مجـــــــــــــــــادعــــات

[رهيب]

شايفكم بقيتوا تقولوا في كلاماً انا شايفو دقاق

الكلام دا يا ناس خش الحوش ما كلام فقد واشتياق

انا وشميعة ما بسالوا مننا لو مرقنا.في الواق الواق

يا ود النعيم ما بسألو عن الفي القلب متحكر
بسألو عن الطاشي ولي دريبو مودر
والزول كان عنك ما سأل ماناسيك
بس ظروف شاغلاهو لكن في الفؤاد طاريك

[شمعة امل]

لي بت البلد شايلني شـــــوق فوق ريح اريت الفاها

دي الفي ضميري اتوهطت في جوفي قايدة لظاها

ممـــا فــرعت ما اتعترت فـــوق الطـــريق حاشــــاها

دي المدسوسة ماظنيتو بي غــفلة النـــسيم مســاها

مســـكاتا العجــيب مسـكات عقول ونبـاهه
في الادب التقول سيدي الرــــــسول رباها
لساني البنعقد قداما مابيقدر يقول بهواها
مانعو جناب حضـورها المـو قليل وحياها



جدعايه عجبتنى قلتا النجدعها ليكم ,,,,

[محمد نعيم]

لي بت البلد شايلني شـــــوق فوق ريح اريت الفاها

دي الفي ضميري اتوهطت في جوفي قايدة لظاها

ممـــا فــرعت ما اتعترت فـــوق الطـــريق حاشــــاها

دي المدسوسة ماظنيتو بي غــفلة النـــسيم مســاها

مســـكاتا العجــيب مسـكات عقول ونبـاهه
في الادب التقول سيدي الرــــــسول رباها
لساني البنعقد قداما مابيقدر يقول بهواها
مانعو جناب حضـورها المـو قليل وحياها



جدعايه عجبتنى قلتا النجدعها ليكم ,,,,

وانا كمان لست البلد بهديها الجدعه الخاصه دي

سلامي لست البلد................. البطبع عاجبانا

ادب وعلم................ مشكوره من كل جيرانا

دي دايماً بشوشه..... بتقول للضيف حباب الجانا

خشيمه مليان بالزكر.......... ما دخلت فيهو لبانا

[/size]

[شمعة امل]

انتو هووومى وييييييينو !!!

فاقدنو والله ...

[احسان]

[grade="00BFFF 4169E1 0000FF"]قلنــــــــان الســـلام امـــــــــــانة يا احبائـــــــــنا

والبــــــــوست دا كلـــــــــو نــــــــاس عجبانــــــة

وانا بجــي واســـلم وانتــــو وصلــــو السلام بامانة[/grade]

[ترطيبه]

لى كل الحسان والجكس النضيف بامانه
كاتلاتني الوريفه الشكلها برتكانه
بلغوها سلامي الحلوه الفنانه
وترطيبه كاتلو الشوق وما تبقي ياخي بخلانه

[محمد نعيم]

انتو هووومى وييييييينو !!!

فاقدنو والله ...

بجد فقدناك يا غالي ومشتاقين لحروفك وجدعاتك

وكمان فاقدين من خلق الظلام يراني_mlk_
يا ناس عووووووووك فاقدنكم في الجديع بي جاي

[/size]

[حلوة بس فقيرة]

انتو لسه بتجادعو

[الاشيتر]

انتو لسه بتجادعو

اهلين حلووووووووه بس فقيره انتي شفتي الجديع لسع وقتُ ما جاء بس نفضى ليهوا شويه كدي الرأس يرتاح يومين تلاته امانه مانجدع تجديع شديد .

[محمد نعيم]

سلام يا جداعين سلام الشوق مولع نار

سلام يا جداعين سلام ليه سبتوا الدار؟

سلام يا جداعين سلام ما تقولوا مشغولين

سلام يا جداعين سلام طلونا ولو بنظرة عين

[شمعة امل]

وكمان فاقدين من خلق الظلام يراني_mlk_

[size=-1]


فعلا والله وكمان مابتخش المنتدى ليها كم يوم وووينك ياملوووكه

[/size][/font]

[استارو]

يا سلام عليكم
والله بوست روعه جداً
وحقيقةً مبدعين والبوست دا ظهر لينا شعراء
شمعة امل محمد نعيم الاشيتر هومي ملك
ابداع حقيقي والاجمل كل هذه الابيات بتطلع في لحظات
انا بجيكم قريب ان شاء الله حتقبلوني ؟

[من خلق الظلام يراني _mlk_]

عدنــــــــــــــــــــــاوالشوق قاتلنا
وشكرا لـ الي سألو عننا والـ نسونا
عدنـــــــــــــــــا والجدع واحشنا
وســـــــــــــــــلام مربع ليكم مننا

[Hoomy]

السلام عليكم ورحمة الله
للشميعة بنم وبقول
الشميعة الغياب مو بايدنا بس كانت دي الظروف
غيبتنا من الحبان وحرمتنا من جدع الحروف
علا راجعين للراكوبة شوقنا صابقنا متل طمي الجروف
ننم وندوبي ونتسالم ونتطايب بحب وبدون خوف
وشوقا كتير لي بلدناالمليانا خير حد العين تشوف

لود النعيم بقول
حباب ود النعيم وحباب جدعاتو
للخير والكرم ديمة سال ضرعاتو
الخير بنشوفوا داخل مع كريعاتو

أها ياود النعيم دا كسير التلج فهمت :D :D :D

[حلوة بس فقيرة]

اهلين حلووووووووه بس فقيره انتي شفتي الجديع لسع وقتُ ما جاء بس نفضى ليهوا شويه كدي الرأس يرتاح يومين تلاته امانه مانجدع تجديع شديد .

اهلين يا اشتير ده حالتكم لسه ما جادعتو امال لو جادعتو حقول شنو

[شمعة امل]

اهلا بكل الغابو وجونا ناس هومى وابو شتره وملوكه

ومرحب بالجونا الان ناس استارو وترطيبه والحلوه الفقيره

[شمعة امل]

فاصـــــــــــــــــــل غنـــــــــــائى

ونواصــــــــــــــــــــــــل

الاشيتر وهومى وود نعيم العرووووب غزوووو الخرطوم ,,

الاشيتر الرويعى

ياهو اللابس سديرى :D

[احسان]

لى كل الحسان والجكس النضيف بامانه
كاتلاتني الوريفه الشكلها برتكانه
بلغوها سلامي الحلوه الفنانه
وترطيبه كاتلو الشوق وما تبقي ياخي بخلانه

[grade="00BFFF 4169E1 0000FF"]الشوق قاتلنا بامانة

وانحنا ما بخلانين عليك يا ملك زمانه

والشوق ليك اكتر من شوقك للبرتكانة

وانت بتظهر وبتبان زي هلال العيد وبامانة

ارجع لينا زي زمان وشوف ناس ترطيب والناس الحنانة

ترطيبة يا فردة من سنين لحــــدي الانــــــا [/grade]

[د. جاغوم]

الاشيتر وود نعيم ليكم بقول كفاره

غلبتكم نضم الشمعة وقدت نارا

ادوني الصراح دقوا الحرب نقاره

جاغوم إن زعل كل البلد تتجارا

[د. جاغوم]

ياشمعة أمل الليلة جاك جاغوم

أركزي في النزال ما تبقي زي البوم

ولي بحر القوافي دوما نقضيو عوم

نسقيك نم صباح وحبة عند النوم