ريناد كتب:والله بصراحه الواحد لمى يكون ماشي السودان اجازة تعال شوف الماسي البتلقيهو
انا ماعارفه الشغالين في المطار ديل جايبنهم من وين انا ماعارفه لآمه ونصابين واي حاجه فييهم
احنا كنا مرة راجعين السعودية من اجازة ولمى مشينا المطار قالوا لينا بكل بساطة انتو اسمائكم مانازلة في القائمة ( لكن بصراحه اليوم داك فشيت مغستي كوييييييييييييييييييييس في ناس المطار ) وهسي اللاجازة الفالت قالو تجو المطار الساعه 1 والاقلاع الساعه 4 صباحا قعدنا الطيارة ماجات الا الساعه 7 صباحا ؟؟؟ وبعدين من سماحة سمعة الطايرة السودانية اصلا من الله خلقه وسمعته في الارض
[align=center]الانيقة رينارد
والله مآسي وتعب مع سلطات الجوازات
وتسلمي على الاضافة الحقيقية
وتقبلي تحياتي[/align][/size]
[grade="00BFFF 4169E1 0000FF"]والله يا الخطر دا كويس انو فضل ليهو ايام ويخلص
انا جوازي فاضل عليهو 6 اشهر عشان يخلص
قالو لا لازم قبل ما اسافر يكون الجواز مدتو اكثر من 6 اشهر
يعني انا عندى الاحقية اسافر وارجع في 6 اشهر دي لا رفضو قالو مستحيل اسافر لو ما جدتتا الجواز
بس انا اعمل شنو لازم اجدد الجواز عشان اسافر واجدد الجواز قبل ما ينتهي (( يقدم ))
بس الله يصلح حال السودان ما عارفة اقول شنو انا بس
يسلموووو علي البوست
تحياتـــــــي[/grade]
[align=center]الرائعة احسان
تعانين من نفس المشكلة
لكن برضو كويس كلموكي قبل التأشيرة
وكان ما حقك تسافري بيهو طالما ساري المفعول حتى التاريخ الفلاني
وما رهنو جوالك ولا غويشتك
تقبلي تحياتي[/align][/size]
القصة فعلاً غريبة،، وسمعت قصص مشابهة لها لعدد من الأصدقاء،،
والأغرب من القصة عمرك انتا ف العشرينات،، وعمر بنتك برضو
إلا أذا كان القصة المنقولة،، أو عمرك غير صحيح!!!ّ
[align=center]الاخ ابراهيم الجبو
عمري صحيح مية%
والبنت بنت عمتي وليس بنتي
وانا نزلت الموضوع بعد ان استلمته من والد الفتاة لانه لا يعرف النت وذهب به الى مكتب صحيفة الخرطوم بالرياض رفضو انزاله ، بسبب الخوف من قانون الصحافة والمطبوعات
وانا بدوري نزلته بالمنتدى لتوصيله للرأي العام[/align][/size]
بصراحه ديل ناس نشكيهم لله بس ناس مفتريه تعرف الرشوه الاغتلاس بس
مااكتر والله كرهونا الاغتراب بجد انا مشت اشر تاشيره خروج بس من مدنى
جهاز المغتربين مدنى بصراحه دفعه مليون بالسودان حتى اشرته بحجه منتى محاسب يعنى
ماعارف الحاصل شنو
والغربيه لمن ااشتضيفو واحد من الكلاب ديل اقول خففنا وسهلانا وهم يزودو بس ما اكتر
بس نحن حقنا مايضيع ونشيكيهم لله بس
[align=center]الانيق جراح
جهاز المغتربين في اي مكان
شغالين جزر صااااح
ضريبة بالقوة
زكاة من دون وجود نصاب
خدمات اخرى
دعم السلام
ديل شكيناهم لله القوي
وحسبنا الله عليهم[/align][/size]
[align=center]السلام عليكم ورحمة الله وبركاته
اللهم صل على محمد وعلى آله وصحبه أجمعين
أولاً الشكر لله سبحانه وتعالى
والشكر للأخت سمو الموظفة بجوزات الخرطوم
وتم حل المشكلة بواسطته
وتم إستدعاء المتضررة إلى مكتب جوازات المطار
وأخذ حقها بالكامل بعقوبة الشخص الذي رهن الجوال
ومن هنا أحيي إدارة جوازات ولاية الخرطوم والمطار
لإهتمامهم بالموضوع[/align]
سمو كتب:الاخ ميرغنى محمد صالح السلام عليكم ورحمة الله ... نرجوا الاعتذار عن ما حدث ودائما يوجد فى وسط ما جزء سئ يجب ان نستأصله .. انا اعمل بالجوازات ةقد قمت برفع ما حدث لك للجهات العليا ... أرجوا منك ارسال رسالة لى فى بريدى الالكترونى حتى نتابع مع بعض ما حدث لابنتك وهو : samah_124@hotmail.com
ابنتك السودانية 100%
[align=center]الأخت سمو
لك منا الشكر الجزيل
لقد تم حل المشكلة بإستدعاء إبنتنا إلى المطار والتحقيق معها
ومعاقبة الشخص الذي قام برهن الجوال
وتقبلي خالص الشكر من أسرة الأستاذ ميرغني محمد صالح
وهم ينتظرون اليوم البيقدرو يخدموك ويجازوك فيه
خالص الشكر
والشكر أيضاً لإدارة موقع انا سوداني ويرجع لهم الفضل أيضاً ولولاهم لما كتبنا هنا
وتقبلي مودتي[/align][/size]
بصراحة عندنا في السودان عموما أشياء تحير الواحد منها رسوم المغادرة الفي العالم كله ما أظن
تكون في مامبرراتها وما ذا جنينا منها ؟
من المفترض لو سلمنا بالرسوم من المفترض اخذها مع رسوم التاشير ة لان بعض الناس لايعرف
انه يوجد رسوم مغادرة اصلا .
اغرب شئ في مطار الخرطوم صالة المغادرة احدث من صالة الوصول الي هي واجهةالبلد ،
صالة الوصول بها مكيفات صحراوية (موية ) شوف عيني البياكلها الدود ، لمن إستعجبت داخل نفسي
وتزكرت علي الفور مطار الملك خالد الدولي بالرياض .
تحياتي
ناقل وطني شنو يا عمو والله احسن تمشي on foot من ان تحجز في الخطوط السودانية . انا ما بتذكر متين ركبت الطيارة السودانية و عمري ما اجربها - ما حصل مرة جات في وقتها او التزمت بمواعيدها و المسالة ما مسالة بنتك لكن السؤال : لية دائما تقلع طائرتنا متاخرة و ليه طوالي بنسمع خبر سقوط و احتراق طائرة بعد دقائق من الاقلاع؟
الحل هو ان الناس يسافروا بأي طيارة عديلة غير بتاعتنا دي
و دمتم سالمين
من االمفروض ان يسمح لها بالسفر لان متبقي للجواز 16 يوم وينتهي وعندما تاتي الي الرياض يتم تجديدة وينتهي الامر بكل سهولة ويسر دي تعتبر قلة احترام من المسؤول
التحيه لك اخي والد الابنه الكريمه
حقيقه الموضوع جد مخذي وياللعار علي ضباطنا وعساكرنا في مطار الخرطوم والاخوه الذين سبقوني في الاضفات ماتركو ليهم صفحه ينومو عليها.
لكين اقول لبعض الاخوه انه السودان وطننا وطن الجدود( واقول واردد اغنيه المرحوم حسن خليفه العطبراوي )( نزحو لا ليظلوا احـــــــــــــدا لا ولا اطهاد من امنو ردد الدهر حسن سيرتهم .............الخ)
هو السودان مهما رضينا او ابينا انه وطننا ونحمله في حدقات العيون مهما حللنا ونزلنا وسوف نرجع له ان طال السفر.فتلك الاوطان ليست بديله اليكم ايها الاخوه دعونا نحمل هم وطننا .
ولك التحيه
وعاش السودان حر ابيا
الحلوين
ـاذا كانت البت مقيمة وغير عاملة وجوازها منفصل وليست له علاقة بجواز ولادها العامل وهو كافلها وبالتالى جواز البت ليس له علاقة بالمغتربين يعنى يمكنها اكمال اجراءات سفرها بالمطار ( تأشيرة خروج فقط )....
السؤال كم قضت بنتك من زمن فى السودان ؟ اعنى الزمن من مغادرتها ودخولها السودان ومن ثم خروجه
مجيئها المطار للخروج قدر شنو ؟ على ضوء اجابة هذا السؤال ممكن نعرف المخطئ منو ... وذلك لان جواز بنت بكون بطرفها ولا تبرزه لشرطى الجوازات الا وهى مغادرة بغرض اعطاءها التأشيرة ولابد له من مراجعة الجواز قبل التأشيرة هل هو سارى المفعول ام لا ؟
عفوا قصدى الايضاح م
تحياتى
!!!