اضحك مع المحششين

[حزن السنين]

[grade="00008B FF6347 008000 4B0082"]مشكورين علي المرور و التعقيب [/grade]

[مكاوي]

thank you

[مكاوي]

مسطول مشي السعوديه قالو ليو حتشتغل شنو؟ قال ليهم اي حاجه انا ماعندي مشكله الشغل ما عيب حتي لو اشتغل خادم الحرمين الشريفين
ههههههههههههههههههههههههههههههههههههههههههههههههههههههههههه
تسلم

[حزن السنين]

[grade="00008B FF6347 008000 4B0082"]مسطولنا إسمو سر الختم مرتو جابت ليو ولد بعد ست بنات طوالي سماهو
ما بدري سر الختم

مسطول دخل المقابر و لقا جماعة بحفرو لجنازتهم ... فسألهم : ان شاء الله خير ؟
رد عليه و احد منهم قال ليه : بنطّلع في صارقيل

***مسطول لقي كنز , قال الحمد لله باقي الخريطه

***شوايقة بصلوا كلو يوم المغرب جماعة في السهلة ساي.. و الشفع و النسوان بجوا مارين قدامهم
جاهم ضيف جعلي غزَ عصايتو قدامو نظام حاجز و صلى بيهم امام

وحداة من النسوان الجوا مارات قامت زغردت و قالت لي المعاها الجعليين الفي صلاتهم باينين
الجعلي قطع الصلاة و سلى عصايتو و قال ليها ابشري دي الحالة بلا وضوء

***وحدة مكسرة في جورج قرداحي.. مشت للفكي قالت ليو اربطو لي (رباط جزمة بس)
اداها حجاب كبيييييييير ملفوف.. قالت ليو: وب علي دة البسو كيف
قال ليا: القال ليك تلبسو منو .. دة تألقو في الدش

***مسطول لصاحبه يا سلااام القمر ده لونه جميل خلاص... رد المسطول التانى ( و الله بالذات في الليل)


***أبكر رسل جواب غرامي لي حفصه وكل كلمتين يكتب اه قالت والله يا ابكر كلامك شائري وهلو
لكن بس الواحد وخمسين دي ما ارفتا مساريف ولا شنو؟

***دى الاخيرة بس قويه
يقولك رجل من ناس ابوظبى كان قاعد في أمان الله يقرا الجريدة.. وبعد شويه
وزوجته ضربتو بالطوه التيفال على راسه، طررررررررااخ!!!
الزوج: مالك يا بنت الحلال؟
الزوجه: شنو الورقه دى الفى جيبك المكتوب عليها العنود؟؟؟
الزوج: يا بنت الحلال، ده الحصان اللي رشحته الاسبوع اللي فات
في سبق الخيل!
الزوجه صدقته وراحت لحالها...
مر اسبوع ، اخونا في الله قاعد يقرا الجريده،
وتيجي مرته وتديهو بالطوه ‏التيفال على راسه!!
الزوج: خير يابنت الحلال مالك جنيتى في شنو؟؟
الزوجه:حصانك على التليفون

مسطول دقنه كبيييييييييييييييييير
دخل الجامع لي اول مره في حياته
لقاه واحد ساله : لو سمحت يا شيخنا انا فاتتني ركعتين اعمل شنو ؟
قال ليه : في زول شافك ؟
قال ليه : لا
قال : اعمل نايم.

جعلي أحمق ضرسه وجعه
مشي للدكتور وقاليهو شيلم كلهم
وهو سيبو براهو زي الكلب!

مدرس إنجليزي قال لفلاتي
ضع Has في جملة
قال: Has بي الله ونعم الوكيل!!


واحد مسطول قال لصاحبه.. ارسم على ظهري مربعات .. ورقمها من 1 الى 20 .. لما خلص ..قال ليهو " حُـك لي المربع رقم 15

واحد مسطول قاعد جنب ابوهو الاب قال لي ولدو يا ولد جيب لي مويه اشرب الولد ابي وعمل مصهين المسطول قال لي ابوه ده ولد قليل ادب امشي اشرب وجيب لي معاك يا ابوي

مسطول سأل مسطول: أمك حية ؟ قاله : لأ عقرب .. قا له لأ قصدي عايشة !؟ قاله لأ فاطمة

مسطول صلي الصبح ركعة واحدة المعاهوا استغربوا لما رفعوا المصلاية لقوهو خاتي ورقة كربون

له جناحين ولا يطير ! له عينين ولا يشوف! له رجلين ولا يمشي ! فما هو ؟!!
عصفور ميت
لغز مسطول
في مسطول بلع ليه نص حبة منومة نام بعين واحدة

واحد مسطول سألوه الفرق شنو بين الركشة والكارو ؟
قاليهم الكارو الحمار بي برة
لكن الركشة الحمار بي جوة

مسطول دخل محو الأمية
الأستاذ قال ليهم أكتبوا واحد واملوا بيها الصفحة كلها
كتب واحد طويلة من أول الصفحة لحدي نهايتها وقطعها بالأستيكة

عشره محششين يرمون اسد بالحجاره قام انطلق عليهم الاسد
هربوا كلهم الا اثنين ليه
يقولوا مارمينا

في واحد مسطول قطع راس صاحبه وهو نايم قال حيموت من الضحك اذا صحا ولقى راسه مافي

ضبانة وقعت في كاس وسكي مرقت قالت : هـــــــــــوي الصقر جاكم

فلاتي مسطول بيضرب في تركين كارب، كل ما ياكل ليهو لقمة يلحس صوابعه ويقول : هلو لكن أفن[/grade]

[حزن السنين]

[grade="00008B FF6347 008000 4B0082"]مسطول سألوه في لقاء تلفزيوني عن سبب سخانه الجو اليومين ديل؟؟
رد قال : ده كلو من مشجعين الكوره .. شغالين يقولو فوق فوق سودانا فوق لمن تكلونا مع الشمس..



بكرة الصباح الساعة تمانية مساء عازمكم غداء في بحري الثورة الحارة العاشرة شارع المطار ما تنسوا الوصف عشان نمشي نعزي الزول ده قالوا أخوه الكبير عرّس (مسطول خاينو التعبير)


واحد مسطول جابو للقاضي . القاضي قال : قول عشره حاجات تبدأ بحرف البا بتعملا من الصباح بفرج عنك رد المسطول : -
بجيبا - بختها - بفتفتا - بلفها - بولعا - بشربا - بتكيف - بنسطل - بطفيها - بنوم


[تقول لي سليتك..

تقول لي جفيتك...

تقول لي عفصتك..

بعفصك وبعفص حنانك
دبايب عقارب تداعب بنانك..

وكيفن هو حالك؟؟

سالت التمرجي البطاطس بيعادي؟؟!!
تخيل تجاهل وقبل لي غادي!!
(مساطيل عاملين امسية شعريه)

واحد سكير يحكي لأصحابه:

"أنا لما أشرب أحيانا أسكر من الكأس الأول وأحيانا من التاني وأحيانا من الكاس التالت وبعد مرات اشرب عشرة كاسات ما أسكر. غايتو السكر دا توفيق من الله".

قاليك مسطول بيحكي لصاحبه المسطول
والله يامعملم امبارح مشيت لي سماره اشيل ليك معاه الفاتحه في ابوه المات
التاني قاليه ياخي الناس ديل مامسيحيين
قاليه ماعشان كده كشحتهم ليك ياايها الكافرون لمن امنو

اتنين مساطيل سايقين عربية صدموا ليهم واحد.. السايق العربية سأل التاني قال ليهو: ماات، التاني قام نزل من العربية عاين من قدام العربية وقال لي السايق أكسر يمين شوية أرجع ورا أكسر شمال للآخر تعال قدام، بس كدا يا دوب مات...!!

بعد بلاغ عن حادث سطو جات الشرطة - وعند المنزل المسطو عليه لقو مسطول جالس سالوه انت من اهل البيت فاجاب ساهما لا انا من كفار قريش


مسطول سألو في شي ؟
قال ليهم : مافي شي
قالوليه : طيب جاري مالك ؟
قال ليهم أفرضو حصل شي

ياربي تعيشي في عذاب وتحسي بإكتئآب وتسفي التراب وبموية بلاعة تتبلبلي وبالنار
تتحرقي وتتغلغلي ويموتوا أهلك وتسكلي وتجني وتفلقي ومن راجلك تتطلقي
مسطول بيدعي على نمله قرصتو[/grade]

[حزن السنين]

[grade="00008B FF6347 008000 4B0082"]في واحد سوداني في مطار الصين وقالوا في جهاز لمن تقيف قداموا إقوليك إنت فلتكان ود علان من الحته الفلانيه .
يلا قام صاحبنا وقف قداموا وقال ليهو إنت كده كده من السودان
يله قام إستغرب ومشى لبس ليهو عمه وجلابيه وبرضوا قالت ليهو نفس الكلام
قام مشى إتلفح بي توب مرتو وبرضو قال ليهو نفس الكلام
قام تاني مشه لبس ليهو بدله وإتمسح بى جير أبيض وجا وقف
تاني قال ليهو نفس الكلام : إنت فلان ود علان ومن السودان وسوى عوارتك لمن الطياره تفوتك


واحد بوليس حركة مسطول وقف ليه سواق تاكسي مسطول عامل مخالفة .. قال ليه يا اخي لمن تكون مسطول ما تسوق .. عفواً ولا اقول ليك لما تكون بتسوق ما تكون مسطول .. ولا أقول ليك يا أخي أمشي ..

* واحد مسطول سائق الكامري بتاعته في شارع النيل بالخرطوم ولفى الصينية غلط قام بتاع الحركة لحـقه .. وقال ليه كمان لافيها شمال (يقصد الصينية) المسطول رد عليه قال ليه .. لافيها شمال ولا يمين مالك بيها اشترتيها معاي .. لـفـيـتها معاي .. درجتها معاي ..(يقصد سجارة السطلة) .

* واحد مسطول .. نايم نومة عميقة بعد السطلة .. قام أصحابه حلقوا ليه صلعة .. بعد ما صحى من النوم أخد حمام وداير يتسرح لقى شكل تاني .. قال ..الما أنا دة منو ..

* اثنين مساطيل قاعدين يسطلوا جوة قفص بتاع دجاج كنوع من التغيير واحد فيهم بعدما سطل اخذ ليه سفة سعوط من الكيس وقال للتاني .. أديك سفة .. التاني رد عليه .. قال ليه والله ما لاحظت ليه ..

* واحد فلاتي بياكل شطة كتير .. سألوه بتاكل شطة كتير مالك .. قاليهم دي مذكورة في القرآن .. ما آرفين (إن سأيكم لشتة) ..

* واحد مسطول إمام في صلاة جنازة في المقابر .. لما قال الله أكبر الثانية الجماعة راحوا راكعين .. قاليهم ياجماعة دي وقــّـافي ..

* واحد مسطول طلبوا منوا يصلي بيهم صلاة استسقى .. عشان المطرة تنزل .. قا ليهم دايرنها شكشاكة و لا سيول عارمة ..

واحد مسطول سألوه (ليه انت مسطول .. قال ليهم من غير ليه .
* واحد مسطول سألوه .. جراي الكلب وللا جميل الحصان .. قال ليهم الاتنين انضف منهم جلابتي دي !!
* زوجة مسطولة قالت لى زوجها ..الجايي داخل بى بابنا دة ولدك.. وللا .. بتي ؟؟
* واحد مسطول سألوه الشمس بتشرق من المشرق وللا من المغرب .. قال ليهم انا جديد في البلد دي!!!
* واحد مسطول دخل فلم هندي .. طالع قبل الفلم ما ينتهي .. سألوه .. الفلم لسة شغال طلعت مالك .. قاليهم .. ياخي البطل ولدوه يادوب !!!
* واحد سواق حافلة مسطول .. مستني الحافلة حقته عددها يتم من الركاب .. جا راكب زهجان .. قال للسواق سفينة نوح ما تمت .. السواق المسطول رد عليه .. قال ليه ناقصة قــرد .. أركب[/grade]

[حزن السنين]

[grade="00008B FF6347 008000 4B0082"]واحد لقى مسطول قاعد قدام باب جاره
قال ليهو يا شاب انت من اهل البيت ؟؟
رد المسطول: لأ من كفار قريش

مسطول شناته مرة .. عايز يعرس
مشى لابو البت قال ليهو : انا يا عمي بلا فخر عملت نفسي بنفسي
ابو البت قال ليهو : انا برضو قلت استحالة تكون دي خلقة ربنا


مسطول لقى بقره واقفه قدام مرايه بتتمكيج
قاليها والله حرام الجمال دا يروح لواحد تور


مسطول يحب واحده من طرف واحد
سنه كامله يتابع فيها وهي ما جايبا خبر
بعد فترة شافا مع واحد
قال ليها: شوفي اعتبري البيناتنا انتهى

مسطول سألوه رايك شنو في المرأة العصرية ؟ قال ليهم : خلوها التمغرب شوية

مسطول ماشي في غابه قام سكاهو اسد المسطول جاري والاسد جاري وراهو
المسطول لمن تعب قال للاسد تعال اكلني تاكل السم

مسطول طالع فى السلم بدق ليهو فى مسمار .. المسمار وقع قاليهو تعال فوق .. المسمار قال ليهو ما جاى ..
رمى باقى المسامير قاليهم ارفعو

واحد سطلنجي سافر الصين وهناك اشتغل سواق تاكسي
كل ما يقيف لي واحد يقول ليهو أنا هسي قبل شوية ما نزلتك

أدروب سأل مسطول : عيد الضحية .... الخروف نضبح
عيد الحب دا شنو؟؟ فقال المسطول : الخروف نجـكّس !!

مسطول ودوه يقرا في الخلوه
اخراليوم سألوه ادوكم شنو
قال ليهم الفكى زاتو ما عارف ادانا شنو
مره يقول القارعة ومره يقول ما القارعة

بايره سطلت شديد قامت سألت صاحبتا : يا أختي عدم العرس وعرفنا سببو !!!
لكن عدم الولاده ده من شنو ؟؟؟

ميكانيكي مسطول شايلين جنازة ابوه
واحد قال ليهو ابوك ده مالو تقيل كدا
رد عليه المسطول : يكون مات معشق

مسطول ابوه مات
ما شاء الله 3 ايام الناس كاسرة على البكا
رابع يوم جاب لافتة كتب فيها
لليوم الرابع وبنجاح ساحق

مسطول دخل عليه
عزرايل قال ليه انا ملك الموت
المسطول قال ليه خلعتنا ياخى
انا قايلك مباحث

مسطول وقع في خلاط اسمنت
بعد كم ساعة طلع
قال الله يلعن ابو البدخل الملاهي تاني

مسطول عطس ..
صاحبه اتثاءب ..
قال ليهو ما تغير الموضوع

مسطول قال لى صاحبه المسطول امس شايف مرتك
مارقة من بيت المهندس جارنا العزابى
رد عليه قال ها .. ده ما مهندس ولا حاجة
فاكيها فى روحو ساكت

واحد مسطول راجع البيت متأخر قعد يخبط الباب مرته قالتله ارجع مطرح ما كنت
راح شايت صفيحة الزبالة خبطت في الباب ورجعت قطعت اضانه
قام جاط وخبط الباب زيادة ، قالتلو برضو ما حافتح ليك
راح شايت الصفيحة تاني خبطت في الباب ورجعت قطعت أضانه التانية
صرخ وقال ليها افتحي يا ولية الصفيحة حا تكتلني

واحد مسطول مشى سلاح المظلات قال ليهم: عايزين نعمل مظلة للمرحوم الوالد

اتنين مساطيل راقدين فى نجيلة وجعانين جوعة شديدة.. ضفدعة جمبهم عملت غاغ..
الاول : ده شنو ده؟
التانى: دى ضفدعة
الاول: والله انا قايلها طحنية!!!

مسطول كهربجي جارو قال ليهو : تعال لينا بكرة صلح لينا جرس الباب لانو اتعطل
بعد فترة قابلو قال ليهو : مالك ما جيتنا انحنا منتظرنك فترة
رد عليهو : ياخ أنتو مستهبلين انا بجي بضرب جرس الباب ومافي زول بفتح

مسطول اتصل على ناس البوليس قال ليهم السغالة لزوما شنو يعني لو ما سألنا ما بتسألو

مسطول سأل صاحبو : ليه نشرة الأخبار دي طويلة كده؟؟ قال ليهو : يمكن الليلة الحلقة الأخيرة

اتنين مساطيل قاعدين يسطلوا .. واحد قال للتانى : امبارح كنت قاعد في البلكونة .. قامت وقعت فيني حلمبشونة قربت تكتلني.. التاني قال ليه : الحلمبشونة عرفناها .. بلكونة دي يعني شنو !!؟[/grade]

[عاشقة النيل]

انا الوم نظري ضعف من الكلام الكتير دا وخشمي اتشرط من الضحك شكرااااا ليكم ههههههههه

[ابو السيم]

نكاتك حلوه كتير يا تاشى الاسباني

[ابو السيم]

هههههههههههههههههههه والله نكت ابداع عديل بشكرك منتظر منك نكت كمان ياخ فطستنه من الظحك

[محسي اصيل]

والله ياتمبرلي مبالغه
هاك مني المزيد

* رباطابي مشي يفتح بلاغ قال ليهم مركبي غرقت الضابط سألوا وين غرقت الرباطابي قال ليهو في الزلط
* رباطابي مشي يفتح بلاغ قال ليهم ولدي اكلوا التمساح الضابط سألوا وين الرباطابي قال ليهو في المطعم

المساطيل
* مسطول فتح باب الثلاجه بقوه في قالب جلي اتهزا قال ليهو ماتخاف داير لشرب بس
* مسطول راقد في الاوظه ومفتح الشبابيك جات طيره خشت من الباب ومرقت من الشباك عاين ليها كدا وقال ليها يعني عملتي شنو
* مسطول سافر امريكا اهلوا اتصلوا بيهو قالوا ليهو امريكا كيف قال ليهم هنا الناس كلهم بتكلموا انجليزي بس بصرخوا بالعربي

[ابو السيم]

هههههههههههههههههههههههههههههههههه
هههههههههههههههه
هههههههه مشكوووووووووووووور يا محسي اصيل

[ابو السيم]

والله نكتكم حلوه شدييييييييييييييييد يا شباب هههههههههههههههههههههه

[M.Hadad]

مسطول مشي السعوديه قالو ليو حتشتغل شنو؟ قال ليهم اي حاجه انا ماعندي مشكله الشغل ما عيب حتي لو اشتغل خادم الحرمين الشريفين
ههههههههههههههههههههههههههههههههههههههههههههههههههههههههههه
تسلم

حلوه يا مكاوي

[M.Hadad]

والله ياتمبرلي مبالغه
هاك مني المزيد

* رباطابي مشي يفتح بلاغ قال ليهم مركبي غرقت الضابط سألوا وين غرقت الرباطابي قال ليهو في الزلط
* رباطابي مشي يفتح بلاغ قال ليهم ولدي اكلوا التمساح الضابط سألوا وين الرباطابي قال ليهو في المطعم

المساطيل
* مسطول فتح باب الثلاجه بقوه في قالب جلي اتهزا قال ليهو ماتخاف داير لشرب بس
* مسطول راقد في الاوظه ومفتح الشبابيك جات طيره خشت من الباب ومرقت من الشباك عاين ليها كدا وقال ليها يعني عملتي شنو
* مسطول سافر امريكا اهلوا اتصلوا بيهو قالوا ليهو امريكا كيف قال ليهم هنا الناس كلهم بتكلموا انجليزي بس بصرخوا بالعربي

[align=center]ههههههههههههههههههههههههه
بالغت والله
ههههههههههههههه
قلت بيصرخو بالعربي
هههههههههههههه[/align][/b][/size]

[M.Hadad]

هههههههههههههههههههه والله نكت ابداع عديل بشكرك منتظر منك نكت كمان ياخ فطستنه من الظحك

مشكوور يا ابوالسيم

هههههههههههههههههههههههههههههههههه
هههههههههههههههه
هههههههه مشكوووووووووووووور يا محسي اصيل

:

blink:

[ابو السيم]

هههههههههههههههههههههههههه والله نكاتك مبالغه يا (نوركم)




thank you

thank you

thank you

[موسى البرق]

كانت كلمات فيلسووووووووووف محشش لكن جميلة
شكرا

[ام الانبياء]

هههههههههههههه

ههههههههههه

مشكووووووووور ابن الخطاب

[حزن السنين]

الغالية عاشقة النيل

مشكورة علي المرور
و اعفي لينا لو نظرك ضعف و لو خشمك اتشرط

دمتي بود يا غالي