يا غالية

[يعقوب محمد عبد القادر]

ياغالية
ياهيف مطر الرشاش
يا نور حياتي
الشافك كلو عاش
حبي ليكِ من الاعماق
حب ماداير نقاش
هيفك جاني من بعيد
بارد زي الدعاش
*****
يا الساكنة
فوق القصور
مافي الأحراش
في قصور عالية
مسورة بالاحواش
يا الزي السكر
الناعم مادراش
تاني مافي غيرك
يا أنتي يا بلاش
*****
ياغالية
ياهيف المطر
يا أحساسي
يا جميلة ياحلوة
يا بنت الناسي
يا الشقلتي بالي
قلبي حواسي
ونسيتيني عقلي
وظنيت عقلي
مافي راسي
صوتك من بعيد
جاني طالع
زي صوت النحاسي
الخطة معروفة
زي لعب الكراسي
*****
يا غالية
ياهيف مطر الخريف
لونك فاتح جميل لطيف
انتي اسكولك عالي
كلامك كمان ظريف
حافظ شكلك من صغيرة
وصورتك موجودة
في الأرشيف