بكل صراحة

[ام ساره]

ماهو شعورك عند عدم الرد علي مواضيعك في المنتدي؟

[يقين]

العزيزة ..أم سارة

مساك خير اول حاجة ياغالية و أجيك لي جواب سؤالك

طيب

عموماً وحاجة طبيعية

خاصةً العضو الجديد

فلما ما يمر عضو على مواضيعو اللي تعب فيها وكتبها زول

وأبدى رايو سواء سلباً أو ايجاباً .. حيتضايق

ويمكن يزعل ..وي"حرد" الكتابة كمان

لكن انا غايتو "دمي بارد" وإتخطيت المرحلة دي بدري شويه

وبقيت بهتم بالغرض الاول اللي جيت من شانو

إنو افرغ ..وأكتب ..وأرد على المواضيع اللي بتلاقيني

بعد داك .. القى رد أو لأ .. مابقيف عندها كتير

وبدي العذر على طول

يعني ..

الموضوع يمكن ما عجب زول .. أو مافهمو .أو ما لمس فيهو شي أو حس انو مكرر

.أوإنو ما قادر يناقش او يعقب بالشي المناسب

وكمان يمكن الموضوع أكبر من مقدراتو وفهمو "

خاصة انو الناس بيختلفو في الاعمار والميول"

كمان في اسباب تانيه ..

المزاج وأحكامو .. الشبكة اللي بتخذل البعض

والنشاط المتدني يعني حاليا اللي بيدخلو كلهم معدودين على اصابع اليد

وإهتماماتهم بتختلف..

فأكيد الردود ما حتكون على قدر المتوقع

بس المهم اولاً وأخيراً . .

إنو الزول يواصل وأكيد حيصل المرحلة اللي يعمل فيها متابعين ومعجبين لي كتاباتو وقلمو

وما حيكون في اي موضوع ..بدون رد !

[ام ساره]

انا غايتو بزعل وبتعققققققد عدييل كده وبقول اشمعني يقين.

[يقين]

انا غايتو بزعل وبتعققققققد عدييل كده وبقول اشمعني يقين.

لا لا .. ولا تزعلي ولا تاخدي بخاطرك حبيبة

الناس ظروف ياستي

وبعدين انتي اسه مواضيعك بينرد عليها

يعني ماعندك عوجه ..

في ناس مابيلقوا ولا رد وبرضو بتلاقيهم قاعدين ومواصلين

[شذي زهر]

ام ساره مساء الخير ي رائعه

اول شي وبدون مجامله وبصراحه مواضيعك في منتدي الحوارات

مواضيع حيويه وعندك اسئله كده بتخليك انك لازم تطلع الجواك بكل صدق ...لانه لاينفع معها غير الصراحه والوضوح....


اما موضوع عدم التعليق او التعقيب علي مواضيعي
صراحه في البدايه ولمن كنت (برلومه ) كنت بزعل وبضايق شديد ....لكن تاني وبمرور الوقت
اكتشفت اني انا نفسي ...في بعض المواضيع بكتشفها بعد مرور فتره من كتابتها
وبكده عرفت ان عدم التعقيب علي مواضيعي ومشاركتي فيها بكون دون الخاطر

واحيانا كتير تجي مواضبع بعدها كتيره .......والصفحه تتغير ....يعني تاني الا بالصدفه ..

وصدقيني اختي ام ساره انتي احتمال كبير تكوني كتبت اي موضوع ....وتكون مانزلت ليك اي مشاركه فيه ...لكن مؤكد تكون الفائده حصلت ودا المطلوب في المقام الاول
ودا الشي البندخل من اجله

[ام ساره]

الله اديكم العافية اختي يقين واختي الفواحة وفعلا عدم التعليق لا يعني التهميش او انو الموضوع اجوف المهم الفايدة والاهم انو الواحد اعرف اوصل هدفه ورسالته

[بانه]

عدم الرد لا يعني لي شيئا احتمال الناس ما شافته او ما

عندهم زمن انهم يردو او اي شئ تاني

بس صراحه عندي موضوع مرات قاعدة اشحد الناس عشان ترد فيه