مجـــــــــــــــــادعــــات

[الطاهر التاي]

العرفي يا لبيب ...... ضيـع بنات الناس
ومن أخـبارو والله ........ البلد مـحتاس
وبت الناس العزاز لوت خلاص الراس
لا خافت من ابو .... لا أخ بشيل الفاس

[لبيب]

[align=center](البنوت قليل العندهن إحساس)
والله العظيم سون دواشة الراس
من الجن تقول ماهن بنات الناس
لا حياء لا أدب صداهن الوسواس[/align][/size]

[الطاهر التاي]

اللبس القبيح ...... صار موضه للبنوت
بالباب العديل .......... دخل أعز بيوت
لا زول بسألن ....... لا أخ بشيل نبوت
وشـن باقي تاني غـير يضربن شـلوت

[لبيب]

اللبس القبيح ...... صار موضه للبنوت
بالباب العديل .......... دخل أعز بيوت
لا زول بسألن ....... لا أخ بشيل نبوت
وشـن باقي تاني غـير يضربن شـلوت

[align=center]والله العظيم حار عقلي في البنوت
في الكفتريا ياكلن ويشربن في التوت
الخلى العقل بى وشو زاتو يفوت
للدين مابرن لاصامن أحد لاستوت[/align][/size]

[الطاهر التاي]

والعرفي يا لبيب .......هدم قلاع وبيوت
وكم نزفت قلوب ........ من غفلة البنوت
يقنعها الشقي ........ ويقول بحبها موت
وتقع في شراكو .... وكان أخير الموت

[لبيب]

والعرفي يا لبيب .......هدم قلاع وبيوت
وكم نزفت قلوب ........ من غفلة البنوت
يقنعها الشقي ........ ويقول بحبها موت
وتقع في شراكو .... وكان أخير الموت

[align=center]يا اخوي البنات صبحن شداد وشفوت
ان قلت الكلام فد كلمة مابتفوت
كابسن الرجال فاتنهم برشوت
حتى الكورة فالحات فيها عرفوا الشوت[/align][/size]

[abohijil]

يا ناس سلام عليكم وعن ازنكم اجدع معاكم شي

العوجة يا اخوان في المرقة من البيت
وفي اللمة مع شبان يستاهلو الخبيت
بالله كان شفتو ..تعاجلو بالكفيت
وتدي بعصاتك وتحرقو بالكبريت

[لبيب]

يا ناس سلام عليكم وعن ازنكم اجدع معاكم شي

العوجة يا اخوان في المرقة من البيت
وفي اللمة مع شبان يستاهلو الخبيت
بالله كان شفتو ..تعاجلو بالكفيت
وتدي بعصاتك وتحرقو بالكبريت

[align=center]مرحبتين حبابك تب وصلت وجيت
بنوتنا والشبان نار فوقا باغة زيت
الاولاد يمين زااااااتم قفافة خيت
ياحليلهم زمان كانوا الزمام للبيت[/align]

[الطاهر التاي]

الموضوع خطير دايرلو ورش وسمنارات
وداير وقفة رجال ......... يأدبو الفاجرات
وكمان ناس جادين ..... يقرروا القرارات
وكل البلد والناس في السوق وفي الحارات

[لبيب]

الموضوع خطير دايرلو ورش وسمنارات
وداير وقفة رجال ......... يأدبو الفاجرات
وكمان ناس جادين ..... يقرروا القرارات
وكل البلد والناس في السوق وفي الحارات

[align=center]ودالتاي اخوي موضوعنا مو شعارات
البنوت يمين فلتن على الطارات
الموضوع بدور الدق وبالطارات
عشان ما نكون فضيحة ونبقى تب فارات[/align]

[عاشق أمونة]

مجادعة وسيط :
حكاية شمعة واللشيتر أحلى حكاية
لا بكتبهم فكي لا حبر لا دواية
ينبسط البخش ويقرا قراية
قصص المشاكلين ويطلب الهداية

عاشق أمونة

[عاشق أمونة]

الحكاية ما هي شعارات
الحكاية في كترة الألوان والبنات
تختاري واحدي تب تقول جات
تلقاها غيرك عاملة ألف شات
***********
ما بمسكهن حبل ولا زمام
ما بطيعن زي بعير صوام
ديل الفيهن حيرت الفكي القدام
دوايتو اندفقت وعينو فارقت المنام

[عاشق أمونة]

دوام حياتي بدونك محال
بضوق المر في بعدك بالأكيال
سهرت كل الليالي الطوال
دمعاتي زارفات تغرق جبال
قلبك القاسي على شال
بفكر فيكي ساعات وقافلة الجوال
بفوت أيوب في الصبر ووسع البال
بفكر فيكي لما تفوت الأجيال
إن جنيت بقولو السبب أمونة
تعب وكد وجد وسرحة فال
ويوم الحشر ينادوني حرك تعال
تعاين فيها وما تشبع في الأقوال
يصدر جيل ويرحل كذا أجيال
شهيد في حب أمونة لا زال
في ختامي ليكي دمعي سيال
*
*
*
*
*
*
*
*
*
*
*
*
*
*
* وأصبحت جثة في كل الأحوال
وهمومي زادت والنوم علي طال
وحدي أناجي نجمات الأهوال
وعيب يا أمونة تبكي رجال
حيرتي عقلي فيكي دوام شغال
وقلبي عليكي في إنشغال
وبساوي في الصبر سيدنا بلال
وتحمل ألف مشعال
وإن كتلني ريدك شهيد وصال
يا ربي تتقبلني لو جيت مع الأبطال
نحشر معاك في الفردوس أحلى غزال
الدنيا يا ستنا حبل من الف حبال
برجاكي في دنيا الآخرة خير مقال
راجي الحشر متى يأتي حقي لي يكال
حافر على الخدود ستين من الأميال

[عاشق أمونة]

في الصباح ماشة المدرسة
بتفكري في التعبير وباقي الحصة
نحسب الساعات والدمعة مندسة
لا بقصر نهارك ضحك ولا ونسة
إنتي فوتي بنت علوم وبت هندسة
بنفتش وصابرين وجوهنا متكرفسة
بنصبر وبنقطع قلوبنا لي خمسة
سايق الترحيل بينا ما حسة
تجي أمونة راكبة ماشة بي ركشة
وقلوبنا ميتة من الزهج والدبرسة
وبنفكر متين نهايت الدوام طالت الحرسة
العبرات تخنق فينا من ستة لي هسة
ولو كان في جنات ربي روحي منغمسة
إنتي طالبة ونحنا روحنا منهرسة
عدمان الضحة وكل البسمة
نص ليكي واربعة للمدرسة
ان شاء الله تخرب العربية ولساتكها تنفشة
قاصدة أم بدة وتشوف دمعاتنا سايلة لسة

[عاشق أمونة]

أمونة أمس ما عبرتنا ماشة تقدل زي الريل لما هزتنا
قصة عاشق ريدتنا ما ضاق ربع من الضوقتنا
زادت هجرنا وازيتنا خلتنا زي شفع من كتر فرقتنا

[عاشق أمونة]

سمانا من دونك زاد أزاها وروحنا من بعدك الهم جاها
صابرين وماشين بي وراها وين نلقى الراحة والفؤاد معاها

عاشق أمونة

[عاشق أمونة]

بنكتب عنك ألف قصيدة
بنوصف ساقها وحتى جيدة
دي الفؤادنا ديمة وحيدة
لا بتنافسها مها ولا سارة ولا وجيدة
عاشق أمونة

[عاشق أمونة]

يا قميرية يا الحاويكي الطوق
زيدي في نوحك وعلي فوق
أني الكتلني الريد وكتلني الشوق
لي مراحي وابلي وجميع النوق
عاشق أمونة

[عاشق أمونة]

من الإبل ما بفرز درب الدعفس
ديمة تايتنا عامرة وهدامنا مكرفس
نحكي وبالنا فاضي ما مدمس
بس ريد أمونة خلاني في الهم مغمس

عاشق أمونة

[عاشق أمونة]

من غياب أمونة حالتنا محسوسة
وصورتنا ديمة للعوازل معكوسة
نناجي النجمات وآهتنا ملموسة
فارقنا السعادة لو روحنا في السعادة مغموسة
عاشق أمونة