[grade="FF4500 4B0082 0000FF 000000 F4A460"]فى اثنين جنوبين مساطيل واقفين فى السوق العربى عند برج البركة المهم شافو البرج واتكيفو ليهو شديد موج سال جون قال ليهو ياجون انهنا اندنا برج زى دا فى الجنوب قال ليهو لا قال لى طيب نودى دا قال لى والناس الفيهو قال ليهو بى ناسو قال ليهو كيف يا موج قال ليهو ياجون هسع الباص الكبير لمن يتعطل مش فى نفرين بس بيلزو البص بى ركابو قال ليهو ايوا قال ليهو طيب البرج دا زى البص نلزو نودى الجنوب المهم صاحبنا اقتنع بى فكرة الز الاثنين قلعو ملابسهم وبقو يلزو وبيشجعو بعض اها ماشى كويس اها ماشى كويس وجاء حرامى مارى بى جنبهم شال ملابسهم بعد فترة جون عاين وراة لقى الملابس مافى سال موج قال ليهو انتا ملابسنا وينو رد عليهو موج قال ليهو انتاعوير ما فتنا قبيلك
مسطول سألوه عن عاصمة هولندا و ماعرف الإجابة
وعشان يسهلوا عليه الأمر حب واحد يساعدو قال ليه :
ياخي مشهورة بالبقر و اللبن
قال ليهم : حلة كوكو
مسطول شاف واحدة سمييينة بترضع ولدها
قال : مسكين والله من متين ياربي قاعد ينفخ فيها
مسطول خطب خطبة الجمعة ....بعد نزل مشى لى صاحبو قال لى اها لقيتنى كيف؟؟؟؟؟
قال صعب والله.....بس عندك غلطات شوية
قال لى ذى شنو
قال لى: اول حاجة المنبر عندو سلم ما كان فى داعى تتلب
تانيا...السجارة البين الخطبتين شنو
وابدا ما سمعنا بى صحابى اسمو تامر
وااى صاح ابوجهل كافر بس ودالحرام دى ما كان ليها داعى
تلاته شباب ساكنين مع بعض واحد ضابط وواحد مولانا وواحد بتاع سجارات
المهم بتاع السجارات ده قال لي مولانا عليك الله بكرة صحيني بدري
مولانا جا صحا المسطول
قام لبس هدوم الضابط وركب المواصلات في الحافلة اتنين اتشاكلو مع الكمساري قامو الركاب بقو يتكلمو مع صاحبنا
ياجنابو شوف الجماعة ديل
صاحبنا انتبه للوضع قال ليهم جنابو وينو
قالو ليهو انت
عاين للهدوم اللابسها وقال : مولانا ده مجنون ولا شنو اقول ليهو صحيني يصحي الضابط
مسطول سايق اسعاف في الحرب
نقل 35 قتيل
سمع بالراديو سقوط 30 قتيل
وقف وفتح الباب وقال: الخمسه الراكبين حنك ينزلوا[/grade]
[grade="00008B FF6347 008000 4B0082"]مسطول قال لصاحبو المسطول انا زي الشايفك امبارح في السوق العربي
صاحبو رد : وانا اقول الشافني ده منو !!
مسطول شالتو نومة جو حرامية شالوا قروشو وحلقوا
ليهو صلعة
عمنا اتخلع لما لقى القروش مافي
بعد شوية هبش راسو لقاهو صلعة
قال: الحمد لله دا ما انا
قالو واحد مسطول قاعد في
اوضة جات حمامة طااير خشت الأوضة بجاى مرقت باي هناك
قال ليها عملت شنو يعني .
عالم مسطول قال داير يخترع نظرية جديده
دخل معملو وجاب ضبانة
ختاها في الطربيزة وضرب الطربيزة بيدو وقال ليها طيري طارت
شال الضبانة وقص اجنحتها وختاها في الطربيزة وضرب بيدو وقال ليها طيري ما طارت
سجل النظرية(اذا قصينا اجنحه الذبابه لا تسمع)[/grade]
[grade="00008B FF6347 008000 4B0082"]مسطــــــــــــــــــــــــول
قالوا ليه احر حاجة فى الحياة شنو؟؟؟؟
قال :انك تددردق فى جبل امواس
وفى النهاية تقع فى بحر كلو نيا
مسطول بيتونس مع صاحبو قال ليهو تصور قبل 4 سنوات حكموا علي بالاعدام
صاحبو قاطعو اها و اعدموك
خمسه مساطيل بيربطوا فى لمبه
تلاته ماسكين اللمبه واتنين بيلفوا فى الحيطه
مسطول عمل عملية تجميل مشى لى ناس بيتم قال ليهم
هي ماعرفتكم
شرطي مسطول شاف واحد معه موتر ويرفع اداهو مخالفة وكتب محاولة طيران
مسطول سالوه بمناسبة عيد الام من هى افضل الامات فى نظرك قال ليهم ام فتفت !!!!!
واحد مسطول و مفلس ما عندو اي حاجة
جاب ليه كسرة عجنا بي موية عاوز ياكلا قال بسم الله قام الشيطان رد عليه (وهو الداير ياكلا معاك منو)
واحدة سألت عمها وكان مسطول سطله صاح قالت ليهو أنت يا عمو الأسكريت ده ماشي مع البلوزة
قال ليها : وهي البلوزة ماشه وين
مسطول حبيبتو قالت ليهو: شوف يا عصام انا اهم حاجة عندي "الاخلاص"
قال ليها: وانا " المعوذتين"
مسطول اشتري جوال جديد قال لي صحبو عليك الله هاك اكتب لي رسالة عشان انا خطي كعب
مسطول قال لي صاحبو الرسم لي مربعات في ظهري من 1 لي 20
بعد ما خلص قال ليهو عليك الله حك لي المربع رقم سته[/grade]
[grade="00008B FF6347 008000 4B0082"]فار مسطول سطله بت كلب
جا ماشي لقى ليهو فيل قاليه انحنا كان ما السهر ؤ البنقو دا كان بقيت اسمن منك
واحد سأل مسطول البنك دة فاتح ؟ المسطول رد عيهو : لا غامق
مسطول ربطت معاهو اتصل بالازاعة
قال ليهم اهدى اغنية باب فين لكل ايتام العالم
مسطول مشى يكشف الدكتور قالى اعمل اشاعة طلع برة قال الدكتور مات
في مسطول مشى لدكتورد الأســـــنان
قاليو لوسمحتااااااا
نزلي الجير اللى على أسناني
الدكتور قاليو دااير تشيل الجير لشنو ؟
رد المسطول قاليو داير اشيل الجير علشان اركب موووكيت
ضب مسطول قال للحيوانات:أنا لوما البنقو ومبارات الجكس
كان بقيت تمساح؛؛؛؛؛؛؛؛؛؛؛؛؛
مساطيل ركبووه مع بتاع تكسي قام بتاع التكسي قال ليهم وين ...
قال ليهو :: على طول
قام مشه بعد مسافه قال ليهم : اها وين
قالووه ليه : طوالي
لمن مشه لي اخررررر الخرطوم بتاع التكسي قال ليهم : اها يا جماعه نلف
قالووه ليه التلاته سوه: والله الا تشربه براك
واحد مسطول بيسقى في شجرة حنة قدام بيتم
جا واحد سالو " دى حنه يا معلم"
قال ليهو " لا دخله"[/grade]
[grade="00008B FF6347 008000 4B0082"]في اثنين مساطيل اتلاقوا لاول مره في بيت واحد صاحبهم مروق عندو غرفه مكندشه واحد منهم شعر بالبرد و قال لصاحبه انا بردان فرد ليهو اخونا على الفور وانا عصام من ام دوم [/grade]
[grade="00008B FF6347 008000 4B0082"]مسطول واقف منتظر تاكسي ، والتاكسي جاء
المسطول : توديني وين وتاخد كم ؟؟؟؟
بتاع التاكسي طلع هو زاتو مسطول قال ليه انزل هنا وجيب اللي بتجيبو !!
في مسطول اشترى ليهو ابريق جديد وركب ليك الحافله بعد مدافره مع
الناس و قام جلس ليك في الشباك بتاع الحافله و خاتي الابريق قدامه في
واحد من الركاب حاول يجي متلب من الشباك بتاع صاحبنا المسطول
قام المسطول قال ليه أحم أحم أحم ،،
و بعدين صاحبنا قام جاري مسافة مائة او مائتين متر و قام طلع سفنجتو
و رقد في الرمله و عمل نفسه قاعد بيسبح و قام كورك يا فلان انا غرقت
يا فلان انا غرقت
صاحبنا المسطول الثاني وصل لغاية عندو وقام وقف جنب السفنجه بتاعة
صاحبنا و عاين ليهو كده و قام سب ليهو و قال بالله الزوول ده ينزلو ليهو
بوين[/grade]
[grade="00008B FF6347 008000 4B0082"]قابلت مذيعة أثنين مساطيل فقالت للأول مصر بالنسبالك إيه ؟ فقال مصر دي أمي .. ثم سألت الثاني وانته مصر بالنسبالك إيه ؟ فقال ما أقدرش أتكلم على أم صاحبي....
مسطول شال كرسى وطلع بيهو شجره سالوهو ليه عملته كده ..؟؟قال داير ابقى مدير فرع
مسطول عضاه دبيب.. قعد اضحك ... سألوه ليه بتضحك قال ليهم الدبيب راح فيها أصلى إنا عندي .. ايدز
واحد مسطول وقاعد في السوق كل ما يجى واحد مارى يقول ليه ازيك يا تاج بيقول ليه اهلأ يا خينا جاء واحد مسطول اكتر منو قال ليه وين يا خينا قال ليه اهلأ يا تاج ،،،
مسطول عاوزين انفذوا حكم الاعدام عليهو لمن شدو الحبل في رقبتو
قعد يصرخ:دقيقه .. دقيقه القاضي سالومالك قال ليهو ياخي ما قربتا اموت[/grade]
[grade="00008B FF6347 008000 4B0082"]مسطول مواعد ليهو واحد... شراهو
مشي اشتكاهو في مكتب الحركه
بتاع البلاغات سالو: نمره العربيه كم
المسطول : ما عندو عربيه
بتاع البلاغات: طيب نمره عربيتك كم
المسطول: ما عندي عربيه
بتاع البلاغات: طيب جاي مكتب الحركه ليه ؟
المسطول: عشان حركتو ما جميله
قالوا مسطول سودانى قاعد مع مسطول مصرى قام قال
".. ليه:" تعرف .. الدنيا دى كلها مآسـى
المسطول المصرى قال ليه: " ليه .. هو مقاسك
" أد إيه ؟
----------
واحد مسطول بيشرب سجارة وبيرجع البيت يفتح الباب بالمفتاح و يرقد ينوم
مرة كان مقرش اشترى سجارتين
ولع واحدة ونسى التانية لما رجع البيت عاوز يطلع المفتاح طلع السجارة التانية
استغرب و قال ياربي أكون أنا شربت المفتاح [/grade]
[grade="00008B FF6347 008000 4B0082"]قاليك يامعلم في واحد بيطلع من الحلة كل يوم العصر ويرجع بعد المغرب ورجل بنطلون اليمين مبلوله مويه لحدى الركبه .... في واحد من ناس الحلة لاحظ العملية دي بتكرر عدة مرات ... قام قال أنا لازم أتاكد من سر عملية البلل دي الفي الرجل اليمين بس دون الشمال .. قام يوم تابعو ليك لحدى البحر .. صاحبنا قعد جنب القيفة وطلع دخانتو وشرب وشرب وشرب ... ولمن جا يطفى السجارة رماه جوه المويه وداس عليه برجله ..........
واحد من الجماعة السطلنجية جاتو الخرمة وطلع الدخانه والبرنجي والبرنسيس ولفة ليهو واحدة اكان خبت بيها الحيطة ما بتتفكة المهم شخط الكبريتة وعاوز يشعل جاهو عسكري واخدا منو زولك فكر ودبر راح المقابر وحفر ليهو قبر ودفن نفسو ولف واحدة وبس اشعل كده جاهو العسكري وشالها منو .. المسطول اضايق جدا وقال ليهو انتو لا دنيا ولا اخرة ما مريحننا
قليك واحد مشى على الشاطئ وعند مروره شاهد واحد مولع سجارته صاروخ قعد جنبه وبقى يسال بشعر بشنوواحساسه وقام المسطول زهج منو وقال ليهو هاك السجارة وانا ماشى لما يجى العسكرى ارمى السجارة فى البحر وقوم جارى وصاحبنا اخد يدخن وواتسطل سطلة قوية جاه العسكرى قام حسب السطلة رمى السجارة للعسكرى ورمى نفسه فى الموية[/grade]
[grade="00008B FF6347 008000 4B0082"]مسطول عمل حادث
قتل 13 نفر الضابط سالوا ليه عملت كده؟
قاليو: يا جنابو ان كنت مسرع فجأه ظهر زول قدامى و فى شمالى صيوان . انت لو فى محلى تسوى شنو؟
قاليو : بخش فى الزول القدامى
قليهو بس ده ذاتو كان راى
لكن الزول دخل الصيوان
فاتطريت احصلو جوه
مسطول سألوه
مارايك فى المراء العصرية
قال لهم ماتخلو ها تمغرب
فى اتنين مساطيل راقدين فى خور الاول قال للثانى زح شوية التانى قال ليهو يعنى ارقد فى الشارع يعني و لا شنو .!!!
مسطول من النوع ابو الكسل الشديد
ماشي قي الشارع شاف من هنااااااك قشرة موزة في الارض
قال اها .... الله يعينا علي الزلقة
اثنين مساطيل
الأول قال للتاني ..... القطر دا مهم ليه ؟
رد عليه ..... عشان تحتو خطين
قاليك اتنين مصاقيع صقعة شديدة وكل واحد يقول للتاني انا شايفك اتنين اتغالطو غلاط عجيب . المهم مشوا لواحد قاعد بعيد منهم علشان يساْلوه .. يااخونا ممكن سؤال زولك عاين ليهم وقال ليهم ده سؤال شنو الجايين يساْلوه اربعة
في مسطول قاعد جنب ست شاي قالت ليهو : أديك جبنا ؟؟
قال ليها والله ما عارف ... لكن الجداد جا نزل الطوب هسي ومشي
مسطول قامت ليهو حبه في عينو وقف قدام المراية وقال
دي (ع) وله (غ) هسه ؟؟
أربع مساطيل راكبين عربية أنقلبت بيهم لمن طلعو منها
وشافوها مطفقة قالو ننفخ في العادم نستعدل العربية
تلاته بينفخو و احد واقف بعيد بضحك الجماعه استغربو الزول ده بضحك ليه ؟
سألو البضحك مالك يا زول ... ؟
قال أنتو حمير !!! تنفخو والقزاز مفتوح[/grade]
[grade="00008B FF6347 008000 4B0082"]بكرة الصباح الساعة 8 مساء عازمكم غداء في بحري الثورة الحارة العاشرة
شارع المطار ماتنسوا الوصف عشان نمشي نعزي الزول
ده قالوا خوه الكبير عرس
"مسطول خاينو التعبــير "
مسطول سألوه في لقاء تلفزيوني عن سبب سخانة الجو اليومين ديل؟
رد قال : ده كلو من مشجعين الكوره ..
شغالين يقولو فوق فوق سودانا فوق لمن تكلونا مع الشمس ....
اثنين عساكر مساطيل في حفلة بنادي الضباط شافوا عروس
لابسه فستان كله نجوم
واحد سأل صحبه دي رتبتها شنو ؟؟
رد وقال فريق اول فكوه
واحده مسطوله شافت الشاحنات في طريق بورتسودان مليانه تيوس
قامت سالت ديل مودينهم وين التيوس دي قالوا ليها مودينهم السعوديه ....
قالت شكيتك علي الله يالبشير الرجال وديتهم الجنوب والتيوس وديتهم السعوديه
نحنا والغنم نقبل وين ........
فيه بطه مسطولة مشت البقاله قالت لسيد البقالة:عندك عنب
قال ليها لأ
مشت وجاتو تاني :عندك عنب
قال ليها :مابتفهمي ماعندي ..
لو جيتي راجعة تاني بربطك عند المحل
مشت وجاتو بعد شوية
وقالت:عندك حبل
قال:لا
قالت:طيب فيه عنب
واحد مسطول سألوه مالك زعلان ولا شنو ؟ ؟
قاليهم لا بس الوالد شوية متوفي[/grade]
[grade="00008B FF6347 008000 4B0082"]اتنين مساطيل وقفو في نقطة تفتيش السواق طلع الاثبات..
قال الثاني علي الطلاق ماتدفع
غراب مسطول قاعد في شجرة بياكل في قطعة جبنة
الثعلب وقف تحت الشجرة وقال ليهو غني لينا ياغراب ..
الغراب طلع الجبنة وختاها جنبو في الشجرة
وقال للثعلب انت قايلني غراب سنة رابعة العوير الزمان داك
فى تلاتة مساطيل قاعدين فى غرفة
وبعد ماسطلو سطلة جد
فكرو فى الاكل
قامو رسلو واحد منهم قالو ليه امش الدكان جيب لينا طحنية
صاحبنا مرة من الغرفة لقى شباك الغرفة فاتح قال ليهم عندكم طحنية
قالو ليه رسلنا ليها هسى ،،،،،،،،،،،،،،،،
مسطول - سألوه كيف بتصطاد الارانب ؟ قال بلبد ورا شجره وأقلد صوت الجزر
مسطول إتصل على مطعم - قال ليه عندكم عشا؟ الجرسون قال ايوه - قال طيب ليه ما تعزمونا على الاقل
مسطوله فتحت الجواز بتاع زوجها قرت المهنه - رجل اعمال - شطبتها وكتبت راجل منيره
مسطول سأل صاحبو قال ليه الجرحه دي كبيره ؟ - صحبو المسطول قال ليه والله مناسبه
مسطول بدوي - ركب مع عمك بتاع التكسي - ركب مرتو في المقعد القدام عشان ما يعاين ليها بالمرايه
واحد ابوه مات ... الشباب قالو يكلموه بالخبر كيف؟ واحد قال انا بوريه .... مشا لي حبيبنا قال ليه . انت اخر مره شفت ابوك كان متين؟ - قال ليه السنه الفاتت . صاحبنا قال ليه تاني لو شفتو افلقني
مسطول واقف جمب باب بيتهم .. جا بوليس سألو قال انت من اهل البيت؟؟؟ -- قال ليه ! لأ من كفار قريش
شلة مساطيل البوليس قال ليهم ليه عيونكم حمرا؟؟ قالو نحنا قاريب بعض والحكايه ورااااااااااااثه يا عزييييييييييييزي[/grade]
[grade="00008B FF6347 008000 4B0082"]فى مسطول عملوه أمير للحجاج
وسافر معهم وبعدما وصلوا المدنية
قال ليهم اسمعوا إذا شيدتوا حيلكم معاى
إن شاءالله تعيدوا مع أهلكم
مسطول حضـن الزير قاليهو
وين يا مرطـــــــــــــــب
مسطول فتح محل سماه محلات الاقمشة لحلاقة الاحذية الغذائية؟؟؟؟؟؟
واحد مسطول جنو مظاهرات راح الحج وفي رمي الجمرات لقى الناس بترمي في الجمرات قام حرق لستك.........
اثنين مساطيل جارين محصلين القطر واحد ركب والتاني ما ركب قام بقى يضحك
الجماعة سألوه يزول بتضحك مالك قال الزول الركب دا جاي مقدمني...
مسطول في الحج طائف عكس .. قالوليهو مالك .. قال زايد شوط وعايز امسحو
مسطول امه قالت ليه بحبك : قال ليا خلينا اخوان احسن
. . . . .
مسطول قاعد يسطل في البيت الباب دقه مشه فتح الباب ما لقي زول قال ده مسكول ولا شنو
. . . . .
مسطول مرته ماتت قالو ليه نديك اخته : قال ليهم انته نسابه ولا شركة تامين
. . . .
مسطول قطع راس صحبه وو نايم : قال والله يصح الصباح يلقا راسو مافي يضحك ضحك
. . . . .
مساطيل قاعدين قدام مرايه واحد سال التانى قال ليو انت الجماعه ديل بعاينو لينا كده لى
داك قال ليو انا زاتى ما عارف كدى ارح عليهم وهم قايمين قال ليو اقعد اقعد هديل جاين علينا
في واحد مسطول اول مرة يروح الملعب فقعد يعاين فى السما فوق ........ ؟
بيدور على كلمة مباشر[/grade]
[grade="00008B FF6347 008000 4B0082"]مسطول جاه خبر انو جدو ابو امه اتوفى قاموا قالوا له ياخ كلم امك بطريقة
ظريفة عشان ما يحصل لها شي
قام جاء قال ليها انتي يا أمي اخر مرة شفتي ابوك متين؟
قالت له امبارح شفتو
قال لها تاني اكان شفتيه انا البس لي طرحة.
مسطول خطيبته قالت ليه عندى انسان فى داخلى بحرك فى مشاعرى
قال ليها شنو اللغة الطويلة دى ماتقولى حامل وخلاص
مسطول مشى يطلع الجنسية قال ليه الضابط السئول: سوداني
قال ليه: لا اريـبـــــــــا
موظف بنك مسطول رقوه من الفرحة طلع فوق الشجرة شافوا واحد من الجيران
قال ليه: طالع في الشجرة وتنطط مالك نعل ما في عوجة
رد عليه الموظف: رقوني مدير فرع
مسطول قاعد يسمع في ونسة نسوان
واحدةقال والله انا مشيت القاهرة ودبي وباريس
التانية قالت انا مشيت بيروت والاسكندرية والدار البيضاء
التالتة قالت انا مشيت دمشق والرياض
قالهن حصل مشيتن ام فكو ؟ قالن ليه لا قال ليهن مافي فايدة
واحد سكير يحكي لأصحابه:
"أنا لما أشرب أحيانا أسكر من الكأس الأول وأحيانا من التاني وأحيانا من الكاس التالت وبعد مرات اشرب عشرة كاسات ما أسكر. غايتو السكر دا توفيق من الله".
قاليك مسطول بيحكي لصاحبه المسطول
والله يامعملم امبارح مشيت لي سماره اشيل ليك معاه الفاتحه في ابوه المات
التاني قاليه ياخي الناس ديل مامسيحيين
قاليه ماعشان كده كشحتهم ليك ياايها الكافرون لمن امنو
مسطول سألو في شي ؟
قال ليهم : مافي شي
قالوليه : طيب جاري مالك ؟
قال ليهم أفرضو حصل شي[/grade]
[grade="00008B FF6347 008000 4B0082"]مسطول خطف ليه حبوبه وداها عند حارس المدرسه قاليو:ممكن تصرف دي بنات.......
مسطول سال مسطول لو صحيت ولقيت راسك مافي حتسوي شنو قاليو والله بجن..........
في وحده حلمت ان في مسطول بلاحقها قالت ليه انتو عايز مني شنو قاليها:انا عارف ليك انتي البتحلمي.........
مسطول اتصل للخطوط سألهم كم تستغرق الرحله من الخرطوم الى بانكوك قاليو:لحظه قال:شكرا.........
مسطول قاعد يصبغ في حيطه قالوليه: خت تحت جريده لا بحصل........
مسطول علق الجلابيه في الشماعه بعد شويه الجلابيه وقعت قال:الحمدلله اني ماكنتا فيها
مسطول صايم اتصل على ما يطلبه المشاهدون
وقال ليهم ممكن تسمعونا مقطع من اذان المغرب
مسطول يوم عيد الضحيه شده الخروف ما عاجبوا حننوا ولبسوا حريره
جاء الجزار مسطول طهر الخروف وفات
مسطول اشترى حليب طازج لقى مدته منتهيه
زور التاريخ وشربو
جماعة بيسطلوا جاهم واحد شيخ قال لهم
حرام عليكم
قالوا له وعليكم الحراااااااام والرحمة
قال ليك في مساطيل مشو يصلو في الجامع الجمعة الخطبة كانت عن الموبايلات والبنات يعني البنات الشايلات موبايلات الامام قال اتدرون مع من يتحدثن انهن يتحدثن مع الحبيب
المساطيل قالو صلي الله عليه وسلم0
قال ليك في اتنين مساطيل واحد اعمي والتاني مكسر انسطلو سطلة قوية الاعمي قال للمكسر قوم سوي لينا كباية شاي المكسر جاب الشاي ادي الاعمي الكباية الاعمي رفع الكباية عاين ليها قال ليهو مالو شايك ده خفيف كده المكسر قال ليهو تشربوا ولا اقوم اشلتك.
مسطول ودوه الخلوه عشان يتعلم القران
بعد اول يوم سالوه ادكم شنو
قاليهم الشيخ زاتوا ما عارف مره يقول القارعه ومره يقول ما القارعه
فلاتي مشي السينما وفي حسابو الفلم هندي قام لقا الفلم مصري المصري في الفلم شغال ليك مشفتنيش ماقلتليش ماعرفتنيش الفلاتي قبل ورا ويكورك الترجمه يامالم(معلم).............
مسطول لافي سجارتو في طرف البحر بي مزاج جاهو ليك بوليس حركه قاليه بتشرب سجاره حيش اتفضل معاي المسطول قال ليه الاخو بوليس حركه قال ليه ايو قال ليه مالي لافيها غلط 00000000000
مسطول لقي واحد سلم عليه قال ليه انا شايفك وين شايفك وين الراجل قال ليه انا اسمي حسن عبد القيوم قال ليه اخو البوابه0000000000
فلاتي ماشي الحج ضربو ليك جرار في الطريق السريع ودوه المستشفى في غيبوبة دامت تلاتة ايام في اليوم الرابع صاحبك فتح شاف ليك الممرضات الفلبينيات حلوااااااات افتكر نفسو في الجنة قال لهم (سدق وأده) صدق وعده.[/grade]
[grade="00008B FF6347 008000 4B0082"]واحد مسطول سطلة شديده وشغال في بيت ناس في اثناء ما هو جالس جاء مار قريب منو دابي (ثعبان) ناس البيت قالو ليهو لي ما قتلت الدابي قال ليهم هو ما حقكم والله انا قايلكم مربينو في البيت..
في واحد اشتري ليهو خروف من مايو عايز اضحي بيهو الخروف ده 24 ساعة
بعلقو ليهو بي باقي المريسة والعرقي اكوبو ليهو في الطش واشرب
لما جاء يضبحوا الناس قالو ليهو الخروف ده ما بضحي ليك قالو ليهو اسال ليك شيخ؟
مشي سال الاول قال ليهو الخروف ده ما بضحي ليك سال التاني برضو قال ليهو ما بضحي ليك ..
ماشي في الشارع لاقاهو واحد مسطول سالو قال ليهو اشتريت الخروف ده من مايو وبشرب مريسه وعرقي وسالت شيخين قالو لي مابضحي رايك شنو ؟
قال اقول ليك حاجة ما تسمع كلامهم سوق الخروف اديهو 40 سوط واضبحو....
في ناس ساكنين الثورة مع اللفه كل ما يجي بص الثورة مع بيتهم عندهم دولاب ضلفتو بتقع بس بالطريقة ده كل ما اجي بص الثورة ضلفة الدولاب تقع قامت المرأة جابت ليها نجار اشوف الدولاب فعلا لقي الضلفه مع لفت الباص تقع ...
المرأة. راجلها كان مافي....
النجار قال ليها انت عارفه الحكايه ده عجيبة الا انا اقعد جوه الدولاب لما الباص اجي واشوف الحاصل شنو... قعد جوه الدولاب مستني الباص.. بعد شوية راجل المرأة جاء مشي طوالي علي الدولاب عايز اغير ... لقي النجار جوه الدولاب .. النجار قال ليهو اسع لو قلت ليك مستني بص الثورة بتصدقني.....
قال ليك اتنين قاعدين يتسطلوا في بيت ايجار ، وفجأة الشرطة كبست عليهم واحد منهم قام بلع السجارة ، الشرطي قال ليهم جيبوا السجارة قالوا سجارة شنو مافي اي سجارة هنا ، بتاع الشرطة قال ليهم : طيب الدخان شنو ،المسطول قال : والله ياجنابو البيت ده اجرناهو كده .
مسطول نايم في الحوش .. أمو بتصحي فيهو .. يا ولدي قوم الشمس طلعت .. قال ليها : دخليها وأقفلي الباب .
واحد مسطول جا يطلع بي باب العربية لقى المطر صابة طلع بالباب التاني
مسطول فتح الثلاجه شاف الجلي برجف، قال ليهو ما تخاف داير اشرب مويه بس [/grade]
