مجـــــــــــــــــادعــــات

[( ود البورت )]

سلمت يداك ومشكور علي الشعر الجميل

ودمت بخير

تقبل مروري ،،

[زول بريدكم]

كان كتر القرش مالزول بكلم زولو
وأن قل القرش البركة في مس كولو

[لبيب]

كان كتر القرش مالزول بكلم زولو
وأن قل القرش البركة في مس كولو

يازولا بريدنا ونفتخر بى قولو
المسكول فلس لكن جميل موصولو
الزول الأصيل ما اظنو ينسى أصولو
مهما الناس يشاغلوهو وعليهو يقولو

[General]

علي الجمال تغار منا
ماذا علينا اذا نظرنا*
هي نظرة تنسي الوقار وتفرح الروح المعنا.
دنياي انت وفرحتي* ومنى الفؤاد اذا تمني
انت السماء بدت لنا *واستعصمت بالبعد عنا

[الطاهر التاي]

الزمن يا شباب غدار وغدرو عنيف
يجرح اللاهي ويملأ جراحو نزيف
لا بعرف هظار لا شفنا مره ظريف
و من غش البنات أحسن يا أخينا تقيف

[لبيب]

الزمن يا شباب غدار وغدرو عنيف
يجرح اللاهي ويملأ جراحو نزيف
لا بعرف هظار لا شفنا مره ظريف
و من غش البنات أحسن يا أخينا تقيف

ود التاي اخوي قولك عديل ونضيف
نحن نفوفسنا بقت معطّنة زيف
إتمدنّا تب ونسينا طبع الريف
طبعنا جاط وأصبح زادنا كلو رغيف

[حبوبة]

بشتل ليها جوا قليبي كل جروفي

دوبك ناوي تشتل بعد ما سكنت جوفي !!
دوزنت القوافي وغنّت ليك حروفي
يا بحر الصبابة الفي عينيك جروفي
لا تضن بي ودادك وقرِّب يا ولوفي ..

[حبوبة]

الزمن يا شباب غدار وغدرو عنيف
يجرح اللاهي ويملأ جراحو نزيف
لا بعرف هظار لا شفنا مره ظريف
و من غش البنات أحسن يا أخينا تقيف

ود التاي اخوي صُح كلامك مابدورلُو غُلاط
الدنيا غدارة وقلّ ما تدّي المراد
عِل بلا حواء كيفن بيقدر آدم عاد
نصيحتك جايزة بس .. إيه يشيل الريح من البلاط ..

[هجره]

ياك صمد القبيلة وفي الحقيقة ضراعة
وفي الراي والفهم توزن برااااااااك جماعة

قدامي وهمييييييييم راجلا تضاري وساعة
يا ملك القلوب ليك السمع والطاعة

[لبيب]

ياك صمد القبيلة وفي الحقيقة ضراعة
وفي الراي والفهم توزن برااااااااك جماعة

قدامي وهمييييييييم راجلا تضاري وساعة
يا ملك القلوب ليك السمع والطاعة

وياك بت القبايل فيك الجمال اتداعى
سبحان من هداك طيبة ووقار ووداعة
رايقة بشوشة حاشاك اصلو مالواعة
بفديك بى دماي بكل رضاي وقناعة

[لبيب]

دوبك ناوي تشتل بعد ما سكنت جوفي !!
دوزنت القوافي وغنّت ليك حروفي
يا بحر الصبابة الفي عينيك جروفي
لا تضن بي ودادك وقرِّب يا ولوفي ..

مرحب بيك من تاني ياحبوبة .

[الطاهر التاي]

هاجر
السوداني ( هاجر ) يا بتّنا ما بهدلتهو جـــماعـه
في الساح سيوفو بتلمع .. تهزم.. أمم وجــماعــه
مشهور بالكرم والجود وشجاعتو والله شجاعـه
وحليل رجالناالفاتو ... ناس مضــر ورفــاعــه

[لبيب]

هاجر
السوداني ( هاجر ) يا بتّنا ما بهدلتهو جـــماعـه
في الساح سيوفو بتلمع .. تهزم.. أمم وجــماعــه
مشهور بالكرم والجود وشجاعتو والله شجاعـه
وحليل رجالناالفاتو ... ناس مضــر ورفــاعــه

السوداني يا التاي في القيادة براعة
في كل الأمم دايما أوامرو مطاعة
حد السيف كلمتو بتمشي زي الساعة
ود عز الرجال وقضيتو تب ماباعا

[همسة فرح]

«®°·.¸.•°°·.¸¸.•°°·.¸.•°®»جدعاتكم عدييييييييييل عجبتني ذادت جني
ذيدوا النم كلام ي اخواني قربوا مني
و الخلاني جيت ليكم ادوبي و اغني
مشتاق للصحاب الما بخيبو ظني«®°·.¸.•°°·.¸¸.•°°·.¸.•°®»

[همسة فرح]

عاشقاها الحروف من ما اتولدت صغيره
و اشواق للصحاب جوايا باقية كتيرة
و الخلاني مهموم ديمه حالتي خطيرة
في رتب الحروف تلقاني فوق لمشيره

[هجره]

سلام اهل النميم فوق المتبر ساقو

سلام اهل الكلام فى النال عدوهو وعاقو

سلام اهل الشعر فوق البمرّح ناقو

سلام اهل الكرم فوق الرجالة اتلاقو

[أم عسجد]

«®°·.¸.•°°·.¸¸.•°°·.¸.•°®»جدعاتكم عدييييييييييل عجبتني ذادت جني
ذيدوا النم كلام ي اخواني قربوا مني
و الخلاني جيت ليكم ادوبي و اغني
مشتاق للصحاب الما بخيبو ظني«®°·.¸.•°°·.¸¸.•°°·.¸.•°®»

اهلا ومرحب بيك همسه فرح
خلى البيب يجى يرد ليك باقى انا رتيب الكلام دا ماااابعرف لى

[هجره]

هاجر
السوداني ( هاجر ) يا بتّنا ما بهدلتهو جـــماعـه
في الساح سيوفو بتلمع .. تهزم.. أمم وجــماعــه
مشهور بالكرم والجود وشجاعتو والله شجاعـه
وحليل رجالناالفاتو ... ناس مضــر ورفــاعــه

كَتَّرْتوُ الكرم يا أخــو علي و فُتُّـونا

و ما خليـتو شــيء و الله خجلتـونا

عــارفين دار جعل كل القبائـل دونا

و عـارفين قَدْرَكُم و سامعين غُنَاها بنونة

[هجره]

جيتكم يا الحبايب عطشان بدور النم

في شدر السدار اتكل عشان انجم

نسام البلد الفيها المزاج بنتم

شوقاً للحبيب وكمان ولاد العم

[هجره]

السوداني يا التاي في القيادة براعة
في كل الأمم دايما أوامرو مطاعة
حد السيف كلمتو بتمشي زي الساعة
ود عز الرجال وقضيتو تب ماباعا

السودانى الحرف وصـل تــب مـا تبـاعــد

أرح بهنـاك نواصـل الدرب وسـاعـد

بنسج قوافي المعـاني تــواجــــــد

ونسمـات الطـرب للقـانــا تــواعـــد