من التاريخ البعيد اتيت بين ان اكون
فارسا يهز سكون الصمت
بحوافر السنابك
الصهيل البوارق
السيوف
اتيت اشعل خيار
تاريخ الزمان والمكان
مضرج بالدماء الزكية
وعنفوان خيلى تمطرنى
بالغبار والصليل
قد عدت من بين ايام روعتك
الحداء والنوق تستفز
الرمال تستفز الماء والبيد
تقتلك عنوة سيدى لكنه
ما بيدك ولا يدى
اشعلت تاريخ البجاة
جلهم من شيخنا والى سيدنا
العثمان --------------------
سيفهم بتار وعشقهم مزدان
يا سيدى اين سيفك
وقد خباته فى ثوبك الابيض
الفاقع وقد عودتنى ان القاك
بين الجبال فارس الليل
يا سيدى مالك لا تجاوبنى
من الساحل الى قلب
مدينتى الى ضياء حبيبتى انوار
الارصفة الملوحة الديوم
والارض المبلولة بالرزاز
حكايتى احفظها عن ظهر قلب
قال ابى يا ولدى مالك مشيت للبندر
وسبتا غنا الساحل
وليه رحتا وكنتا تغنى غنا الفنار
لما ياسوك
وليه شربت ملح عمرك
وجيت تانى تغنى غنى الموانئ
مالك جنيت
قلت يا بابا غلطت غلطة عمر وندمت
ندم زمنى وبكيت جد --
قرب شاهدك ويممت بلاك
بى زورقى ومشيت وقلت ليك يوم لو القاك
وبقت قصتى ترواح الايام
مرة قالت سلمى ----------
ياولد مالك فتحت فى قلبى الحنين
ومالك قسيت فى روعتك
وقلت ليها يا سلمى
الحنين والمكان والمطر
فى قلبك رايتهما
وانتى فى زروة الشجون
تقولى تعال ضم عينك لساحل القلب
وضم فنار صحوك على خاطر الايام
قلت يا بت ينعل -------------------------
بكيتى وحاولت ان امسح دموعك
لكن منديلك وانشوطة الجيد قلعتها منك لكى امسح دمعك
بت سيدنا ترمقنا خلسة تضخك وقد ظنت شيئا ---
جرت قلت لها يا بت تعال ادينى موية
قالت موية ملح بس فى ------
سلمى تقول --
ما القاك وما الاقيك بس امرق من البيت
كنت افكر فى بيتنا الخشبى
ديم مدينة
ديم جابر
سلبونا هدل
العظمة اين هو
لا اتذكر
اتصلت بى امى
قلت لها امى وين بيتنا
هى الاخرى ضحكت ثم بكت كثيرا
يا ولدى شنو الذكرك لى الكلام دة
انا ما بعرف والله هسع الدنيا مغارب
امشى شوف ليك شغلة
وسلمى تبكى والنار تشتعل فينا
اسال سيدى ولا اسال زولا غيره
ود ناس رقية ولد شكال تب البنية جات ماشة جمبو قرصة
ضحكت وسلمى تضحك بعد البكاء عليك الله شوف الولد دة تقول معجون بموية عفاريت
لعنة اله عليك
خالتى رقية جات مالكم فى شنو سلمى مالك
يا خالة مافى شى
---------------
قلت دحين الضحكة دة مرقت منك حزنا مالح
اقيفى دقيقة
اديكي موية
ثم انى افقت الان بين الاجهزة والفارة
اتلفت ولا ارى سوى الظلام فى الخارج والمطر والهواء البارد يلفحنى -----------------
2012-2-7
رياض
الحنين والمكان والمطر