يوميات نعيم جرسه

[محمد نعيم]

اخواني واخواتي متابعين اليوميات اذا وقفت ليكم كلمة وروني وانا حاشرحها ليكم لان اليوميات بالدارجي وشكراً

[بسمة الحياة]

ما معقولة كده
كل مرة جايب لينا كلمات اثرية
نحن شهادة عربية ما بنفهم
وانا لوقعدت اسالك من الكلمات الما فهمتها ما بخلص
عشان كده في نهاية كلو حلقة اكتب لينا ترجمة للكلمات البتشوف انها صعبة علينا

[مجدى عكاشه]

مجمد نعيم
زيارة لتسجيل اعجابـ ... وتأكيد حضور دائم

تابعـ .. فليومياتك نكهه خاصة
تحديدآ فى مجريات الشهر العظيمـ

تخيل .. انا خايف بكرة يعملو حلة فى البيت
واحضرها هي ومسخنة ...
وتقوم الحجة ربنا يديها العافية ترسلنى عشان اتصرف مع النار

منظر حيكون ( آسف ) ..


.. سيناريوهات رائعة
انشاء الله من المتابعين ..

[ميمي السودانية]

[glow=CCFF33]الخيشمة دي شنو ما عرفته معناها؟؟

ومتااااااااااااااااااااااااااااابعين[/glow]

[محمد نعيم]

ما معقولة كده
كل مرة جايب لينا كلمات اثرية
نحن شهادة عربية ما بنفهم
وانا لوقعدت اسالك من الكلمات الما فهمتها ما بخلص
عشان كده في نهاية كلو حلقة اكتب لينا ترجمة للكلمات البتشوف انها صعبة علينا

ان شاء الله يا ناس الشهادة العربية كل حلقه بنوريكم المعاني القلتوا عليها صعبة دي وشكراً لمتابعتك

[محمد نعيم]

مجمد نعيم
زيارة لتسجيل اعجابـ ... وتأكيد حضور دائم

تابعـ .. فليومياتك نكهه خاصة
تحديدآ فى مجريات الشهر العظيمـ

تخيل .. انا خايف بكرة يعملو حلة فى البيت
واحضرها هي ومسخنة ...
وتقوم الحجة ربنا يديها العافية ترسلنى عشان اتصرف مع النار

منظر حيكون ( آسف ) ..


.. سيناريوهات رائعة
انشاء الله من المتابعين ..

استاذنا الرائع مجدي عكاشة زيارة لليوميات لها رونق خاص وانت كاتب متميز بشهادة الجميع وقبلها شهادة قلمك الرائع بجد اسعدنس مرورك وتعليقك .

اعمل حسابك والله الحلل في رمضان عندها رائحة عجيبة

[محمد نعيم]

[glow=CCFF33]الخيشمة دي شنو ما عرفته معناها؟؟

ومتااااااااااااااااااااااااااااابعين[/glow]

الخشيم تصغير لخشم وهو الفم



شكراً كتير على المتابعه

[محمد نعيم]

الحلقة التاسعة

في نهاية الحلقة السابقة كان هذا الموقف........................ .......

الوالده :- يا نعيم تعال ما تمش لخالتك لانها تعبانه وعيانه انت بتذيد ليها الضغط بتاعها تعال ما تمش تعال يا جنا اسمع الكلام لو مشيت بلحقك .

نعيم :- والله خالتي عيانه اذن بتكون فاطره كدي النمشي عليها

نعيم في طريقو لخالتو مرّ بدكان حاج علي سلم عليه وقال:- كيفك يا حاج علي. كيف صحتك مع رمضان

حاج علي:- وعليكم السلام اتفضل يا ولد مالك طولت مننا كدا قبل رمضان كملت الدكان كلو ما خليت طحنية وما خليت بسكويت كملت علينا البضاعه كلها حتى الهنابيك ما خليتها اسا اختفيت نهائي .

نعيم :- شنو يا حاج فاتح فينا كدا وشنو اتفضلو في رمضان دي الايام العاديه ما بتقول اتفضل اسا اتفضل على البرش دا طيب خليها لبعد المغرب قول لي اتفضل والله ياحاج شايفك بقيت كريم على المستحيلات.

حاج علي :- كيفن يعني ما فاهم حاجه

نعيم :- قبل رمضان شايفك عزمت حاج الخدر دا على شية باقيلك الخدر عندو ليك سنون وحاجة الرضية لما جات تشتري ويكه منك شايفك عزمتها على فنجان جبنه الكنت بتشرب فيها وعارفها عندها السكري غايتو يا حاج انت بتاع حركات لكن حقو الواحد يلبد ليك ولما تعزمو يفطر طوالي .

حاج على :- الكلام دا الليلة جبتو من وين ؟

نعيم :- زعلتني عزومتك الما ليها داعي اها رمضان دا ما قاعد لينا كلها كم يوم وبمشي خليك كريم كدا على طول انا خايفك بكره تقوم تتلون.

حاج علي :- والله يا نعيم من زمان انت ولد شاطر وولد مهذب وبتحترم الناس لكن سامع ناس الفريق قالوا من رمضان خش علينا انت بقيت كعب وبتفتش في المشاكل اسا حاجه عشه دي مالك عليها قالت في شعبان عزمتك تضوق الابري سمعتها كلام عمرها ما سمعتو والشفع البعملوا في الجوامع ديل قالوا فلقت ود نفيسه في صنقورو

نعيم:- انت سمعت الشافع بكورك لشنو ما جيت فكيتو مني؟

حاج علي:- والله انا قلت الشفع ديل بتاعين حركات مرات بكوركو لما امشي افكهم بلعبوا علي ويجوا مهاجمين الدكان ما يخلو حاجه عشان كدا قلت يمكن دي خطه منكم وعملت نايم.

نعيم :- يلا يا حاج بجيك بعد المغرب اسا انا مستعجل ماشي لخالتي .

حاج علي :- سلم عليها قالوا تعبانه شويه شايف الولد هيلا شال ليها روب الصباح.

نعيم :- شال ليها روب يهووووووووووووووووووووووووووووووووووووووووو

طبعاً نعيم ما صدق انو خالتو شالو ليها روب مسك نعلاتو في يدو ومسك العراقي بي خشمو وعلى طول على خالته ربنا يكون في عونها......خليكم متابعين

الى لقاء في الحلقة القادمه

[دعد]

جرســـــــــــــــــــه شديده
باين عليك انت المتجرس:D

وبعدين انا ما شهاده عربيه وبعرف كلمات كتيره
والضلفين عرفتهم برااااااااااااااااي
وكمان اوريك
صنقورو = قفاه
صح؟
صفق لي سريــــــــــــع

[محمد نعيم]

جرســـــــــــــــــــه شديده
باين عليك انت المتجرس:D

وبعدين انا ما شهاده عربيه وبعرف كلمات كتيره
والضلفين عرفتهم برااااااااااااااااي
وكمان اوريك
صنقورو = قفاه
صح؟
صفق لي سريــــــــــــع

ههههههههههههه انا ما بتجرس يا ستي بتجرسو ناس وائل وسوسو وميمي والناس المن النوع دا لكن انا اسمي الكيك بكسر الكاف .

ولو انتي ما شهاده عربية برضو شهادة عاصمية مافي فرق بينها والعربية

[دعد]

ههههههههههههه انا ما بتجرس يا ستي بتجرسو ناس المن النوع دا وائل وسوسو وميمي والناس لكن انا اسمي الكيك بكسر الكاف .

ولو انتي ما شهاده عربية برضو شهادة عاصمية مافي فرق بينها والعربية

برضو ما صفقت لي
ومالها الشهاده العاصميه عيبا لي في سطر

بس صراحه الكيك بكسر الكاف دي غلبتني

[محمد نعيم]

الكيك معناها الاسد انتي ما سمعتي ببيت الشعر الفي المك نمر

نمراً بركب الكيك البطر وإتحرّن
نمراً بِقلب العوق أب صفوفاً جرّن
خلوات صدرو في علوم الحروب كم قرّن
سيفو بينتف الدرع الحديدّو مقرّن

اما بالنسبة للصفقه انتي تستاهلي لانك تعبتي واجتهدي كتير علشان تعرفي بعض المعاني

مشكوره على متابعتك وياريت تستفيدي من بعض المعاني والغرض اصلاً ايصال بعض الكلمات الغير معروفه للناس

[nusnus]

الحلقة السابعة

في نهاية الحلقة السابقة كان هذا الموقف........................ .......
نعيم :- يلا نبدأ ليكم بمادة الحساب ( الرياضيات ) كل واحد يجهز الكراس بتاعو ومن اسا ما عندي فسحه

بجرها ليكم كدا ساعه ساعتين تلاته الليله تصوموا كدا بس. يلا استعدوا................

نعيم :- يلا يا ولاد تعالوا بي جاي ...لا ما هنا بي جاي

اخوان نعيم :- هنا كويس بي هناك السخانه خلينا جنب الباب.

نعيم :- لكلكلك اخليكم بي هنا وانا بدرسكم ساي كدا انا بقعدكم بي جاي علشان اقابل الباب بتاع المطبخ ..تعالوا تجيكم الجات لعتود التاية.

اخوان نعيم بصوت واحد :- ومالو عتود التاية؟؟؟؟؟؟؟؟؟؟؟؟؟؟

نعيم:- هههههههههههههههههه والله عتود التاية دا قصتو عجيبه ..طبعاً راجل التاية دا راجل كريم كل يوم معاهو ضيوف وكل يوم ولا يومين الراجل ضابح من غنم التاية اها الضيوف جوا لعمكم دا وقابلهم ببشاشه ما متل ناس الزمن .

اخوان نعيم :- وناس الزمن ديل كعبين يعني؟

نعيم :- انا ما قلت كعبين لكن دا الواحد يصر ليك كد ويحمر ليك متل شيّة الجمر لما ترجع عشرين خطوه للخلف ويقعد يفكر طوالي قبل ما يرحب بالناس ياربي الولية عندها دقيق ولا ما عندها ياربي الكسره دي بتقضي ولا اشحد من الجيران.

اخوان نعيم :- خليك من ناس اسا كدي ورينا قصة عتود التاية دا.

نعيم يهمهم اخواني بعرفهم كويس شكلهم بعدين بطلعوا متلي جبنا سيرة الاكل والضبيحه طوالي نسوا القرايه.

نعيم:- اها لما الضيوف جوا لعمكم دا رحب بيهم ترحيب مولع نار واوريكم الحوار بتاعهم.

راجل التاية :- حبابكم الف ما ينقص ولا حرف حبابكم ميه بكل حسن نيه حبابكم عشره بلا كشره حرّم تخشوا لي جوه الليله ضابح ليكم ضابح ليكم

الضيوف:- عارفنك رجل كرم وجود لكن ما تضبح لينا عشينا بالموجود ياحاج نحن قبل اسبوع ضبحت لينا وقبل كم يوم برضو ضبحت لينا والليله كمان بتضبح؟

راجل التاية :- انا قلت وحلفت والموضوع انتهى وقعد ينده للتاية يا ولية جيبي العتود دا

التاية متحسره :- والله يا راجل دا آخر عتود خليهو بعمل ليهم عصيده بي لبن والريكة مليانه كسره خلي العتود ما تضبحوا.

عمنا اصر يضبح العتود وفعلاً ضبح العتود وجابوا للضيوف طبعاً الضيوف سمعوا حاجة التاية قالت انو دا اخر عتود اها الضيوف ديل وقعوا في العتود ما خلوا فيهو ولا حاجه حتى الاضالفين اكلوها وقالوا عايزن النيفه كمان وطلبوا من عمكم يديهم الجلد يعملوهو مصلايه.

هنا اخوان نعيم خافوا من دعوة نعيم لما قال ليهم تعالوا تجيكم الجات لعتود التايه.. سمعوا الكلام وطوالي جوا بالجانب التاني وتركوا الباب لنعيم ليشم الريحة الجايه من المطبخ.

نعيم :- مالكم سكتوا وخفتوا كدا خايفين تبقوا متل العتود دا ؟؟؟ يلا استعدوا للحصه ونبدأ ليكم بالحساب الحصبة الترقدكم الكرنتينه

يا ترى نعيم دا بعرف يدرس اخوانو ولا عايز يضيع زمن الصيام بس

الا لقاء في الحلقة القادمة

بصراحة يا محمد نعيم لاقتني كلمتيت غريبات النيفة و الا ضالفين اها انا عايزة لو سمحت تورينا

معنى الكلمتين ديل تقبل مروري

تحياتــــــــــــــــــــــــــــــــي

[محمد نعيم]

بصراحة يا محمد نعيم لاقتني كلمتيت غريبات النيفة و الا ضالفين اها انا عايزة لو سمحت تورينا

معنى الكلمتين ديل تقبل مروري

تحياتــــــــــــــــــــــــــــــــي

الاضالفين تعني الكوارع او الارجل


النيفه الراس

[ميمي السودانية]

ههههههههههههه انا ما بتجرس يا ستي بتجرسو ناس وائل وسوسو وميمي والناس المن النوع دا لكن انا اسمي الكيك بكسر الكاف .

ولو انتي ما شهاده عربية برضو شهادة عاصمية مافي فرق بينها والعربية[/B]

ميمي دي انا
طيب سوسو و وائل ديل منو؟؟:D :D
ومتابعة بحماس

[محمد نعيم]

ميمي دي انا
طيب سوسو و وائل ديل منو؟؟:D :D
ومتابعة بحماس[/size]

ههههههههههههههه
دي بقولوها للحناكيش .
:D
شكرا على المتابعه

[ميمي السودانية]

ههههههههههههههه
دي بقولوها للحناكيش .
:D
شكرا على المتابعه

لاكين انا ما حنوووووووووووكشة

[محمد نعيم]

يا جماعه انا زعلت والله زعلت لما قربت اتفجر

لقيت واحد ناقل اليوميات كامله وناسبها له ومنزلها باسمه في احد المنتديات دون ذكر كلمة منقول ولا حفظ لي حقي الادبي. انا كاتبها في منتديات كتيره واتنقلت كتير لكن بكتبوا عليها للكاتب محمد نعيم ولكن الحاجه البتغيظ فعلاً الواحد ينسب اليوميات لنفسه.

اسف على هذا التزمر

[ميمي السودانية]

يا جماعه انا زعلت والله زعلت لما قربت اتفجر

لقيت واحد ناقل اليوميات كامله وناسبها له ومنزلها باسمه في احد المنتديات دون ذكر كلمة منقول ولا حفظ لي حقي الادبي. انا كاتبها في منتديات كتيره واتنقلت كتير لكن بكتبوا عليها للكاتب محمد نعيم ولكن الحاجه البتغيظ فعلاً الواحد ينسب اليوميات لنفسه.

اسف على هذا التزمر

صحي والله حاجة تغيييييييييييييييييييييييييييييييييييييييييييييييظ
ما عرفتة الشخص ده منو؟؟
لمن تعرفوا قول لي........:D :D

[محمد نعيم]

الحلقة العاشرة

في نهاية الحلقة السابقة كان هذا الموقف........................ .......

نعيم :- يلا يا حاج بجيك بعد المغرب اسا انا مستعجل ماشي لخالتي .

حاج علي :- سلم عليها قالوا تعبانه شويه شايف الولد هيلا شال ليها روب الصباح.

نعيم :- شال ليها روب يهوووووووووووووووووووووووووووو ووووووووووووو


طبعاً نعيم في اعتقاده كل واحد مريض لازم يكون فاطر بدأ يتكلم مع نفسو:-- اسي لو جاتني ملاريا ما احسن؟ لالالالالالا ملاريا فيها الحقن واحتمال اسبتاليه طيب اكسر كراعي لالالالالالا كان كراعي اتكسرت ما بقدر اجري مع اخواني لما ابوي يجي من السوق ويقلعوا منو العيش والعُنكوليب اهااااااا اقول ليهم عندي نزله برضو لالالالالا امي بتسقيني القرض اقوليك حاجه يا ولد يا نعيم احسن ليك صيامك دا كدي النخش على خالتي واشوفها فاطره لكن دي ما بتفطر قدامي كدي النقوم اجيب ليها كم تأليفه كدا علشان تعترف.

نعيم :- يا خاله السلام عليكم يا ناس الهنا يا خاله خالتي وينك ياربي مشت وين اهاااااااااااا تلقاها مدسيه تتجغم في الروب . احم احم احم احم انا هنا عييييييييييييييييييييك. ياربي الخاله دي مشت وين؟

الخاله :- اتفضل خش .

نعيم:- وين كنتي مدسيّه عارفك كنتي بتعملي في شنو ؟

الخاله :- اها يا ابو العريف وريني كنت بعمل في شنو؟

نعيم :- كدي في الاول اقوم اطايبها وبعدين ارمي ليها كم تاليفه كدا.

الخاله :- بتقول في شنو؟

نعيم :- ولا حاجه بس بسالك كيف صحتك ان شاء الله كويسه؟ وكيف رمضان معاك ان شاء الله تكوني ما تعبتي فيهو كتير.

الخاله :- والله الحمد لله بس شوية تعب وانت عارف عندي الضغط تاعبني شديد

نعيم :- لكن الضغط ما بفطر.

الخاله :- والقال ليك فاطره منو؟

نعيم :- يضاهي في الكلام كدي النسعلك اولادك كيف كلهم كويسين الصايم منو والفاطر منو ؟

الخاله :- كلهم الحمد لله صايمين الا الولد الصغير من بدا رمضان ببكي قال عايز يصوم وانا منعتو لانو صغير انت عارفو قدر اخوانك اسا اخوانك صايمين؟

نعيم :- والله اخواني كان صاموا اقتصاد البلد إتصلح لكن تقولي شنو تاعبين ابوي تعب شديد يشيل وينقل وامي توقد من الصباح في الكوانين.اها قلتي لي كيف تلاجتكم ان شاء الله بتبرد وكيف الزير بتاعكم وغنمايتك بتسقيها وبتاكليها ؟

الخاله :- يا ولد كدي جر نفسك شويه واقعد في بطن العنقريب دا وبعدين اهرج شكلك جالد اليوم دا وما صايم صاح؟

نعيم :- والله الفاطرين ظاهرين والله لو شفتو الحوش نضيف تقول بنت ماشه لي حفله الخاله دي كان ما فاطره بتنضف كدا لشنو الدنيا عيد اصلو .احسن حاجه اوريها عديل كدا باني عارفها فاطره كدي يا ولد ما تتسرع .
الخاله اتمحنت وتسمع في نعيم وهو يتكلم مع نفسو لكن ما فاهمه حاجه

الخاله :- يا نعيم عايزه ارسلك الدكان.

نعيم :- لي روب ولا شنو الروب الجابو ليك الصباح خلاص كمل؟

الخاله :- لا ما روب عايزاك تجيب لي سكر

نعيم :- لكن الروب بالسكر ما كويس يا حلاتو لو عملتيهو بالشطه والملح حاجه ما تخلص.

الخاله :- انت بتقول في شنو سكر وملح وشطه الدنيا رمضان يا ولد والناس صايمن ما تجيب سيرة الاكل بالنهار.

نعيم بحاول يوقع خالته علشان يعرف هل هي صايمه ولا فاطره على حسب المعلومة الاداها ليهو حاج علي بتاع الدكان نشوف نعيم هل حيقدر يكتشف المعلومه خليكم متابعين

الى لقاء في الحلقة القادمة