شواكيش حسب التخصصات

[ميمي السودانية]

((اهداء الى كل مشوكش))
شواكيش حسب التخصصات الجامعية


كلية طب الاسنان
لمن يحصل تسوس بالشكل ده في حياتنا يا بتول ...لازم نقلع اسباب التسوس من جذوره... التخدير الموضعي لآلمنا ما بحل المشكلة...ومحاولة التقويم فشلت معاكي للاسف..ودايما بتركبي لي ضرس ما ضرسك..عشان كده الجسر امتد وزاد بيناتنا ...وقدر ما حركت فكي معاكي برضو مصرة تجيبي لي التهاب في اللثة ...انتي بقيتي حشوة مؤقتة لقلبي وانا محتاج حشوة دااااااااااااااايمة

كلية علوم التغذية
بتول انتي سببتي لي تسمم في حياتي ..وعلاقتنا دي ناقصة فايتمين.. ولازم تنتهي لأنو الاستمرار فيها غير صحي على الاطلاق
وبعدين انا زهجت من المحاولات الفاشلة لتعقيم علاقتنا.. و زهجت من تطهيرك لجروحي القديمة...وبقى عندي عسر في هضم شخصيتك...حتى شهيتي للونسة مع البنات اتسدت
كفانا مواد حافظة يا دي

كلية هندسة الجينات
بتول ...انتي عارفة انو جيناتك هي السبب؟!!...ضعف المناعة العاطفي موروث في عيلتك... أنا آسف بس أحماضنا النووية ما بتتفق ولازم نتحلل....وكلو كروموسوماية تمشي جهة
وكلو نواة تطلع خليته

كلية علوم الطيران
بتول ....يؤسفني اقول ليكي اني دقيت ليكي خروج نهائي من حياتي... اعمل شنو ياخ؟...انتي عارفة انو مكنة الحب بتخرب عاجلا ام آجلا..وبعدين انا زول درجة اولى وانتي يا دااااااااااب درجة الأفق
انا وانتي طيارتنا وررررررررر اقلعت ...ما تخلينا نهبط هبوط اضطراري برة مدرجات الحياة

كلية الموسيقى و المسرح و الدراما
اسمعيني يا بتول انا بحبك مووووووووووووت ومتمني أعرسك الليلة قبل بكرة...اها نمشي نشتري الشبكة متين؟
رأيك شنو في الدور ده؟...ما انفع ممثل يا بتول ؟
اسمعيني يا بتول ...بصراحة السيناريو بتاع حبنا ده فيهو خروج عن النص...حياتنا بقت نشاز...وانا بفتكر اننا لازم نفكر في الحوارات البتدور بيناتنا على مسرح الواقع.... ولازم نعزف عزف انفرادي كلو واحد براااااااااااااااهو.. فهمتيني مش؟؟
هاااااا؟؟...لأ المرة دي انا جاااااااااااااااااااادي....تمثيل شنو يا دي؟
ما تفهمي ياااااااااااخ ..الا ألحن ليك كلامي ده ؟

كلية هندسة الاتصالات
بصراحة يا بتول انا كنت قايلك في السلك...لاكين طلعتي موبايل بلا بطارية... انا وانتي لازم نقطع اتصالاتنا ببعض..انتي مرات مشغولة...ودايما مقطوعة ..المسافات بيناتنا زادت...ومشاعرنا بقت مشوشة لأنو عواطفنا للأسف بقت لاسلكية
ياخي باختصار...حبنا طلع برة الشبكة

كلية الهندسة الزراعية
عارفة يا بتول ؟...الحب ده بذرة دايرة ليها تربة ممتازة...وموية نضيفة...واضاءة كافية شان تنمو...وانت للأسف تربتك ما نضيفة وماااااااااااااااالحة تب... و مويتك ما ارتوازية....وكان لازم نحصد الفشل في علاقتنا دي..خلينا من التفرع في المواضيع الغير مورقة....علاقتنا اصيبت باليرقات وانتي للأسف استخدمتي المبيدات العاطفية من غير ما تكلميني..بعدين بصراحة انا خايف انو براعمنا في المستقبل يطلعو زيك كدا

كلية علم البصريات
بتول انتي عارفة اني زول عندي بعد نظر..وشايف اننا ما بننفع لبعض...اقول ليكي أنا ما قادر اكمل.. حاكتب كلامي على ورقة...ركزي معاي وحاولي تقري الحروف دي
i

h
a
t
e

u

أها غمضي العين الشمال...وافتحي اليمين...قريتيها؟ ...... كلك نظر يا بتول


كلية علم الكيمياء
شوفي يا بتول لمن تحصل أكسدة بيناتنا ده معناتو اني قلوي...وانتي حااااااااااااااااااااااامضة ..انتي زمان كنت فلذة كبدي...لاكين انا بطلت أطلع مع اشباه الفلذات.. وبعدين القال تتفاعلي كدة منو؟...انتي ما عارفة انو التفاعلات العاطفية بتحول محلول المشاعر الى محلول لا لون له ولا رائحة؟
الحكاية دي فجرت معمل حبنا للأسف ...وبعدين انا اكتشفت لي عنصر مشع...وما مستعد اخليها عشان عنصر خامل زيك انتي

كلية علم الاقتصاد
عارفة يا بتول ...المشكلة ومافيها انو حصل ركود لمشاعرنا....والاسعار العاطفية انخفضت...حتى أسهم القلب بقت بمعدل سهم واحد لكل 100 نبضة....وبعدين البضاعة العاطفية ما لعبة ياااااااااااخ
انتي مش عارفة انك حسب قانون العرض
والطلب لمن تزيدي في كمية الحنان ممكن يحصل نقصان في سعر العاطفة؟

كلية الآداب قسم علم الآثار
بتول اسمحي لي انك تحفة مزيفة....الجكس كلهم تحف عتيقه و نادرة الا انتي.. ما عندك غير فك الرموز بالطريقة التعجبك...تنقبي عن المشاكل تنقيب...وبعدين انا وانت اساسا حضاراتنا مختلفة من البداية...وافتكر حقو ندفن البيناتنا بعد ده.... هووووووووووي مالك بتعايني لي كدا...ما فهمتي؟...ليــــــــــــه أنا بتكلم لغة مسمارية ولا شنو؟...شنو لعنة الفراعنة الانا اتبليت بيها دي

كلية شواكيش بتخصصات جامعيةالفيزياء قسم العلوم الفلكية
اسمعي يا بتول انتي ما لاحظتي انو سنتنا الضوئية مرت بسرعة؟
يا بت الحلال الشمس والقمر ما بتلاقو في سما وااااااااحدة...يعنى
باختصار نجم حبنا أفل... وبعدين انا كنت قايلك مجرة مختلفة عن باقي المجرات...كنت قايل ما ليك زي في الكون...طلعتي ثقب اسود في حياتي...وانا بالشكل ده ح الف معاك مدارات الحياة من غير اي هدف
أفتكر كلامي واضح وضوح كوكب الزهرة الساعة 4 الفجر

كلية علوم البحار
اسمعي هنا ده... مركب فيهو قبطانين بغرق عديـــــــــــــــــــــــــــــــــــــــــــــــ ـل كدة....وبعدين انتي ما ملاحظة اننا دايما ماشين عكس التيار؟...وانو أمواج الحياة بترزع في مركبنا ده يمين وشمال من غير اي سبب...انت ليــــــــــــــــــــــه مصرة تغرقيني معاك يا بتول ؟... ياخي انا زهجت من المد والجزر الحاصل لي بسببك
يلا بعد ده نزلي شراعك من حياتي ...واقطعي خطافك عني البحر ملاااااااااااااااان اسماك

[قمر الليالي]

ههههههههههههههههههههه


حق الكيمياء ده خطييييييييييييييير
يسلموووو يا عسل
وتقبلي مروري

[Mr.POGIz]

ههههههههههههه

ما شاء الله تبارك الله

بس انشاء الله ما نحتاج للتخصصات دي

وبتول الله يعنيها كل دي شواكيش

[ود الزوحي]

هاك ده بتاعت الكمبيوتر


اسمعي با بتول .. البروسس بتاعي تعب معاك .. لأنو مروحتك بقت مامجدية معاي

المفروض تكون راماتك أحسن من كده وقللي من استخدام ذاكرتك العشوائية ده ..

ولازم تعرفي إنو نحن في زمن العولمة والتجديد حاولي تغيري من الكيس بتاعك لأنو بالجد بقى قديم والمذربودر كمان بقى ممل جدا ..

زمان الكلك بتاعي في حياتك كان ليه أثر كبير حسى بقى بصل ليك بعد مراق روح ..

أقول ليك شي أنا قررت اعمل فورمات لنظامك من الهاردسك بتاعي نهائي ..

[( ود البورت )]

هههههههههه كشكووووووره

[هديل الحب]

هههههههههههههههههههههههههه
مشكوووووووووووورة يا امووووولة

[عـ الأهوال ـاشق]

هههههههههههههههههههاااااااااااي.......

والله شاكوش زي الشاكوش ...........

وتقبلي مرووووووري ,,,,,,,,

[امال الناس]

عادى يا ميمي دق الخروج بدون عوده ده فظيع طلاق بالتلاتة ولا شنو ده احسن الواحد يحترم نفسه وبفضل في بيت اهلو معزز مكرم

[وجهة نظر]

هههههههههههههههه
والله مبالغه
غايتو الزول الكاتب الكلام ده ما طبيعي
خيالو وااااااااااسع

تسلمي وتقبلي مروري

[عازفة الحب]

ههههههههههه مبالغه والله بالزات شاكوش علوم التغذيه وكليه الموسيقى والدراما
تسلمي يالغاليه وتقبلي مروري....

[نوشا]

[align=center]ههههههههههههههههه
حلوه منك وبذات حقت المهندس الزارعى[/align][/color]

[ميمي السودانية]

ههههههههههههههههههههه


حق الكيمياء ده خطييييييييييييييير
يسلموووو يا عسل
وتقبلي مروري

تسلمي ياقلبي على المرور
والله مشتاااااااااااااااااقين

[ميمي السودانية]

ههههههههههههه

ما شاء الله تبارك الله

بس انشاء الله ما نحتاج للتخصصات دي

وبتول الله يعنيها كل دي شواكيش

بوقز شكرا على المرور
منور

[صلاح العجباني]

هههههههههههههههههههههه

شكلك خبرة تمااام

يسلمووو....

[بسمة الحياة]

هههههههههههه

كلو زول بتفنن في الشاكوش على طريقتو

تسلمي يا عسل

[حبيب الناس]

ميمي موضوعك ظريف لكين ما وريتينا ناس المحاسبة شواكيشهم كيف . على كل حال انا محاسب وحوريكم مشاعرنا بتكون كيف .


أبوبكر : عارفة يا نادية لو نحنا جدولنا قصة حبنا وعملنا من يوميتنا العامة ميزان مراجعة صدقيني حنقدر نصل لنهاية الفترة ونحنا بثبات متكافىء .

نادية : والله يا حبيبي المشكلة ما في الجدولة لكين المشكلة في التسويات الجردية وميزان المدفوعات ونحنا لو قدرت توفر القوائم المالية الكافية للعملية حتقدر توازن حبنا .

أبوبكر : كلامك صاح يا حبيبتي لو كل اتنين بيحبو بعض قدرو يوازنو تكاليف المشتريات وحققو الأرباح المتوقعة عشان يصلو لنهاية الفترة بأمان حتكون التقارير العاطفية ثابتة وما متغيرة في اي فترة زمنية يقضوها

[نهـاد]

ههههههههههههههههههههههههههههههههههههه

أبدعتي فيها يا ميمي

عن جد حلوة خالص

وأنا كان كدا حأتسلف منك بتاعت

هندسة الأتصالات دي في كل شاكوش أديه :d

[ميمي السودانية]

هاك ده بتاعت الكمبيوتر


اسمعي با بتول .. البروسس بتاعي تعب معاك .. لأنو مروحتك بقت مامجدية معاي

المفروض تكون راماتك أحسن من كده وقللي من استخدام ذاكرتك العشوائية ده ..

ولازم تعرفي إنو نحن في زمن العولمة والتجديد حاولي تغيري من الكيس بتاعك لأنو بالجد بقى قديم والمذربودر كمان بقى ممل جدا ..

زمان الكلك بتاعي في حياتك كان ليه أثر كبير حسى بقى بصل ليك بعد مراق روح ..

أقول ليك شي أنا قررت اعمل فورمات لنظامك من الهاردسك بتاعي نهائي ..

ود الزوحي شكرا على المرور
وعلى الاضافة الجميلة
يسلموووو

[ميمي السودانية]

هههههههههه كشكووووووره

ودالبورت شكرا على المرور منور

[ودالعاصمة]

الموضوع ظريييييييييف وسمح
بس فى ناس نسيتيهم ...

يعنى من راسك ممكن تكتبى
اها انتى شوكشوك بى ياتو طريقة اوعة يكون حبيبك كان بتاع كيمياء