ثقافة مزارعية ( عنقالة)

[الشمالي]

انا اول مرة اسمع بالاسم دا

لكن الحميض يشبه التبش

لكن يا نعيم التبش دا شنو؟

هع

التبش تبش عجور والصلعة
تولع نووووور غاااااغ

التبش ده جربتو بالشطة والليمون بصراحة
لذيذ
كااااااك

[الشمالي]

يااا جماعة العجور لما ابقي كباااااار ويتعدي مرحلة
(الرخص ) بمراحل وحجمها يبقي قريب حجم البطيخة
بطلقو عليها اسم انا رائح علي في واحد فيكم عارف
الاسم ده شنو ؟

[محمد نعيم]

يااا جماعة العجور لما ابقي كباااااار ويتعدي مرحلة
(الرخص ) بمراحل وحجمها يبقي قريب حجم البطيخة
بطلقو عليها اسم انا رائح علي في واحد فيكم عارف
الاسم ده شنو ؟

والله يا الكيك غلبتني

لكن بعرف البامية بقولو ليها كاويق

متل ابو صديق كاويق المنتدى

[أبو صديق]

قلت لي الزووول الله يرحمه قنع من حق
البطيخ قروش قال احسن اطلع منو بحسنات
والمال تلتو ولا كتلتو غااااغ

عنقليزي كامل الدسم كااااك

والله عفاها عن طيب خاطر
رحمة الله عليه
بالمناسبه البتيخ له أسماء عديده ياريت نحصيها ونعرف كل ولاية بتطلق عليه شنو
ومناطق زراعته وأهم الأسواق والمشاكل التي تعانيها زراعته وتسويقه علما بأننا لا
ولم ولن نصدر البطيخ يوما
من أسماء البطيخ المحليه
التمك ، الدقل ، وبعض المتنورين بقولو الحب حب
أمعط لي شُطُف وبرجع ليييك

[الشمالي]

والله يا الكيك غلبتني

لكن بعرف البامية بقولو ليها كاويق

متل ابو صديق كاويق المنتدى

ونحن بنقوووول عليها ( مشيّخة)
ودي تاني ما تنفع الا ويكة
كاااااااااااااك

[الشمالي]

والله عفاها عن طيب خاطر
رحمة الله عليه
بالمناسبه البتيخ له أسماء عديده ياريت نحصيها ونعرف كل ولاية بتطلق عليه شنو
ومناطق زراعته وأهم الأسواق والمشاكل التي تعانيها زراعته وتسويقه علما بأننا لا
ولم ولن نصدر البطيخ يوما
من أسماء البطيخ المحليه
التمك ، الدقل ، وبعض المتنورين بقولو الحب حب
أمعط لي شُطُف وبرجع ليييك

والله كلامك سمح تب , وانا بتخايل لي من
اكبر مشاكل تسويقو انو سريع العطب ولا
يتحمل ترحيله الي مسافات بعيدة ويصعب
تصديرة الا وفق ظروف معينة قد تزيد من
تكلفته لذا يفضل المزارعين تسويقه بالداخل
وهو من المحاصيل الموسمية
رائك شنو ؟

تخريمة
دائر تاخد ليك شُفط شنو ؟
عشان ما اتداخل علينا الاختصاص

[أبو صديق]

والله يا الكيك غلبتني

لكن بعرف البامية بقولو ليها كاويق

متل ابو صديق كاويق المنتدى

كاويق ولأ أب كريق تمّساح اب كبلو الضارب الليّه
كع

ونحن بنقوووول عليها ( مشيّخة)
ودي تاني ما تنفع الا ويكة
كاااااااااااااك

ويكه ياتا فيهم سارا ولأ هولت الخلا كااااااااك
شوف سماحة العجور ده

العَجّور نبات عشبي حولي زاحف زراعي أوراقه مفصصة وأزهاره صفراء صغيرة وثماره طويلة تشبه إلى حد ما الخيار. تعرف القثاء بعدة أسماء فيعرف في اللغة العربية “القُشءعُرء” وتعرف في بلاد الشام باسم “المقتي والقتي”، ولذلك تعرف باسم القث.يعرف القثاء علمياً باسم Cucumis sativus من الفصيلة القرعية.ولقد ورد ذكر القثاء في القرآن الكريم في الآية رقم “61″ في سورة البقرة.هناك شكلان من العجور طويل و بيضوي، متشابهان في التركيب الكيماوي مع اختلاف بسيط في نسبة التركيب الكيماوي حيث يتفوق البيضوي منه على طويله، مما يعطي النوع البيضوي طعماً أفضل..!

وتغنى الشعراء العرب بوصف الطويل منه، المعروف حينها بالقثاء، و إليكم ما قاله الشاعر ابن المعتز:
أنظر إليه أنابيباً منضدة من الزمرد خضراً ما لها ورق
إذا قلبت اسمه بانت ملاحته وصار مقلوبه أني بكم “أثق”

وقال فيه الشاعر السري الرفاء:
وعقفاء مثل هلال السماء ولكنها لبست سندساً
عراقية لم يذب جسمها هزالاً ولم تجس فيما جسا
زبرجدة حسنت منظر اًو كافورة بردت ملمسا
على رأسها زهرة غضة كنجم الظلام إذا عسعسا

الجزء المستعمل من القثاء هو الثمار
محتويات القثاء الكيميائية: تحتوي القثاء على فيتامينات (أ، ب، ج) وكالسيوم وفسفور والحديد والكبريت ومنجنيز. وهو قلوي مبرد.

ماذا قال الطب القديم عن القثاء:قال ابن البيطار في القثاء أنه أخف من الخيار وأسرع هضماً وهو يبرد ويرطب، والقثاء والخيار والقرع من أغذية المحرورين ويضر المبرددين وينبغي الا يكثروا منه.وقال ابن جزلة “القثاء يسكن الحرارة والصفراء ويوافق المثانة ويدر البول ويسكن العطش وشمه ينعش المغمى عليه من حرارته وورقة مع العسل على الشرى البلغمي، وأكله ينفع من عضة الكلب”.

وقال ابن سينا: “القثاء الطفة النضيج ، فيه إدرار وتليين وينفع من أوجاع المذاكير وهو موافق للمثانة”.

وقال الرازي “القثاء أخف من الخيار وأسرع نزولاً ولا يسخن البدن”.أما ما قاله الطب الحديث عن القثاء:وصف الطب الحديث خواص القثاء فقال إن خواصه مثل خواص الخيار فهو مرطب منظف للدم مذيب للأحماض البولية وأملاحه مدر للبول. وتستعمل القثاء من الداخل لخفض درجة الحرارة وضد التسمم ولمغص الإمعاء وتهيجها، وضد زيادة الصفراء ونزف الدم ولداء المفاصل والعصيات القولونية.

ويستعمل القثاء خارجياً ضد الحكة الشديدة والقوبا والعناية ببشرة الجلد.ويستعمل القثاء لعلاج النمش والكلف حيث يمزج عصير القثاء مع حليب طازج ويغسل به مكان النمش والكلف.كما يستعمل للجلد الدهني وبالأخص الوجه حيث يطبخ القثاء في ماء بلا ملح ويغسل به الوجه. كما يستعمل القثاء لغضون الوجه وذلك بعمل شرائح من القثة وتوضع على الوجه بضع دقائق يومياً.هل هناك أضرار للقثاء؟لا توجد أضرار جانبية للقثاء عدا أن أصحاب المعدة الضعيفة يتعبون عند تناول القثاء نيئة ،ولكن بامكانهم استعمال القثاء كل 24ساعة مرة واحدة بعد أن يضيفوا لها ملحا بحريا (ملح بلدي).

[محمد نعيم]

ابو صديق جيهتنا تب

[محمد نعيم]

العجور ورد في القران الكريم في سورة البقرة

والله تعالى أعلم

بسم الله الرحمن الرحيم

{وَإِذْ قُلْتُمْ يَا مُوسَى لَن نَّصْبِرَ عَلَىَ طَعَامٍ وَاحِدٍ فَادْعُ لَنَا رَبَّكَ يُخْرِجْ لَنَا مِمَّا تُنبِتُ الأَرْضُ مِن بَقْلِهَا وَقِثَّآئِهَا وَفُومِهَا وَعَدَسِهَا وَبَصَلِهَا قَالَ أَتَسْتَبْدِلُونَ الَّذِي هُوَ أَدْنَى بِالَّذِي هُوَ خَيْرٌ اهْبِطُواْ مِصْراً فَإِنَّ لَكُم مَّا سَأَلْتُمْ وَضُرِبَتْ عَلَيْهِمُ الذِّلَّةُ وَالْمَسْكَنَةُ وَبَآؤُوْاْ بِغَضَبٍ مِّنَ اللَّهِ ذَلِكَ بِأَنَّهُمْ كَانُواْ يَكْفُرُونَ بِآيَاتِ اللَّهِ وَيَقْتُلُونَ النَّبِيِّينَ بِغَيْرِ الْحَقِّ ذَلِكَ بِمَا عَصَواْ وَّكَانُواْ يَعْتَدُونَ }البقرة61

[الشمالي]

ايديك العافية ابوصديق علي المعلومات الوافرة
عن العجووووور

[الشمالي]

العجور ورد في القران الكريم في سورة البقرة

والله تعالى أعلم

بسم الله الرحمن الرحيم

{وَإِذْ قُلْتُمْ يَا مُوسَى لَن نَّصْبِرَ عَلَىَ طَعَامٍ وَاحِدٍ فَادْعُ لَنَا رَبَّكَ يُخْرِجْ لَنَا مِمَّا تُنبِتُ الأَرْضُ مِن بَقْلِهَا وَقِثَّآئِهَا وَفُومِهَا وَعَدَسِهَا وَبَصَلِهَا قَالَ أَتَسْتَبْدِلُونَ الَّذِي هُوَ أَدْنَى بِالَّذِي هُوَ خَيْرٌ اهْبِطُواْ مِصْراً فَإِنَّ لَكُم مَّا سَأَلْتُمْ وَضُرِبَتْ عَلَيْهِمُ الذِّلَّةُ وَالْمَسْكَنَةُ وَبَآؤُوْاْ بِغَضَبٍ مِّنَ اللَّهِ ذَلِكَ بِأَنَّهُمْ كَانُواْ يَكْفُرُونَ بِآيَاتِ اللَّهِ وَيَقْتُلُونَ النَّبِيِّينَ بِغَيْرِ الْحَقِّ ذَلِكَ بِمَا عَصَواْ وَّكَانُواْ يَعْتَدُونَ }البقرة61

ما طالبني حليفة يا ود النعيم كان نفسي اعرف (قثائها)
ده يطلع شنو ؟ والليلة عرفت تب

[محمد نعيم]

ما طالبني حليفة يا ود النعيم كان نفسي اعرف (قثائها)
ده يطلع شنو ؟ والليلة عرفت تب

سمعتها من الشيخ عبد الحي يوسف في برنامج فتاوي في قناة الشروق قبل كم يوم

[الشمالي]

سمعتها من الشيخ عبد الحي يوسف في برنامج فتاوي في قناة الشروق قبل كم يوم

اها كان كدي شوووف لينا فومها دي

كاااااااااااك

[أبو صديق]

ابو صديق جيهتنا تب

خلاص جيب الشطه والليمون
كع

ايديك العافية ابوصديق علي المعلومات الوافرة
عن العجووووور

تسلم حبيبنا والأيام دي موسمو ألحق

[الشمالي]

خلاص جيب الشطه والليمون
كع

تسلم حبيبنا والأيام دي موسمو ألحق

والله ياا ابوصديق شكلنا المؤسم ده
بنفوتو وما في النصيب غااااااغ

[عمار ود الشرفه]

ماشاءالله عليكم ... ثقافه عنقاله جد ... والله العظيم انا الحين بتكلم معاكم وفي يدي شطف بتيخه احمرررررر حمار الليل ... كـــــع ..
قولت لي يا ود النعيم ما بتعرف التبش ... علي الحرام الايام دي عندنا تبس بلدات تاكلو بي قشرو شدة ما سمح ...
انشاء الله يا الشمالي تضوقها السكيرانه لكن اكان جيتنا بنضوقك ليها تب ... بنزرقها ليك في كباية شااااي ... كــــــــع ...
الله يرحم الرجل القامه عبدالله خضر لاقينو مرطب عشان كدا ما بسأل من البتيخ الشالو منو ...
لكن جيهتونا والله اديتونا معلومات قيمه

[مواطن مجنتر]

..


ها ناس ها ..

أشى شنو أنا خاشى لي بوست ولاّ مترة ..

[الشمالي]

ماشاءالله عليكم ... ثقافه عنقاله جد ... والله العظيم انا الحين بتكلم معاكم وفي يدي شطف بتيخه احمرررررر حمار الليل ... كـــــع ..
قولت لي يا ود النعيم ما بتعرف التبش ... علي الحرام الايام دي عندنا تبس بلدات تاكلو بي قشرو شدة ما سمح ...
انشاء الله يا الشمالي تضوقها السكيرانه لكن اكان جيتنا بنضوقك ليها تب ... بنزرقها ليك في كباية شااااي ... كــــــــع ...
الله يرحم الرجل القامه عبدالله خضر لاقينو مرطب عشان كدا ما بسأل من البتيخ الشالو منو ...
لكن جيهتونا والله اديتونا معلومات قيمه

هاا جنا ليل وين المحومر ده ! كااااااك

[الشمالي]

..


ها ناس ها ..

أشى شنو أنا خاشى لي بوست ولاّ مترة ..

داخل حواشة كاااااااااااااااااااك
شكلك زووول بحر ساااااكت
المتر دا دحين ما بابووووور البحر
ولا انا غلطان .

[عمار ود الشرفه]

داخل حواشة كاااااااااااااااااااك
شكلك زووول بحر ساااااكت
المتر دا دحين ما بابووووور البحر
ولا انا غلطان .

الياها زاااااته بابور بحر بس بتكون بعيده شويه من البحر لانها عباره عن بير وبابور البحر ما محتاجه لي بير الا وقت الجفاف لمن البحر يرجع ... والمتره غالباً بتكون في المناطق الممتده علي النيل وكلما كانت المتره قريبه من البحر بكون عمق البير اقل