حـــــــكايتــــى مع الحـــــــرامى <<<<<<<<<<<

[محمد المبارك ابوبكر]

اشتهر بيتنا بالسكون والهدؤ التام
ذات نهار والجميع نائم نومت الضهرية
جانا حرامى ولملم كل ما فى البيت
لان الوقت فى البيت للنوم فقط وخارج البيت للدوام
التلفونات والمحفظات واطلق ساقية للريح
عندما صحونا تفاجئنا بفقدان جوالاتنا ..
اتصلت على تلفونى ورد لى الحرامى وكان هذا الحوار
, الو
الحرامى ..هلا ومرحبا
انا .. ياخى دة رقمى ودايرو وانت منو
الحرامى ... ياخى حاجاتكم بتجيكم بس اصبرو
انا ... اها ياخى ما جبتهم لينا جزاك اللة خير ياخى لشنو ؟؟
الحرامى .. ياخى انا ختيت ليكم كيس فوق الباب امس بالليل فيهو شرايح التلفونات واقامة ورخصة وبطاقة صراف باسم الشيخ .. وبالجد سحبت مبلغ 5 الاف من البطاقة , وخليت الف ريال للشيخ عشان يتصرف منها
( كان الشيخ كثير النسيان لذا كتب فى ورقة صغيرة الرقم السرى هو 3290 لانة كان كثير النسيان ووضع الورقة فى زاوية من المحفظة )
كل من فى البيت وجد شريحتة الا أنا
فاتصلت به تانية وثالثا قلت لة ياخى شيل التلفون وتعال اجدع لى الشريحة
عندى فيها ارقام مهمة لا اجدها بسهولة
قال لى ياخى اصبر خلينى اخلص الرصيد واجيبها ليك ..(عجبى)
قلت لة فى يوم اخر ياخى حول الرصيد فى رقمك وتعال جيب الشريحة
كانت المفاجئة وبكل ثقة وهو يقول لى
ياخى الرقم دة اهلى واصحابى عرفوهو مابقدر اجيبو ليك تانى
شوف ليك رقم غيرو .. ....اسي دة حرامى ولة همباتى ولة شنو يعنى نطلق عليهو ؟؟؟
العجيب الاعجب إنو الشيخ اتصل عليهو وشكرو على استرجاع الاقامة ورخصة القيادة وبطاقة التامين ,, وقال ليهو وهو يشكرة على الالف ريال التى تركة لة بانها سدت حوجتة وقال لة بالجد انت زول عندك انسانية , ويا ريت لو كل الحرامية مثلك ..
يعنى ما فاضل لاخونا الشيخ الا يطلب منو صداقة فى الفيس بوك , وقد يكون طالما انة متواصل مع كل من فى البيت برقمى سابقا ..

[dream-lady]

ههههههههههههههههه

ههههههههههههههههههههه

ده حرامي حلو حلاة

[مسلمة وافتخر]

ههههههههههههه
دا حرامى مودرن ومواكب العصر

[القلب الملك]

حرامي انساني


***

بعد دا مسكتو بقت ساهلة ما دام بستعمل الرقم وأهله وأصحابه عارفنه

[محمد المبارك ابوبكر]

[SIZE="5"] لك التحية dream-lady على المرور
ولك التقدير مسلمة وافتخر
وتحية لك القلب الملك ....
وازيدك من الشعر بيت طبعا هو جار بيت يعنى عارف مواعيدنا وهو من شلة عطالة دوما امام الباب وفى الشارع متواجد ..
لو كان فى السودان كان جبناهو من اضانو
لكن دى (( دى الدمام ))
غايتو اشتقلنا بالمثل البقول الجاتك فى مالك سامحتك ..
والحكمة البتقول .. لا يلدغ المؤمن من جحر مرتين
ودام صفاكم موفور ..[/size]

[السنبلاية]

[waya]

ده حراامي متربي وود ناس وعنده أخلاقيات المهنة