~*¤ô§ô¤*~ الــشــيــه الـسـودانيه ~*¤ô§ô¤*~

[شاربة توت ولابسة بوت]

الشية السودانية ..

مقادير التتبيله و الطريقة :

ملح
فلفل
خل
ثوم
قليل من زيت الزيتون
كوب زبادي
بصله صغيره مبشوره
تتبل اللحمه بجميع المقادير السابقه وتترك تخمرفي الثلاجه لمده يوم كامل إلى حين موعد الشواء ..
تشك في اسياخ وتشوى على الفحم مع المراقبه المستمره طبعا ..

وتقدم دايركت من الفحم إلى الصحن ..
مع السلطات ووجبات إضافيه اخرى

[ود القبائل]

يا سلااااااااااااااااااااااااااااااااااااااااااااااااااااااااااااااااااااااااااام
الشية يا وجعي الخرافي
يا توت
والله فتحتي نفسي للاكل
ان شاء الله تحت راكوبة أنا سوداني

[شاربة توت ولابسة بوت]

عرفتك بتحب الشيه ..
عملتها ليك طلبيه خصوصي ..
ما قصرت يا ود القبايل على شيتك اقصد طلتك ..

[بت أبوظبي]

ده شنو ؟

[Still I Need U]

والله يا توت طبعا دي اول مرة تقريبا اشارك في البيت السوداني لو ما كانت المرة التانية ،،
المهم هو صحن الشية ده ،، بعدين طبعا بالمناسبة انا الشية لو ما علمت ليها البهارات بي نفسي ،،
ولو ما دقيت التوم بالملح والشطة الخضرة ،، كويس وولعت المنقد وختيت الفحم وقمت كست لي
ورق عشان اولع بيها النار ، الوقت ده طبعا بتكون اللحمة خلاص شربت البهارات تمااااااااااااام
وبقت جاهزة للأكل ،، ما بنفع الشية عندنا هنا في الرحل بالتحديد نحن الشباب عندها طعم خااااااص
جدا ، تجوا نطلع رحلة أوريكم فنون الأكل بالذات الشية دي ؟

[صلاح يحيى سليمان]

قبلى دقائق معدودة شفته استيل دخل المنتدى.....وانا بعاين فى شريط آخر 10 مشاركات جاء موضوع الشية السودانية ...آخر مشاركة استيل......بالرغم من انى شبعان وشارب شاى احمر منعنع بمزاج دخلت
المشاركة اشوف شية استيل.....وكانت المفاجأة....اتاريكم يا توت عملتوا ليكم مطعم سودانى بى هنا وانا ما عارف..............!!!!!
لكين ما شيه رهيبه.....!!!!! جوعتينى من جديد.....!!!
بس سؤال....الزبادى ده لشنو؟؟؟؟؟؟
وهل اللحمة قبل ما تتبلى تطبخ فى ماء ...عشان الدهن يطلع منها وله لا؟؟؟؟؟

مع تحياتى

[شاربة توت ولابسة بوت]

تجوا نطلع رحلة أوريكم فنون الأكل بالذات الشية دي ؟

[/align]

طبعا دايما اكل العزابة ليو طعم شهي وسبشل خالص ..
وانا شخصيا بموت في حاجة اسمه حلة العزابة ..
مع انو مرات بيكون بصراحه منظره مش ولا بد ..
بس طعمه رهيب ..

[شاربة توت ولابسة بوت]

بس سؤال....الزبادى ده لشنو؟؟؟؟؟؟
وهل اللحمة قبل ما تتبلى تطبخ فى ماء ...عشان الدهن يطلع منها وله لا؟؟؟؟؟

مع تحياتى

الزبادي
بيدي نكهة حلوه ولذيذه للاكل وده مجرد اضافة يعني حسب الرغبة ..
واللحمه ما بتتسلق .. على طول من التتبيله للفحم ..
واللحمه اثناء الشوي بيطلع الدهن وبينشف طبيعي ..
والشوي انسب طريقه للتخلص من الدهن ..
وانته بعد ده نباتي يا صلاح !

[صلاح يحيى سليمان]

بس بسأل ....زيادة معلومات...!!!!
تشكرى ياتوت.....على تسخير كل ما لديك فى الراس والبيت
لمنتدانا الجميل.....مجهود مقدر....! لكى تحية خاصة..

صلاح

[Still I Need U]

[align=center]والله يا توت الرحل جميلة شديد وليها طوابعها الخاصة ومذاقها الخاص
لكن بلم ليك الشباب هنا ونطلع رحلة بس بي شرط الشية والأكل كلو تسيبو لينا
عشان نوريكم الفنون الشبابية والعذابية[/align]

[حزن السنين]

و الله يا بت التوت الشية دي الواحد ما بقدر يقاومة عشان كدة كتيرة لينا منا شديد ما تنشي
الشطة بالليمون و الدكوة

[ماجدة]

الاخت شاربة توت ولابسة بوت

فوق وفوقين للبوست اللذيذ والشهى

معزتى

[شاربة توت ولابسة بوت]

بس بسأل ....زيادة معلومات...!!!!
تشكرى ياتوت.....على تسخير كل ما لديك فى الراس والبيت
لمنتدانا الجميل.....مجهود مقدر....! لكى تحية خاصة..

صلاح

واحنا حاضرين لأي استفسار !
ودا منتدانا العزيز ولازم نتعب علشانه ..
وما قصرت على مرورك المحترم ..

[jareema]

واحد شيه مع شطه بى دكوه لو سمحتى

والله يا جماعه انا اشتقته للشيه

ونفسى امشى وأنزل لى 100طلب شيه

هنا عندكم طلبات سفري ولا لا

[شاربة توت ولابسة بوت]

علشان خاطرك يا جريمه ..
وخاطر جرايمك النكراء ..
اللي ساتره عليها وساكته ساي !!
ح نعمل دلفري لحمص
ولووووووو
تكرم عينك !
يؤؤؤؤؤؤؤ

[jareema]

اقول ليكى حاجه دايرين

3 طلبات بعد اذنك واحد لي واحد لى ام اكس واحد لي دايخ

وما تخافي بنطلع ليكى البغشيش حقك

وما تنسى الشطه اهم شى بالله

وكده تكون ما قصرتى تب

[moony]

الاخت توت شيتك سمحة ولذيذة من غير ما اذوقها
اصلي نباتية نوعه ما

[ana lola]

مجهود طيب
وشغل تشكري عليه
وشية لكن ما شية يا شاربة توت

[شاربة توت ولابسة بوت]

الاخت توت شيتك سمحة ولذيذة من غير ما اذوقها
اصلي نباتية نوعه ما

اول مره اعرف انك نباتية يا موني ..
حسه بقه عندنا اتنين نباتيين في المنتدى ..
المشرف العام ومونى ..

تشكرات ..

[شاربة توت ولابسة بوت]

مجهود طيب
وشغل تشكري عليه
وشية لكن ما شية يا شاربة توت

طله جميلة يا لولا ..
ويا رب ما ننحرم من الطله الحلوه ..