شواكيش حسب التخصصات

[mis.silent]

الشواكيش في الجامعات

كلية طب الأسنان :لم يحصل تسوس بالشكل دا في حياتنا يا عشة لازم نقلع أسباب التسوس
من جذوره ,التخدير الموضعي للآلام مابيحل مشكلة وبقيتي حشوة مؤقتة
لقلبي وانا محتاج حشوة دااااااااائمة.

كلية علوم التغذية :
يا عشة انتي عملتي لي تسمم في حياتي وعلاقتنا ناقصة فايتمين وبقى عندي
عسر هضم لشخصيتك حتى شهييتي للونسة مع البنات انسدت, كفاية مواد
حافظة.

كلية هندسة الاتصالات :
بصراحة يا عشة انا كنت قايلك في السلك لكن طلعتي موبايل بلا بطارية ,
مشاعرنا بقت مشوشة لانو عاطفنا للاسف بقت لاسلكية
باختصار..حبنا طلع بره الشبكة

كلية علوم الكيمياء:
شوفي يا عشة لمن تحصل اكسدة بيناتنا ا معناهو اني قلوي وانتي حااااااااامضة
انتي زمان كنتي فلزة كبدي لكن انا بطلت اطلع مع اشباه الفلزات .............
وبعدين القال ليكي تتفاعلي كدا منو؟
انتي ما عارفة انه التفاعلات العاطفية بتحول محلول المشاعر الي محلول لا لون له ولا
رائحة , الحكاية دي فجرت معمل حبنا للاسف وبعدين انا اكتشفت لي عنصر مشع .....
وما مستعد اخليها عشان عنصر خامل زيك انتي.

كلية الاقتصاد:عارفة يا عشة المشكلة ومافيها انه حصل ركود لمشاعرنا ......والاسعار العاطفية
انخفضت في اسهم القلب بقت بمعدل سهم كل 100 نبضة
انتي مش عارفة انو حسب قانون العرض والطلب لم تزيدي في كمية الحنان يحصل
نقصان في سعر العاطفة.[]

من الحرم الجامعي
لكم تحيتي

[لمار]

هههههههههههههههههههههههههه
الله يجازي محنك ياحزونه
لكن عشه دي ماله حايمه من كليه للتانيه...مابتوب اصلو
لكن الوليدات ديل عليهم جنس فلسفه وقلب قاسي
الله يعين ويبعد عننا الشواكيش..وندي نحنا الشواكيش دي
وتقبلي مروري يالغاليه
يالله الستره

[حنين احمد]

ههههههههههه
كلام صح .....تعالى بى هناك فى الرباط
شواكيش كتيره
ما عارفه الناس دى جات تقرا ولا تحب

[الفرح المهاجر]

دى عشة صغيرة كفاية علينا

[mis.silent]

هههههههههههههههههههههههههه
الله يجازي محنك ياحزونه
لكن عشه دي ماله حايمه من كليه للتانيه...مابتوب اصلو
لكن الوليدات ديل عليهم جنس فلسفه وقلب قاسي
الله يعين ويبعد عننا الشواكيش..وندي نحنا الشواكيش دي
وتقبلي مروري يالغاليه
يالله الستره

من كل كلية عشة يا لمورة
والولاد عندهم فلسفة ساي لكن الشواكيش دائما مننا
الله يبعدها مننا ويبعدنا منها
شرفني مرورك يا عسل

[mis.silent]

ههههههههههه
كلام صح .....تعالى بى هناك فى الرباط
شواكيش كتيره
ما عارفه الناس دى جات تقرا ولا تحب

انشاء دائما نسمع ضحكتك يا حنين
والشواكيش دي في كل جامعة الله
يفكنا من الجامعة من غير شواكيش
اسعدني مرورك

[mis.silent]

دى عشة صغيرة كفاية علينا

بالكسر ولا الفتح يا الفرح
نورت البوست

[الفرح المهاجر]

بالكسر ولا الفتح يا الفرح
نورت البوست

[align=center]بالرغيف الساخن المقفول[/align][/size]

[حنين احمد]

انشاء دائما نسمع ضحكتك يا حنين
والشواكيش دي في كل جامعة الله
يفكنا من الجامعة من غير شواكيش
اسعدني مرورك

المشكله بدون شواكيش واسباب الشواكيش
ما قادرين نتخارج
وزى ما قال الفرح عشه صغيره
ا.......نخلى الجامعات احسن ونشوف العشه وين
وكيف نوصل ليها

[mis.silent]

[align=center]بالرغيف الساخن المقفول[/align][/size]

مالك زعلان مجرد سؤال بريء
والله ماقصدي حاجة عشان انضرب الضرب دا كله

[mis.silent]

المشكله بدون شواكيش واسباب الشواكيش
ما قادرين نتخارج
وزى ما قال الفرح عشه صغيره
ا.......نخلى الجامعات احسن ونشوف العشه وين
وكيف نوصل ليها

سجمنا تخلي الجامعة كيف يا بت امي
اصبري وصابري ورابطي حتى التخرج
والعشة بتجي باذن الله ولا داعي للقلق

[لمار]

ههههههههههه
كلام صح .....تعالى بى هناك فى الرباط
شواكيش كتيره
ما عارفه الناس دى جات تقرا ولا تحب

والله ياحنون موضوع جامعات السودان والشواكيش
دا داير ليهو مجلدات عشان نوفي جزء من حقو
وخليها بالنيه ساااي
يالله الستره

[mis.silent]

بقت حاجة رسمية في الجامعة
وحتى لم الجامعة تأجز الناس ديل شغالين
غايتو الله يهون بس

[saare]

ابــــداااااااع والله يا الحزيــــــنه

[mis.silent]

الابداع مرورك لكن الموضوع منقول
يا ساري
ونورت يا شاب

[بعد الزمن]

بتول تبعك ده ما خلت زول ما شوكشتوا
اسمها بتول كيف لو كانت مرفت ولا واحده
من الجماعة اياه

ههههههههه
برمة :
شواكيش مسطرة بالقلم والمسطرة

[الحلاوية]

[align=center]هههههههههه

يسلمو الحزينة الله لا يورينا جنس ده[/align][/size]

[البرنس الرايق]

كلام جميل جدا الله يعين الحب في الزمن دا لانو بقا كيف كدا
وين قيس وليلى وين عنتر وعبلة ؟؟!!!,
تقبل مروري

[ملاك الورد]

((اهداء الى كل مشوكش))
شواكيش حسب التخصصات الجامعية


كلية طب الاسنان
لمن يحصل تسوس بالشكل ده في حياتنا يا بتول ...لازم نقلع اسباب التسوس من جذوره... التخدير الموضعي لآلمنا ما بحل المشكلة...ومحاولة التقويم فشلت معاكي للاسف..ودايما بتركبي لي ضرس ما ضرسك..عشان كده الجسر امتد وزاد بيناتنا ...وقدر ما حركت فكي معاكي برضو مصرة تجيبي لي التهاب في اللثة ...انتي بقيتي حشوة مؤقتة لقلبي وانا محتاج حشوة دااااااااااااااايمة

كلية علوم التغذية
بتول انتي سببتي لي تسمم في حياتي ..وعلاقتنا دي ناقصة فايتمين.. ولازم تنتهي لأنو الاستمرار فيها غير صحي على الاطلاق
وبعدين انا زهجت من المحاولات الفاشلة لتعقيم علاقتنا.. و زهجت من تطهيرك لجروحي القديمة...وبقى عندي عسر في هضم شخصيتك...حتى شهيتي للونسة مع البنات اتسدت
كفانا مواد حافظة يا دي

كلية هندسة الجينات
بتول ...انتي عارفة انو جيناتك هي السبب؟!!...ضعف المناعة العاطفي موروث في عيلتك... أنا آسف بس أحماضنا النووية ما بتتفق ولازم نتحلل....وكلو كروموسوماية تمشي جهة
وكلو نواة تطلع خليته

كلية علوم الطيران
بتول ....يؤسفني اقول ليكي اني دقيت ليكي خروج نهائي من حياتي... اعمل شنو ياخ؟...انتي عارفة انو مكنة الحب بتخرب عاجلا ام آجلا..وبعدين انا زول درجة اولى وانتي يا دااااااااااب درجة الأفق
انا وانتي طيارتنا وررررررررر اقلعت ...ما تخلينا نهبط هبوط اضطراري برة مدرجات الحياة

كلية الموسيقى و المسرح و الدراما
اسمعيني يا بتول انا بحبك مووووووووووووت ومتمني أعرسك الليلة قبل بكرة...اها نمشي نشتري الشبكة متين؟
رأيك شنو في الدور ده؟...ما انفع ممثل يا بتول ؟
اسمعيني يا بتول ...بصراحة السيناريو بتاع حبنا ده فيهو خروج عن النص...حياتنا بقت نشاز...وانا بفتكر اننا لازم نفكر في الحوارات البتدور بيناتنا على مسرح الواقع.... ولازم نعزف عزف انفرادي كلو واحد براااااااااااااااهو.. فهمتيني مش؟؟
هاااااا؟؟...لأ المرة دي انا جاااااااااااااااااااادي....تمثيل شنو يا دي؟
ما تفهمي ياااااااااااخ ..الا ألحن ليك كلامي ده ؟

كلية هندسة الاتصالات
بصراحة يا بتول انا كنت قايلك في السلك...لاكين طلعتي موبايل بلا بطارية... انا وانتي لازم نقطع اتصالاتنا ببعض..انتي مرات مشغولة...ودايما مقطوعة ..المسافات بيناتنا زادت...ومشاعرنا بقت مشوشة لأنو عواطفنا للأسف بقت لاسلكية
ياخي باختصار...حبنا طلع برة الشبكة

كلية الهندسة الزراعية
عارفة يا بتول ؟...الحب ده بذرة دايرة ليها تربة ممتازة...وموية نضيفة...واضاءة كافية شان تنمو...وانت للأسف تربتك ما نضيفة وماااااااااااااااالحة تب... و مويتك ما ارتوازية....وكان لازم نحصد الفشل في علاقتنا دي..خلينا من التفرع في المواضيع الغير مورقة....علاقتنا اصيبت باليرقات وانتي للأسف استخدمتي المبيدات العاطفية من غير ما تكلميني..بعدين بصراحة انا خايف انو براعمنا في المستقبل يطلعو زيك كدا

كلية علم البصريات
بتول انتي عارفة اني زول عندي بعد نظر..وشايف اننا ما بننفع لبعض...اقول ليكي أنا ما قادر اكمل.. حاكتب كلامي على ورقة...ركزي معاي وحاولي تقري الحروف دي
i

h
a
t
e

u

أها غمضي العين الشمال...وافتحي اليمين...قريتيها؟ ...... كلك نظر يا بتول


كلية علم الكيمياء
شوفي يا بتول لمن تحصل أكسدة بيناتنا ده معناتو اني قلوي...وانتي حااااااااااااااااااااااامضة ..انتي زمان كنت فلذة كبدي...لاكين انا بطلت أطلع مع اشباه الفلذات.. وبعدين القال تتفاعلي كدة منو؟...انتي ما عارفة انو التفاعلات العاطفية بتحول محلول المشاعر الى محلول لا لون له ولا رائحة؟
الحكاية دي فجرت معمل حبنا للأسف ...وبعدين انا اكتشفت لي عنصر مشع...وما مستعد اخليها عشان عنصر خامل زيك انتي

كلية علم الاقتصاد
عارفة يا بتول ...المشكلة ومافيها انو حصل ركود لمشاعرنا....والاسعار العاطفية انخفضت...حتى أسهم القلب بقت بمعدل سهم واحد لكل 100 نبضة....وبعدين البضاعة العاطفية ما لعبة ياااااااااااخ
انتي مش عارفة انك حسب قانون العرض
والطلب لمن تزيدي في كمية الحنان ممكن يحصل نقصان في سعر العاطفة؟

كلية الآداب قسم علم الآثار
بتول اسمحي لي انك تحفة مزيفة....الجكس كلهم تحف عتيقه و نادرة الا انتي.. ما عندك غير فك الرموز بالطريقة التعجبك...تنقبي عن المشاكل تنقيب...وبعدين انا وانت اساسا حضاراتنا مختلفة من البداية...وافتكر حقو ندفن البيناتنا بعد ده.... هووووووووووي مالك بتعايني لي كدا...ما فهمتي؟...ليــــــــــــه أنا بتكلم لغة مسمارية ولا شنو؟...شنو لعنة الفراعنة الانا اتبليت بيها دي

كلية شواكيش بتخصصات جامعيةالفيزياء قسم العلوم الفلكية
اسمعي يا بتول انتي ما لاحظتي انو سنتنا الضوئية مرت بسرعة؟
يا بت الحلال الشمس والقمر ما بتلاقو في سما وااااااااحدة...يعنى
باختصار نجم حبنا أفل... وبعدين انا كنت قايلك مجرة مختلفة عن باقي المجرات...كنت قايل ما ليك زي في الكون...طلعتي ثقب اسود في حياتي...وانا بالشكل ده ح الف معاك مدارات الحياة من غير اي هدف
أفتكر كلامي واضح وضوح كوكب الزهرة الساعة 4 الفجر

كلية علوم البحار
اسمعي هنا ده... مركب فيهو قبطانين بغرق عديـــــــــــــــــــــــــــــــــــــــــــــــ ـل كدة....وبعدين انتي ما ملاحظة اننا دايما ماشين عكس التيار؟...وانو أمواج الحياة بترزع في مركبنا ده يمين وشمال من غير اي سبب...انت ليــــــــــــــــــــــه مصرة تغرقيني معاك يا بتول ؟... ياخي انا زهجت من المد والجزر الحاصل لي بسببك
يلا بعد ده نزلي شراعك من حياتي ...واقطعي خطافك عني البحر ملاااااااااااااااان اسماك

ههههههههههههههههه
ميمييييييي مباااااالغه روعه روعه روعه

مشكورة كتير و لكن رججتنا رجـّـــــــــــــا

مشكورة يا الحزينة

[(روعة الإحساس)]

ههههههههه
حلوه منك وتسلمي يا ميمي