هل بنات السودان جنووووووو

[المياسة]

(اذا لم تستحي فاصنع ما شيئت)

[king cairo]

ابكرش انت بتلوم البنات طيب لما مجتمعنا السودانى مجتمع محافظ
ياريت مافى راجل يتخصص فى ملابس البنات يا وقف بنت فى المحل
يا يسوى مقياس علشان البنات يقيسو فيه
ما معقول بنت تكون جاية من مشوار وتاخد البلوزة فى الاخر
تمشى ترجعها يعنى خلاص الوقت بقى كافى عندكم علشان
واحدة تمشى تشترى حاجة ما تطلع مقاسها تمشى تغيرها تانى.
ثانيا لما بتكون فى بنت بتبيع بتكون عارفة الاستايل حج الملابس اللى بتبيعها
غير كدا ممكن تقيف فى البروفة علشان تقدر تديها رأيها.
اذا كان البنات غلطانين فانتو بتتقاسمو معانا فى الغلط

[عبدالرحمن ابراهيم]

التربية هى الاساس وحسب علمى البنت المهذبة والمحترمة لا يمكن ان تتصرف بهذا السلوك

[بنت كوش]

يسلمو علي الموضوع

فعلا الشي دا ممكن يكون حاصل .

بس اكيد من بعض البنات ما كلهم

وبعدين هنا بتلعب التربيه والتنشئه دور

فلو البنت طالعه من اسره محترمه مستحييييييييل
تعمل كدي حتي لو رجعت من غير ما تشتري
شي ودا بيحصل كتييير
بس انها تخت نفسسها في وضع زي دا فماممكن..

بس لو هي اصلا زوله اي كلام فما في شي بيفرق معاها
وبالنسبه ليها الموضوع عاااااااادي
ولو زول حاول ينصحها فحتسمعو فاااااارغ..

وبعدين سيد المحل زااااااتو غلطان لي بيسمح بي كدي
قروش شنو دي التخلي يقبل بي كدي
(كما تدين تدان)

بس السبب الاول للحاصل دا
انو الدوله منعت اي محل هدوم يعمل مكان للقياس .

[مجنون جدا]

المواضيع دي بقت تخلي الزووووووووووول يتمنى لو كان عااااااااش في الزمن القدييييييييييييييييييييييييييييم

[ودالعاصمة]

[frame="8 80"]بسم الله الرحمن الرحيم
السلام عليكم
جنو بنات السودان ولا شنو
كيف يعنى البت تمشى السوق تشترى بلوزة ولا اسكيرتى وتلبسو قدام البائع والدايرين يشترو والامة البشرية كلها تعاين ليها ترفع يدها تلبس وترفع يدها وتقلع فى شنو الغلط وين ماممكن نكون وصلنا المرحلة دى
تقوليك بقيسو عشان ما يطلع كبير ولا صغير
فى واحدة ولا واحد بمشى يشترى حاجة وما عارف مقاسو طيب فالنفرض ما عرفت مقاسك قول انك حتجى تبدلو لو بقى فيهو اى خلل موش اجربو فى الشارع وخلق الله كلو بعاين لى فى حاجة غلط
دى كارثة
وجه البنات بقى زى الحيطة لا يتأثر وقد هرب الحياء منه
عيب والله عيب[/frame]

انا قايتو لافى فى اسواق الخرطوم دى لى فترة وماحصل لاقانى حاجة زى دى لكن ممكن اكون معاك جريئ شوية واقول ليك انو فى بعض البنات بيشيلو الملابس الداخلية وبقيسوها وبمطوها عشان يتخيلو المقاس وانا ماعارفك انتى قاصد كدة ولا قاصد حاجة تانية المهم الموضوع دة طبعا مرفوض وحاجة ماحضارية للبنات لكن المسالة مامتعلقة باالسودان بس دى طريقة للبنات فى كل العالم ومامسالة انو بناتنا جنو و بناتنا انحرفو دى حاجة ماحاصلة وبعدين مسالة بيع ملابس النساء دى زاتة فيها شوية احراج للتجار وحتى الرجال لكن المسالة مسالة عمل وارزاق والناس مجبورين لكن هناك اشياء يجب ان تصحح ولا بد من وضعها فى اولويات اللمتغيرات فى المجتمع السودانى

مشكور على الموضوع الجميل ياااااااا(اب كرش)

[بنت الأصول]

جزاك الله خير

بالفعل موضوعك منتشر في السواق

الحياء ما نزع الا عندما نزع الحجاب وعندما قل الوازع الديني

واصبح الناس يؤمنون بالماديات

وانا شايفه أن صاحب المحل ممكن ما يخلي واحده تقيس في محله

ولما زمااااااااااااااااان كان البنات بيلبسوا واسع كانت كل واحدة عارفة مقاسها

أما الآن واصبح الضيق هو السائد فهي ما بتعرف مقاسها لانها وبصراحة تبحث عن الضيق وليس عن مقاسها

وعلى ولي الأمر برضو الخطا سواء والد أو أخ او زوج

كيف يرضى لبنته تمشي السوق براها وهو محل الشياطين وفيه كل من هب ودب

والمشى كثير للأسواق ما كويس فما تكون عادة للبنات ولا النساء

وشكرا ع الموضوع

ملاحظة: كثير من بنات السودان عاقلات وديل ما يمثلوا كل البنات

[مهاجر في البلد]

ابكرش
احسان
كيمو
السنى

ليه دائما بنشن الهجوم على البت وفى الحالة دى بالذات المسكينة دايرة تشترى وما تتمقلب
المفروض انو الحكومة هى التقوم بالواجب وتعمل غرف للغيار مخصصة للنساء
طيب اذا المنظر دة عملو راجل تفتكروا بكون حضارى
طبعا نحنا دايرين البت تحافظ على ستر خصوصياتها
عشان كدة لازم كمان نساعدها مش نقعد نلوم فيها عملت وسوت والمفروض

واذا الرجال انصلحوا الدنيا كلها تنصلح

اخي العزيز ليس دفاعا عن الحكومة لانهالا بتعرفنا لا بنعرفا
لكن الحكومة تعمل غرف غيار في البوتيكات انت قاصد او تفرض على المحلات انو يعملو غرف للغيار لو كده معليش
بس لو الحكومة هي التعمل غرف الغيار دي كبيرة منك
والسبب يا اخوي البنت ثم البنت ثم البنت والتربية في البيت اولا واخيرا
البجبر البنت شنو انها تغير قدام ناس ما محارم بالنسبة ليها
احنا اخواتنا وفي البيت ما بغيرو قدامنا وما عقد بس الادب ادب والحياء مهم فهو تاج البنت

حتى الترزي زاتو انا بعرف بنات بشيلو مقاساتم في البيت وبكتبوها في ورقة واودوه للترزي طبعا بكونو عارفين من الترزي يشيلو مقاس شنو شنو شفاهة

ومشكورين
ويا ابكرش موضوعك دا 100%

[الحلوين]

[align=center]شكرالاخ العزيز ابكرش
علي الموضوع المهم والمهم للغايه
في الحقيقه هذه العاده هي قمه الانحطاط الاخلاقي .
طيب اين الاسره من هذه العادات ؟واين التربيه؟
الانسانه المربيه والطالعه من بيت محافظ لا تفعل هذه الاشياء .
واحد من الاخوه قال الحكومه تعمل محلات للغيار .الحكومه ياخي تعمل شنوه وتخلي شنوه تراغب حتي البنات في سلوكياتهم.هذه الكلام يوجه الي اصحاب المحلات هم ملزمين بتوفير امكان .
وياخي انا راجل مابعمل هذه الحر كه ناهيك عن حرمه وهي اصلا عورا
وهذا زمن المهازل
لاحول ولا قوه الا بالله العلي العظيم
الف شكر لك وتقبل مروري[/align][/color]

[أبو أحمد]

والله يا أبكرش إنت هو شفت حاجة؟

[ملاك الورد]

هههههههه و اكتر من كده كمان
جنو بنسبة 80%
تقبل مروري

[صانع الحب]

[align=center]نعيب زماننا والعيب فينا --------------ومالزماننا عيب سوانا
ونهجو ذا الزمان بغير ذنبا ----------- ولو نطق الزمان لنا هجانا
وليس الذئب ياكل لحم ذئبا ----------- وياكل بعضنا بعضن عيانا [/align]

[غربة و شجن]

[معتصم حامد عبدالرحيم]

[frame="8 80"]بسم الله الرحمن الرحيم
السلام عليكم
جنو بنات السودان ولا شنو
كيف يعنى البت تمشى السوق تشترى بلوزة ولا اسكيرتى وتلبسو قدام البائع والدايرين يشترو والامة البشرية كلها تعاين ليها ترفع يدها تلبس وترفع يدها وتقلع فى شنو الغلط وين ماممكن نكون وصلنا المرحلة دى
تقوليك بقيسو عشان ما يطلع كبير ولا صغير
فى واحدة ولا واحد بمشى يشترى حاجة وما عارف مقاسو طيب فالنفرض ما عرفت مقاسك قول انك حتجى تبدلو لو بقى فيهو اى خلل موش اجربو فى الشارع وخلق الله كلو بعاين لى فى حاجة غلط
دى كارثة
وجه البنات بقى زى الحيطة لا يتأثر وقد هرب الحياء منه
عيب والله عيب[/frame]

ما عشان نغلت البنات ديل لازم شوية تحديد يعني لمان تجي تغير هدومها بتقلع اللابساهن قدام البائع ولا بتجرب في الهدوم اللابساها ولا الحكاية بتكون كيف قدام البائع ولا قدام الناس الداخله ومارقه ولا .......... . غياظ أنا مش ؟؟ ..

[brain]

sarona
معليش الموضوع ما بسيط؟
كيف يعنى البت تمشى السوق تشترى بلوزة ولا اسكيرتى وتلبسو قدام البائع والدايرين يشترو والامة البشرية كلها تعاين ليها ترفع يدها تلبس وترفع يدها وتقلع فى شنو الغلط وين ماممكن نكون وصلنا المرحلة دى
تقوليك بقيسو عشان ما يطلع كبير ولا صغير
فى واحدة ولا واحد بمشى يشترى حاجة وما عارف مقاسو طيب فالنفرض ما عرفت مقاسك قول انك حتجى تبدلو لو بقى فيهو اى خلل موش اجربو فى الشارع وخلق الله كلو بعاين لى فى حاجة غلط
دى كارثة
وجه البنات بقى زى الحيطة لا يتأثر وقد هرب الحياء منه
عيب والله عيب

الاخ أبكرش
السلام عليكم ورحمة الله وبركاته
الطريقة التي تناولت بها للقضية تشكل تهمة قاسية للمرأة السودانية بصفة خاصة وللمجتمع السوداني عموماً. لأنه يتناقض تماماً مع الفطرة السليمة للانسان في مجتمعنا الشرقي . حيث أن المرأة أو الرجل في هذا المجتمع كلاهما يعي تماماً أن أي سلوك من شأنه أن يخدش الحياء العام سيجر عليه وابل من السخط وتطارده اللعنات الاجتماعية بلا رحمة . بل حتى المرأة وعندما تكون في أسوء حالاتها من الانحطاط لا تقبل أن تجاهر بذلك بل وتتستر بعباءة السلوك القويم والنهج المستقيم حتى تجنب نفسها من أن يضعها المجتمع موضع التهمة
فقولك ( تمشى السوق تشترى بلوزة ولا اسكيرتى وتلبسو قدام البائع والدايرين يشترو والامة !!! ) فهذا الكلام لا يمكن أن يحث في السودان إلا في حالتين :
الأولى : أن هذه المرأة مجنونة .
الثانية : أن هذه المرأة مخمورة
والحالتان متعلقتان بفقدان الوعي والادراك وهما موضع التكليف الذي يترتب عليه مبدء المحاسبة سواء كانت تلك الحالة مؤقتة أم بصفة دائمة .
ثالثاً : أن تعمم مثل هذه الحالة على بنات السودان شيئ مؤسف ويخرج الطرح عن حال الموضوعية .
وتقبل مروري

[بيبا]

انتو كمان ما تشنو هجوم ع طول في البنات يعني حسي الاولاد ما بعملو كدة
بعدين هي تعمل شنو تمشي البيت وتتمقلب بعدين اصلا ما عاملين غرف يقيسو فيها ليه
انتو اصلا دائما كدة في البنات ع طول تهاجمو واذا زول اتكلم فيكم تهاجمو وتطلعوا نفسكم ماشاء الله ملائكة

[بشوره الأموره]

من ناحية الغلط اكييييد غلط كبيير يعني انا ماعارفه هل ده كسل ولا قلة ادب ولا هي عشوائيه زياده عن اللزوم...يعني ما منظر حضاااري ابدا" ولا تقليدي عشان الواحد يقول ممكن نتقبل لكن في أخطااء كتيييره بتحصل ياجماعه خلو عندكم شوية رقي في أخلاقكم وتعاملاتكم عشان البلد دي تتقدم للأحسن وماترجع لي ورا والله كان رجعت لي ورا كان احسن انا زاتي ماعارفه ماشه لي وين..المهم في نقطه كمان مهمه رقدة الحريم في الحدائق والكورنيش والأماكن العامه اذا في السودان ممكن الواحد يقبلها لكن في السعوديه تتعمل الحركه دي طواااالي بتجي هيئة الأمر بالمعروف والنهي عن المنكر برضو دي حركه ماحضاريه ابدا" يعني المره كان تعبانه للدرجه دي ترقد في بيتها ولا شكلها حيكون بشع جدا بالذات في بلد غربه وكل الأنظار بتكون عليها ودي سمعه سيئه لبلدنا ياجماعه شوية نظام ورقي مامعقوووله..

[ورده العشاق]

اشكرك على طرحك اخي الكريم

بعض البنات ضعف عندهم الوازع الديني وكمان تربيه الاهل للبنت ليها دور
بس انا من رآيي انو ما نحكم على البنت انهاا جنت بسبب انها تقيس جوا المحل والناس يعاينوو يمكن فيه مشقه انها تروح وترجع تبدل هدي الملابس فما تشنوا هجوم على البنت :)

[king cairo]

يا جماااااااااااااااااااااااااااااااااااااااعة انتو بتتكلمو عن الاسرة والتربية طيب لى الشباب احتمال تكون دى اختك او بنت خالتك بتعمل كدا او اى واحدة من الاسرة انتو ما ماشين معاهم تراقبونهم فى كل مكان بس مافى داعى تجيبو اللوم على التربية وبعدين شنو البقول ليك اديها شلوت وما بعرف شنو دا تخلف ما اكتر واسلوب تربيتكم الغلط بدون نصيحة هو الوصل البنات للحد دا ابسط شئ ما خليتو البنات يكون عندهم حرية اختيار علشان كاد طول ما البنات بترغمهم على فعل شئ صاح تأكدو انهم حيسو الغلط علشان بس بسبب العناد علشان تحس انها سوت شئ من رايها .
وبعدين سوووووووووو مقيااااااااااااااااس يا جماعة يعنى العالم اتطور وانتو لسه قاعدين
ولماااااااااا انتو شايفين انو الشريعة والحياء طيب ليه ما خليتو محلات الملابس البناتى للبنات فقط والعكس صحيح .ولا الدين بنطبق علينا وانتو ماخدين اعفاء