شـــــهد الكلامـ للانتاج الفنى تقدم .......

[ودالدرديري]

حد الروعة أيمن

شــــكـــــــراً


شكراً إذا شوقك فضح أشواقي
بانت روعتو...
شكراًعشان قلبك فتح قلبو
وشرح لقلبي أسباب قصتو....
شكراً عشان روحك
بتعرف تستريح في روحي
تمسح من قليبي عزابو وآلام غربتو.....
شكراً عشان عينيك بتعرف كيف تواسي
وكيف تخفف من فؤادي أساهـ
وتمسح دمعتو.....

شـــكــــراً

شــكـــراً

شـكــراً

شكراً
ً

[استارو]

صهيبووون ياحنين

كيفنك .... عساك فاين



هاك ..... دا الجزء الأنا قمت بتلحينه منها..

أسير الشوق

جنيت وماجنيت
أنا في هواك أسير
أرحل عليك بالشوق
ترحل تسيبني كسير

داويني ياحنين
عارفك عطوف وخبير
أفرد جناح الريد
خليني بيهو أطير

بفرش طريقك شوق
وكل يوم أرشو عبير
أصلو الولف كتال
والريد مصايبو كتير

ودالشيخ
صديقنا وحبيبنا
بداية حلوة شديد
وانت اهلاً لكل شي جميل
قصيدة جميلة ورائعة ,
صح لسانك ياغالي ,
لقد كتبتَ فأبدعتَ ,
أهنئكَ على إحساسكَ المرهف,
وذوقكَ الرفيع ,
تخريمة
ماحتقيف براك ابداً
ارمى قدام ونحن بنقيف معاك
وتقبل تحياتي القلبية من الرياض
مقرونه بالمودة والمحبة والإخاء والسلام,

[شـهد الكلامـ]

وااااااااااااااو شهد روعة والله الفكرة صراحةً ونحن فى اإنتظار الفنان ود الدرديرى وباكورة انتاجة الاول

الاخ الكريم : حنضله

مرحبااااااااااااااات بيك معانا ضيف كريم عبر حلقات الانتاج الفنى

وكلنا بانتظار
ماسنسمعه ومن قبل نقرأه من روائع للساده الشعراء المتداخلييين


يسلمووو ع الاطراء
وكن معنا
مترقبا



اختك شهد الكلامـ

[شـهد الكلامـ]

الاخت شهد زى ما قالوا الجماعة وما خلولينا كلمة

يسلمووووووووو على الفكرة الروعة

ويا اخوى ود الدرديرى

الكلام الجميل ده نحنا حنقراو بس ؟؟؟؟؟

ما فى طريقة نسمعه ملحن من خلال المنتدى ولا شنو ؟؟

مشكورين ياحلوين

الاخ الكريم : النيل الازرق

تسلم ع نكهة الاطراء ف الرد تبعك
وان شاء الله نردو ليك ف السمح اخوى
واكيد اكيد حنسمع الكثير من الاعمال لو ربنا اراد

خليك متابع


اختك شهد الكلامـ

[شـهد الكلامـ]

لك التحية
الغالية شهد

على الفكرة الرائعة جداً

ولجميع شعراء وملحنى وفنانى منتدانا التحية

ويا ريت لو كانت البداية بأوبريت أنا سودانىِِِ

الاخ المغربى :

يسلمووو والله على الكلام السمح دا
وفكره جميله جدا
اننا ح نعمل قصيده تتغزل ف منتدانا انا سودانى
ونخلى فنانا الخرافى خلف يلحنا لينا
عشان دا اقل واجب قصاد انا سودانى

خليك متابع
الحلقات تتوالى


اختك شهد الكلامــ

[شـهد الكلامـ]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
واقف براى أول قصايدى مع الظبى=
ظبى التلال والريد حلال .............. =
وبديت غناى..............................=
واقف براى..............................=
وانا لسه فى دنيا الحروف.............=
يادووووب صبى........................=
وبديت أشوف............................=
وبديت أسطر فى الحروف...............=
ولقيت مرادى ومطلبى.....................=
وكانت (براى) أول قصايدى مع الظبى=
..........................................=
درديرى ذدت تعجبى!....................=
وجيتك أقول..............................=
فوقك صلاتى على النبى................=[/poem]

العزيز ايمن :

لقد نضبت حقولى من حروف الثناء والاطراء تجاهك
دعنى اطالع حرفك بصمت



وعينى بارده
وكمان عين خلف بارده :D
ود الشيخ قول ماشاء الله بتسحر الزول دا :079:

[شـهد الكلامـ]

واقف براي


واقف براي
الشوق مستف في الوريد
والهم بعاند في خطاي
والغربة ..
والليل الحزين
والوحدة...
وآلامي وأساي

وأنا يامناي
مليان وريدي عليك شوق
لو جيت أغني غنا الفرح
تمرق حروفي حروق حروق
ولمن أجابد بسمتي
البسمة تاباهو المروق
الليل رقد في عيوني نام
زي التقول بهمس يقول :
يوم بكرة ماداير شروق

وانا يا هواي
من فت من عينيك وحاتك
يا (أناي) واقف براي

---------------------------------------------

نــــــــــــــرجع من حيث البدايه
نعمل باااااك

مع روعة شاعرنا ود الشيخ خلف المكاشفى
واول قصايدووو

واقف براى

اذا كانت كل البدايات هكذاااا
فالروعه تولد برفقتكم اذن اخوى خلف

ونسمى على الله ورسول الله

ونقول لشاعرنا
خلف
ياريت تتكلم لينا شويه عن القصيده الاولى ( البكر بتاعتك )
اكيد ليها مناسبه
ملابسات القصيده زى مابقولووو
وعايزيين نعرف كنتا بتمر بياتو تجربه خلتك تكتب هذا العقد المنضوم

نخلى ضيفنا ياخد نفسو حبه بعد المقدمه عشان نتكلم معاو ف نواحى تجعله معنا كتاب مفتوح

لنتعرف جميعا على

ود الدرديرى

عن كثب


وينك ضيفنا

نحن ننتظر




,,,,,,,,,,,,,,,,,,,,,,,,,,,,,,,,,,

[ودالدرديري]

شهووودة


الزرزرة ماعندك لكن

طيب ......
شوية وبجيكم صادي


يديك العافية

ولييييييييييييييي قدااااااااااااااااام







و................الباقي على الله

[ودالدرديري]

أعتذر عن التأخير وهاأنا أجاوب على سؤالكم الأول :-

بالنسبة لقصيدة واقف براي ف كل القصة والحكاية انو......


الزمن كان مبتسم والليالي جميلة حالمة
كانت الأيام بتمضي حلوة ريانة ومسالمة
بي هنانا الدنيا كانت ياحبيب العمر عالمة


ولكن لاتأتي الأشياء مثلما نريدها دائماً
إنقلب الحال
صار الشجن المؤرق هو ديدن أيامي
التي أصبحت لاتمر كما كانت
أو.. تمر بطيئة
في صمت مؤلم
كأنها تتقدم موكباً يرفع أعلام الحداد



فجأة غير مانحن نشعر يافراق طليت علينا
وأصبحت كل الليالي الحلوة والأيام حزينة
و إرتسم ظل في جبين أيامنا ظل آهات دفينة
كان طريق مكتوب نسيرو نحن سرناهو ومشينا




وعندها......
أحسست أني أقف وحدي في ظلمة داكنة
ليس بها أنيس أو جليس أحتمي بقربه من غدر الأيام والليالي الباردة
فكانت (واقف براي) ترجمة لذلك
وبدأت أكتب فيها كلمة بعد كلمة
وأحس بكل ماأكتبه
لأني كنت أعيشه تماماً لحظتها ..
وقد تفاجأت انا نفسي من نفسي
حين أكملتها
ووجدتها قد اتخزت شكل القصيدة
ومن هناك بدأت .....

[Sudani_w]

الرائعه دوما وابدا شهد الكلامـ

موضوع روعه وفكره اروع

ونحي شعرائنا وفنانينا

ود الدرديري ياصاحب الصوت العطر

مستنين القنبله يخونا




بمشي وبجيكم راحع وتشكري مره تانيه وتالته ورابعه ياشهد الكلامـ فعلا اسم على مسمى