جماعة عندي ليكم إقتراح جميل أرجو التصويت!!!

[نوركم]

جماعة عندي ليكم إقتراح جميل أرجو التصويت!!!

--------------------------------------------------------------------------------





أولاً أغتنم هذه الفرصة لأهنئكم جميعاً بقرب حلول شهر رمضان المعظم أعاده الله علينا وعليكم والأمة الإسلامية بالخير واليُمن والبركات.

أما إقتراحي هو يعني بعد إذن وموافقة المشرفين و إدارة المنتدى طبعاً، أن نعمل (رابطة انا سوداني)، وحتى اليوم يمكن ما بنعرف بعضنا إلا عن طريق الأسماء فقط والتي معظمها أسماء مستعارة فالإقتراح تبعي يكمن في أنو كل ناس يعملو رابطة انا سوداني في المنطقة العايشين فيها داخل وخارج السودان تعمل رابطة عشان نتعرف على بعضنا البعض على الأقل في المدينة العايشين فيها لأنو مامكن يكون صديقي جنبي في نفس البلد ويمكن يكون جاري أو زميلي في العمل أو الدراسة أو يمكن يكون شقيقي ومسجل بإسم عضو مستعار وأكون أنا ما عارفو لأنو حقيقة كلنا الدفعنا للتسجيل بهذا المنتدى الرائع والجميل الصداقة والتعارف وتبادل الخبرات والإستفادة من بعضنا في الأفكار الجديدة بالإضافة للتعرف على أصدقاء جدد من مناطق سوادنا الحبوب.

فأرجو من الجميع الإدلاء بالرأي أو أي واحد يمكن يقدم إقتراح أحسن من إقتراحي ده بس في النهاية يكون لي مصلحة الجميع.
قال الله تعالى ((يا أيها الناس إنا خلقناكم من ذكر وأنثى وجعلناكم شعوباً وقبائل لتعارفوا إن أكرمكم عند الله أتقاكم)) صدق الله العظيم.

وتقبلوا تحياتي

[عسولة وبس]

عن نفسي انا موافقة واؤيد هذا الاقتراح ويشرفني اكون اول الرادين عليك

[mr.zoool]

وأنا معاك
بس انت قول عووووووووووووووووووووووووووووووك




مع حبي........................

[العربى]

نوركم
تقبل تحياتى
العربى دا عمر حسين ود حلتكم وقريب منكم بين محطة خمسة والفرن الآلى سيتم التعارف ان
مد الله فى العمر..


ويسعد مساك

[ام الانبياء]

اقتراح جميل جدا
وانا اول المبادرين
وام النبياء هي (ساره زوجته سيدنا ابراهيم)
اسمي ساره كمال امام من شمبات ..والجزيره
مقيمه ف تنزانيا اروشا لي عشره سنوات
بجي سنوي السودان وراجعه نهائ قريييب انشالله الاقيكم
ادعوي لي رمضان باسمي الحقيقي

[دلوعة الدوحه]

يارييييييييييييت والله انا معاك
في الاقتراح دى....

[نوركم]

وانا ياخواني نوركم
اسمي الحقيقي محمد نور علي محمود
من السودان
ولاية البحر الاحمر
(بورتسودان )

[Sudani_w]

شنو يخوانا الخيانات دي انا زاتي معاكم


اخوكم /
وائل محمد
21 سنه
مولود في الرياض وحاليا مقيم في جده
طالب بدرس جامعه في جده هندسة كمبيوتر
وشغال تقني كمبيوتر (نطام تدريب وكده) في شركة ادويه
وحاضر ونتمنى نتعرف عليكم ياحلوين وعندكم ايميلي موجود في الملف حقي
لانو لوكتبتبو هنا بيفهموها غلط الجماعه الطيبين...

[Sudani_w]

شنو يخوانا الخيانات دي انا زاتي معاكم


اخوكم /
وائل محمد
21 سنه
مولود في الرياض وحاليا مقيم في جده
طالب بدرس جامعه في جده هندسة كمبيوتر
وشغال تقني كمبيوتر (نظام تدريب وكده) في شركة ادويه
وحاضر ونتمنى نتعرف عليكم ياحلوين وعندكم ايميلي موجود في الملف حقي
لانو لوكتبتبو هنا بيفهموها غلط الجماعه الطيبين...

[محمدعبداللة]

واللة الفكرة جميلة وانا موافق عليها لانو بصراحة انا مابعرف اى واحد فى المنتدى وما اعتقد فى زول عارفنى .