تخيلو البنات يخطبو الاولاد (تخيلو معاي مجرد خيال )
يعني تتفاجأ في يوم
وانت قاعد تقرا كتاب رومانسي وأنواع الأحلام الورديه
و سرحان في فارسة احلامك على الحصان الابيض..
تجى امك داخلة عليك وهى جاية من قعدت الجبنة و تقول ليك: يا ولدي دايرة اكلمك في موضوع.
أنت ترد : خير ؟
تقول ليك : جارتنا سعدية دايراك لي بتها
وانت ماشالله كبرت و احلويت واي زولة بتتمناك.
اها رايك شنو ؟
تقوم تنزل انت راسك في الارض و تلعب باصابعك في شعرك (او شنبك
) و ترد و انت خجلان وجضومك محمرة الراي رايك والشور شورك يا امي.
تقول امك: انا بصراحة ما شايفة فيها شي. .
ماشالله عليها محترمة واهم شي شغالة و راتبها. . ممـــتاز و من عايلة محترمة
و كمان ما بتشرب. و لا بتدخن . يعني بنت ما عليها كلام .
شافتني وين ي أمي هي ؟؟
تقول امك:
هي شافتك و انت نازل من الرقشة
سألت عنك كمان وعرفت انك ما قعد تمرق مع اصحابك في النوادي وكده
و ما يتطلع الا مع ابوك.
و هي و امها جايين يوم الخميس عشان. يشوفوك..
تسال انت: طيب يا امي ابوي رايو شنو ؟
تقول امك: ابوك لسه ما كلمتو بعد يخلص من حلة البامية دي بكلمو طوالي
..وتطلع امك
و تنط انت قدام المراية وتاخذ نص لفة يمين ونص لفة شمال
تشوف جسمك وتمشط شعرك و شنبك بدلع
