الكاف اللام الميم

[فراوله ام احمد]

بعض الأحرف التي نظمتها
فصلت ثوب الريد غناء
ورسمت لونت القصيد
ماكنت قايلاك يوم تجور
ترميني للزمن العنيد
وانا بختلف عن ناس كتار
جواة حشاي شايلاك ريد
تريان بي حنين قلبي
شبعان بي لهيج وثريد
مدثر بي قطيف كبدي
مجرتق بي شهيق نفسي
أرجو يفوح عنابر وزعفران وردى
وأخاف اناملي تتفلت يضيع حسي
عشان المخمل الناعس
في جواتي مدسي
وأخاف الريده بين يدي تتخدش
يضيع حسي
ويبهت لونها يتغبش وفي اخر
المطاف نرسي
نفقد العبير الكان
بيعطر لي الهوي القدسي
تموت امالي بين ايدي
حنيني الفاض صبح منسي
وألبس توب حدادي لحون
شهيقي زفيري كل نفسي

[الماسة الخماسية]

كلمات حُنان من زولة حرفها فنان ،،

فراولة أم أحمد _ حبابك منورة من جديد ،،

يومك بكل الحروف ليك وللجواك عساه سعيد ،،

[ميرفابي]

فراولة أم أحمد
ملكت اللهجة و الاحساس ... دمجت الوزن بالمقيااااس
لكي اسمع ترانيمك....و للمعنى اهز الرأس
و ارفقها لاعجابي لانك بالفعل نبراس

[ابو الملكات]

استاذتي
بجد غلبني اقول شنو دي حروف ناطقة لا بل حروف مرسومة
المعذرة لعدم اعطائها حقها من حروف تليق بها انها تحفة
كل الود

[فراوله ام احمد]

[quote="الماسة الخماسية"]

كلمات حُنان من زولة حرفها فنان ،،

فراولة أم أحمد _ حبابك منورة من جديد ،،

يومك بكل الحروف ليك وللجواك عساه سعيد ،،

[/quote...وانتي الدر وانتي الماس....اول وتاني والاخماس...وعالي مقامو فايت الناس..لك الشكر اجزله

[فراوله ام احمد]

فراولة أم أحمد
ملكت اللهجة و الاحساس ... دمجت الوزن بالمقيااااس
لكي اسمع ترانيمك....و للمعنى اهز الرأس
و ارفقها لاعجابي لانك بالفعل نبراس

وجثيت افتش لي المقال كل القوافي بتنعتو ....
منثورا بين حب الرمال زي الدرر في لمعتو....
تلصف تقول ضوء الشموع.........
حاكت تقول بدر الطلوع .........
وانا ليلي ليل...................لك شكري

[فراوله ام احمد]

استاذتي
بجد غلبني اقول شنو دي حروف ناطقة لا بل حروف مرسومة
المعذرة لعدم اعطائها حقها من حروف تليق بها انها تحفة
كل الود

لك باقة ورد يضوع شذي
يذكم انوف الحاضرين...
شكرا.لمقدمك الجميل

[فراوله ام احمد]

قصيده ثانيه....
عبيت الشوق رسلتو شان يخطف سمرة لونك
والنسمه الهبت وطاقت بتغازل رمش عيونك
يامن حركت لواعج الشوق الفيه سكونك
وصيت النسمه تزورك....
ترشف من دنو بحورك...
وتشيل الريده قصيده....
عنوانا ونصها كونك
وسطورا بتحكي روايه...
انسان بي الريد ملهوف..
الساكن في اعماقي....
وحنين العصب الجوف...
عانق وتر الاشجان وتقيل الهد كتوف....
لمن رصوهو اتستف عبا الحانات ورفوف....
والليله الضفه بتبعد تحمينا الشيمه الدووف....
حتي الغيمات تتنهد تمرق من تالا الحله ...
وتباري خيالك وطيفك الشارد لو يتدلي...
رغم الحرمان بتصبر في الاخر حنك قل...
والعهد البيننا اتسطر فصل لي عقودو وحل...
وبتشهد انت المنظر واحلامي بنقر بابك...
وتطول ايامي وتقصر ارجاك علي ميعادك..
.والقلب المترع ريده.حلمان بحنينو ودادك...
تتنكر وتنسي عهودنا خليتني بريتو سرابك....
والامل الكنت.بنيتو شيدتو علي محرابك....
كيف جرت علي هديتو كيف بتبرر اسبابك

[ميرفابي]

دائما ترسمي بريشتك كلمات و كلمات و كلمات

يتوه القلب عند قراتها

و تبتسم العين لمرأها

و تهدأ الروح لوجودها

تالقي كما أنتي

و حلقي كما شئتي

فالسماء ملك لكي
لكي التحيه 2
تقبلي مروري

[فراوله ام احمد]

شكرا لك ولرصانة عباراتك وجزالة اسلوبك تلتقط الاحرف فتضئ سماوات الابداع

[فراوله ام احمد]

قصيده أخري:-
فوقك يا العديل جبت الكلام والنم
شارقني ومقيم جوا العضام تترم
بين مسام الروح شرياني زاتو انجم
والريد كان عصف ما اظنو داك بينخم
@@@@@@@@@@@
دون البشر محياك ضوءا شلع براقو
شلهت رويحتي يمين كيفن بطيقو فراقو
من وين ابتدي الكلماتي فيو ما حاقو
عبيت النضم يكتح ويكيل امياقو
@@@@@@@@@@@
وينحسب العمر قبالك انت ثواني
يوم ما شفتو كان نظراتو فوقا معاني
تلفح للقليب مرضان مرقت بعاني
غيب واندفن فارقت دنيا الفاني
@@@@@@@@@@@