعوة في جوف ليل لها تأثير و
* Affection*

فان لم يبق لي شيء فلا حب ولا
*Affection*


فلا أسف على دنيا لك اليوم وغدا عليك
*Conversion*

منقول

[هجره]

شوف كيفن بتجمع بين نفور الريلة



وبين صدر الحمامة الفى مشيها وحيلة


سبحان الاله خالق الصُدَف والحيلة


يا طايرة فوق الجو يا جارية جوة خميلة

[هجره]

الزول ان جفا بجور على عُشّاقو

والعاشق رضى دايس على اشواقو

يا رب يا كرييييم واهب الجميل خلّاقو

ترحم عاشقاً معشوقو بقى علّاقو

[لبيب]

«®°·.¸.•°°·.¸¸.•°°·.¸.•°®»جدعاتكم عدييييييييييل عجبتني ذادت جني
ذيدوا النم كلام ي اخواني قربوا مني
و الخلاني جيت ليكم ادوبي و اغني
مشتاق للصحاب الما بخيبو ظني«®°·.¸.•°°·.¸¸.•°°·.¸.•°®»

كلامك يا المليحة نظمو عجبني
ما ظنيتني أقدر ارد عليك أظني
قولك تب سمح يازولة جد حيرني
من حسن الحروف لمن جمالو بهرني

[لبيب]

هاجر وهمسة والله العظيم ابدعتوا
في النم والقصيد للعالمين امتعتوا
في القول الرصين بى كل صراحة برعتوا
بى كل اقتدار بى مهلة ما اتسرعتوا

[همسة فرح]

الهم و الحزن في قلبي باني مباني
وجابوا الغم كمان سووولو طابق تاني
قول لي ي العزيز كيفن تموت احزاني
ي الفت في النميم ود امنة والشوراني

[امال الناس]

شَافْ شـــُوشْتْ الحَمَرَّب*ْ وليها فَاسِحْ عَاقْتُو*
دَرَعْتَ الســـوطْ عَلى سَرجُو ولِمِس حَراكْتُو
عَلى هَجيــــــــــم المَسرَّحْ عَابِدْ دلالو وفَاقتُو
رَحَلْ واتْشـــَابَى الشَبَّاك قَطَـــــــــــعْ عَلَّاقتو

[همسة فرح]

الهم في حشاي وججه سهامو و سدد
و الحزن العلي ي سيدي ما بتعدد
و الخلاها نيران الوحيح تتوقد
فستان الفرح من كل جوانبو مقدد

[امال الناس]

قَصَدْ العُقـــــــدة فات بِي سَافــــــــل الرَتَّاجْ*
جَاء نَاطحْ الحَــــــــاكِم اللابس البِدل والتاجْ
تيس الحِنــــــُّو* الهبَّرْ شـــــــــــِروكْ القَاجْ
قَيَّل فيهــــــــــــا قَبْل الحَر يجيب لي ازعَاجْ
مَابــــــــي النزلة ضــــــَرَّاع النَقيبات*ْ سَاجْ*
دَاير الفــــــي الجِدلْ طابقــة السُوار والعَاجْ
يِكشِّرْ نايبــــــو في ارض الحَصَى أب دَهَّاجْ
مَا خَصَّاهــــو في الهُرْبَة* المِســــِى مُدْهَاج*ْ

[Batta]

الهم في حشاي وججه سهامو و سدد
و الحزن العلي ي سيدي ما بتعدد
و الخلاها نيران الوحيح تتوقد
فستان الفرح من كل جوانبو مقدد

لا اله الا الله محمد يا رسول الله

ما شا لله.

هموسة دي جبتيها كييييييييف؟

فستان الفرح من كل جوانبو مقدد؟؟؟؟؟؟؟؟؟؟؟؟؟؟؟

م
ب
د
ع
ة

[Batta]

الهم و الحزن في قلبي باني مباني
وجابوا الغم كمان سووولو طابق تاني
قول لي ي العزيز كيفن تموت احزاني
ي الفت في النميم محجوب و ود شوراني

رائعة وربي