الرائع دومن السني لكا التحية علي السرد الجميل دة
والظواهر السالبة كثيرة رغم انحسارها في فئات معينة وزي ما قال الرشيد.. وكيمو لكن الناس لمن تشوف مظهر سلبي بيكون مستهجن من الكل ... لاننا شعب محافظ والحمد لله وطالما في اصوات بترفض المظاهر دي .. معناها شعب محافظ والحمد لله بس المثال دا كتير والله ... كتير على مجتمع متمسك بي عاداتهو . واخلاقو .. .. متمسك بيدينو الحنيف البيكون ايدلوجياتنا وحياتنا العامة .. ولو جينا نشرح المشكلة بتلقاها من الاسرة . من البيت .. معنى كدا البت بتتصرف تصرفات بشوفا عادية حتى في الشارع .. طيب في البيت كيف ...
sarona
معليش الموضوع ما بسيط؟
كيف يعنى البت تمشى السوق تشترى بلوزة ولا اسكيرتى وتلبسو قدام البائع والدايرين يشترو والامة البشرية كلها تعاين ليها ترفع يدها تلبس وترفع يدها وتقلع فى شنو الغلط وين ماممكن نكون وصلنا المرحلة دى
تقوليك بقيسو عشان ما يطلع كبير ولا صغير
فى واحدة ولا واحد بمشى يشترى حاجة وما عارف مقاسو طيب فالنفرض ما عرفت مقاسك قول انك حتجى تبدلو لو بقى فيهو اى خلل موش اجربو فى الشارع وخلق الله كلو بعاين لى فى حاجة غلط
دى كارثة
وجه البنات بقى زى الحيطة لا يتأثر وقد هرب الحياء منه
عيب والله عيب
علي ابكرش كتب:sarona
معليش الموضوع ما بسيط؟
كيف يعنى البت تمشى السوق تشترى بلوزة ولا اسكيرتى وتلبسو قدام البائع والدايرين يشترو والامة البشرية كلها تعاين ليها ترفع يدها تلبس وترفع يدها وتقلع فى شنو الغلط وين ماممكن نكون وصلنا المرحلة عيب والله عيب
أخ علي ...
الموضوع بسيط لانه كان ممكن أي حد موجود يوقف البت دي عند حدها .....بكلمة.....
مع أن الدين النصيحة ....
اوريك العيب وين ...
لما يكون في شاب واقف وحضر الموقف وساكت...
العيب لما تنهار الرجولة والشهامة في ابسط المواقف...
العيب لما نشوف العيب ....وما تملك امامه الا السكوت ....
اخونا الغالي علي ابكرش شكللللللللك زعلان حيل من الموضوع ده وده يدل على اهتمامك بي بنات بلدك تسلم من الناحية ديييي بس ما كل بنات السودان بالطريقة دي لكن انا بحس انو اغلبية البنات العاشو واتربو في السودان بالطريقة دي منفتحييييييييين وعندهم قلة حياء ما تزعلو مني بس ده الانا شايفاهو ليه ما عارفة ليه؟؟؟؟؟؟
بس بشوف انو البنات الاتربو برا السودان هم اكثر احترام وحياء ما بعرف اذا كانت اجواء السودان المنفتحة هي السبب يعني الوحدة تعامل اي واحد في الشارع زي محارما دي حاجة بتعجب منها والاكتر من كدا شوفا الجامعات كييييييف الحمدلله اني ما قريت في السودان ؟
اخي الكريم علي ابكرش
صباحاتك ورد
دائما اندهش كثيرا الي اين تاخذنا الكلمات والمفاهيم احيانا
اكييد المنظر الذي رايته لفتاة تجرب ملابس لتشتريها بالطريقة التي وصفتها
يجعل الدم يفور غضبا
من تجربتي الشخصية وانا كفتاة اتردد كثيرا عالسوق
سعد قشرة الشعبي الخرطوم ام درمان ليبيا .... الخ
اقول
تلك الحالة التي ريتها نادرة صدقني
فالفتاة السودانية لا زالت فتاة عائلة
اكيييد تحدث حالات كلاتي رايتها وكالاتي راها استاذنا السني
لكن بصدق نادرة وللغاية
وتعتمد علي نوعية البيت وتربية الفتاة
واكيييد السودان ليس ببلد للمثاليات والا لكنا جميعا فعلا كذابين
ولكن لازال السودان
اذا قارنته بالدول العربية والاسلامية الاخري
في القمة من ناحية المحافظة ع الدين والقيم الاخلاقية
في وجه التغييرات التي تحدث
تلك التغييرات يواجها اليوم
الفتاة والفتي ع حد السواء
وكنا في موضوع في منتدي السودان العام
حول الشاب السوداني والتغييرات التي حدثت
في طريقة لبسه التي لا تشبه الرجال في شئ
قد كفينا ووفينا
وقول
الله سبحانه وتعالي لا يغير ما بقوم حتي يغيرو ما بانفسهم
عليه الكلمة اضعف الايمان
اذا انتقد هذا وانتقد تلك
ونظرت الي هذا بنظرة استجان
والي تللك بنظرة امتعاض
علي الاقل
وهذا ابسط شئ يكمن ان يفعله المرء
ربما اقول ربما حدثت فرق وخجل من يخجلوننا مما يفعلون
تسلم يا طيب
الاخ /على
الله يكون فى العون
بس عندى تعقيب على كلام اخونا جذاب
فعلا البنات بناتنا واخواتنا وكل العائلة باختصار
بس هو بيقصد انه ليه تصرف زى ده يحصل وبعدين هو ماذكر عورة البنت براها ورت عورتها وهل انتا بتتقبل الكلام ده لو حصل قدامك الحكاية ما زى ماقلتا شابكننا البنات البنات وبعدين الحمدلله ماكل البنات دى فئات قليلة او بالاصح مالاقية ليها راجل يديها شلوت فى نص السوق يعمل ليها نزيف عشان تعتبر اللى تفكر تعمل حاجة زى دى
وسبحان الله الواحد بقى لما يعلق على حاجة غير اخلاقية فى الشارع بيقولو عليهو متخلف
ممكن يستغرب أي واحد فيكم لو قلت ليكم كلامكم كلله صح،،، يعني مثلا،، لو قلنا إختلاف الرأي بين أختنا سارونا،، وأخونا علي (بالمناسبة،، أب كرش دي جبتها من وين؟؟؟)
طيب،، السؤال هنا،، هل البنت السودانيةصحي إتغيرت ؟؟؟ وده السؤال البتنفيه سارونا... وأنا ممكن اثني على كلامها ده في إنه الفتاة السودانية مش إتغيرت،، لكن هناك بوادر تغير أسوأ،، وهو تغير في الأخلاق السودانية عموما،، وأنا بقول بوادر،، والبوادر دي هي البتسمح لضعيفات النفوس، والماعندهن حياء يعملوا كدة،، وهي نفسها البتسمح لضعاف النفوس من الشباب إنهم يشاغلوا بنات الناس في الشوارع،، ويضربوا البوري للسفيهه والعفيفة،،، والتغير ما هنا،، التغير وبوادر التغير بقت في الراجل الواقف في الشارع البقول (لأ) للغلط،، ده مشى وين؟؟؟؟ إختفاء محمد أحمد البحافظ على أخلاق الشارع هي المصيبة الكبيرى الخلت التفاح العفن الكان بيطلعه لينا الراجل ده من قفتنا عشان ما تبوظ باقي الخضار والفواكه هو المصيبة،، وهو الح يسمح للتفاحة العفنة دي انها تعفن الباقي.
لو ما بقينا كلنا محمد أحمد،، خضارنا عمرة ما ح يكون نضر،،، وح نبقى زي بقية العرب،، نحن كنا،، وأجدادنا عملوا.
الحاجة التانية العاوز ةقولها،، بتتبنى على المثل الإنجليزي Empty barrels makes much noise
أو (البراميل الفارغة أكثر ضجة من غيرها). يعني لو في سعد قشرة كان في 200 بت،، وواحدة بس العملت كدة،، وكان في سعد قشرة في 100 شخص شافوا الحدث،، ح تكون في 100 حكاية في 100 بيت مختلف، كل بيت فيه 5 مثلا،، ومن المية ح تتحكي بلسان 500 وهكذا،، فهل معنى كدة البت السودانية بقت كدة؟؟؟
لكن من ال 200 بت، ممكن يكون في 3 فيهم شوية خجل،، لما مافي زول يزجر البت دي،، بنلقى بكرة 3 + 1 = 4 بنات مستعدات يغيرن في السوق
استغفر الله العضيم
يا جماعه ما عشان زول شاف وحده بتسوى كده معناتا كل البنات كده فى بنات اهون عليهم تاموت ولا يسو كده وفى بنات عادى
الناس ما واحد كمان ممكن ناس يتفهموها عادى لكين من ناحيه اسلاميه حححححححححرام
وزى ما قال اخونا عربى من الدوله لو كان فى غرف تبديل ملا بس بعد عمرن طويل لا قدر الله ماكان فى حا جه زى دى وبعدين حتى ولو النا س بتعا ين ليه وحده وبتجرب ما فى داعى لى الحشششريه يعنى لزم يعرفو فى شنو
وبعدين بدل قلنا وقا لو ممكن يقولو ليها بطريقه سلو ممكن ماتسوى كدة لى انو ......الخ
واكيد البنت حتشعر بى الحياء وما حتعيد ا
وشكرن غايس.
السلام عليكم اخ سودانى معزب
حبيت اعلق على كامه شللللوت ازا واحد سوى العايزو واده شلوت معناتا كل الناس حتدى شلا ليت لى اتفه ال اسباب والله سبحانه وعلى خلق ال لسان عشان يتكلم بيه ما رجل وزى ما قال رسولنا الكريم ..............
ازا رايت منكرن فقير ه بلسانك ....... الى اخر الحديث
واتمنى تقبل راى والرد عليه
اختك سالى
أنا لي اسه مخلوع من منظر شفته قبل سنين في دكان في الخرطوم لي واحدة في محل عام،، شافت المرايا،، ووقفت تصلح (الميكب) بتاعا،، وتعمل في أحمر الشفايف وتتمطق،، كأنه الدكان ده كله محارمها
ماشين وين نحن يا جماعة؟؟؟ والدنيا بقى مافيها ود بلد قلبه حار،، يشلت بدل ما يتكلم؟؟؟ عشان الزي ديل يتأدبوا؟؟؟
اخوى السنى شكلك كدة ماجيت السودان قريب اسى البنات المرايات وعدة مكياجن بقى فى الشنطة
وعلى عينك ياتاجر شئ مسيح وشئ روج وشئ كريم واقى من الشمس قايتو حاجات تحير..
ولاد البلد راقدين لكن المشكله لو هبشتا واحدة فيهن تعيط فيك فى السوق وتقلب الموضوع وتبقى فى الشئ التحلك
بعدين اذا ضربتا واحدة ممكن تفتح فيك بلاغ عادى ومافى قانون بحميك
ياحليل زمن الاسر الممتدة لمن كان اى زول فى الحله اكبر منك هو زى ولى امرك يزجرك عند الخطأ
ويثنى عليك عند الصواب...
ايه زمن ياحليلو كان الزول لمن يعمل غلط اى زول فى الشارع يمسكو يدقو وناس البيت لمن تشكيليهم يقولو ليك لو ماسويت غلط ماكان ضربك دا ان مادقوك زيادة
اسى اكنك اضرب ليك شافع ان شاء الله بى ورده شوف الكلام الفارق البتسمعو :(انته مالك بيهو مايسوى غلط انت ابوهو ولاامو )
على ابكرش موضوعك جميل ..
سارونا نظرتنا للفتاة ليس بالامر المخجل فالبعكس نحن نحترم الفتاة على قدر احترامها لنفسها
سيدي الفاضل علي أب كرش أعتراضي أولا على عنوان البوست انت أختك مش سودانية
هل جنت؟ زميلتك في المكتب سودانية؟ بت خالتك بت عمتك سودانية؟
عندكم واحدة جنت؟
ليه انت بتجمع البنات السودانيات في بت واحدة
أخ علي أرفع يدك اليمين والشمال شكلم واحد ولا معكوسات؟؟
الأصابيعين طولم واحد؟
انت وأخوك الصغير بتشبهو بعض؟
ابوك رباك زي ما عمك ربا ولدو؟
بعدين انتو ليه بدل ما تقيفو تتفرجو تتكلمو
ويا بتاع الشلاليت قالو بيدك ما برجلك
بعدين لما انت شفت الموقف دا عملت شنو؟
عاينت ومشيت...صح؟
ياخ أمشي ثبتا قول ليها لأ
انا ما خلصت كلامي بجي راجعة تاني تكون جاوبت علي أسألتي
قبل ما تزعلي في الكلام،، أقري القالوه الناس،، لو لاحظتي ح تلقي الناس بتتكلم عن (ظاهرة) ويجب انها تتوقف قبل ما تنتشر،، وياريت تقري كلامي كوييييس عن (الواحدة) العندها الجراءة،، ولو ما وقفوها،، التفاحة البايظة بتبوظ البقية... باين عليك أخدتي الكلام منحى تاني،،، فعشان ما يكون زعلك في شيء ما ليه أساس،،، أرجوك،، أقري القالوه الأخوان والأخوات،، بعدين مسألة الشلاليت دي مسألة رمزية،، وما أفتكر انه القال، وال الشارك بيقصد انه واحد يرفع رجله ويضرب بيها بت في الشارع،،، ما كلنا سودانيين وبرضو بنعرف الأصول وبنمييز بين الصح والغلط،،، فكدي هدي شوية،،
ليه دائما بنشن الهجوم على البت وفى الحالة دى بالذات المسكينة دايرة تشترى وما تتمقلب
المفروض انو الحكومة هى التقوم بالواجب وتعمل غرف للغيار مخصصة للنساء
طيب اذا المنظر دة عملو راجل تفتكروا بكون حضارى
طبعا نحنا دايرين البت تحافظ على ستر خصوصياتها
عشان كدة لازم كمان نساعدها مش نقعد نلوم فيها عملت وسوت والمفروض
واذا الرجال انصلحوا الدنيا كلها تنصلح
ابو العربى شكرا على ردك
بس انا بنت زى زيهم ولو عجبتنى حاجة بشوف مقاسى
وبشتريها لوشكيت انها صغيرة اوكبيرة بقول لى
صاحب الدكان انى برجعها
واشوف ردو
اما انى اجربها فى المحل فدى عيب والله
وانا مابقيف فى صف حد بس مع الحق
اولا انا لا اصدق ولا اقدر اتصور او حتى اتخيل هذه الفعلة او العادة السيئة التى تشبه ديننا ز
او عاداتنا .وهذه التى تعمل هذه الفعلة ..ينطبق عليها الحديث ..خلعت برقع الحياء.
يا أخي ازا وقفت علي قياس الملابس ماف مشكله
بتتحل بي انو يفرضو علي اي محل انو يكون فيو
غرفة قياس
ودي مافيها حاجه
واي محل بره السودان وبعض محلات السودان
به غرفة قياس
لكن المشكله انو اللبس زاااتو
اصبح فاضح ومخجل لدرجه بعيده جدا
ظاهرة نساء .. وجنون بقر .. والحكم دائمآ هو الرجلـ ..
شى عجيب
العزيز على والسادة المداخلين تحية واحترام ..
قبل ان نخوض فى بحر الموضوع الذى بالتأكيد لن ينتهى بحل مرضى لجميع الاطراف المتنازعــة بل العكس تمامآ سوف يدور الحديث ويخرج من جلبابه الاساسى .. دعونى التقط انفاسى لكى نتأمل شيئآ صغيرآ هنا ..
هل المجتمع السودانى ألأن هو مجتمع متماسك .. وهل مجتمع الخرطوم هو مجتمع متكامل مع الاقاليم ام ان الخرطوم دولة قائمة بذاتها ..!! وهل العلمانية وفساد الشباب لا ينجرف فى جنون الرجال او جنون الشباب ( خمور بلدية .. حشيش .. بنقو ... الخ ) بكميات مهوووولة وسط الشباب .. وهل يعنى انحلال المرأة نهاية المجتمع وانحلال الرجل هو فى فهرست النهاية ..!!؟
لا اعتقد ان النساء هن السبب فى ذلك ولا اعتقد ايضآ ان النساء وصلن تلك المرحلة ولكن يمكننى ان ابشرك اننا سوف نصل الى مراحل ابعد من ذلك يا عزيزى .. انظر الى القاهرة وما يفعله الشباب السودانى هناك من شذوذ اخلاقى ..!! فقد اصبحت قصص القاهرة على لسان الاجانب .. فكيف هو الجنون يا رجل ..
لا اود هنا ان اناقش الظاهرة من منطلق نحن وانتم وهن وهم .. ولا اود ان ابدأ فى تشكيل عدد من الظواهر وسردها هنا سواء كان من الطرفين ولكنى اتحدث عن المجتمع ككل وحالة الانهيار الاخلاقى التى بدأت تتشظى بين السودانيين عامة ..
المجتمع فى واحدة من حالات السقوط .. والعلاج يكمن من الداخل وليس من الخارج وإن كنت يا استاذ على تود ان تعالج تلك الازمة فعليك بمناقشة الظاهرة من ناحية الخصوصية وليس الاجماع بالنساء عمومآ ولا يمكن ان تحاسب الف رجل ورجل والف مرأة ومرأة على حدا ..!!
ودع الفكر سيد الموقف ولا تدع الحزن والاسى سيدآ لرأيك ..
الموضوع دا كان بقى بالجد تبقى مصيبة
يعني كيف يعني تجرب الهدوم قدام الناس
آخر حاجة انا سمعت بيها من واحدة قريبتي انها تعدي على الخياط و تضيق الهدوم او تقصرها عشان لما ترجع البيت تقول ليه اخوها دا الانا لقيتو في السوق كلو كدا !! و هي عارفة انها انها لو مشت بيها البيت طوالي ما هتعرف تغيرها
الغلط من اصحاب المحلات الواحد فيهم لو عمل لي حتة 2 متر × 2 متر من المحل و قسمها لاجزاء و عمل ليها ستائر و مرايات من جوة ما بيخسر شئ,الموضوع ما داير لي حكومة تجي تسوي غرف غيار ,وتاني البت مفروض تكون قادرة تعرف مقاسها و لو ما بتعرف تشيل معاها حاجة من العندها في البيت و تقيس عليها هناك في المحل
و مافي داع لقلة الحيا
تسلم على البوست
تقبل مروري
