موقف صعب .. هتعمل أيه لو مريت بيه ؟؟

[zanouba187]

أفرض إنك تحب شخص .. وعايش معه أروع قصة حب
لدرجة إنك مش متصور حياتك بدونه
وهو كمان بيقولك أنا ليك ولو سبتني هموت
مالي عليك كل حياتك ومالي عليه كل حياته
وأحلامكم ملهاش حدود وإنتو فعلا بتخططو لمستقبلكم مع بعض

فجأه تلاقي الشخص ده أبتدا يبرد من ناحيتك ..
أبتدا يقلل من سؤاله عليك ..
أبتدا ميهتمش للي بينكم زي الأول ..
إنت بتحسه بيتعذب عشان هو مش زي الأول ..
يتمنى يرجع بس مش قادر ..
بتقوله إنت متغير يحلفلك إنه لسه زي ما هو ..
بس إنت بتحس إنه متغير مبقاش زي الأول ..
زي ميكون لهيب الحب والشغف إللي جواه أنطفى ..
مش عارف ليه .. منك أو منه .. أيه السبب ؟؟
زادت عليك حيرتك ونارك ..
وحسيت إن حبك بيزيد عشان حاسس إن حبيبك بيفلت من بين إيديك ..


هتعمل أيه ؟؟
تسيبه وتصون كرامتك قبل ما يسيبك هو ؟؟
وبكده هتخللي نفسك عرضة للسؤال
( ماذا لو مكمل معاه مش كان جايز رجع زي الأول ؟ )
مستقبلا وجايز تكون إنت مش النوعيه إللي بتقدر تتعايش مع الندم .


أو تكمل معاه للآخر وتتحمل النار أكتر
وبكده تعرض نفسك لجرح مضاعف هيدمر حياتك
لو وصل هو لمرحلة من البرود وقالك مش هقدر اكمل معاك ..
هيكون جرحك جرح حب وجرح كرامه مع بعض ودي حاجه صعبه جدا ..

أنا حابه أشوف ردكم أيه على الموقف ده كدراسه للردود البشريه تحت مواقف مختلفه .. يعني دي مش تجربه شخصيه بمر بيها ولا حاجه ..
__________________
تحياتي

[ريم]

[frame="2 80"]بحاول أعرف سبب تغيره وبروده لكن إذا استمر الحال للأسوأ الانفصال أحسن للطرفين[/frame]