انا زول جديد

[زول طيب]

اول كلمات لي في هذاء المنتدي العامر وانطلاق من قطاف إسلامية تكون البداية
واسال ربي ان نستفيد وان لانكون مجرد اسماء تضاف للمنتدي دون نفع منها لاخير يقدم ولا جميل يكتسب
,,,,احبتي قال الامام احمد ((( حسن الخلق ان تحتمل مايكون من الناس )) دعوة لتجمل ب احسن الاخلاق.....

[ابن عوف]

منور المنتديات عامة
ونتظر ابداعك ومرحبا بك في المنتدي الاسلامي

[ابو الملكات]

حبابك عشرة ياابني ادخل لي جوه اول حاجة هاك كوز الموية دا بارد من الزير القناوي الفي ضل الراكوبة
وحسع خالتك ام كلتوم تقوم تعمل ليك كباية شاي بالعناع تعدل ليك كيفك تعال قريب هنا ضل النيمة دا احسن
منو مافي ان شاء الله بعدين اخوانك يجوا ويضبحوا ليك العنبلوق للعشاء اها انا ماشي اصلي الضهر ياولدي
ارتاح اخذ ليك تكية في العنقريب الهباب داك
مع السلامة لي بعدين

[زول طيب]

ابو الملكات يازول حباااااااك والله وعارفك مابتقصر وكرمك مشهود
ومادام البلد فيها ابوالملكات اكيد عامره بس انا حلفت اناس ماتضبحو
وموية من الزير وفنجان قهوة وكرمكم واستقبال بالدنيا يازول ابشرك
نحن بنعرف الناس من استقبالها واستقبالكم استقبال اجواد واهل دواوين الله يديكم العافية

[الأمير حسن مختار]

مرحباً بك بيننا وسط أهلك وأقارنك والتنافس الشريف.. بانتظار إبداعتك وكتاباتك قريباً إن شاء الله تعالى.