ولدت سالي في اوربا حين ما كان ابوها مغترب هناك وفي الحقيقة ابوها سماها (ام الحسن ) على اسم امه الله يرحمها لكن سالي لمن كبرت شوية انكرت اسم ام الحسن وبراااها شافت فلم كرتون سالي وقالت بس هي اسمها لازم يكون سالي واي زول يناديها بغير اسم سالي ما تتلفت ليه ولا تشتغل بيه الشغلة فسار عليها اسم سالي ( تحنكشا ) واشمئزازا من اسم الحبوبة البلدي القديم.
عادت سالي الي الخرطوم في اجازة وسكنت العمارات في عمارة حدادي مدادي وهاك يا حنكشة من اول يوم شافت ليها ضب ماشي في الحيطة قعدت تكوريك واااي يا بابا تعال شوف التسماح دا . . . (شكيت الحناكيش لي الله )
تاني يوم شافت ليها نمل اب ريش طاير برضو قالت يااااي نملة هيلكوبتر جنان ياااي (يا مامي ) السودان فيه النمل هيلكوبتر ...( شكيتك على الله يا الغربة ) البنات بقن حنكوشات بشكل فظيع
شافت شباب الحي في الدكان طالبين موية فول البوووش ) قالت شوف الناس المتخلفة دي تاكل الرغيف بموية المطر الوسخانة اااخخخخي عليهم ...
شافت سالي جارتهم قاعدة في حفرة دخان طلبت المطافي قالت دي عملية انتحار وتييب ناس كرستيان ديور وناس شااانيل وعطورهم الفرنسية عملوها لمين يااااااااي ( ياا مااامي ) دا تخلف الوحدة تحرق نفسها وتولع فيها بالشكل دا اخخخخخخخي
سالي الحنكوشة
المشرف: بانه
رد: سالي الحنكوشة
عل قدر ما اضحكتنى 
على قدر ما ابكتنى
على قدر ما ابكتنى