شـــــهد الكلامـ للانتاج الفنى تقدم .......

[شـهد الكلامـ]

بسم الله
والصلاة والسلام على رسول الله

سيد الاولييين والاخرين


فى فكره جديده لخلق اجواء ابداعيه

كانت فكره انتاج فنى بين اعضاء المنتدى
وبما انو برفقتنا شعراء بروعة شمس بلادى وملحنييين وفنانييين

قلنا
كدى النجرب
نعمل
اغنيه
مكتمله
شاعر وشعر
ملحن
وموزع
وموسيقى
وفنان
كلو من منتدانا الرائع


الفكره انو ناخد الاذن من الشاعر المعين بالمشاركه معانا بكتابة قصيده شعريه غنائيه

ومشكور اخونا الرائع الفنان : ود الدرديرى خلف

ح يكون الملحن والمغنى الى حين اشعار اخر :D


ح احاول استضيف شاعر ف كل مرحله والى ان ننتهى من عمل معييين برفقته
ننتقل

كونوووو
ع الموعد


شـــهد الكلامـــ

[شـهد الكلامـ]

ف اول مشاركه ح نستضيف الرائع :

الفنان

ود الدرديرى

خلف

المكاشفى

اتفضل معاى اخوى






احلى بوكيه ورد لاخونا الدرديرى


وينك خلف
منتظرنك

[أيمن]

[poem= font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
استديوهات شهد الكلام؟=
آآآآآى نعم.....................=
ده كلام تمام........................=
داير شريط فرفور وهاجر وابتسام=
ماعندنا..................................=
عندك شنو؟.......................=
عندى النعام......................=
وسرور وزنقار والسلام .......=
ده كلام شنو؟.......................=
ديل كلهم ياخ ناس قدام.............=
فاتو وعماهم صدى................=
ادينى فنان دووووب بدى.............=
اوعك تقولى لى شمبات.............=
أو ثنائى المورده..................=
عندك ندى؟..........................=
ماعندنا................................=
عندك شنو؟..........................=
عندى القليب الانجرح.............=
عندى المرح وخليل فرح.............=
والبنا والجاغريو صدح.............=
وانا ماببيع لى اى زول...............=
أديك سرور ؟......................=
أحسن تفوت........................=
براحه ماتخلينى أقول.................=
والقلتهم ديل لسه مادخلو الفصول=
جاك الكلام ؟......................=
استديوهات شهد الكلام...........=[/poem]

[poem=font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الرائعه شهد.................................=
لك التحيه وبالتوفيق.........................=
30% من العائد يورد لحساب انا سودانى=
بعد خصم ضريبه الاعمال.................=[/poem]

[ودالدرديري]

الرائعة شهووودة

منك يبتدي الكلام السمح دايماً
ومنك بتجي الأفكار الرائعة زييك تماماً
ونحن معاك على طول
وكل الناس معاك
السماحة للسمحين والحلوين بحنو
يديك العافية

وليييييييييييييي قدااااااااااااااااااام






و..............الباقي على الله

[استارو]

شــهد الكـــَلام
الكلمات قد تعجز عن مدحها
ويتلجم اللسان بنطق فضلها
وتجف الأقلام عن وصف حسنها
فسلمت لنا أختاً مدلله عزيزة محــبة
متوجة بأسم الصداقة والإخلاص
لك خالص الود اختى شهد
ونحن معكى أن شاءالكريم
ونرحب بضيفنا
الشاعر الفنان
اخونا وحبيبنا ودالدرديرى
ارمى ونحن وراك

ا،،،ــــتارو

[حافظ عوض الله محمد]

احاول استضيف شاعر ف كل مرحله والى ان ننتهى من عمل معييين برفقته

وبضيف للكلام دا انو القصيدة بعد ان ترى النور وتصير اغنية يقوم الفنان ( ... ) بترديدها وتسجيلها وانزالها فى بوست يسمى مثلا جديد شهد للانتاج الفنى .
بالمناسبة احد الاعضاء الذين حضروا احتفال العيد الاول فنان ومنتظر الدور

[سودانية نار]

من حالةالدهشة
انتقلت الي حالة الترقب والانتظار
شهودة
الافكار دي لو ما طلعت منك
ما بتطلع من زول تاني

وانا في الانتظار

[شـهد الكلامـ]

مــــــــــــــــــرحب بالساده المشاهديييييين :D

الرائع حد الوصف : ايمن
الضيف الكريم وفنان البوست : ود الدرديرى
العريس مع موفور الدعاء بالسعاده الدائمه لكماااا اخونا ومشرفنا استارووو
العزيز حافظ مشرفنا الموقر والهلالى المشاكس :D
الحبيبه الى القلب صدقا ........ قولا وفعلا رفيقة الروح اللامتناهيه الذوق : سودانيه نار

تشرفت بمداخلاتكم اكيد
وبتمنى انو نصل لشئ من خلال هذا البوست

تحياتى للجميع


وخليكم معانا
ماتغيرووو القناة :D

[شـهد الكلامـ]

حلقتنا الاولى ح تكون برفقة الشاعر : ود الشيخ خلف المكاشفى ود الدرديرى

اتفضل خلف

ح نشوف كلنا
اول قصيده ف البوست بواسطة خلف

نطلع اول ع القصيده واجواء ولادتا ف لقاء مع ود الشيخ

مبدئيا


هديه لخلف


فل سوت بنى :D

عشان الاناقه يعنى




القميص ابيض كدا بكون مزبوط


ح نعمل المقابله ف فندق فايف استار


خليك جاهز عشان نبدأ




شــــــــــــهد الكلامـــ للانتاج الفنى
ترقبونا

[ودالدرديري]

شهوودة

هديتك سمحة سماحة الكملوهو وطلبو زيادتو

حاضرين يافندم
والتعليمات وااااضحة

ولييييييييييييييي قدااااااااااااااااااااااااااااااااام







و................الباقي على البرجو فضلو

[Suhaib]

اه يا مبدع


اخر االاعمال الفنية والشعرية لدريري !!!




واغنية مهرجان الرياض وين





شهد سوركتي يا ابداع


،،

[ودالدرديري]

أولاً

أحيي المشاهدين والقائمين على أمر قناة الــ... أقصد القائمين على المنتدى الشعري
لإتاحتهم لنا هذه الفرصة كما أشكر الأخت شهدسوركتي - أو كما قال صهيب - ..


وفي الانتظار جاهزين جاهزين






و.................الباقي على الله

[حنضله]

وااااااااااااااو شهد روعة والله الفكرة صراحةً ونحن فى اإنتظار الفنان ود الدرديرى وباكورة انتاجة الاول

[ودالدرديري]

الاخوة جميعا

صباحاتكم بيضاء زي اللبن


كانت أول كتاباتي ... وأعتز بها جداً لأنها محببة الى نفسي كثيراً رغم مافيها من تعثر البدايات
بعنوان .............

واقف براي


واقف براي
الشوق مستف في الوريد
والهم بعاند في خطاي
والغربة ..
والليل الحزين
والوحدة...
وآلامي وأساي

وأنا يامناي
مليان وريدي عليك شوق
لو جيت أغني غنا الفرح
تمرق حروفي حروق حروق
ولمن أجابد بسمتي
البسمة تاباهو المروق
الليل رقد في عيوني نام
زي التقول بهمس يقول :
يوم بكرة ماداير شروق

وانا يا هواي
من فت من عينيك وحاتك
يا (أناي) واقف براي

---------------------------------------------

[Suhaib]

الشوق مستف في الوريد
والهم بعاند في خطاي
والغربة ..
والليل الحزين
والوحدة...
وآلامي وأساي

وأنا يامناي
مليان وريدي عليك شوق
لو جيت أغني غنا الفرح
تمرق حروفي حروق حروق
ولمن أجابد بسمتي
البسمة تاباهو المروق
الليل رقد في عيوني نام
زي التقول بهمس يقول :
يوم بكرة ماداير شروق

وانا يا هواي
من فت من عينيك وحاتك
يا (أناي) واقف براي

درديري
يا فنان
كلمات جميلة احييك علي الحس الشعري المرهف !!
وبداية من النهاية

....
نزل لينا باقي كلمات قصيدة (جنيت وما جنيت انا ف هواك اسير )

.هي لحنتها انت برضو ؟

[ودالدرديري]

صهيبووون ياحنين

كيفنك .... عساك فاين



هاك ..... دا الجزء الأنا قمت بتلحينه منها..

أسير الشوق

جنيت وماجنيت
أنا في هواك أسير
أرحل عليك بالشوق
ترحل تسيبني كسير

داويني ياحنين
عارفك عطوف وخبير
أفرد جناح الريد
خليني بيهو أطير

بفرش طريقك شوق
وكل يوم أرشو عبير
أصلو الولف كتال
والريد مصايبو كتير

[النيل الازرق]

الاخت شهد زى ما قالوا الجماعة وما خلولينا كلمة

يسلمووووووووو على الفكرة الروعة

ويا اخوى ود الدرديرى

الكلام الجميل ده نحنا حنقراو بس ؟؟؟؟؟

ما فى طريقة نسمعه ملحن من خلال المنتدى ولا شنو ؟؟

مشكورين ياحلوين

[المغربى]

لك التحية
الغالية شهد

على الفكرة الرائعة جداً

ولجميع شعراء وملحنى وفنانى منتدانا التحية

ويا ريت لو كانت البداية بأوبريت أنا سودانىِِِ

[ودالدرديري]

النيل الأزرق


شكراً يارائع على المرور العطر
و انشاءالله عما قريب حأنزل الحاجات دي هنا وتسمعا

يديك العافية


وليييييييييييي قدااااااااااااااااااااااام







و....................الباقي على الله

[أيمن]

الاخوة جميعا

صباحاتكم بيضاء زي اللبن


كانت أول كتاباتي ... وأعتز بها جداً لأنها محببة الى نفسي كثيراً رغم مافيها من تعثر البدايات
بعنوان .............

واقف براي


واقف براي
الشوق مستف في الوريد
والهم بعاند في خطاي
والغربة ..
والليل الحزين
والوحدة...
وآلامي وأساي

وأنا يامناي
مليان وريدي عليك شوق
لو جيت أغني غنا الفرح
تمرق حروفي حروق حروق
ولمن أجابد بسمتي
البسمة تاباهو المروق
الليل رقد في عيوني نام
زي التقول بهمس يقول :
يوم بكرة ماداير شروق

وانا يا هواي
من فت من عينيك وحاتك
يا (أناي) واقف براي

---------------------------------------------

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
واقف براى أول قصايدى مع الظبى=
ظبى التلال والريد حلال .............. =
وبديت غناى..............................=
واقف براى..............................=
وانا لسه فى دنيا الحروف.............=
يادووووب صبى........................=
وبديت أشوف............................=
وبديت أسطر فى الحروف...............=
ولقيت مرادى ومطلبى.....................=
وكانت (براى) أول قصايدى مع الظبى=
..........................................=
درديرى ذدت تعجبى!....................=
وجيتك أقول..............................=
فوقك صلاتى على النبى................=[/poem]