مجـــــــــــــــــادعــــات

[بت كردفان]

[align=center]يا شمعة أمل
يا الجمالها فريد
خلقوها زى ماتريد
وفى خدودها وضعوا الريد[/align][/size]

[وليد دفي]

رسالة بليغة من أهل العوض مخصوصة
للبت الظريفه بت المدن حبوبه
بدور رد السؤال لو باللغة المهموسة
فينا نقيصة ولا الصورة جات معكوسة
نحن أهل العوض حافظين عهود ما خناّ
وللجار و العشير بالشينه ما تعجلنا
بيوتنا مسيد ضيوف زمن العدم ما بخلنا
وما بصح الوليد في أعرافنا يجاهلنا
نحن والله عرب وأولاد عرب لينا الشرف والعز
بنسرح بالرزق نحلب نصـُر ونجز
ويوم الحارة والعركة السلاح برز
ثابتين كالجبال الشامخة ما بنفز

المخسوفة والمرقوعة ياها لباسنا
المجلوبة والمقنية من ميراثنا
الجار والعشير من الكتف لى راسنا
في المال والعروض تخشى الملوك من باسنا
ليه يا حبوبه بتذم الرجال بالعايلة
ما بعشّوا الضيوف تحت السحابة الشايلة ؟
ما سمعت في أم همج كاكوم عقيد الزايلة ؟
ما سمعت بالنمر حرق الخديوي القايلة ؟
دحين يااختي اولاد عرب والغير عرب كلهم أخوانك
إحذري واكترثيو شكلي قوافي لسانك
والرمي فوق الجماعة بالتعابير خانك
في نص البحر بتدوري تقجي صيوانك ! ؟

نحنا نضافنا يا حبوبه مو صابون
نحنا نضافنا فى عروض وشرف مصيون
نحنا نضاف ضراع بالدكري المسنون
طيبين عُشرة ولكن للخصيم طاعون

وكان كلمنا يا حبوبه بنقول الكلام حقاني
وكان غنينا بنخت الشعر فى معاني
عزيزين فى النسب من ذلة مابنعاني
نحسب فى الجدود ستين ومن غير عاني

[لبيب]

[align=center]بت عز الرجال حبوبة كيف احوالك
في النظم الجميل ما اظني ابقى مثالك
يارب العباد بس يستجيب لمقالك
والعقبال كمان الفرحة تصبح فألك[/align]

[لبيب]

[align=center]نحن الفي السماحة وفي الكرم تلقانا
نكرم للضيوف باشين دوام تلقانا
ستارين عروض في فارغة مابتلقانا
بتهابنا الاسود تتمنى ماتلقانا[/align][/size]

[حبوبة]

ليه يا حبوبه بتذم الرجال بالعايلة

أنا؟ متأكد قاصدني انا الدهباي
راجع كتاباتي وتأكد يا جناي
لا تبقى ملقوف ترمي الكليمات ساي
ومن الكلام الشين حسبي الكريم مولاي

[حبوبة]

هوي يا جنا فتح عيونك ديل
أنا الجروف ريحتي وقامتي يابا نخيل
زهر القطن قلبي وفي دمي جاري النيل
زي التبلدي كمان جواي ملان بالخير
من اب عشر خالي وعمي سكناه ف أويل
في كسلا كان عسلي شفت الدنيا من توتيل
وفي عروس الأزرق سنار نسبنا أصيل
ومن ضفاف الأبيض جيراني الماليهم بديل

لا تقول لي عرب نحن خليط فريد وجميل
جنوب وشرق شمال وغرب الاسم سوداني يا العديل
كرمنا كُتُر وفي زعلنا شُتُر ما بنهاب الويل
جمالنا برا وسلامنا برا وفي الشدة بنعدل الميل

السوداني زنجي وعربي نوبي وتركي وخواجة دخيل
وكمان المهدي والتعايشي دقنة ود حبوبة وعبد الفضيل
لو جينا نعدد أصلك بنلقاه عميق وطويل كالنيل
أو حتى نحدد فصلك ح نعرف بالصِح ما ليه مثيل

يا زول يا هيبة يا الكلك طيبة ات للعزة سليل
سوداني يا هيبة يا أرض الطيبة وأصالة النيل
في أنا سوداني الكل سوداني مليان بالطيبة وعزيز بلحيل
الزول سوداني مليان بالطيبة وعزيز بلحيل

[لبيب]

[align=center]بت عز الرجال حبوبة انت قبيل
قولك ياالغزيز مقدارك انت جميل
بس زعلك رهيب يابت ملوك النيل
حسبك ربنا الخلاق هو ليك وكيل[/align][/b][/size]

[حبوبة]

[align=center]نحن الفي السماحة وفي الكرم تلقانا
نكرم للضيوف باشين دوام تلقانا
ستارين عروض في فارغة مابتلقانا
بتهابنا الاسود تتمنى ماتلقانا[/align][/size]

زينا مافي ، خيرنا كافي ، شرنا وافي ، وودنا صافي نفديك يا سوداننا
شيبة وشباب رغم الصعاب شايلينو فوق سوداننا
شموخ عزة ومهابة نابعة من سوداننا
وطني يا بلد الغلابة يحفظك الله يا سوداننا

[لبيب]

[align=center]بى سمح الطباع بين الخلوق نتشابا
والكلمة الرصينة اسيادا نحن اصحابا
الدايرنا بالسمحة بنقولو حبابا
والداير الحرب صبحت ديارو خرابا[/align][/b][/size]

[حبوبة]

"سودانية" صِرْف دون تمييز أو تشريط
ودي المحرية من ناسن جذورها خليط
البكرمنا بختو وفوق الراس جلوسو وهيط
والبهبشنا ويلو قبل السلاح لساننا سليط

[لبيب]

[align=center]الشرف العفيف متوشحنوا عباية
والجود والكرم لاهلنا نحن غتاية
بى سمح الطباع ياخوي معاك بغنايا
وان درت الحر تلقانا برة التاية[/align][/size]

[حبوبة]

لا متين نحن نحاور ونعيد في الحوار
لا متين نتجادل ويتحشر البعيد والجار
لا متين يا اهلنا نكوس اللقمة برة الدار
متين وكيف تبقي السكن ونضوقو خيرك يا ديار

[لبيب]

لا متين نحن نحاور ونعيد في الحوار
لا متين نتجادل ويتحشر البعيد والجار
لا متين يا اهلنا نكوس اللقمة برة الدار
متين وكيف تبقي السكن ونضوقو خيرك يا ديار

[align=center]القول خيرو انو يكون قليل ويدل
ابدا مابندور في خصوصنا زول يدخل
بجي وقتا يكون بيوتاتنا تبقى تكل
وخير الدار عميم لابد مرة يصل[/align][/b][/size]

[عزالدين محمد]

الما بانيك وموصارف عليك موجود
حديثو فيك زي خنق الحبل في العود
الارزاق مقسمــــة والعمير محدود
والهوا عند كريما بابو مو مسدود

[لبيب]

[align=center]الايام تدرس والبشر طلابا
كل الناس عموم لابد يقروا كتابا
الارزاق مقسمة دايرة بس أسبابا
حق الناس حرام تب ليهو ماتتشابا[/align][/size]

[حبوبة]

[align=center]بجي وقتا يكون بيوتاتنا تبقى تكل[/align][/b][/size]

ده حالنا الكان وما شايفالو عودة
تكلنا صار مطبخ وديواننا لي أوضة
تاهت مواريثنا بارينا الغرب والموضة
وإن استمر الحال عُقبانا غير محمودة

[حبوبة]

[align=center]الارزاق مقسمة دايرة بس أسبابا[/align][/size]

وقالوا الفقرا اتقسموها النبقة وكمان الفولة
رِبينا علي ده المثل ومعاه كم من مقولة
وان صدقت فِعالنا عليهم كنا ملكنا الدنيا
عرضها وطولا
بس قول لي شن نسو والنفيسة علي الطمع مجبولة

[لبيب]

وقالوا الفقرا اتقسموها النبقة وكمان الفولة
رِبينا علي ده المثل ومعاه كم من مقولة
وان صدقت فِعالنا عليهم كنا ملكنا الدنيا
عرضها وطولا
بس قول لي شن نسو والنفيسة علي الطمع مجبولة

[align=center]والله العظيم الناس دوام مشغولة
بى سك الرزق جنت هي فاقدة عقولا
تجري جري الوحوش بسرعة مامعقولة
فوق درب الاكل كان شية كان بى فولة[/align][/b][/size]

[عاشق الرومانسية]

والله الايام دي الاشيتر سخَن تب
(لما الشتره تسخن أشتر اوعا توقف)

وانتي يا شمعه بعد الزول دا ما بقاك بتاعت شاي
عايزه تعملي معاهو تحالف؟

[مدثر موسى]

من يوم ما نشيت انا للفضيلة زميل
لاخداع ولاقطاع ولانى عميل
للخلق الكريم ارتاح وقلبى يميل
وزى المغنطيس اجزب لكل جميل