مصطلحات سودانيه بسيطه جديده

[جراح]

1- مشغله لى : بمعنى ما تزهجنا / ياخ الزول دى كل يوم بشغله لى من الصباح
2- كبر كبر : امشى امشى بمعنى /كبر كبر من قدامنا ياخى
3- الطفى النور منو : اكتشاف شى/ الليله وريتنا الطفى النور منو
4- امورك وجر نورك : كيف حالك : / كيفك تمام امورك وجر نورك


اها ياشباب اى زول الاقى مصطلح جديد اجيبو لينا فى البوست دى عشان نعرف حاجه يعنى مانمشى ونلاقى روحنا مسطحين ..... تحياتى

[shaheene]

بعد تجي بالسلامة ما تبقى كسارة لي نسيبتك لو متزوج
كسارة معناها تقضي لي زول حاجه و تكون عايز منو حاجه و تستخدم ايضا عند القوالة
يقولوا الزول ده كسارة و الله دايرة درس عصر عديل

[shaheene]

تاني عندنا كلمة كوبي :
و دي معناها زول ما فيه كلام يعني زول كلس اسي الواحد لمن تقول ليه انت كوبي ينبسط لي اخر ضرس

[shaheene]

وريتنا السوك النملة منو دي زي وريتنا الطفى النور منو

ياخي سيبنا من حنك النمل الما بعضي دا يعني كلامك دا ني ما في محله

الى ما لا نهاية

[سعوديه روحها سودانيه]

مافهمت شي جذبني العنوان قلت اتعلم بعض المصطلحات
لقيتها صعبه مررررررررره بمعنى صعبه شديييييييييييد

ممكن اتعلم لو الكلام بسيط زي براي وقشره وعليك الله وغيرهم

[بكور]

ياخي سيبنا من حنك النمل الما بعضي دا يعني كلامك دا ني ما في محله

بقت سيبنا من حنك الفراشه الما بتطير

[بكور]

مافهمت شي جذبني العنوان قلت اتعلم بعض المصطلحات
لقيتها صعبه مررررررررره بمعنى صعبه شديييييييييييد

ممكن اتعلم لو الكلام بسيط زي براي وقشره وعليك الله وغيرهم

الموضوع ما خطير يا سعوديه ... شويه كده و بتلقى نفسك معانا بس ركزى فى اى بوست و فى الكلام و من غير ما تشعرى بتلقى نفسك سودانيه سعوديه

[shaheene]

بقت سيبنا من حنك الفراشه الما بتطير

دي جديدة يا بكور

[shaheene]

الموضوع ما خطير يا سعوديه ... شويه كده و بتلقى نفسك معانا بس ركزى فى اى بوست و فى الكلام و من غير ما تشعرى بتلقى نفسك سودانيه سعوديه

بت السعودية بتبقى تاني بت السوق

[سعوديه روحها سودانيه]

ماعليكم فهمت شي او مافهمت
انا معاكم
وراكم وراكم
ماراح اخليكم
هههههههههههههههههههههههههه

[shaheene]

ماعليكم فهمت شي او مافهمت
انا معاكم
وراكم وراكم
ماراح اخليكم
هههههههههههههههههههههههههه

انت براي ما عارفه معناها ماشه ورانا وين خليك في الاساسيات يا بت

[سعوديه روحها سودانيه]

لا شكلك فهمت غلط براي اعرفه زين
وكيفي بمشي وراكم
احب الصالحين ولست منهم لعلي ان انال بهم شفاعه
احبكم ههههههههه

[آيات التفاؤل]

بعد تجي بالسلامة ما تبقى كسارة لي نسيبتك لو متزوج
كسارة معناها تقضي لي زول حاجه و تكون عايز منو حاجه و تستخدم ايضا عند القوالة
يقولوا الزول ده كسارة و الله دايرة درس عصر عديل

دي مادخلت لي

[m2nooo]

انا دايرة اعرف معنى كلمة بيغادي شنو أنا بعرف انها لف لكن لف بي وين انا ماعارفة وهل هي نفس معنى كلمة بيجاي

[بت السرف]

انا دايرة اعرف معنى كلمة بيغادي شنو أنا بعرف انها لف لكن لف بي وين انا ماعارفة وهل هي نفس معنى كلمة بيجاي

بى غادى قاصد بها من الجهة التانية البعيدة زى الغرفة البى غادى ...
وبى جاى يعنى الجهة القريبة او جوارك (جنبك)....
زى لما اقول ليك تعالى اقعدى(اجلسى) جنبى بى جاى..

[بت السرف]

الزول دة حنكو سًنيييييييين...زى السكين ..

يعنى مابتقدر تجارى فى الكلام ...وبقنعك بحجته وكلامو... حتى لوفى كلامو كاذب.

[بت السرف]

كسير التلج ....

طبعا كلكم عارفنو......ههههههههههههه

مافى زول ما بكسر تلج ...

[بت السرف]

الزول دة بكاى ...

يعنى اى بنت سمحة بتعجبه ....

زى بكور زول بكاى شديد ...

[The Sniper]

كسير التلج ....

طبعا كلكم عارفنو......ههههههههههههه

مافى زول ما بكسر تلج ...

إلا انا

[بكور]

كسير التلج ....

طبعا كلكم عارفنو......ههههههههههههه

مافى زول ما بكسر تلج ...

إلا انا

و انا كمان