يوميات نعيم جرسه

[عبد الرحمن محمد عبد الرحمن الصقيرابي]

حلو محمد ،،،

واحد قال كان ما النسوان ديل بجهزوا لي رمضان من رجب ،،، رمضان بفوت ساي زول بعرفوا ما في

ههههههههههههههههههههههههههههههههههه ما قروا في اركان الاسلام ولا شنو ديل

[محمد نعيم]

الحلقة الثالثه

نعيم يحكي في سرو ويقول :- انتوا عارفين امي دي مداقراني كدا على طول لكن عندي ليها خطه عجيبه كدي النحاول اونسها شويه ممكن تحن علينا.

الوالده :- يا جنا اموت واعرف بتتكلم تحت نخرينك بتقول في شنو؟

نعيم:- لا لا ما بقول في شئ

الوالده :- من الهلال دا هله انت بتتزهج وتتنفر في شنو يا حشاي

نعيم:- يمه انا عايز ادرس اعلام وابقى بتاع اخبار

الوالده :- لالالالالا الا دي بتاع اخبار وقوالات ناس الحله يقولوا علينا شنو ولدك لخباط

نعيم :- ههههههههههههههه يمه قولي خير ما بتاع لخبطه انا بتاع اخبار متل الفي الرادي والتلفزيون

الوالده :- اهاااااااااااااااااااا قصدك كدا يعني؟

نعيم :- ان شاء الله تسألني تقول لي لشنو يعني الدراسه دي بعينها

الوالده :- انت تعال كل يوم بتغير رايك قبل كدا قلت عايز تبقى دكتور وتعالج البقر والغنم بتاعتنا ديل تبقى دكتور غنم يعني

نعيم :- يمه اسمو بيطري دا.

الوالده :- اها غيرت اتجاهك لشنو؟

نعيم :- ايوه دا الكلام الصاح اسا بدردقا ليكم

الوالده :- بتقول في شنو يا جنا

نعيم :- ولا حاجه بس كنت عايز اجرب الاعلام فيك عايز اسعلك كم سعال كدا وتجاوبيني بصراحه ممكن؟

الوالده :- اها قول قولك.

نعيم :- اول سعال كدا ابوي دا شافك وين؟

الوالده :- ههههههههههههه شافني في الحدائق يعني؟ يا ولدي زمان مافي راجل بشوف ليهو واحده الا في الحواشات .

نعيم :- طيب عرفك كيف؟

الوالده مسكت نعيم من اضانو وادتو قرصه قويه وقالت:-

اسمع يا جنا زمان رجال الفريق بتلموا في ديوان جدك الكبير دا بتلموا علشان يحلوا مشاكل ناس الحله والمشاكل كلها كانت في البهايم يعني غنمك خشن فوق بلداتي وبقرك اكلن الانقاية بتاعتي وحميرك اكلن العيش وهو شرايه ولبنه.
اها انا بعمل ليهم الاكل هاك يا ملاح نعيميه وهاك يا ملاح الويكاب داك يا ملاح ام تكشو وديك يالعصيده وديك يالقراصه الما خمج و....................

نعيم:- شفتوا كيف ما قلت ليكم بوقعها ليكم في الخيّه

وتواصل ام نعيم في حديثها الشيق بالنسبه لنعيم ودا هو قصدو انها تتكلم في الاكل. وشفت يا جنا بعد الرجال ما ياكلوا ويتمطقوا ويلحسوا اصابعيهم بجيب ليهم الشاي المنعنع واعمل ليهم ديك يالجبنه الما خمج تشم ريحتها من بداية الفريق.


نعيم :- يمه اختصري خلاص ريقي نشف تب جوعتينا اختصري وقولي عرفك كيف انتي البتعملي الاكل والجبنه .

الوالده:- متل ما الرجال بتلموا في ديوان جدك برضو النسوان بجونا هنا يساعدونا ومن بينهم عمتك النجيضه دي شايفاها بتعاين لي ساي وانا مقرقبه ( يعني رابطه التوب وسطها ) مشت قالت لمحمد ابوك اها اكل الناس ديل عجبك ابوك طبعاً ما صدق قال ليها ياريت لو كل يوم في مشكله في الحله علشان نمشي ديوان شيخ الحله ونضوق اكل مرتو عمتك قالت ليهو دا ما اكل مرتو دا اكل بتو ( بنتو ) ابوك قال ليها بتو مرت حاج الخضر عمتك قالت ليهو لالالالا دي البت الفته ( يعني الما متزوجه ) ابوك قال لعمتك طيب ما تخطبيها لي مادام انها فراكه ( طباخه ) ومن اليوم داك خطبوني لابوك وتاني يوم كان العقد على طول

نعيم :- يعني ما كسر ليك تلج

الوالده :- الزمن داك ما كانت في تلاجات المويه بنكبها في الصينيه ونرفعها فوق راس التكل لما تبرد

نعيم في سرو ويضحك والله امي دي ما عرفت التلج القاصدو انا لكن خليها تستمر لي في كلام الاكل والشراب علشان ارتاح شويه
نعيم :- اها تمي لي الحكايه.

الوالده:- كدي خليها بتمها ليك وقت تاني ماشه اعمل اكل للشفع ديل خلاص جاعو.


خليكم متابعين اليويميات علشان نشوف نعيم قصدو شنو من الحوار الطويل دا

الى اللقاء في الحلقه القادمه

[عبد الرحمن محمد عبد الرحمن الصقيرابي]

والله امك دي ذي حبوبة جنها الحاجات دي

[محمد نعيم]

نعيم
عندنا عمك كدا جرسة اكتر منك
شاف ليه ضفدع (قعونجة)
تحت الزير وهو عطشان عطش
عمك عاين ليه كدا قال ليه (مرطب اريتك بالبندق التخفس صدرك )
أها دا مش جرسة اكتر منك

منور يا هومي الجرسه اقصد البوست
نعيم دا مافي متلو في الجرسه نهائي والايام حتوضح ذلك خليك مفنجر عينيك ومنتظر

[نهر المحبه]

هههههه
ياللا عمو نعيم تم لينا الباقي شوقتنا

[محمد نعيم]

هههههه
ياللا عمو نعيم تم لينا الباقي شوقتنا

[align=center]انتظرينا يومياً باذن الله والقادم اروع[/align]

[محمد نعيم]

هههههههههه

بتضحكي على الجرسه دي ولا شنو؟

[محمد نعيم]

والله امك دي ذي حبوبة جنها الحاجات دي

مشكور على مرورك يا عبدو

[بشوره الأموره]

[glow1=0066FF]جرسه شديده..

يسلمووووووو

وفي انتظار البقيه.[/glow1].

[محمد نعيم]

[glow1=0066FF]جرسه شديده..

يسلمووووووو

وفي انتظار البقيه.[/glow1].

خليك متابعة على طوووول انتظري اليوميات بعد الافطار مباشرة باذن الله

[زوزو الجامعي]

بتضحكي على الجرسه دي ولا شنو؟

هههههههه اكييييييييييييييد بس ماتكون الشخصيه دي انت

[حبوبة]

الحلقة الثالثه

نعيم:- شفتوا كيف ما قلت ليكم بوقعها ليكم في الخيّه

وتواصل ام نعيم في حديثها الشيق بالنسبه لنعيم ودا هو قصدو انها تتكلم في الاكل. وشفت يا جنا بعد الرجال ما ياكلوا ويتمطقوا ويلحسوا اصابعيهم بجيب ليهم الشاي المنعنع واعمل ليهم ديك يالجبنه الما خمج تشم ريحتها من بداية الفريق.

نعيم :- يمه اختصري خلاص ريقي نشف تب جوعتينا اختصري وقولي عرفك كيف انتي البتعملي الاكل والجبنه .

الى اللقاء في الحلقه القادمه

وصف رهيييب .. ده ما تجريح صيام عديييل كدا :D
وماتقول الحاجات ديل أكلن لا يُعلى عليه ...الله يديهن العافية ..

علة آ ود النعيم لخطني ضُمة .. انت براك تجرجرا في الكلام ووكتين تنشرح بتدور تسكتها ؟؟
ما ترسى لك علي بر ياجنا !!!

مبارك عليكم الشهر ... ومعاك في انتظار العيدية ...

[محمد نعيم]

الحلقة الرابعه

نعيم يهمس ويقول :- بالله عليكم امي دي من جبت ليها سيرة العرس وذكرتها طفشت مني لكن ما بخليها الليله , اليوم دا مولع نار لازم اكسر الوقت لو ما عملت كدا ما ظنيت بكمل اليوم دا.

نعيم :- يمه يمه وين مشيتي خليتيني بين التقليه وام تكشو وطعمهن العجيب دا وخليتيني اشم في ريحة القهوة والشاي عليك الله تعالي الحقيني جري وجيبي معاك شوية موية كبيها لي في كرعيني ديل كرعيني مولعات حطب فرن بس والراس يسوي وج وج وج متل طاحونة ود الفكي والبطن تسوي بقبقبقبق كفتيرة شاي بس وشوفي قميصي اتملأ عرق متل ورقة الباسطه ويدي ترجف التقول كستر بااااااااارد في تلاجه وريقي نشف التقول باقي ملاح روب بايت في حلة.............................

الوالده :- يا جنا انت جنيت وال شنو سامعاك لكن محيرني كلامك دا كلو في الاكل والشراب حيرتني عديل كدا الكلام دا جبتو من وين ما شفت اولاد جيرانا ديل حصل سمعت ليهم جرسه متل دي حصل سمعت ليهم كواريك مالك يا ولد داير تجنني .

نعيم :- يمه خلاص بسكت لكن تعالي تمي لي الحكاية بتاعت العرس حقكم الزماااااان.

الوالده :- اخوانك ديل مشكلين في الاكل قالوا اكل امبارح ما عايزنو

نعيم :- والاكل بتاع امبارح كان شنو ؟

الوالده :- سلطة روب و..........
نعيم في اللحظه دي وقدر باقي الريق الفيهو بقى لعابو نااااااازل ومتابع كلام امو ويقول اها وتاني؟

الوالده :-وباقي الدمعة بتاعت العشاء و..........

نعيم:- والله يا يمه الدمعة دي لما تبيت للصباح بتبقى حاجه عجيبه اها وتاني

الوالده :- يا ولد ما تقاطعني

نعيم :- لكن ما بقدر اسكت ساي وانتي بتتكلمي في الاكل اها خلاص واصلي

الوالده :- خلاص ما بكمل ليك انا ماشه

نعيم :- عليك الله ورسول مكه تكملي لي احلفك بشنو تجي يمااااااااااااااااااااا والله ما تجي اقوم افطر اسا دي

اها في الحلقة الجاية نشوف نعيم دا حيفطر ولا حيواصل خليكم معانا

الى لقااء في الحلقة القادمة

[ام صبا]

اســتــاذ مــحــمــد نــعــيــم رمــضــان كــريــم
واللـه الــوقــت وقــت شــغــل بــس جــد
عــجــبــتـــنــى الــيـومــيــات شــديـــد خــلــتــنــى
ادخــل عــشــان ابـــدى اعـــجــابــى الــشــديــد
وجـــد انــت كــاتــب رهــيــب وحــقــيــقــه ام نــعــيــم
عــســل واحــلــى حــاجــه اخــتــيــارك للمــفــرده والله
اتــوفــقــت شـديــد اهــديــتــنــا مــســلــســل ســودانــى
بــلــغــه مــفــهــومــه وجــمــيــلــه تــســلــم يــاســتــاذ
مــحــمــد ومــوفــقــك دائــما

[محمد نعيم]

اســتــاذ مــحــمــد نــعــيــم رمــضــان كــريــم
واللـه الــوقــت وقــت شــغــل بــس جــد
عــجــبــتـــنــى الــيـومــيــات شــديـــد خــلــتــنــى
ادخــل عــشــان ابـــدى اعـــجــابــى الــشــديــد
وجـــد انــت كــاتــب رهــيــب وحــقــيــقــه ام نــعــيــم
عــســل واحــلــى حــاجــه اخــتــيــارك للمــفــرده والله
اتــوفــقــت شـديــد اهــديــتــنــا مــســلــســل ســودانــى
بــلــغــه مــفــهــومــه وجــمــيــلــه تــســلــم يــاســتــاذ
مــحــمــد ومــوفــقــك دائــما

ام صبا رمضان كريم وتصومي وتفطري على خير والعام الجاي صبا يكون معاها اخوان تيمان قولي امين.


مشكورة جداً على هذه العبارات وإطلالتكم لليوميات تخلينانكتب اكتر واكتر

[العطبراوية]

ههههههههههههههه...... والله لكن نعيم دا زووووول عجيب جدا وشوقتنا ونحن معاك للاخر ويله واصل.

[محمد نعيم]

ههههههههههههههه...... والله لكن نعيم دا زووووول عجيب جدا وشوقتنا ونحن معاك للاخر ويله واصل.

ربطت بين ردك ( شوقتنا ) وبين اسمك واتذكرت اغنية قطار الشوق متين ترحل تودينا.


مشكوره على مرورك ولكيد حاواصل باذن الله الى نهاية الشهر كوني معنا

[ميمي السودانية]

حراااااااااااااام عليكم هنا في مسلسل كاااااااااارب وما تورونا اخص عليكم
رمضان كريم يا نعيم جرسة
يلا تم باقي المسلسل
متابعيين
تحياااتي

[محمد نعيم]

حراااااااااااااام عليكم هنا في مسلسل كاااااااااارب وما تورونا اخص عليكم
رمضان كريم يا نعيم جرسة
يلا تم باقي المسلسل
متابعيين
تحياااتي

يومياً افتحي قناة الراكوبة بعد الافطار حتلقي الجديد في اليوميات.

مشكوره على مرورك

[محمد نعيم]

الحلقة الخامسه

في نهاية الحلقة السابقه كان هذا الموقف................
نعيم :- عليك الله ورسول مكه تكملي لي احلفك بشنو تجي يمااااااااااااااااااااا والله ما تجي اقوم افطر اسا دي

الوالده :- خلاص جاياك لو ما جيتك بتفطر وتقول امي السبب اها يا جنا داير شنو وراي حاجات كتيره دايره اعملها

نعيم :- ما عايز حاجه بس تمي لي القصه بتاعت الزواج.

الوالده :- اها وقفنا وين

نعيم :- وقفنا في الاكل اقصد الغداء اقصد العقد اها في العقد جوكم كم صينيه؟

الوالده :- يا جنا انت جنيت صينية بتاعت شنو انا دكان عدة

نعيم : هههههههههههه ما فهمتيني يا حاجه قصدي طلعتوا كم صينية اكل وبعدد الصواني بعرف كم راجل جوكم للعقد

الوالده :- والله قصتك قصة مع بطنك دي اسا من الصباح بتلف وتدور عشان تجيب لينا سيرة الاكل.

الوالده :- خليك من العدد قولي ضبحتوا كم تور وكم ناقه؟

نعيم يهمس والله الحكاية جابت تيران وابل الظاهر ببل شوقي تب الليله.

نعيم :- اها اها ضبحتوا كم ؟

الوالده :- جدك طبعاً كان شيخ الحله وزعيم قبيلة تعال شوف الناس الجات للعقد من الشرق الهول والشرق والسافل والصعيد.

نعيم :- كدي دقيقه شنو الهول والسافل والصعيد ديل.

الوالده:- الهول معناها الغرب والسافل الشمال والصعيد الجنوب.

نعيم :- طيب الناس العزمتوهم ديل عملتوا ليهم مسج ولا مسكولات ولا مسنجر؟

الوالده:- يا ولدي الاكلات الجديده دي زمان ما بنعرفها لكن جيهناهم تمام ولي يوم الليله الناس بتحكي بعرسي.

نعيم :- عارف الكلام دا كلو لكن دا ما هدفي القاصدو كدي وريني عملوا شنو في الفطور والغداء والعشاء وتاني يوم الفطور والغداء والعشاء وتالت يوم الفطور و...............................................
الوالده :- يا ولد انت بالع ليك رادي خلاص سمعت وفهمت خلاص بحكي ليك لاني عرافه عجينتك.

نعيم :- عجينتي ؟!!! عجينة قراصه ولا لقمه ولا فطيره ولا طعمية ولا لقيمات ولا ........................

الوالده تسمع في ولدها ومحتاره لكن خايفه تبعد منو يقوم يتجرس اكتر علشان كدا صابره عليهو سااااااي واصرت الا تكمل ليهو القصه وتديهو الحاجه العايزها.

الوالده :- اول شئ جابوا الخدار بالكارو اليوم جت ينقلوا فيهو

نعيم : اها الخضار فيهو شنو بقدونس وكوسه وخيار و.....................

الوالده :- ياجنا بسم الله ما عارفاك بتقول في شنو لكن اول شئ الخدره والبامية والاسود والبامبي والقرع وكم شوال ويكه.

نعيم :- كم شوال ويكه اصلو عندكم معسكر؟

الوالده :- هههههههههههههههه يا ولدي انت قايل شوال الويكه ياهو الكبير دا ؟ شوال الويكه لما الحاجات يدقو ببقى قدر الكيس الصغير دا.

نعيم :- طيب اللحم عملتوا شاورما ولا اوصال؟

الوالده :- انا ما فاهماك لكن اللحم عملناهو للملحات والباقي عملناهو سلات..........وقطعت حديثها لانها اتذكرت الحلة فوق النار .......... اجر يا نعيم شوف لي الملاح الفي النار دا ما يكون حرق امشي وتعال اكمل ليك الحكايه

الى لقاء في الحلقة القامه

اليكم معاني بعض الكلمات التي قالتها والدة نعيم

يا جنا : يا ولد ومنها يا جناي يعني يا ولدي

عدة : أواني

الخدار : الخضار

الكارو : عربة يجرها الحصان

سلات: لحمة ناشفه