المشرف: بانه
هاجر يوسف حسين كتب:آه يا زمن الرَّكْشَه...
زمن الفوضى العَمْيَا و طَرْشَا
و زمن الوَهَم العَسْكَرْ فى البلد الغَشَّه
بلاد الناس الغَبْشَا..
الناس الجاريه الدَّاقشه
شن لاحقين؟ الشُّغُل العاطل وَلَّا الأمل الطَّشَّ؟َ
و لَّا سراب المليونات و رهاب العربيات الرَّقشه؟
الموهومين الما شايفين هم وين فى الهَرَم الكَشَّ
الكوم الفوق اتركَّزْ و حَشَّ
و هُمْ أكوام أُمْ فِتْفِتْ وعَفْشَه
ماكلين ألغام و كلام يِنْدَشَّ
امال الناس كتب:دي الركشة النتشة
الشالت عبير
وخلت عشة
هاجر يوسف حسين كتب:
زمن "البيت السورى" و "مصرى"
مَالا "بيوت السودان" اتمسخت قِبْلى و بحرى..عَمَاره و عُشَّه؟
خلينا "الكِسره" بناكل "بيتزا" و "كُشرى" و "طَقْشَه"
وين "الشرموط" و "الوَيْكَه" .. و وين "الكَرْشه"؟
آه يا زمن الركشه
و زمن "الدُّكَّان" الأصبح "سنتر"
و بقى "للعنوان" إسماً أشتر
و اليافطات بالصِّينى و باللاتينى
فى بلداً ما فكَّ حروف العربى الطَّرْشَا
"عَوْلَمَه" دى؟ أم عالَم خلوهو قُعاد على هَبْشه؟
آه يا زمن الركشه..
و زمن العِرِس "العُرفى"
و عِرْس "المتعه"
و زمن الشِّقَق الفَرْشَه
و ألف لقيط فى الشهر الواحد
و ألف فضيحه و كَشَّه
آه يا زمن الركشه
مغشوشين جامْعَات أوهام
قارِيْن الطب فى خلوة شيخ
لا معمل لا تشريح
لا مرجع لا تدريب لا دَوْشه
و بكره الواحد دكتور و عياده و نَفْشَه
و أمسك أقطع كبده و كرشه
و فى زمن الركشه
لا شايلين هَمْ لى بلد إتفرتق
لا شايفين بترول بتدفق
لا حاسِّين بالنار بِتْبُق
لا هم ضايقين التَّشه
مشغولين "رَكْشَات" و "التِيشَيْرْتات" و "الدِيجِيْتالات"
و مَلْهِيين "برصيد" و "شرايح" و "موبايلات" و "المِسْكولات"
و "بالتشكسات" و "الكافيتيريات" و "المُنْتجَعَات"
و "النِسْكَافَيْه" و "النَتْ كَافَيْه"
و "مسلسلات" و "باشا" و "بيه"
و مكتولات و مكتولين
omar babikir كتب:هذا الشاعر المبدع لم يترك شيئا من معاناتنا الا وصوره
فعلا شر البلية ما يضحك ...
شكرا فالقصيدة اكتر من رائعة
غربة و شجن كتب:القصيدة لامست كل جراحنا ,,,,, لنأمل في غد افضل ان شاء الله ,,,, احييك بحرارة يا هاجر
