سؤال حيرني يا بنات

[دعد]

يابت خلاص جاك عريس جاهز دايرة تبيعينى
ما كان العشم والله
اقول ليك قلبك دليلك
عمرو ما ح يكذب عليك
وتقبلى مرورى

هههههههههه


وينك انت ياخي كنت طافش وين؟

الظاهر اتزريت زرة شديدة المرة دي :d

الف حمدالله على السلامة نورت المنتدى برجعتك

بالنسبة للبيعة انت عار ظروف الحياة الزمن ماشي

ماممكن انتظرك

[دعد]

دعد عريس بمواصفاتى انا احسن ليك ماتدقسى ويغشوووووك

[بعد الزمن]

اختارنى انا
هههههههههههههههههههه
ههههههههههههههههههه
كأخو فقط..........
اقتراح :.
اقطعى فرع شجرة , واقعدي اقطع صفقوا, صفقة صفقة , وبدأ الصفقة الاولى بزوليك انت,
واخر صفقة هي للزول , الفائز
ههههههههههههههههههههه
اسمعي , نصيحة من أخ:.
قلبك دليك وفكر كويس العرس,واختار ى , بعقلك ,قبل قلبك , واحسبها صح , حتى لا تخسرى
كل شيء, وحاولى تقنع اهلك بوجهت نظرك,ووضح ليهم سبب الرفض , بس بأسلوب كويس
ومنطقى , واستعنى بأقرب زول ليك فى الاسرة ,فى اقناع ناس بيتكم , وفى الاخير العرس
قسمة ونصيب , وما فى زول عارف الخير وين والشر وين , احيانا نقول هنا ويطلعلينا غدار
واحيانا يحصل العكس ,
اتمنى لك سعادة ابدية مع من تريدين والله يوفقك بس اعزمينا ......

[دعد]

وفى النهاية بقول ليك اختارو من ترضون دينه وخلقه واستخيرى الخالق وما راح تندمى اختك فى الله ملاك

تسلمي يا ملاك وكلامك في محلو اهم شي في النهاية التوكل على الله

يعلم الخير اكثر مما نعلمه

وشكري تاني على المرور

[دعد]

مع انك عنصريه ووجهتى سؤالك للبنات بس برضوا بنديك الراى

يابت اشترى الشاريك

وحترتاحى ليهوا بالعشره الطيبه

ويمكن البترتاحى ليهو ما برتاح ليك

غايتو البنات عليهن تفكير عشان كدا العنوسه فى السماء

تأكدى اختى قبل ان ترتاحى

والله ما عنصرية

لكن قلت البنات حيفهمو الوضع ا اكتر وبمرو بيه كتير

لكن قل انتو برضو تدونا رايكم

اولا البت الطبعية ما حترتاح لواحد لو ماكا هو شاريها


وثانيا العريس الجاهز دايما مستعجل وعاوز يخلص سريع

والبت ما بتكون عارفة اخلاقو بس معلومات عن ممتلكاته

والواحده ما بتتزوج من الممتلكات

بعدين مستوى العنوسة زايد لانو مافي اسهل من تطفيش العريس

وقرارالارتباط صعب, كتير من البنات بريحو راسهم ويطفشوه عشان ما يفكرو كتير

(ديل البنات البفكرو)

لكن في بنات بمشو مع التيار وما بفكرو

ودا بزيد نسبة حاجة تانية اوسوأ (المطلقات)

وشكرا يا هندسسسة على المرور والنصيحة

شرفتني كتير

[الملكة العاشقة]

الاخت دعد في كل الحالتين اختاري من ترضي دينه وخلقه ويكون بيكن ليك معزة بغض النظر عن الفلوس والجاه في مثل عندنا بيقول يا ماخذ القرد على مالة يروح الكال ويفضل القرد على حالة والله ينور بصيرتك ويوفقك في الاختيار

[بت الرباط]

دعد ازيك.. شوفي انتي لما تجي تختاري جردي كل واحد من ممتلكاتو بعدين شوفي الاخلاقو كويسه وحاسه انك بتقدري تكملي حياتك معاهو لانو ساعات قد ترتاحي لشخص وما تعرفي حقيقتو الا بعد فوات الاوان كمان استشيري المقربين ليك لانو في حاجات انتي ما بتكوني خاته ليها بالك.. واستخيري بعدين الطيبون للطيبات الله ما حيخذلك

[دعد]

يا بت مالك ومال الناس مش دايره تعرسيه انتى

وانتى مقتنعه ما عندك شغلا بزول

المهم السعاده وراحه البال

كلامك ميه ميه

الناس في كل الاحوال ما بيرضو

ومابعيشو معاي

تسلمي على النصيحة ونورتي شدييييييييييييد يا عسل

[medoo]

هههههههههه والله موتني ضحك وعليكم السلام ورحمة الله وبركاته ياحلوين انا اغلب الحفلات []الاشتغلتها بلقي العروس اتخلت من حبيبا لانو جاها رعريس مرطب التقيم المادي بقي اكثر من التقيم الاخلاقي الماديات بقت تلعب دور كبير في الزواج يابناتي المادة ممكن تجي لكن الاخلاق تجي من وين واحلي شي في الدنيا الحب لو لقيت الانسان المناسب وما كل الحب حب لكم مني كل الشكر يااحلي بنات في الدنيا بنات سودانا ]

[دعد]

انا حختار زول برتاحليهوا طبعا

تشكري على المرور

[دعد]

اختارنى انا
هههههههههههههههههههه
ههههههههههههههههههه
كأخو فقط..........
اقتراح :.
اقطعى فرع شجرة , واقعدي اقطع صفقوا, صفقة صفقة , وبدأ الصفقة الاولى بزوليك انت,
واخر صفقة هي للزول , الفائز
ههههههههههههههههههههه
اسمعي , نصيحة من أخ:.
قلبك دليك وفكر كويس العرس,واختار ى , بعقلك ,قبل قلبك , واحسبها صح , حتى لا تخسرى
كل شيء, وحاولى تقنع اهلك بوجهت نظرك,ووضح ليهم سبب الرفض , بس بأسلوب كويس
ومنطقى , واستعنى بأقرب زول ليك فى الاسرة ,فى اقناع ناس بيتكم , وفى الاخير العرس
قسمة ونصيب , وما فى زول عارف الخير وين والشر وين , احيانا نقول هنا ويطلعلينا غدار
واحيانا يحصل العكس ,
اتمنى لك سعادة ابدية مع من تريدين والله يوفقك بس اعزمينا ......

ههههههههههههههه اقترح ساهل

والله نصيحتك ممتازه جدا والقلب برضو بفكر

ربنا قال (لهم قلوب لا يعقلون بها)

يعني القلب المهدي بنور الايمان بيعقل وبيعرف الخير وين

لكن لو سيطرت عليه الاهواء بيضيع وما بعرف الخير وين

مشكورشديد خوي بعد الزمن على المرور

[دعد]

الاخت دعد في كل الحالتين اختاري من ترضي دينه وخلقه ويكون بيكن ليك معزة بغض النظر عن الفلوس والجاه في مثل عندنا بيقول يا ماخذ القرد على مالة يروح الكال ويفضل القرد على حالة والله ينور بصيرتك ويوفقك في الاختيار

تشكري كتير اختي الملكة

وكلامك كلام ملكي فعلا

اهم شي الخلق والدين حتى لو قل الحب يفضل الاحترام والمعاملة الطيبة

ربنا ينور بصيرة الجميع ويوفقك كمان يا ملكة

نورتي البوست

[ريناد]

في الحالة دي استخير والخير فيما اختاره الله

[ذكرى الجراح]

ببعد قلبي بعيد وبفكر بعقلي؟؟؟

[اروع من الورود]

اسال ربي وهو يسهل

[السودانية الصغيرة]

لو انت حاسة انو كويس معاك
لازم تعرفي صفاتو بين الناس او الكلام البقولو فيه ده صح
و لازم حتة يكون مؤمن و صادق و بيتقرب من ربه
و المال ما هو اللي بيسعد دايما وهو ما بس اللي بيخلي الناس يحبوكي بس بايمانك و حبك ليهم و المال ما حيدوم بينفذ و حتى المال ما حيسعدك في حياتك معاه لازم تفكري صح

صراحة الكلام ده ما قد عمري لكن انا كان نفسي انصحك و شكرا على الموضوع الجميل
تحياتي ليك
السودانية الصغيرة

[اروع من الورود]

صراحة الكلام ده ما قد عمري لكن انا كان نفسي انصحك و شكرا على الموضوع الجميل
تحياتي ليك
السودانية الصغيرة

دايما بتقولي كده بس الكلام ده مناسب جدا لي عمرك

وان شاء الله مايكون ده تطفل مني

[السودانية الصغيرة]

هو اها تطفل منك لكن نحنا انا و انتي و كل القدرنا ما بيعرفو الكلام ده لكن بعض مننا بيعرفو
بس حتى ما بيفهموه بس انا ما زعلت منك لانك صحبتي العزيزة
ههههههههههه

[اروع من الورود]

هو اها تطفل منك لكن نحنا انا و انتي و كل القدرنا ما بيعرفو الكلام ده لكن بعض مننا بيعرفو
بس حتى ما بيفهموه بس انا ما زعلت منك لانك صحبتي العزيزة
ههههههههههه

ماكنت قايلاو بيزعلك

لو الكلام الي قلتو بيزعلك لحذفو حسي وانسيو او ك

[السودانية الصغيرة]

لا ما مشكلة عادي انا اصلا ما زعلته
في زوولبيزعل منك يا عسل