مجـــــــــــــــــادعــــات

[معتبر]

[overline]
شمعة امل
الناس الهنا
الزول الجديد كان نلقي ليهو فرقة بقول

فلانة حلاته من كلم البتوقد امر
وعملت لي حسسا علي ما مر
من كلمة عسل فاها اللذيذ بالمر
بعد تعبا شديد حتين تجود لك مر

معليش نشرح شوية للناس
حينما توصف واحدة جميلة وذوق وتكون كاسرة فيك ضلعة
وانت معلق بيها وهي ضنينة في الكلام
وبعد ماتطلع روحك تديك الكلام بالجرعات
يعني رزينة لمن مبالغة

مودتي [/overline]

[القلب الملك]

يا ود نعيم في الجدع انا ما ماهر
أجيب كتاب وكراس خليني أقعد أزاكر
يمكن أقدر أجدع ،، و أجيكم فجرا باكر

[حبوبة]

ملاك الورود انا زيك ما لا قي لي سبيل
شايف الجدع هادر ،،،،،،،،كأنه التقول السيل
خلينا نتفرج ونضحك ،،، لامن دموعنا تسيل

يا أخوانا الجدعة دي ظابطة ،،واللا عايزنا ابعد من كدا،

هلا بالسمحة ملاك الازاهير وتُر لاجاي الملك النبيل
لا ضحك لا فرجة .. نضما سمح بلحيل
إرث اهلنا الزين من زمن الاساطير
وباين عليك آجنا في الفن ده انت طرير

[حبوبة]

[overline]
شمعة امل
الناس الهنا
الزول الجديد كان نلقي ليهو فرقة بقول

فلانة حلاته من كلم البتوقد امر
وعملت لي حسسا علي ما مر
من كلمة عسل فاها اللذيذ بالمر
بعد تعبا شديد حتين تجود لك مر

مودتي [/overline]

بخيتة فلانة اللي قليبك حازت
وقعت ما سميت وفيك نيرانها قادت
مبارك دام دون الشباب بالكلم ليك جادت
زغردن رفقاتها وكتين سمحتن بيك فازت ..

مرحبتين حبابك جيت وللفريق نوَر
أي صح جديد بس لي فرقتك ضل :D
ماني قدك بس بعجبني اللسان الحر
في رجاك حارين تسمع القول البِسُر

[معتبر]

بخيتة فلانة اللي قليبك حازت
وقعت ما سميت وفيك نيرانها قادت
مبارك دام دون الشباب بالكلم ليك جادت
زغردن رفقاتها وكتين سمحتن بيك فازت ..

مرحبتين حبابك جيت وللفريق نوَر
أي صح جديد بس لي فرقتك ضل :D
ماني قدك بس بعجبني اللسان الحر
في رجاك حارين تسمع القول البِسُر

حبوبة
نورك شلع لدروبنا ضاوي
قولة سلام تدخل جوة اضلاعي
دي المحرية فيكم من قديم الايامي
طابت الجلسة عندكم ياندامي

[محمد نعيم]

يا ود نعيم في الجدع انا ما ماهر
أجيب كتاب وكراس خليني أقعد أزاكر
يمكن أقدر أجدع ،، و أجيكم فجرا باكر

يا خوي الجديع ما بدورلو قلم ولا كراس

اقعد فوق النيمة واشرب شاي يعدل الراس

بكرة بتصبح احسن من ابو فراس

هع ابشر

[حبوبة]

حبوبة
نورك شلع لدروبنا ضاوي
قولة سلام تدخل جوة اضلاعي
دي المحرية فيكم من قديم الايامي
طابت الجلسة عندكم ياندامي

اب سن
النور من وشيكَ يا الاسمك كلو هيبة
ات بالسلام باديت يا ود الحُنان والطِيبة
ساعلاك العفو طالت عليك الغيبة
كُرَب الدنيا شغلتنا ولساتنا جارين في دريبا

[سمسم يوسف]

حبوبه وينك
زمن من لياليك الفريده
فقدنا طلتك وجيتك البنريده
عساكي دايما طيبه وشديده
وكل أيامك تكوني فيها سعيده

[uthman]

حبوبة حبك في دماي في الفؤاد إتوكر
ضارب في الضلوع في الحنايا إتحكر
طال بي السهاد في بهاك أتفكر

[uthman]

سوداننا الحبيب ما بنفرط فيهو
في وقت المحن بأرواحنا بنفديهو
والقاصد جوارنا نحن بنهنيهو[/color]

[uthman]

انا سوداني

[الدويحي 2]

لم يــــــــــــكن إلا لقــــــاءً وافـــترقــنــــــا
كالفراشات على نار الهوى جئنا إليها واحترقـنا
كان طيفاً وخيالاً ورؤى ثم ودعنا الأماني وأفقنا

[حبوبة]

حبوبه وينك
زمن من لياليك الفريده
فقدنا طلتك وجيتك البنريده
عساكي دايما طيبه وشديده
وكل أيامك تكوني فيها سعيده

بت يوسف حبابك
اليوم السمح الليلة جابك
أعذريني ما شفتو يمة خطابك
يحفظك مولاك ويغطيك لي شبابك
من حبوبة يا بنية لا تطولي غيابك

[حبوبة]

حبوبة حبك في دماي في الفؤاد إتوكر
ضارب في الضلوع في الحنايا إتحكر
طال بي السهاد في بهاك أتفكر

جانا داخل (توش) لسانو حالي مسكر
غلبني ما لاقالي كلام ليه بيه اتشكر

مرحبتين حبابك حجرة ليك ما تعتر
ويديك قدر نيتك وليك يعفو ويغفر

[الأسيد]

[align=center]اهل الجدعة والنم الليلة جيتكم زائر

من زمن طوويل هايم فكري وحائر

ويين اهل الفريق الكرماء وصافي الضمائر

سأل المولي يبلغهم مرادهم وما تدور عليهم الدوائر

ويجمع شملهم ويتم فرحنا وتعمنا البشائر[/align][/b][/size]

[حبوبة]

هلا وغلا بالاسيد

نحن ضيفنا بنبسم في وشيه ونشد الايد
نباشرو بالخيرنجرّوا النم ونعلي لُو النشيد
نضايفو جبنة وغداه أكيد يكون ثريد
وان جاورنا .. دنيا وآخرة بإذنه سعيد

[لبيب]

جيتكم ياجماعة وجاي معاي لساني
بالقول الرصين انا داير اقول اوزاني
عشمان فيكم الخير تبقوا لي اخواني
تعدلوا قولي كان ماكان كلمي مزان

[حبوبة]

يرحب بيك لساني يا اللبيب الزين
قبالو جرت أحضاني وضحكن العينين
زغردت القوافي واتغامزن متل العوين
فرحا بي حضورك يا جنا الوزين

[لبيب]

يرحب بيك لساني يا اللبيب الزين
قبالو جرت أحضاني وضحكن العينين
زغردت القوافي واتغامزن متل العوين
فرحا بي حضورك يا جنا الوزين

[align=center]ياحبوبة بتشيلك دواخل العين
تغشاكم سعادة وتبقوا فرحانين
بنعز القوافي وساسا جوة متين
نتعاطاها زي أكل العنب والتين[/align][/b][/size]

[حبوبة]

هع .. أيّا باين هينة ولينة في لسانك جارية
البهجة هيلنا طول ما نفوسكم لينا طارية
يضاريك من العين زي الجبل لي سارية
مولاك المجيب وتكون الوالدة عنك راضية