مجـــــــــــــــــادعــــات

[شمعة امل]

[size=-1]
اهلا بيك جاغوم واهلا ومرحب تانى

اتفضل عديل اجدع معانا نم طوالى

الدار انتشت بيك وفرح الزمان الحالى

[/size][/font]

[د. جاغوم]

أهلا شمعة امل نمك عجبني قريتو

عزبتي الشباب الجاكي بطلع زيتو

إشيتر وقع .... كيفن بنعدل خيتو

ياشمعة أمل ليه إنتي تخربي بيتو

[د. جاغوم]

جاغوم في النزال مين المطرق سيفو

ليه الساحة بور وين البنم علي كيفو

وين شمعة امل وين الاشيتر وضيفو

وين البنم دوبيت يجدع شتاهو وصيفو

[احسان]

[grade="00BFFF 4169E1 0000FF"]يا شمعة خليك قاعدة ليهو دووووم

جاكي ود جاغوم الما بيعرف اللوم

وللقوافي دوم واقف عند اللزوم

وحيحيرنا حيرة ما شفناها يوم

وانا برجع ليك يا ود جاغوم

هتلقاني هنا كل يــــــــوم [/grade]

[د. جاغوم]

جاغوم وقف ... كل الخلايق فزَت

وين اهل الدروع وكتين الرؤوس إنجزَت

إحسان شوفي وين ، وين الاشيتر وعزَت

وين شمعة أمل وين يا خلق إندسَت

[انقرضى]

يا ناس الجدع سيبوه داك الشاى
مظلوم الوليد جيبوه لى بى جاى
لى ناس الفكر بالجد وناس الراى
خلوه العزول داك اصله زول براى

[الفرح المهاجر]

البت الغابت سنين
بنسال عنها هى وين
فتشناها بحرقة وانين
لمن زهجنا وتعبنا زى سنين
شوقنا كتر ووفاض بينا حب وحنين
ياريت تظهرى عشان الخلى الانين
بس العذاب طول بينا ومنتظرين لمن يوم الاتنين

[د. جاغوم]

يا ناس حرام شوفو المهاجر مالو

تعبان بالسنين والبت تزيد إهمالو

يا بت يا قشر ما تحني راعي لحالو

أقريهو السلام خليهو يرتاح بالو

[سالى]

شمعه


يا قووووووووووووووووووووووووووووووووووووووووووووووووووووووووووويه


ههههههههههه

اشيتر احزر البت ما هينه

[الفرح المهاجر]

يا ناس حرام شوفو المهاجر مالو

تعبان بالسنين والبت تزيد إهمالو

يا بت يا قشر ما تحني راعي لحالو

أقريهو السلام خليهو يرتاح بالو

دى طبع البنات بحبو المهاجر قالوا
وهم ماعارفين يضرب فى كل محل شبالوا
دى فكرة جديدة عند بناتنا قالو يفلسوا مالوا
بنات كتلهم حب الماهاجر فلس بيهو طيرو حالوا

[طارق التوم السيد]

[color=FF1493] [align=justify]فى بادى الامر مليون سلام ومسره
يا ناس الجدع جاكم غريب دى المره
كايس لى دريب بيناتكم القى محله
ادونى الامان من الركاب اتدله[/color][/font][/align]

[الفرح المهاجر]

نزلتي فوق أم صفاة باينه
وبستامن علي البيت اب نزلتن دانيه
إيداً من جهل لي بت أعم مي خاينه
وضهري وتر حديد مافي عصبتن لاينه
_______________________

نحنا نسوي وبي البنسيها ما بنتمزى
سودانيه عزاز أهل الكرم والعزه
كفوفنا نقيه من تهم النكب والهزه
تصرم عندنا ال**** المواركه اللذه
---------------------------------------
سودانيه نحنا مانا بالبلود ننجال
ونحنا الفي فريقنا بصرمن الحيال
نحن مجدعين هامات الترك في النال
ونحن الموت مداوسنا ولقينا رجال

[السودانى الاصيل]

[color=FF1493] فى بادى الامر مليون سلام ومسره
يا ناس الجدع جاكم غريب دى المره
كايس لى دريب بيناتكم القى محله
ادونى الامان من الركاب اتدله[/color]

السماك طارق ماخلي لينا كـلام
في قدر الرجال زايد وليك مقـام
للعاداك سموم ليلا عبوس وظلام
للوافاك تكون بردا وتبقي سـلام
و بوجودك معانا والله مابننضـام

[طارق التوم السيد]

مشكور يالاصيل يا كامل الاحساس
ود بيت الكرم ال للعروض حراس
فارس فى النزال والنخوة ليك اساس
مجبود من جدودك اشرف كرام الناس
مشكورات خصالك من كل جميع الناس

[طارق التوم السيد]

شايكات الدروب عترت عليهن فرسى
وكتر النايبات دايرات يدقن جرسى
والحم والصداعنازلات يهرسن هرسى
ومبسوطات شديد قدرن يقلن ونسى

[حبوبة]

ناس الراكوبة هوي .... عوافي
انشالله تملي عشكم دافي
وعساه ديمة ودكم صافي
وزنجبيلكم دوام للعلة شافي
وهبابكم للعيان يشافي
نزيدكم والا كافي:D

شمعتنا ... ليك التحية ياضي المرافي

[السودانى الاصيل]

يا شمس يا اللينا جيتى هدايه
بى وجودك المولى اجزل علينا عطايا
راجيين نشوف خط قلمك ومنو نلقا درايه
كل شئ يبين ما تخلى لينا خفايا
صححى لينا غلطنا وابقى لينا مرايا
كل جديد سويلنا منو حكايه
كل ما خط يراعك لينا فيهو نوايا
ويارب تسلمى ومن المولى تلقى رعايه

[الفرح المهاجر]

انت اصيل واسمك سودانى
البنات بعد الوسام جنو فيك تانى
كل الحبوك رسلو وفى الاميل قالو تهانى
اعمل الحفلة بى ود الدرديرى ما الدنيا امانى
والراكوبة تكون مهيصة وسارونا توزع فى الرانى

[waya]

[grade="00008B FF6347 008000 4B0082"]سلام ,, ناس الجدع والنمّه
والنضم الجميل البيكم انتمه
عجبني سواتكم في الكلام واللمه [/grade]

[حبوبة]

يا شمس يا اللينا جيتى هدايه
بى وجودك المولى اجزل علينا عطايا
راجيين نشوف خط قلمك ومنو نلقا درايه
كل شئ يبين ما تخلى لينا خفايا
صححى لينا غلطنا وابقى لينا مرايا
كل جديد سويلنا منو حكايه
كل ما خط يراعك لينا فيهو نوايا
ويارب تسلمى ومن المولى تلقى رعايه

[color=FF0000]تسلم يا وجيه لكن كلامك ماهو صاح
انت ياك الهدية و شكلك فهيم لماح
الاشيتر وهامس حمودي وموكب الأفراح
انا سوداني جت تمسك من اخونا صلاح
علة أصيل يا جنا ،، ترحيبك اثلج صدري
بس انتو السباقين وانا بي وراكم بجري
انت قلمك واعي وبالجد لسانك فقري:D
زيكم لالقيت لا بلقى مهما طال عمري[/color][/font]