يـــــــــــــــــــا زول كفاية

[معتصم العطبراوى]

.انا أصلي مظلوم في هواك

مكتوف مربط بالعشم ..

اهديتك الأحرف نجوم

تهديك إذا إشتد العتم ..

دوزنت بيك وتر الحنين

و عزفت ليك الريد نغم ..

جازيتني بالشقا و الجراح

مطرة هواك صبت ندم ..

و أهديتني فستان الأنين

مطروز مكشكش بالألم ..

و انا أصلي ما عشقتك براي

عشقوك معاي

القمره و النيل و الوطن ..

و يوم جايه ليك ما جيت براي

زاروك معاي لوعه و شجن ..

و أديتك الخاطر سكن ..

و دفعت ليك الروح تمن ..

و كسرت متراس الزمن ..

شان ما أعيش لحظات معاك

و تكون معاي ..

لكنو بس خاني العشم ..

و بقينا في سكة عدم ..

ي زول كفاي ..

ما تزيد أساي ..

انا برضي زيك ..

روح و دم ..

[معتصم العطبراوى]

شهدت نجمات السماء وكل الغيوم متكمكمه
وحفظت زبزبت الخويط تحت المحيطات من سنه
وحدت علي حور البحر عرجت وماتت في الضنا
وشقيت دهور انا والطيور عاملين سبق فوق الغناء
وخنجر قساك حشحش مصارين الفرح فات مننا
يازول كفاي بشحد اشوف يوم فيه هناء

[معتبر]

وخنجر قساك حشحش مصارين الفرح فات مننا
يازول كفاي بشحد اشوف يوم فيه هناء

معتصم
وبقينا نرمي الشبكة علي الفرح عسي نصادفه
نعيش علي امله
ونغني

يافرح تعال

امكن يجي وتجي معه الدهشة والرعشة

تحياتي

[طلال الحكيم]

معتصم العطبرواي كلماتك رائعة ومرحب بيك من جديد
ونرجو مواصلة الإبداع

[ناجي عثمان عبد الرازق]

مرخبا بالمبدع العطبراوي
كلمات جميلة ومعبرة ..... لك التحية وفي انتظار الجديد