هل بنات السودان جنووووووو

[علي ابكرش]

[frame="8 80"]بسم الله الرحمن الرحيم
السلام عليكم
جنو بنات السودان ولا شنو
كيف يعنى البت تمشى السوق تشترى بلوزة ولا اسكيرتى وتلبسو قدام البائع والدايرين يشترو والامة البشرية كلها تعاين ليها ترفع يدها تلبس وترفع يدها وتقلع فى شنو الغلط وين ماممكن نكون وصلنا المرحلة دى
تقوليك بقيسو عشان ما يطلع كبير ولا صغير
فى واحدة ولا واحد بمشى يشترى حاجة وما عارف مقاسو طيب فالنفرض ما عرفت مقاسك قول انك حتجى تبدلو لو بقى فيهو اى خلل موش اجربو فى الشارع وخلق الله كلو بعاين لى فى حاجة غلط
دى كارثة
وجه البنات بقى زى الحيطة لا يتأثر وقد هرب الحياء منه
عيب والله عيب[/frame]

[احسان]

والله يا اخ ابكرش
معاك حق بس دى على قد فهم البنت
يعنى انا مثلا مستحيل اجرب لبسة فى دكان
يعنى على حسب تفهيم الاهل للبنت
وبعدين لو قلت لاى واحدة الكلام دى بيقول عليك معقد
وبلدى خالص والناس اطورت ونحنا فى عصر السرعة
بس الكلام دى كلو خطاء
الدنيا اطورت اه
بس الاخلاق اتغيرت لا يعنى مفروض اخلاقنا ما تتغير
بتطور الدنيا او بمجرد تفهم الاهل نحنا نستغل ذلك

مشكور على البوست

[كيمو]

علي ابكرش يسلم فمك يا رائع
والله دي عوجه نحن الكلام دا قلناهو زمااااااااااااااااااااان
قلنا البنات ديل جنو لكن الناس ما دايره تصدق خليهم يستعرضوا كويس
عشان العرسان يجوا مشكوووووووووووووووووووور يا مان

[sunni]

في وصف للرسول (ص) قالوا انه كان حيي،، وانه كان كالعذراء في خدرها.... طيب يا بنات الزمن ده،، هل الرسول كان (بلدي) وانتو ال (يااااااي)
حسبي الله ونعم الوكيل،،،، الله لا يقابلني بي منظر زي ده،، والله لو معاها راجلها ولا أبوها ما كنت بقدر أسكت،، لأنه ده خدش للحياء العام،، ومنظر مؤذي.

أنا لي اسه مخلوع من منظر شفته قبل سنين في دكان في الخرطوم لي واحدة في محل عام،، شافت المرايا،، ووقفت تصلح (الميكب) بتاعا،، وتعمل في أحمر الشفايف وتتمطق،، كأنه الدكان ده كله محارمها

ماشين وين نحن يا جماعة؟؟؟ والدنيا بقى مافيها ود بلد قلبه حار،، يشلت بدل ما يتكلم؟؟؟ عشان الزي ديل يتأدبوا؟؟؟

اللهم أرحمنا يا رب،، وأحمي ولايانا،،، آمين

[العربى]

ابكرش
احسان
كيمو
السنى

ليه دائما بنشن الهجوم على البت وفى الحالة دى بالذات المسكينة دايرة تشترى وما تتمقلب
المفروض انو الحكومة هى التقوم بالواجب وتعمل غرف للغيار مخصصة للنساء
طيب اذا المنظر دة عملو راجل تفتكروا بكون حضارى
طبعا نحنا دايرين البت تحافظ على ستر خصوصياتها
عشان كدة لازم كمان نساعدها مش نقعد نلوم فيها عملت وسوت والمفروض

واذا الرجال انصلحوا الدنيا كلها تنصلح

[جذاب وما كذاب]

(اذا لم تستحي فاصنع ما شيئت)

(وما كان الحياء في شئ الا زانه)

مشكور ابو علوه
بس عليك الله بلاش من استخدام صيغ الجمع والتعميم

[mohab ahmed tombel]

حتي الجنون عذر لهم ياابو علوي لان رفع القلم عن المجنون لو في حاجه ذي دي حقيقة نسميها سفالة وقلة ادب وخروج من بيت متدني ولا تطور الزمن ولاشئ تطور الزمن وجود غرفة داخلية يمكن تغير فيها رقم خطورة برضو مش علنا وعلانية

[الرشيد ابراهيم]

السلام عليكم ترددن كثيرا في الرد
اريد ان اضيف شيا بسيط جدا من غير توسع وذلك لبعد عني بلدي لزمن طويل جدا
فلنفترض ان البنات جنو او اصيبو بالجنون او اي وصفه تناسب هذه الحاله اذان ما نسمي من سمح لها بان تغير ملابسها اما عنينيه هل بلجيكي الاصل ؟؟؟
اذان اخوتي لا نعيب الزمان ونحن مصادر العيب ويجب السعي للعلاج لا لتشهير
لماذا لايرفض الرجل هذا السلوك حتي لو اضر ان يحدثها باسلوب يجعلها تترك ما تريد ان تشتري يسند امره لله في رزقه عملا بالايه (( من يتقي الله يجعل له مخرجا ))
شكرا الاخ ابو كرش ويجب قبول الراي والري الاخر

[Soft Fingers]

طبعا الموضوع اكبر من واحدة عاوزة تجرب ملابس اشترتها جديدة، الموضوع: أخلاق بلد كامل بسرعة الصاروخ متجهة نحو الدرك الاسفل من الإنحطاط الاخلاقي، ملف أخلاق البلد أصبح يصرح ويبكي ويسأل مين ح يفتحه للناس عشان تتصفح صفحاته اصبح الملف كله ألم ووجع يحسه فقط من قلبه إيمان وبس. أما الباقين هم من يدنسون أخلاق البلد بقصد او من غير قصد. اطلب منك يا سعادة الريس ان تفرد له مساحة اجبارية لأنه (إنما الأمم الأخلاق ما بقيت ... فإن همو ذهبت أخلاقهم ذهبوا) ونحن كنا امة ذات طابع خاص، فريد في نوعه نعيش الحياة تسامح، ونتعامل بالفة ومودة ولكن مرت تلك السنوات والايام واليوم نبكيها بحرقة لانها ولت بلا رجعة، لانه حلت بعدها ثقافة القنوات الفضائية بكل سيئاتها، ولم نأخذ منها الحسن.
بصراحة من بدري عاوز اففتح الملف ده واتصفحه معاكم لكن الايام الماضية كانت لدي ظروفي الخاصة واعتذر من كل الشباب عن الغياب ولكم العتبى حتى ترضو (وشكلكم رضيتو )

[استارو]

بالجد الواحد ماعارف يقول شنو بس الخوف
حيدخل للكل بمانسمعه هنا اذا كان الحال الان كدا
الله يكفينا شر المستقبل ؟ ياربى بعدين الغيار حيكون وين
العالم بقت ماتستحى ونحن مانلوم البنات نلوم انفسنا لانهم فى النهاية
خرجن من عندنا ياريت نراجع انفسنا ((وماخفى كان اعظم))
فعزرآ اليك حواء

[العسوله]

افعل ماشئت فانت محاسب عليه
بعدين فكرة صغيرة:: عمل غرف غيار وانتهى الموضوع
تحياتي

[جذاب وما كذاب]

[frame="7 80"]بعدين يا اخوانا انتو تعالوا هنا شنو شابكننا البنات عملوا والبنات سوو
انتو هم البنات ديل بنات منو ما اخواتنا وعماتنا وخالاتنا
احنا ليه دايما اي زول بلوم التاني ونعلق علي شماعه البنات
يا اخوانا اي زول يشوف نفسو ويحاول علي البقدر عليو
(وما يغير الله ما في قوما حتي يغيروا ما بانفسهم)
لا تذكر عورات الناس فكلك عورات وللناس السن)[/frame]

[علي ابكرش]

احسان
مشكورة علي السرد الرائع دة.

[علي ابكرش]

كيمو يا عسلليييييييييييييييييييييي.
الحمدي لله انك صدقتا انو البنات جنوووو.
وليييييييييييييييي قدام يا غالي

[علي ابكرش]

العربي
العيار الما بصيب بدوش.
لكن صدقني الخرطوم صارت باريس.

[علي ابكرش]

حبيبي جذاب هذا التصرف ..يندرج تحت عدم الحياء الذى بات ظاهرة لبعض بنات بلادى ..واصبحن لا يعطين اى اعتبار لتصرفاتهن ..
السؤال الذى يطرح نفسه اين الخلل ؟؟
المعروف ان المجتمع السودانى مجتمع محافظ ...ولكن مع تطور الحياة فى هذه المرحلة الاخيرة من السنين وانفتاح السوق الاستهلاكى وتوفر الا شياء وبداية الطفرة الاقتصادية ورغم حالة الفقر الا ان الملاحظ ان سلوك الناس تغيير واصبح هناك تسابق بين البنات ففى ارتداء الملابس كيفما شاء واين ما شاء وليس البنات فقط بل الرجال ايضا ..وهناك سرعة فى الايقاع ورغبة مستمرة فى الظهور بمظهر جديد ..ومابين هذه الرغبات والاندفاعات سقطت الاخلاق والمبادى والحياء العام ..
لا المراة يكسوها الحياء ولا الرجل يكسوه الوقار ...وما خفى اعظم ..
هنا الدور ملقى على الاسرة التى تربى ..وهى مشغولة ايضا باللهث اليومى لتوفر لقمة العيش ..
فيصبح الابناء بلا راعى او مسئول احيانا ...
وملاحظتى ان المسالة لها علاقة بالثقافة ..اى ان نعرف كيف نتصرف ؟؟ومتى نفعل كذا ومتى لا نفعل كذا ...البعض يعتبر هذه الاشياء بسيطة ولكنها مؤثرة ..
نحتاج الى ترتيب حياتنا من جديد .يااااااااااااااااااااااااااا جذاب

[علي ابكرش]

مواهب
الرشيد
كلامكون صحيح ومنطقي وريت الحال تتقير

[علي ابكرش]

soft
وحاجة زي دي مرفوضة في مجتمعنا السوداني الأصيل


ياريت حصلت مراجعة من الجهات المعنية لتحسين الصورة دي

[علي ابكرش]

العسولة يابت اكيد قاصده الترزي
حقيقي مرات المحل ما بكون بي نفس المواصفات المطلوبة

[علي ابكرش]

استارو
من فمك ولي الله
مشكور علي مرورك