سؤال للمغتربين في جميع دول المهجر

[مهند عبد الرحمن]

هل انتم راضون عن دور السفارة السودانية في دول المهجر هل الخدمات التي تقدمها توازي نسبة الضرائب التي تستقطعها عند كل اجراء معاملة 0
أرجو الاجابة

[احمد يس]

سؤال غريب مجاوبش عليه

[sarona]

اه ... يا مهند ...اه

فتحت موضوع شائك جدا
لكن بصراحة احنا في جدة عندنا قنصلية
لكن برغم السنين الطوال الي قضينها هنا ما شفنا ليهم دول يعزز مكانة السوداني ويدي قيمة
أو حتى يخلي الجهات الرسمية تتعامل معاه باحترام...ويتعمل ليه حساب

وحدث ولا حرج عن الضرائب.... والزكاة .....
حاسين وكأن دورهم جباة........

[جمال علي]

وههههههههههههههههههههه
راضيين هو ده كلام
على العموم القنصليه السودانيه في دبي المنظر العام ليها بقا حاجه جميله جدا
ومشيت جددت الجواز بتاعي ما اخد ليهو اكتر من نص ساعه
لكن الضرايب والحاجات دي وهههههههههههههههه
حدث ولا حرج

[بت أبوظبي]

هل انتم راضون عن دور السفارة السودانية في دول المهجر هل الخدمات التي تقدمها توازي نسبة الضرائب التي تستقطعها عند كل اجراء معاملة 0
أرجو الاجابة

حقيقه السفاره السودانيه كنا نعاني منها في سوء الإجراءات والتعامل سنين طويله ..
ومالفت انتباهي في آخر إجراء لي في السفاره ان جميع البروتوكولات القاسيه التي كانت يتعامل بها الموظفون تلاشت واختفت .. وقد دهشنا بحسن المعامله التي فقدناها من زمن ..
وبالنسبه لسؤالك ..
وجدنا ان نسبه الضرائب اصبحت جدا معقوله واقتطاع النسبه موازي ايضا للخدمات التي تقدمها السفاره السودانيه لدينا ..
الحمد تبدل الحال لدينا ..

شكرا صديقي مهند

[ود مكه]

ان .. جديد لس .. و د أول موضوع أقراهو .. لكن ... انشاء الله لي عودة

[مهند عبد الرحمن]

مشكورين يا شباب على المرور

[بت أبوظبي]

شكرا شنو ؟؟؟

انتو الوضع عندكم كيف ؟؟؟؟
سلام

[سودانى معذب]

الأخوة اعضاء ومشرفى منتدى انا سودانى
السلام عليكم ورحمة الله وبركاته
الحقيقة دخلتا المنتدى عند تصفحى لقصة يقشعر لها جسدك وتدمع عيناك القصة ذات مضمون كبير وأعجبتنى جدا جدا وقد استفدت منها شئا ساشرحه لكم فيما بعد وشكرا لكاتب القصة
أخوكم الصغير خالد الصافى (سودانى معذب) استنبطت هذا الاسم من من سؤال مدى الرضاء عن القنصليات الحقيقة بجيك احساس اول ما تدخل القنصلية انك داخل وانتا عبارة عن ريال الشئ البعرفه انه دور القنصليات متابعة مواطنيها وحل مشاكلهم ولكن عندنا التعامل بصورة غليظة وادفع كذا وكذا طيب العائد شنو من الرسوم والحاجات دى كلها انا بعتقد انه مافى داعى لوجودها وسنتدبر امورنا برانا.

[بت الشيخ]

اولا بحب اشكر الاخ سوداني معذب
وعايزة اضيف حاجة
انو هم مفتكرين المغتربين ديل قاعدين على كنز
وانهم مرتاحين انهم عايشين بعيد عن اهلهم وهو في الحقيقة العكس
وفي النهاية
ان شاءالله ما اكون تقلت عليكم
مع تحيات

«®°·.¸.•°°·.¸¸.•°°·.¸.•°®»بت الشيخ «®°·.¸.•°°·.¸¸.•°°·.¸.•°®»

[فنونه بنت المدينه]

لا اقتراح
على هذا السوال

[almohagir]

السلام عليكم ورحمة الله وبركاته اما عن دور السفارات السودانية نحن فى دولة قطر عند بعض الموظفين يزكروك ب( بواب المستشفى اللميط داك ) والسفارة عامة تختصر اعمالها فى تجديد الجواز وتحصيل الاموال ولاكن لا توجد اى حلول للمشاكل التى تواجه المغتربين ليس كمثل باقى السفارات الاخرى( سفارات شرق اسيا) والله المستعان . ولكم التحية والمعزرة

[amin88y]

هي الحكومة قادرة تسيطر جوه الخرطوم خليها على الله بس
حكومه كل همها القروووووووووووووش وبس

والغاية تبرر الوسيلة

[حنضله]

[glint]ما بلاش احراج يا اخوانا[/glint]

[الليبي]

دورها زي دور حكومتنا علي المواطنين داخل السودان (بالعربي كدة شغالين جبايات ما اكتر ولا اقل )

[زوز]

لا ثم لا ثم لا

[تونقا 2]

مشكور على الموضوع
ماقلنا يا اخونا ديل ناس جبايه وبس ولو ما دفعت من الباب امورك ما بتسهل
ودى الحقيقه كان ترضى وكان تزعل

[كيمو]

هوي يا بشر الناس تحترم نفسها في جهاز الامن والمخابرات

بالله قولوا كلام زي الناس

وانا راي انوالسفاره السودانيه في الهند احسن خدمه عملوها

انو قلبو الايصال بتاع الاقامه بالعربي قالوا دي خدمه بس

مشكور مهند عبد الرحمن وتسلم انشاء الله

[مهند عبد الرحمن]

مشكورين يا شباب على المرور وابداء الرأي بكل صراحة متمنيين ان ينصلح حال سفاراتنا في كل الدول وان يستفيد ابناءانا من الخدمات التي تقدمها لهم

[استارو]

تسلم يامهند
انا شخصيآ امتنع عن التصويت