يوميات نعيم جرسه

[محمد نعيم]

[align=center]الحلقة الاولى[/align]



صاحبنا متجرس خلاص من شعبان ما دخل ويتمنى اليوم في شعبان يبقى بسنة كامله.
جاء ماري بشارع ناس حاجة عشه شم ريحة الابري وقعد يطنطن.. عليك الله شوف الناس دي جارين للصوم جري اسا جابوا لينا رمضان تب في ابري بعوسوهو من اسا !!!!!؟؟
كورك لحاجه عشه بالحيطه يا حاجه كيفنك ردت حاجه عشه كويسين الحمد لله مالو صوتك كدا دحين كان ما اخاف الكضب انت نعيم عارفاك من يجي رمضان دا بتقعد تهلوس كدي اتفضل شيل ليك طرقة ابري ضوقا رد نعيم يا حاجه انا ريحتو دي مضايقاني كمان اشيل منو وانتوا زاتكم جبتوا لينا رمضان دا جري.....................
اها زولنا اتحرك شويه لقى الشفع بعملوا في الجوامع بتاعت الفطور نهر الشفع والله غيركم انتوا شئ تاعبنا مافي يلا برا لمه اسا انتوا بتصوموا بتقوموا تلهضموا من الصباح باقي السحور وباقي العشاء وتتجغموا في الشاي وتلحسوا في يديكم اسا رمضان دا فارزين ليهو شنو؟ يلا كل واحد على بيتو والله اشوف لي واحد لافي هنا ما اخليهو


فاصل ونواصل


حقوق الموضوع خاصه بمحمد نعيم

[القلب الملك]

حلو محمد ،،،

واحد قال كان ما النسوان ديل بجهزوا لي رمضان من رجب ،،، رمضان بفوت ساي زول بعرفوا ما في

[محمد نعيم]

حلو محمد ،،،

واحد قال كان ما النسوان ديل بجهزوا لي رمضان من رجب ،،، رمضان بفوت ساي زول بعرفوا ما في

هههههههههههههههه
دي جرسة جديده

مرحب بيك يا ملك وان شاء الله تكون متابع جيد لجرسة نعيم طيلة ايام الشهر

[نهر المحبه]

حلو محمد ،،،

واحد قال كان ما النسوان ديل بجهزوا لي رمضان من رجب ،،، رمضان بفوت ساي زول بعرفوا ما في

غايتو انتو ديل الله يسامحكم كان عملو ماعاجبكم وكان ماعملو برضو ماعاجبكم

[نهر المحبه]

الله يعينك
انتو بتتجرسو من الشهر ده لشنو مع انه جميل وبتخفو وزن زاتو

[محمد نعيم]

غايتو انتو ديل الله يسامحكم كان عملو ماعاجبكم وكان ماعملو برضو ماعاجبكم

الاخت الغالية نهر المحبة الحكاية كلها ونسة وكدا
وكلنا لا ننكر فضل امهاتنا واخواتنا في تعبهن في تجهيز الابري والرقاق وغير ذلك.

ادامكم الله لنا ايها النساء

[waya]

[grade="00008B FF6347 008000 4B0082"]امممممممم

نعيم ده لو جاء بورتسودان الايام دي ... الا يحصلني [/grade]

[نهـاد]

[glow=FF0000]نعيييييييييم دا خواااااااف ساااااي
الناس في رمضاان تتجرس من الصوم والعطش

[glow=3300FF]لكن أنا جرستي مختلفة شوية
انا بتجرس من غسيل العدة في رمضــــــــــــان العدة كتيرة شديد

[/glow]

محمد نعيم تسلم على الجرس
سوووووري قصدي البوست :D
وكمل وحنكون متابعين معاك لحد أخر الشهر أنشاء الله
تحيـــــــــــــاتـــــــــــــي[/glow]

[هديل الحب]

ههههههههههههه
والله يا ود النعيم جرستك عجيبة
اول مرة اشوف لي زول ما عاوز رمضان

[زوزو الجامعي]

ههههههههههههه والله جرسه شددددددددددددديد

[بسمة الحياة]

هههههه
والله قصتك قصة
الجرس بدات من شعبان
في رمضان حالتك بتكون كيف

مواصلين معاك لغاية نهاية الشهر

[محمد نعيم]

الحلــــقة الثانية

أول يوم طبعاً قام من النوم كغير عادته قام بدري التقول ببيع خضار مشى ولع نار الشاي وجاب ليهو أكبر كفتيره ( الكفتيرة دي البعملو فيها الشاي ) ملاها مويه للحلقوم وختاها فوق النار عامل فيها ناسي امو صحت من النوم وقالت:-

مالك يا جنا موقد النار ومسخن ليك موية قدر دي عايز تنضف ليك كرشة تور ولا شنو؟ ظنيتك ناسي

وعايز تعمل شاي مالك ما صائم ولا ناسي ولا متناسي؟!!!
!
رد نعيم:- كيفن يا يمه ما صايم.

الوالده:- طيب خبارك مسخن المويه

نعيم:- عايز اتبرد بيها.

الوالده :- أجي ياولدي الدنيا سخانه وعايز تسخن مويه للحمّام.

نعيم :- ممممممممم خلاص ما تحكيها كدا تعالي هنا اسا انتي المصحيك شنو بدري كدا ؟

الوالده:- كيفن المصحيني شنو انت ما عارف اني بعمل الشاي للشفع ديل.

نعيم :- يا ريت ما كبرنا ياريتنا لو بقينا متل ابو شلاضيم ديل زمان عايزين الكُبر نحك في شناباتنا علشان نقعد في صينية الغداء في الاعراس والسمايات اسا ندمنا عليها.

الوالده بطنطن مالك وبتقول في شنو؟

نعيم :- لا لا ما بقول في حاجه بس بقول ليك امبارح ما صحيتيني للسحور مالك ؟

الوالده :- ههههههههههههههههههههه والله ضحكتني انا عارفاك بتنكُر عشان كدا ما غسلت ليك يدك كدي شمها وشوف باقي اللبن والفطيره في شنيباتك اليادوب قايمات ديل



الى لقاء في الحلقه القادمه انتظرونا

[دعد]

الحلــــقة الثانية

أول يوم طبعاً قام من النوم كغير عادته قام بدري التقول ببيع خضار مشى ولع نار الشاي وجاب ليهو أكبر كفتيره ( الكفتيرة دي البعملو فيها الشاي ) ملاها مويه للحلقوم وختاها فوق النار عامل فيها ناسي امو صحت من النوم وقالت:-

مالك يا جنا موقد النار ومسخن ليك موية قدر دي عايز تنضف ليك كرشة تور ولا شنو؟ ظنيتك ناسي

وعايز تعمل شاي مالك ما صائم ولا ناسي ولا متناسي؟!!!
!
رد نعيم:- كيفن يا يمه ما صايم.

الوالده:- طيب خبارك مسخن المويه

نعيم:- عايز اتبرد بيها.

الوالده :- أجي ياولدي الدنيا سخانه وعايز تسخن مويه للحمّام.

نعيم :- ممممممممم خلاص ما تحكيها كدا تعالي هنا اسا انتي المصحيك شنو بدري كدا ؟

الوالده:- كيفن المصحيني شنو انت ما عارف اني بعمل الشاي للشفع ديل.

نعيم :- يا ريت ما كبرنا ياريتنا لو بقينا متل ابو شلاضيم ديل زمان عايزين الكُبر نحك في شناباتنا علشان نقعد في صينية الغداء في الاعراس والسمايات اسا ندمنا عليها.

الوالده بطنطن مالك وبتقول في شنو؟

نعيم :- لا لا ما بقول في حاجه بس بقول ليك امبارح ما صحيتيني للسحور مالك ؟

الوالده :- ههههههههههههههههههههه والله ضحكتني انا عارفاك بتنكُر عشان كدا ما غسلت ليك يدك كدي شمها وشوف باقي اللبن والفطيره في شنيباتك اليادوب قايمات ديل



الى لقاء في الحلقه القادمه انتظرونا

ههههههههههههههههههههههههههههه
رمضان كريم
تصومو وتفطرو على خير
هو متين صحى من النوم عشان يتجرس
هههههههههههههههههههههه
متابعه

[محمد نعيم]

ههههههههههههههههههههههههههههه
رمضان كريم
تصومو وتفطرو على خير
هو متين صحى من النوم عشان يتجرس
هههههههههههههههههههههه
متابعه

يا خوي شكراً على مرورك

الزول دا متجرس من كل شئ في رمضان حتى من اسم رمضان وصحيان بدري دا علشان يشرب الشاي بالدس من ناس البيت

[عاشقة القمر]

يلا يا استاذ معاك لي نهايه رمضان ولي بعد رمضا لو عايز لكن ........

انا بقترح انو تكون حلقتين في اليوم عشا ما عندنا مسلسلات هنا في المنتدى غير مسلسل نعيم ......

كده خت لي الفكرة دي في بالك وقول رايك شنو...........

[patshe]

[glow=3300FF]

هههههههههههههههههههههههههههههههههه
والله إنتا
في زول بشرب ليهو شاي بالدس
ياخي أشرب مويه معليش









زقاق:أسمع الليله كيف نشرب شاي
ولا بكرة

[/glow]

[محمد نعيم]

يلا يا استاذ معاك لي نهايه رمضان ولي بعد رمضا لو عايز لكن ........

انا بقترح انو تكون حلقتين في اليوم عشا ما عندنا مسلسلات هنا في المنتدى غير مسلسل نعيم ......

كده خت لي الفكرة دي في بالك وقول رايك شنو...........

مشكوره يا غاليه على متابعتك لي وهذا دليل على قبول المسلسل لدى بعض الاعضاء وان شاء الله حاواصل بس خليك معنا وشكرا

[محمد نعيم]

[glow=3300FF]

هههههههههههههههههههههههههههههههههه



زقاق:أسمع الليله كيف نشرب شاي
ولا بكرة

[/glow]

خليهو يوم العيد بدرييييييييييييييييييييي

[Hoomy]

نعيم
عندنا عمك كدا جرسة اكتر منك
شاف ليه ضفدع (قعونجة)
تحت الزير وهو عطشان عطش
عمك عاين ليه كدا قال ليه (مرطب اريتك بالبندق التخفس صدرك )
أها دا مش جرسة اكتر منك

[زوزو الجامعي]

هههههههههه