الرباطابي اتغاظ قال ليهو انت لو ما بتشوف ما بتضوق؟؟
رباطابى وشايقى سكاهم مرفعين وقاموا جاريين والمرفعين وراهم وبعد مسافة قام الشايقى قال للرباطابى ياخوى ما تشوف ليك تراب تكشح المرفعين دة قام الرباطابى قال ليه- وانت جارى فى برش ؟
************************************************** ****************
رباطابى عنده لورى مسافر بيه وفى الطريق اللورى اتقلب قام جاء واحد شايقى ماشى قام سأل الرباطابى قال ليهو يا زول انت اللورى ده اتقلب قام الرباطابى قال ليهو لا أنا متاكيهو عشان أقعد فى ضله
************************************************** **************
ربطابي شايل ليهو طشت لاقاه واحد قال شنو ماشي تغسل ؟
رد الربطابي لا ماشي أغني أه ونص ..
************************************************** **************
ربطابي جزار شايل عظام لاقاهو شايقي سأله:عازم كلاب ؟رباطابي :ايوه!انته ماكرتك جاك..
************************************************** **************
رباطابى راكب القطر ... والقطر مافيه كهرباء
ولا أنوار ..جنبه واحد بيهبش تحت كرعينه
قاليه يازول مالك .... قاليه بفتش لولدى
الرباطابى قاليه .... ولدك دا إبريق ما تندهله ..
مسطول وأخوه وقفوا عند دكان , المسطول قال
لأخوه عاوز شنو أجيب ليك معايا ؟ أخوه قال ليه جيب أيو حاجة
راح المسطول جاب لنفسه حاجة باردة
وجاب لأخوه قلم رصاص ...
************************************************** **************
مسطول ماشى يصلى فى الجامع فى غير موعد
الصلاة .. لقى الجامع مقفول ..قال بركة الجات منك
يالجامع ...
واحد مرتو شينة جدا
جيرانهم عزابة , قالت
ليهو لازم تعلى الحيطة دى
من العزابة , قال ليها شافوووك
قالت ليهو لالا
قال ليها خلاص لما يشوفوك
براهم بيعلوهااااااااااااااااااااااااااا
*************************************
واحد مسطول عايز يواسي واحده عانس
قال ليها : أصبري القدم ليهو رافع
**************************************
واحد ماشي وراء واحده قال ليها : الحلوه وراها مشوار. قالت ليه :الحلوه وراها حمار
*********************************
اتنين مساطيل واحد شايل بطارية و بفتش بيها في الظلمة و التاني بعاين فيهو
جاء واحد ماشي في الشارع و سأل المسطول الزول دا بفتش في شنو؟ المسطول قال ليهو بفتش للطاقية بتاعتو الراجل قال ليهو غريبة الزول دا لابس الطاقية ياخي المسطول قال ليهو بفتش للفردة التانية
************************************************** ******************************
مسطول ساكنين معاهو اتنين بتاعين كريستال البلح و عندهم عنز بحلبوها لشاي الصباح و كدا
يوم بالليل بتاعين كريستال البلح جو طاشمين لدرجة الدهشة مسكو العنز ضبحوها و جهبزوها و ناموا
الصباح صحوا ماشين الشغل والمسطول راقد في السرير سجارتو قصبة قال ليهم وين الشاي؟
قالوا ليهو مافي لبن قال ليهم احلبوا العنز قالوا ليهو ضبحناها امبارح قال ليهم ضبحتوها كلها؟؟
************************************************** *********************************
اتنين مساطيل قاعدين في برندة عاملين بالسجارة ون تو (واحد يشيل نفس و اديها للتاني)
لما السجارة طلعت في النخاشيش وكدا واحد شاف الزنكي بتاع السقف بمشي و بجي زي بندول الساعة فسأل التاني و قال ليهو انتا الزنكي دا بمشي و بجي كدا مالو؟؟ قال ليهو شغال اوضة و برندة
واحد مسطول راكب امجاد ركب جنبه واحد شايل فرشة
بوهية وفرشة نقاشة ,و المسطول ساله قاليهو ؛ انتا شغال شنو ؟
الراجل قاليهو ؛ شغال نقاش ,, المسطول قاليهو ؛ طيب انقشنى انا
منو ؟
************************************************** ************
ليه الواحد لما يعاين ليك بتجيهو نفسيات؟
غايتو انا تاني ما حاوريك وشي خالص
[مسطوله بتتكلم مع المرايا]
************************************************** **********
مسطول ضبح خروف عمل اللحمة شية والراس شوربة والرجلين كوارع والجلد مصلاية
والعضام طحنها علف للجداد حتى كلمة باع عملها نغمة لى موبايلو
************************************************** ************
اتنين مساطيل الأول قال للتاني: أنا مرتي من شدة ما صغيره لما أجي مارق بربطها في كراع البمبر!!
التاني قاليهو: وأنا مرتي من شدة ما صغيره بتفرش الطرادة وتصلى فيها
************************************************** **************
واحد مسطول صاد ليه سمكة
قاليها والله الليلة رحتى تونة ساكت
************************************************** **************
قال ليك في واحد مسطول قاعد قريب لبركة موية كبيرة
جا واحد بعربية قال يااخوي الموية دي ممكن نعدي ما مشكلة قال ما عندك مشكلة
وصاحبك دخل الموية ولقي اكبر حفرة
ونزل من العربية وجا للمسطول
قال لي ما قلت بنعدي براحة
قال لي والله في بطة قبل شوية مشت
أدروب .... جاء يأجر ليهو بيت ... الجماعة نصحوهو
يا أدورب البيت دا مسكون اعمل حسابك ... قال دا كلام فارغ
ما مشكله ... صاحبنا أجر البيت وبعد شويه نايم يلقى السرير فوق
والكرسي فوووق .... هيييييي يا اااا ,,,ما تلعب ياااااااا أعمل حساب المروحه ياااااااا
جرسه شديدة .... مجرد ما نزلوا ليهو السرير في الارض فك البيرق جررري
وجاري في خشم الباب لقى ليك صاحب البيت
يا أدورب وين ........ يا زول بيتك دا ما عايزو ... دا بيت ولا ملاهي دا ياهي
واحد مسطول.. صاحبه دقّ عليه الباب قاليهوا :منو؟
قال:أنا..قاليهو :لا ما إنتا.
############
واحد مسطول ببيع تلج
كتب على باب الدكان
عندنا تلج بارد جداً
******************************************
مسطول ابوه اتوفي وكان ما معاهو اي زول غير صاحبو المسطول معاهو ..
الاتنين ما بعرفو يغسلو الجنازة صاحبو قال ليهو :
مافي حل غير ( نشوف لينا واحد من البغسلو العربات ديل )
مشوا لي واحد طلب منهم عشرين الف قال ليهو ( لييييييييييييه ياخ مغسل مرسيدس )
قالوا رباطاب قاعدين يحفروا في قبر في المقابر .. جاء واحد قال ليهم السلام عليكم
قالوا ليه عليكم السلام .. قال ليهم خير مالكم .. قالوا ليه عندنا واحد مات .. قال ليهم مات هنا ولا خبر .. قالوا ليه خبر .. قال ليهم سمح بتحفروا ليه ..
قالوا ليه دايرين ندفن التلغراف .
************************************************** ************************************************** ***
رباطابي قاعد في مطعم وكلما حضر زبون يطلب حاجة صاحب المطعم عندو حلة واحدة يفتحها ويغرف منها وتكرر المشهد عدة مرات ونفس الحلة عايز فول عايز كباب عايز عدس عايز كبدة وبرضو نفس الحلة اخونا الرباطابي مشي لصاحب المطعم وقال يااخونا حلتك دي فيها ادراج ولاشنو
************************************************** ************************************************** ********************
واحد رباطابي جوهم الجماعة وهم يهللون ابشر ياحاج ولدك الليلة عريس في جنان الخلد وسمعت امه وجات جارية وينو ولدي فقال ليها احدهم ياحاجة ولدك عريس الجنة الليلة ياحاج الحاجة دي بتعمل كدة ليه فما كان منه الا ان قال اديها طلقة عشان تحصل الجرتق
************************************************** ************************************************** *********************
رباطابي راكب القطر بتاع الشمالية من غير قصد وعشان مافي نور وطاء رجلين احد الجالسين وكان من جنوب السودان فرد عليه بزهج شديد انت مابشوف ولا شنو تطلع في كراع الناس احسه انت ماشي وين فرد عليه الرباطابي انا ماشي عند اهلي انت ماشى وين
************************************************** ************************************************** **************
رباطابي عنده فرن جاهو مسكين قال ليهو ( لي يومين ما ضقت
طعم الرغيف ) الرباطابي قال ليهو : ( ياهو طعمو زاتو ما اتغير ) .
************************************************** ************************************************** *****
قالوا رباطابي ببيع خرفان .. جاهو واحد إشتره منه خروف .. وبعد مارفع الخروف في العربية .. رجع للرباطابي وقال ليه وين القش بتاع الخروف ..
الرباطابي قال ليه أنا بعته ليك مكيف .
قالو واحد سافر لابوحمد واول ما نزل من القطر لقى شافع رباطاب بيببع في ليمون قام قال ليهو يا ولد ليمونك ده فيهو موية قام الشافع رد عليهو بسرعة - نان قالوك ساقنوا بالتيمم
رباطابي جزار جاو واحد قال ليهو عايز راس نيفة بس صلحو كويس فردعليهو اصلحو كيف يعني البسو نظارة
الشايقى الجعلى قاعدين تحت شجرة لالوب يتونسوا ، الشايقى قال للجعلى اطلع جيبلى لالوبات من الشجرة !
الجعلى قال ليهو انت محنن ???
فجأة ظهر أسد ! الجعلى طلع فوق الشجرة ، والشايقى جرى بعيد !
لما الأسد فات ، الشايقى لقى ليهو عود صغير ، قال للجعلى الأسد فات ! خوفتوا ليك
بالمطرق دا ! لكن انت وقت الله رفع قدمك ، لا تنسى اللالوبات جيبن معاك ....
************************************************** ****************
اتنين جعليين ماشيين فى الخلا ، لاقاهم رباطى ، قال ليهم جيبوا كل العندكم !
واحد عاوز يقاوم ، قام الرباطى أداه كف جامد ! وطوالى أخونا وقع فى الأرض !
والرباط شال العندهم ومشى !
قام أخوه قال ليهو : انت بس من فرد كف تقع ???
قال ليهو : لكن كان قمت ما كان عققبلى !!
************************************************** ***************
في اتنين جعليين مشوا العمرة وطبعا عمرة وزوغة ، ونزلوا عند واحد قريبهم شغال في السعودية و اكرمهم كرم شديد جدا ، المهم بعد فترة كشوهم ورجعوهم السودان ،و لما جاء قريبهم بتاع السعودية لقضاء الاجازة في السودان عملوا ليهو عزومة وبالطبع نوعية الاكل ما كانت بمستوي الاكل بتاع السعودية ، فأحسوا بحرج شديد وبعد العزومة واحد من الجعليين الاتنين قال ليهو ماقدرنا نكرمك زي ما اكرمتنا في السعودية ،لكن علي الطلاق عشان نكرمك كويس بكرة الصباح تخش السوق وتعمل ليك شكلة مع اي شايقي من طرف وتزيح لينا منها.
شايقي شاف جنازة وبدا يبكي بي حرقة شديدة سالوهو الميت ده بيقرب ليك قال ليهم لا لكن سمعت البكي بزيد عزاب الميت
************************************************** ***************
واحد جعلى طلق مرته عشان شاركت فى مسابقة
وفازت بإقامة فى فندق مع شخصين ,,
واحد مسطول عزم صاحبه على الغداء ...المسطول شابك ليك مرتو
الله عليكي يابركةو و كل ما يطلب منها حاجه
يقول ليها يا روحى يا انفاسي لاكل جاهز ولا لسع ؟
ياعيونى شوية ملح ، يا سنتر قلبي جيبي بالله عيش
يا قمرة ياحياتي يا انفاسي عايزين زيادة
أهــا صحبو اتكيف شديد من الكلام دة وقال : ليهو ماشاء الله
اكتر من 18 سنة متزوجين ولسع بدلعة ياروحي وياحياتي وماعارف شنو؟
قام المسطول قال ليو: يازول ها انا بس ناسي اسمها
************************************************** **
ربـاطابي ببيع لـبن
الـمهم عندو زبـون مـحامي
يوم زوجة المحامي غالطت الرباطابـي في حـق يومين
مـدعية انو كان في مطـرة
والرباطـابي مـصر انـو اداهم الـلبن في اليوم البـعدو
زوجها المـحامي تـدخل وقال لـيهو
انحنا ماممكن تـغالطنا ابـدا
الرباطابـي قال ليه
غالـطك كيف وانت الغـلاط فاتح لو مكتب
************************************************** **************\
رباطابي مشى زياره لبيت عزابه بالليل
لقاهم كتار شديد
راقدين في الحوش وشادين ناموسياتهم
جاء طالع لاقاهو واحد قاليهو ما لقيت زولك؟
الرباطابي قال ليه
بي وين لي موقف أمجاد ده ؟؟
************************************************** ************
رباطابي جا يشرب موية من زير في الشارع
والواطة مسخنة شدييد
ولقى واحد كان بشرب
والمفروض كعملية ذوقية يملأ ليه الكوز موية
فقام اداه الكوز فاضي
الرباطابي قال ليه بزعل شديد
مديني ليه فاضي اسوي بيه شنو؟؟
أقرمشو يعني؟؟
************************************************** *************
دكتور رباطابي جاتو مره كبيرة
وقالت ليهو عيانة شديد وعايزة لي دواء سريع
كشف عليها واداها حبوب
وقال ليها
ابلعي اتنين ويتبقي كويسة
لمن طلعت بره ومن زير العيادة بلعت الحبتين
ورجعت للدكتور قالت ليه
الحبوب بلعتهم ومابقيت كويسة
قال ليها ياحاجة انا اديتك حبوب ولا اسبيرات؟؟
************************************************** ************
ربطابي شايل ليهو طشت لاقاه واحد قال شنو ماشي تغسل ؟
رد الربطابي لا ماشي أغني أه ونص ..
سطول اشر لبتاع بص بعد وقف ليهو المسطول ركب والبص فااااضي اهااا مشي وقف هنااااااااك في اخر البص ووقف شماعة بعد ده السواق غاظته الحركة قال الا يوريهو .. ضغط العربية بسررعة وفجاة قبض فرملة قووووية المسطول اتدردق وادردق وادردق لغااية ما وصل للسواق قدام .. قام يتنفض وقال للسواق لا حووول الله !! معقولة عوقة الناس القدامي ديل كلهم..........
عريس ساطل سطلة جامدة، يوم عرسو وبعد الناس
مشو دخل البيت لقي العروس قاعده منتظره
قال : والله انا كنت عارف بي جوطتم دى حينسو ليهم زول
************************************************** **************
واحد مسطول قاعد بالليل يلف فى سيجارته فى حوش بيته و خاتى المسدس فى التربيزة ..
حرامى نط ..الحيطة و نزل جوة الحوش لقى نفسه قدام التربيزة
قبل ما يفكر يجرى الزول المسطول رفع المسدس
و قال للحرامى:" يا زول أقيف عندك .. إنت حرامى "!! ولا شنو ؟
".. الحرامى بى خلعة :" لا لا ..أنا شنو
الزول قال ليه بى زعل :" غور ما تعكر مزاجنا
"..على الطلاق كان بقيت حرامى كنت قديت ليك راسك.
************************************************** ***************
مسطول إتقدم لواحدة أهلها سالوه :
شغال شنو !!؟
قال الصباح مع اخوي وبالمسا مركلس
سالوه طيب اخوك شغال شنو !!؟
قال ليهم : بالصباح مركلس وبالمسا معاى
************************************************** **************
واحد مسطول راكب الحمار بالقلبة..و مستغرب راس الحمار ده مشى وين؟؟
آها لمن وصلو البيت انتبه للراس فك ليك ضحكة كبيرة وقال للحمار:
اتاريك انت مكنتك فى الضهرية..
************************************************** *************
مسطول مشى يعزى وهو متأثر شديد وهو طالع قال لأخو الميت يعنى مافى امل؟
************************************************** ************
مسطول عجبتو بت في حافلة
نزل من الحافلة اخد نمرتها
************************************
أدروب سأل مسطول : عيد الضحية........الخروف نضبح
عيد الحب دا شنو؟؟ فقال المسطول : الخروف نجَكّس !!ا
*********************************************
مسطول أمو بتحضر فى النشرة قالت ليهو : يا ولدى قصة الفور والجنجاويد دى بقت ذى كلام الطير فى الباقير
قال ليها : يا حجة هو الطير وقت بقى يتلكم ما لقى الا يتكلم فى الباقير يعنى ما قدر يصم خشمو ده لحدى ما
يصل الخرطوم .
************************************************** ***************
مسطول مرتو قالت ليهو جارنا داخل مارق ماخد من مرتو بوسة
انت ليه ما تعمل زيو ... قال ليها حاولت لكن مرتو ادتنى كف
************************************************** *************
مسطول جاري مخلوع سالوه يازول جاري مالك؟
قال انا ماشي في الكلب عفصت لي شارع في جلابيتو مسكني من ضنبي
**************************************************************
واحد عوير وغبى عرس ليهو
واحدة وبعد شهر المرة ولدت , قاموا
قاليهو ا يازول دا كلام شنو ؟؟ كيف الكلام دا ؟؟
قاليهم أها إنجهونا !!!!!!
********************************************8
جماعة عندهم عرس ، ودارين يجيبو العروس ما لقو دلوكة
سألو جارهم السكران .. ما نلقى عندك باغة نجيب بيها العروس
قاليهم ما تجيبوها في كيس .
امام جامع سطل وصلى بالناس الجمعة , بعد الصلاة الناس جوهوا فى البيت وقالوا ليهو قلت صلاح الدين خش القدس بالكيماوى قلنا عادي , قلت غزوة بدر بالطيارات قلنا ماشي , لكن تقول امية باع بلال لبرشلونة بي خمسة مليون دولار والله دي كتيرة شوية
************************************************** ************
ابليس وفرعون كانو بيحششو فى النار فرعون قال : لعنه الله عليك يا ابليس ما فى زول غيرك ورطنا هنا ياملعون .... ابليس قال ليهو اقول ليك حاجة على الطلاق انت لمن قلت ( انا ربكم الاعلى ) انا شعر راسى كلو وقف
************************************************** ************
واحد من أهل العوض في حفلة 00كاظم الساهر 00
حاجز كرسي قدام 00 وقاعد قدام الفنان 00 بدأ كاظم
بأغنية ( نزلت للبحر ) ومد المايك للجمهور عشان يردد معاه
قام صاحبنا ( أهل العوض ) سحب المايك من كاظم ، وقال:
الأسم : بله جار النبي 00 والأجابة : السفينة !!!
******************************************************************************
مسطول سأل صديقه الساعة كم ؟؟
قاليه عشرة وعشرة ..
المسطول قاليه ماتقول عشرين وتفكنا ..
************************************************** *******
بكرة الصباح , الساعة 8 مساء , عازمكم غداء
فى بحرى , الثورة الحارة العاشرة شارع المطار
ما تنسوا الوصف عشان لازم نمشى نعزى الزول
دا قالوا أخوه الكبير عرس ..
مسطول خانه التعبير
************************************************** ********
مسطول نسي المفتاح جوه السيارة ، جا واحد فتح ليه
الباب بي سلك 00 قام المسطول عمل نسخه من السلك
************************************************** *****
قالوا في واحد عندو ولدو إسمو محمد عايش في أمريكا
سافر عشان يقابلو في أمريكا
المهم سأل عليهو لحدي ما لقي ليهو واحد بيعرفو
الظاهر أنو محمد دا ساكن ليهو في عمارة من النوع البنطحن سحاب
فعمك راكب الاسانسير ومعاهو الدليل. بعد شوية عمك شاف ليك السحاب بقي تحتو .
قام عاين ليك للراجل وقال ليهو تعال يا خوي إنت موديني لي محمد منو؟
********************************************************************
مسطول مات ليهو ديك وعندو دجاج كثير، قال لجارو بالله أدينا ديكم يومين ده عشان يشوف شغلو مع
جداداتي ديل، يازول الديك ما قصَر كمل القفص كلو في ثواني وهوطالع لمح ليهو حديَة(صقر) عاوزة
تخطف الفراريج الصغيرة قام مسكها ليك وأداها اللي في النصيب، المسطول كان بيتفرج على المنظر
الشيَق ده لكنه توجَس من الديك بعد نزاله مع الحديَة، شال الديك ونادى على جارو:
يازول أمسك ديكك ده كفانا
أصلو انا نومي تقيل
*******************************************************
مسطول عازم اصحابو عشاء المهم جهز كل مستلزمات السطلة والجماعة شغالين لف واللذي منو المهم المسطول نسي يجيب لحمة العشاء فمشي مع صاحبو ونط عند جارو وسرق العتوت وعمل عشوة مدنكلة المهم صاحبو ضميرو صحا بعد الاكل وقال ليهو حرام عليك تسرق انت عارف يوم القيامة يجيبوك انت وانا والعتوت وصاحب العتوت فردالمسطول طيب المشكلة شنو ما يشيل عتوتو ويمشي
************************************************** ************************************************** ************
اثنين مساطيل فرد شديد وشغاليين في المنطقة الصناعية ميكانكية سوي
ابو واحد منهم مات...فقاموا هم ومعاهم اصحابهم شايليين الجنازة للمقابر
فقام المسطول سال صاحبو المسطول التاني ..قال ليهو جنازة ابوك مالها تقيلة كده
فرد له المسطول انت عارف ابوي ده بكون مات (معشك)
************************************************** ************************************************** ************
مسطول اشترى ليهو حبة فياجرا وراح لمرتو قال ليها الليله يومك أسود ... ختاها فوق الطربيزة والمره قاعده تتجهز ... المهم صاحبنا غفا كده وعندهم ديك إبن حرام جه طاير وبلع ليك الحبه .. أهه اليومه ديك الحله ما نامت .. الديك ما خلى ليهو دجاجه لافه في الحله ... الصباح طلع صاحبنا وهو يغلي يفتش على الديك .. ومرقوا معاه ناس الحله قال ليهم بس أنا عايز اضبحوا وارتاح ...
أخيراً وجدوه قرب شواية دجاج .. حالوا إمساكه لكنه هرب .. صاحب الشوايه قاليهم الديك ده من الصباح مجنني قدر ما اطردوا يلف ويجي تاني ... المسطول قال ليهو : ما راجي القاعدات يدخنن ديل ....
************************************************** ************************************************** ***************
مسطول سألوه : الفرق بين زمان واسي شنو
قال : زمان كان بجيبو الاكل يختوهو الناس يقولو بسم الله وياكلو ولمن ينتهوا بقولو الحمد لله .. لكن اسي ابقى لما يجيبو الاكل يقولو الحمد لله الاكل جابو ولمن ينتهو يقولو بسم الله ده متين كمل
عزيزى حزن السنين (هل تسمح لى ان أغير اسمك لفرح السنين )
كم انتا رائع وكم انتا ظريف وانتا تصر على إخراج البسمه من داخل عزابات ومتاعب الغربه لن احدد واحده اعجبتنى ولكن كلها جميله ورائعه روعة كاتبها
لن استطيع ان اقول لك إلا الله يعطيك الف عافيه
فلك كل الشكر والتقدير
وتقبل مرورى
[frame="7 80"]ههههههههههههههههههههههه
والله ما قصرت تب يا حزن السنين
اي كده اضحك خلي الحزن
اصلو الحزن مذموم
وتســـــــــــــــــــــــــــــــــــــــــــــلم[/frame]
يعني يا كيمو واحد يحكي ليك نكته،،، تقول ليه عمو ؟؟؟؟
الله يسامحك،، دي ح تكون آخر مرة أحكي فيها نكته هنا،، عشان المرة الجاية ما يجيني واحد ويقول لي يا جدو
:blink«®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•°®»~*¤ô§ô¤*~*¤ô§ô¤*~: السلام عليكم ورحمة الله وبركاته .............. كيفكم ياجماعة؟؟؟؟؟؟؟؟؟!!!!
انا مسطوول بس كوول اخو قمر السودان وانا عايز ادخل باسمي لاني انا اسي داخل باسمها هي. . . .
وانا مضيع كلمة السر ومضيع الرقم بتاع ايميلي ولمن اجي عشان اسجل عضو جديد يقولي ( لا يمكن التسجيل الان حتى اشعار اخر ) ...
اعمل شنو يا جماعة ؟؟؟
ارجو من المشرف العام الرد او ارسال كلمة المرور على : eewan@naseej.com~*¤ô§ô¤*~*¤ô§ô¤*~«®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•°®»«®°·.¸.•°°·.¸¸.•°°·.¸.•°®»
