سؤال حيرني يا بنات

[دعد]

السلام عليكم اخوتي الاعزاء

عاوزه اسأل البنات سؤال بسيط

لو خيروك بين العريس الجاهز الكل مواصفاتو ممتازه

وبين انسان ارتحتي ليه

وحسيتي انو مناسب مع ان مواصفاتو في نظر الناس ماكويسه

حتختاري مين؟

وبكل صراحه


طبعا الشباب لازم يدخلو لزوم الشمار وكدا

ممكن تدونا رايكم

لو اختك كانت محتاره في السؤال دا بتنصحها بشنو؟؟

وأهم شي الصراحه المطلقه

[امال الناس]

عزيزتي دعد
لا خيراً في هذا ولا ذاك
العرس بطيخة مقفولة
وعلي حظك
واسئل مجرب ولا تسئل طبيب

[الهنوف]

طبعا انا بختار الشخص اللي مرتاحة لة
اكيد ؟؟؟
مشكورة علي البوست الجميل
تحياتي لك حبيبة ....

[دعد]

عزيزتي دعد
لا خيراً في هذا ولا ذاك
العرس بطيخة مقفولة
وعلي حظك
واسئل مجرب ولا تسئل طبيب

نورتي البوست يا خالتو امال ربنا يخليك لينا وما يحرمنا من عطائك

ويشرفني جدا انك اول من يرد علي

لكن ماطمنتيني يا خالتو

دا كلام يحير اكتر

تشكري على المرور

[اروع من الورود]

الزول يستخير

والفيهو خير ربنا يسهلو

[دعد]

الزول يستخير

والفيهو خير ربنا يسهلو

اهلين بالبنوته الحلوه اروع من الورد

والله كلامك صح ميه الميه لكن ماخاب من استشار لا شنو يا عسل

يعني استخاره + استشاره

وتشكري على المرور

نورتي

[دعد]

طبعا انا بختار الشخص اللي مرتاحة لة
اكيد ؟؟؟
مشكورة علي البوست الجميل
تحياتي لك حبيبة ....

تسلمي يا الهنوف على المرور

نورتي البوست يابت يا عسل

لك مني كل الود

[ايثار محمد]

الاخت دعد .....تحياتي واحتراماتي .... الزمن يادعد بقا عوز فهلوة وعقلانيه .. والعرس يا بت امي بقا حسابات ..يعني زولك الارتحتي ليهو دا اسي بعد العرس تجي الزنقات والمطبات اكيد احساس الراحة ح يضيع شمااااااار في مرقة ساي .زوترجعي تحني للزول اللقطه الضيعتيهو بي ايدك وشديدك .. اختاري الجاهز مغمضه ..واستخيري طبعا ..
ربنا يديك الفيهو الخير
دمتي
اختك ايثار

[دعد]

الاخت دعد .....تحياتي واحتراماتي .... الزمن يادعد بقا عوز فهلوة وعقلانيه .. والعرس يا بت امي بقا حسابات ..يعني زولك الارتحتي ليهو دا اسي بعد العرس تجي الزنقات والمطبات اكيد احساس الراحة ح يضيع شمااااااار في مرقة ساي .زوترجعي تحني للزول اللقطه الضيعتيهو بي ايدك وشديدك .. اختاري الجاهز مغمضه ..واستخيري طبعا ..
ربنا يديك الفيهو الخير
دمتي
اختك ايثار

والله كلامك عين العقل يا اثار وعجبني شديد

الزول لو بارا قلبو ممكن يندم لانو القلب متقلب

لكن العقل اذا فكرنا بيه كويس وقررنا على اساسو ما بنندم ان شاء الله

وفي النهايه الحكايه توفيق من رب العالمين

بس توضيح صغير: انا ماقاصده بالبوست نفسي لانو شفت بنات كتار بيحتارو في الموضوع دا

نورتيني بالجد بمرورك اللطيف وما تقطعي مننا يا عسل

[mis.silent]

اسألي قلبك واتوكلي والقلب داعي ليك

[الياسمينة]

بقول ليك يادعد اختاري الشخص الارتحتي ليو لانو بما انك ارتحت ليو معناها عرفتي اخلاقو وطباعو ومايهمك رأي الناس لأنك انتي الحتعيشي معاهو وانا لو كنت مكانك حأتخذ نفس الخيار
وربنا يهون ويسعدك ويتمم ليك علي خير

[كيوبيد]

يابت خلاص جاك عريس جاهز دايرة تبيعينى
ما كان العشم والله
اقول ليك قلبك دليلك
عمرو ما ح يكذب عليك
وتقبلى مرورى

[رءوف]

دعد عريس بمواصفاتى انا احسن ليك ماتدقسى ويغشوووووك

[ملاك الذوق]

طبعا حختار الشخص البرتاح ليهو لانو كل شى بنتهى الا المحبة

[ملاك الذوق]

وفى النهاية بقول ليك اختارو من ترضون دينه وخلقه واستخيرى الخالق وما راح تندمى اختك فى الله ملاك

[ود الخير]

مع انك عنصريه ووجهتى سؤالك للبنات بس برضوا بنديك الراى

يابت اشترى الشاريك

وحترتاحى ليهوا بالعشره الطيبه

ويمكن البترتاحى ليهو ما برتاح ليك

غايتو البنات عليهن تفكير عشان كدا العنوسه فى السماء

تأكدى اختى قبل ان ترتاحى

[سمارا]

يا بت مالك ومال الناس مش دايره تعرسيه انتى

وانتى مقتنعه ما عندك شغلا بزول

المهم السعاده وراحه البال

[شكواوة]

انا حختار زول برتاحليهوا طبعا

[دعد]

اسألي قلبك واتوكلي والقلب داعي ليك

تسلمي يا الحزينة على المرور والنصيحة

ممكن أسالك ليه انتي حزينه؟

[دعد]

بقول ليك يادعد اختاري الشخص الارتحتي ليو لانو بما انك ارتحت ليو معناها عرفتي اخلاقو وطباعو ومايهمك رأي الناس لأنك انتي الحتعيشي معاهو وانا لو كنت مكانك حأتخذ نفس الخيار
وربنا يهون ويسعدك ويتمم ليك علي خير

كلامك صح ياياسمينة وعين العقل الانسان بيرتاح للشخص بعد ما يعرف اخلاقه

والخوف من ردود افعال الناس بيخلق التردد

وكمان الخوف من المستقبل

تشكري كتير على النصيحة يا غالية

ربنا يسعدك كمان