مجـــــــــــــــــادعــــات

[عاشق أمونة]

الأخوة الأعزاء :
سلام الله عليكم ورحمة الله وبركاته
أنا أخوكم عاشق أمونة ،،، بفش غلي في هذا المنتدى العامر وعسى أن لا أضايقكم بالموضوع الموحد عن أمونة فقط ولكن نلتمس الشعر فقط ليس بشاعر وليس بساحر ،،، بل من متذوقي الجمال ،،،،، وسوداني ومن الكبابيش لو تعلمون عن الكبابيش شيء رعاة إبل أعزاء في نفوسهم ولهم تذوق وطعم خاص عن الجمال وعن الجمال ... فتعبيراتنا قد تتعارض مع زمن التقنية في حين أن شعراؤنا الكبار يكتبون ترنمهم ولوعة فراق الحبيب في الشوقارة وغيرها ،،،،،، وبعض أهل المدن يكتب عن فرقته عن الشات والموبايل وعن العولمة والتكنولوجيا ،،، وأذكركم بأني مهندس كمبيوتر وليس أمي بل من أعلى المؤهلات وأجيد لغتين ولكنني عاشق للفن القديم والشعر البدوي أكثر من غيره ،،، حتى في سماعي للأغاني لا أسمع الا الكبار مثل : ابراهيم الكاشف - حسن العطبراوي- مبارك حسن بركات ......الخ.
لا أطيل في الحديث لان خير الكلام ما قل ودل وما لي قصد الا ان أضع الصورة واضحة للقارئ الكريم وان يتقبل عذرنا وخصخصتنا للشعر البدوي فقط (الكردفاني الكباشي)
ولكم أجمل التحايا
عاشق أمونة

[عاشق أمونة]

من كتر ريدي احتاروا الناس
زاد أزاي وزاد الهلواس
مشكلتي عزيز النفس وحساس
لامع زي الدهب وسط الالماسعاشق أمونة

[عاشق أمونة]

سدرنا وعجالنا اشتاق للرضعة
كايسين زمن كايسين سبب للرجعة
نشوف اللشيتر وتبهدلو الشمعة
والناس تهمل عملها ومجتمعة
عاشق أمون

[عاشق أمونة]

سبحان من خلقك وجعلك مصيونة
وأداكي من الصفات خصل مزيونة
تمشي روحنا تنبهل تفقد المرونة
تطير مشاعرنا تفارق سكونة
عقولنا طارت زاددت جنونة
عاشق أمونة

[عاشق أمونة]

سهر الليالي الخلاني أكبر سريع
وشغل البال عذبني خلاني اضيع
مشهورة الحالة بلا تصنيع
بتشابى ليكي وبهاتي زي الطفل الرضيع
عاشق أمونة

[عاشق أمونة]

بدون عنواني ديمة حالك
والجري بي وراكي ترى مهالك
حيرني كتلني عديل سؤالك
ديمة في المعزة تكتر أقوالك

[motr1]عاشق أمونة[/motr1]

[عاشق أمونة]

[motr1]أمونة مسيرتها متر في الطول
أمونة وجناتها تضوي تعمي الزول
بسمة أمونة جننتنا شالت العقول
خلتنا زي الراجي الماهية وبالو مشغول[/motr1]

[motr]عاشق أمونة[/motr]

[عاشق أمونة]

[movet=down]نانسي وشيرين جمال كهارب مزور
جمال امونة طبيعي ووشها مدور
خلقها ربي وليها صور
خلتني في جميع الحواري ليها أدور[/movet]

[moveo=down]عاشق أمونة[/moveo]

[عاشق أمونة]

مالي هوى في الحضر مالي
بهدلوني وشالو حسي وحالي
ربي رزقني من الريف غزالي
تزيد عذابي وتزيد ترحالي
عاشق أمونة

[عاشق أمونة]

وسط المدن ألف بت جميلة
تحير وتبهدل كل شباب القبيلة
لما تتحدر الحجاب تشوف ريلة
تهز الكون هز وتزيد قليلة

عاشق أمونة

[عليوة]

الاشيترليك الف تحية ياوهج الصباح ياقعدة العصرية يااشتركفاك الدنيا ليك مطية هبوب الدقش تديك الف تحية

[عليوة]

[color=FF8C00

]عاشق امونة يالكباشى اهديك رزات المطر فى رملة الضحوية واهديلك عيون امونة فى نغمة وترفى شوقنا ليك مدفونة.[/color]

[لبيب]

[align=center]الناير البشوشة الليلة جانا خيالا
يارب العباد انشاءالله اكون في بالا
السبب القبيل خلاها زايدة جمالا
عينا كالغزال جارحة وصعيبة منالا[/align][/size]

[عاشق أمونة]

للمجادعة تاني في باقي كلام
اللشيتر والشمعة عاملين اعلام
بتناوشو زي مرتين لي راجل تمام
مرة تجي ومرة تعمل انغام

[عاشق أمونة]

عاشق أمونة يخووووووووووووووض المجادعة فهل من مجادع ؟
عايزين واحد يتحدى المجادعة

عاشق أمونة

[لبيب]

[align=center]أنا لها ياعشق أمونة أرح ابقى مارق[/align]

[غريب ديار]

احلف يمين .. انك ولا متل البشر

وانك بشر ...
وانك حواس
تنزل علي قلبي اليباس ..
كشحة رذاذ ونقط مطر ...
تاقيت عليك باب العيون
سديت ممرات النظر
فتشت كل الجاني شوق ..
مريت عليهو قدر قدر ..
جيتيني كيف ؟؟
جيتيني كيف ؟.. ومافيا باب متكول قصادك وما اتكشر
وانا من زمان الليل طويل
قفلت أبواب الهوى وسلمت مفتاحا البحر ...
جيتيني كيف ؟؟؟
جيتيني كيفن والعمر
عديت محطاتو وعبر
شقيت فيافي الأمنيات ..
هداني احساسي وفتر
ما كنت قايلو بجيبني ليك
درب المحبين (الوكر)
تفضح عيوني هوايا ليك
يمرق احاسيسي الوتر ...!
غيرك منو البملانا شوق
يقلب نسايم ليلنا حر !
يدخل علينا متييين يريد
يمرق .. قليبنا يجرو جر
عذبني ريدك ما براي ..
اولاد بلدنا وناسنا صر
يانور عيونا وكت يتوه .. في الرملة والليل والقمر
يافيض مشاعرنا الطمح .. ماخلّ في عالمنا بر ..
زيك شويين مااا كتار .. في الدنيا انتي نفر .. نفر

[لبيب]

ياواحة الحسن الرزين
يابهجة لى كل البشر
ظلموك لو يختاروا ليك
زي نور بهاك وجه القمر

[حبوبة]

[align=center]يا صاحب الحرف الرزين
يامتعة للروح والقلب
يعافيك مولاك يا الحنين
ونسعد بحرفك ننطرِب[/align][/size]

[لبيب]

ليها بجر كلامي وديمة صادحة حروفي
بشتل ليها جوا قليبي كل جروفي
هي العارفاني بالحصل علي وظروفي
لصفات عينا تكتل بالمآت وألوفي