قررت اتزوج واحدة بتشتغل
وانا اقعد في البيت
***
ما بكلفها في الزواج ،
البتقدر عليهو تعملوا ،
والشكل العايزاني اظهر بيهو في المجتمع تصمموا وانا بنفذ
***
من الصباح اجهز ليها الفطور
واوديها لمحل شغلها
واشيل منها مصروف البيت عشان اجيب الحاجات الناقصة
***
لازم ارجع البيت عشان اجهز الغدا طبعا
واقوم بالنظافة اليومية
***
بس يا ريت تعمل لي اشتراك انترنت سنوي
عشان اكسر الملل في البيت
ودا ما معناهو اني ح اهمل الاطفال واقعد
طول اليوم على النت
اكيد ح اراجع ليهم دروسهم واعمل على تربيتهم
عن قرب ،، لازم يسمعوا كلام ماما ومايدوشوها
الله يعينها ،،، طول اليوم في الشغل تعبانة عشانا ،،
****
وامشي اجيبها من الشغل ،
ولما نصل البيت اسالها : أخت ليك الغدا هسا؟
***
اكيد بعد الغدا ،،، بتكون عايزة تنوم ترتاح من مشقة العمل
***
في الوكت دا انا بكون مع الاولاد لو صاحين
ولو نايمين بكون بحضر في مسلسل تركي
***
ولازم افقد الحمام لما تصحى ما تلقى فيهو فوضى الشفع
***
واجهز مراسيم شاي المغرب ،،،
ونشرب الشاي ،،،
***
لو عندي طلعة بستأذنها اول ،،،
وليها الحق تسمح لي أو لا ،،،
***
تاني الفضل شنو ؟ عشان ابقى زوج صالح ، مطيع
****
رايكم شنو في الوضع دا ؟
