سؤال للمغتربين في جميع دول المهجر

[العربى]

اخى مهند
تحياتى
مافرق بين سفارة السودان فى ابو ظبى والطيارة السودانية
الاستلام فى اليوم التانى
طبعا ان بحكم على مستوى الاداء مقارنة بالجهات الاخرى داخل الدولة
لا بالمستوى فى السودان


لكن دعواتنا بان يرتقى الاداء الى الاحسن

[جذاب وما كذاب]

ياخي بلا سفاره بلا بطيخ ديل فاتحين نقطه زيها زي ناس الحركه
طالعين ماكلين نازلين ماكلين .....
وقال شنو معلقين يافطه كبيرررررره بتتكلم عن الخدمات وما ادراك ما الكذبات
ياخي قبل ايام كان في تخريج للطلبه تخيلو انو السفاره ولا كلفت نفسها ترسل ان شا الله البواب
خليك من دعم
ديل فاتحين خشوموم (تماااااااسيح) يشيلو وما يدو
انا عندي معاهم حركه اللله لا وراركم
تسلم يا مهند بوست اكتر من رايع

[ود الغرب]

سفارتنا في قطر في وادي ونحن في وادي تاني
بس في رمضان السفير بمسي بفطر بره مرة الشحانية مره الدوحة ومرة في دخان
الخدمات العامة : جيب جيب جيبج أدفع ادفع أدفع
تطلع من السفارة : إلا جوازك لو ماعندك سيارة تشوف ياعم تقيف في الباب ( يا ابوشباب ماشي على وين )
الجديد عن الأخبار التي تهم المغترب : هاكم ده تليفون القنصلية في جدة هم بفيدوكم 0
اخبار التريبتيك : كل السيارات ممنوع إلا تركب (حمار ) لأن هناك في رسوم امنية تدفع في بورسودان يعني لم تركب (حمار ) يمكن تخليه أو تفكوا في بورسودان وتركب الباصات ولم ترجع تشيلوا معاك
بالإختصار شديد سفارتنا ومع الأسف الشديد غير مهتمة بالمواطن السوداني عامة إلا إذا مات زول يعني بتذكروا ربما يكون عند متأخرات ضرائب ولا زكاة ولا خدمات 0
يعني الخدمـــــــــــــات القنصلية = zero

[عشوقة]

احييك للطرح الجميل ده..واقول (( لا وألف لا))
مافي خدمات توازي الضرايب اللي بياخدوها
ولا في اي شي والزوال لما يكون داير حاجه
روحو بتطلع لحد ما تنتهي وتخلص!!
اصلوا السفارات حبر على ورق!!
سلمت يداك..

[ود الغرب]

سفارتنا في قطر = صفر
ما جايبه خبر نايمه نوم والضرائب والزكاة ده الشغل

[سالى]

يبه تبى الصراحه ولا الحقيقه
بى اختصصصصصصصصصصار
لاجواب الصراحه لا
جواب الحقيقه
مع تحيات عا شقه السودان الجميله

[spanisheyes]

والله السفارة السودانيه في ليبيا ما بتقدم اي خدمات خدماتا كلها زفت مافي تمشي لليبين يعاملوك احسن من السفارة حقتنا والله وشكرا

[حنضله]

حرام عليكى يا عيونهم بالنسبة للضرائب ده واجب وطنى بس فى بعض الاشياء يعنى فى المعاملات التانية اما بالنسبة لناس ليبيا طبعاً بيع عديل كده

[jasmina]

[glow=ccff99]

السفارة؟؟
ههههههههههههههههههههه
لمن تكون ماشي ليها لازم تتقل جيبك
ولمن تكون عندك مشكلة لازم تكون معاك سيارة وحق البنزين عشان حتقضي ايامك رايح جاي
وبدون فايدة ........... تلقى ناس بتتفلسف بس
ولو انشاء الله داير تقشر ساي تقول للناس التانين عاينو دي سفارتنا !!!!!! مابتقدر لان السفارة شكلها زي المركز الصحي شاذة في نص السفارات التانية

[/glow]

[وهج الخيال]

بصراحة السفارة السودانية في البلد المقيمة فيها .. قائمة بدوره على اكمل وجه ..
وسيادة السفير هنا مهتم بينا وبيعرفنا بالاسم الله يديهو الصحة .. انسان راقي .. وعندو اسلوب دوبلوماسي رائع .. طبعا وكافة اعضاء السفارة ...

[أبو صديق]

هل انتم راضون عن دور السفارة السودانية في دول المهجر هل الخدمات التي تقدمها توازي نسبة الضرائب التي تستقطعها عند كل اجراء معاملة 0
أرجو الاجابة

نحن في دبي وبحكم الأقدمية ومعرفة معظم طاقم القنصلية فالجميع يتلقي أحلي معاملة وبأسرع وقت بالإضافة لمشاركة معظمهم لنا مناسباتنا الخاصة وبالطبع العامة..

كعمل قنصلي 100%
بالنسبة لمساندتنا معنويا وأديبا مع بقية الدول ..... للأسف لم نري بداية حقيقية حتي الآن
بالمناسبة :
الضرائب دي إتلغت بقرار جمهوري من وقت طوووويل 2005 م
تسلم وزمــــــــــــــــان كنا بنشيل الود

[كشكول]

نرجوا من سفاراتنا

عدم حصر دورها في جباية الاموال

اقلها عمل شباك وانسان مختص في

استقبال شكاوي السودانيين في

دول المهجر وحلها اذا كانت

مع اجهزة الحكومة المستضيفة

او الكفلاء

وعمل برامج اجتماعية واقتصادية للمقتدرين لية لا

وبدل من صندوق دعم ولاية علتان وفلتان اولى عمل صندوق

دعم للمغتربين المعسرين والمحتاجين

من نفس المنطقة لا الناس حالتها ما واحدة

والله غالب

[مهاجر في البلد]

في النهاية دي سفاراتنا واحنا المجبورين عليها
ودا حال البلد بره وجوه الناس كلها اتعودت على الجبايات وغيرو الله يعينا كلنا
ومن زمان حال سفارة السودان كده ما اظن في جديد
ربنا يصلح الحال وتتطور الامور نحو الافضل المشرف للكل

مشكور مهند

[The Sniper]

[frame="9 80"]منورين شباب
في الحقيقة دا موضوع طويل
لكن عندنا هنا السفارة في دلهي ونحنا في بنقلور
يعني محتاجين سفر لثلاثة ايام لدلهي
غالبا بنراسل السفارة بالبريد يعني ما عارف تعاملهم كيف
لكن عموما في النهاية الموظفين بشر
ربنا يعينا
ودمتم[/frame]

[العرفابى]

المهند مشكور على الطرح الجميل واختيار الموضوع شكرا لك أن حركت المشاعر للكتابة وطبعا نحن من قدماء المحاربين ( اقصد المغتربين ) ومازلنا تأكل الغربة فينا .
بخصوص السفارات بالخارج فحدث ولاحرج لاتوجد سفارة بالمعنى الذى تحمله الكلمة بل هى أشبة أشبه بقطاع الطرق ويمارسوا تعذيب عباد الله وكنت امنى النفس ان تكون لنا سفارة تعرف قيمة ابنائها و تتفقد هم وتحل مشاكلهم كسفارة الفلبينيين .
شكرا لكم العرفابى