بصراحة شديدة أنا جدا غير موافقة على هذه العادة والحمد لله أن الناس بدأت تتخلى عنهاودالعاصمة كتب:
عادتنا السمحه هل بدات في الاندثار
ام انها مازالت باقيه وهل انت
موافق عليها ام لا؟؟!!
الجرتق:
تجري طقوس الجرتق حيث يذبح
الخروف وتوزع الحلاوة والفاكهة
على الحضور وسط غناء البنات
{ده اليوم الدايرنوا ليك ياعروسنا
مبروك عليك }
وتتنقل العروس للبقاء مع زوجها ،
تحضر صينية الجرتق وتتكون من
الدلكة والبخور والمحلب ومسحوق
الصندل والخمره ، وتحتوى الصينية على الحق والمخبر
وصحن الحنة وبه شموع ملونةمشتعلة
وهو سيد تلك الطقوس بلا منــازع
حيث يجتمع أهل العروسين
وأصدقاء العريس والجيران حول
عنقريب الجرتق ويفرش بملاءة
خاصة ذات لون احمر جذاب وحوله
جريد النخيل ولا بد أن يستقبل
(القبلة )وأمامها صينية الجرتق ،
ويعتبر الجرتق فال حسن وفي لحظات الجرتق تقوم البنات بوضع
الحناء على أيدي أصحاب العريس
وخاصة الوزير وهو الشخص
المقرب من العريس وايضا هناك
عاده بخ اللبن حيث يقوم العروسين
ببخ بعضهما بالبن
دى وحدة من العادات السودانية وبى صراحة فى بعض الناس بتنتقد فيها وفى بعض الناس شايفنها حاجة مميزة للعرس السودانى آراء متعددة فى الموضوع دة
لأنو ما ممكن أبدا أقابل نعمة ربنا علىّ بمعصيته من أول يوم
الحريرة البتتربط للعريس وفي نصها دهب تُحرّم عليه لبس الحرير في الجنة ومعروف إنو لبس الدهب والحرير للرجال حرام لقول الرسول صلى الله عليه وسلم{هذان حرام على ذكور أمتي حلٌّ لإناثها}
أما عن اللبن السنة طبعا إنو العريس يشرب ويعطي زوجته تشرب لفعل النبي صلى الله عليه وسلم ولكن أن يرش اللبن وهو نعمة على الحاضرين والعروس ففيه إمتهان للنعمة
وأما ما لم أسمع به هو أن تضع الفتيات الحنة لأصحاب العريس ولا حول ولا قوة إلا بالله
أما خاتم الجنيه البلبسو للعروس عشان ما تتكبس (لكي تنجب) أعتقد إنو إعتقاد عجيب خصوصا إنو الجنيه مرسوم فيه أحد الكفرة وفي ذلك تعظيم ليهو
ووجود العريس في نص البنات والنسوان والعجب كمان كان دخل أصحابو يتفرجو في عروسو تبقى فضيحه
أنا غايتو شايفه بكل المقاييس دي عادة ما كويسه فيها مخالفات شرعية وإعتقادات عجيبة الحمد لله إنو الناس وعت وبدت تتخلى عنها
والسودانيات مشهورات بالحشمة والحياء وإتخيل لي دي العادات المفروض يحافظو عليها ولا رايكم شنو؟
لأنو العروس بترقص للبنات وما بترقص لعريسها الهو أولى ولو رقصت ليهو بعد العرس والله بتكون أحسن لكن ترقص بلبس خليع وكل ما ليهو زايد خلاعه لي نسوان الحلة وأولاد الجيران بالحيط ولو خلاص عملو كنترول بتصلهم الصور الفي الموبايل وحكاوي نسوانهم بعد ما يرجعو من العرس
