شيءٌ من حلمنتيش بحثا عن شيء من بهجة
إن شاء الله القيامة تقوم
عشان عريسك أصلو ما يتهنا
وما يضوق معاك لذيذ النوم
ولا يلقى بيك الكان بتمنى
ويعيش طول العمر محروم
يا ريتني ما أحسنت فيك الظنا
ويا ريت القيامة تقوم
عشان عريسك أصلو ما يتهنا
وما يضوق معاك لذيذ النوم
ولا يلقى بيك الكان بتمنى
ويعيش طول العمر محروم
يا ريتني ما أحسنت فيك الظنا
ويا ريت القيامة تقوم
عشت معاك أجمل سنين الحب
وكنت الفارس المغوار
وأهديتك حنان ما إتعرف من قلب
ومن نظرة عيونك قلت يا ستار
وصبيت دعائم ريدك
في الفؤاد ليك صب
وحرقت أيام عمري ليك أنوار
وكنت الفارس المغوار
وأهديتك حنان ما إتعرف من قلب
ومن نظرة عيونك قلت يا ستار
وصبيت دعائم ريدك
في الفؤاد ليك صب
وحرقت أيام عمري ليك أنوار
الليلة شِمتو فيا الناس
وكل من هب وكل من دب
وكل من هب وكل من دب
وسويتي فيا
الـ في الخشب ما سواهو يوم نجار
ويا ربي هسسسسه القيامة تقوم
الـ في الخشب ما سواهو يوم نجار
ويا ربي هسسسسه القيامة تقوم
لا لا .. ما بتمناها هسه تقوم
بتمناها يوم عرسك والناس مندهجة في الرقصة
بتمناها يوم عرسك والناس مندهجة في الرقصة
وعريسك شايلنو زي أهبل طويل فرحان
والناس مرصوصة
الرصة في الرصة
والعجاج غطا الفرقة والفنان
وإنتي يا الماكرة تتراقصي وعاملة ليك قـُصة
وتعايني لي بعين قوية كمان !!
وتعايني لي بعين قوية كمان !!
كأنو ما بتعرفيني
وكأنو ما كانت بينا قصة حب
وما أحلاها من قصة
وكأنو ما كانت بينا قصة حب
وما أحلاها من قصة
وكأنو ما أهديت ليك من الورود بستان
وكأنو قلبي ما عفصتيهو بي ريدك
شر عفصة
وكأني ما شخبطّ إسمك على الحيطان
وكأنو قلبي ما عفصتيهو بي ريدك
شر عفصة
وكأني ما شخبطّ إسمك على الحيطان
كده برضو تنسي الـ كان
وتتخارجي مما جاتك الفرصة ؟؟!!
وتبيعي الحب عشان كم دكان ؟
وتتخارجي مما جاتك الفرصة ؟؟!!
وتبيعي الحب عشان كم دكان ؟
يا ناس عضوني وأدوني كم قرصة
يمكن ويا ريت أكون حلمان
لكن للأسف كانت حقيقة ونهاية القصة
وكنت أنا المبيوع وكان قلبك الخسران
يمكن ويا ريت أكون حلمان
لكن للأسف كانت حقيقة ونهاية القصة
وكنت أنا المبيوع وكان قلبك الخسران
ايه ذنبي لو الحظ ما أداني بس بصة
وايه ذنبي لو كان أبوي فقران ؟
وايه ذنبي لو كان أبوي فقران ؟
وعشانك إنتي يا الماكرة
وعشانك إنتي يا الغادرة
وعشانك إنتي يا الغادرة
بتمنى الساعة عشرة القيامة تقوم
وتهب عليك كتاحة تفرتق الصيوان
وروحك تبلغ الحلقوم
ويقوم عريسك هارب ويتبعزقو النسوان
ويلعنوك الناس يا عروس الشوم
وتهب عليك كتاحة تفرتق الصيوان
وروحك تبلغ الحلقوم
ويقوم عريسك هارب ويتبعزقو النسوان
ويلعنوك الناس يا عروس الشوم
وتجري إنتي يا أم قـُصة
لكادوقلي من خرطوم
لكادوقلي من خرطوم
والتسريحة تتنكَّش والقـٌصة حدها القدوم
ويوم عرسك الساعة عشرة
يااااا رب
القيامة تقوم
يااااا رب
القيامة تقوم
ربما تكرر العنوان في سابق قصيدة
بس عاجبني ... وسلامتكم
بس عاجبني ... وسلامتكم
..ده شاكوش بـ الحتة السنينة ... البقلعو بيها المسمار ديك ... بتعرفها ؟ 
