كيف ارجع البريد الالكترونى بتاعى

[رءوف]

كل حاجة فى الدنيا الزفت دى عرفناها غربة عن امك وابوك جربناها شوقك ولهفتك عشان تمسك بنت اختك ولا ولد اخوك وتقعد تضحك معاهو جربناها ولى حدى هسى فاقدين دة ... تقعد يوم العيد فى مكة ولا ابها مع العمال ولا تدخل جوووووووة الغرفة وتقعد تبكى زى الولايا برضو مرينا بالتجارب دى ..تدخل غرفتك تفتح الباب يعتر ليك كوز ولا حلة فاضية ليها اسبوع ما اتغسلت وتمد كراعك عشان تزح الحلة من الباب عشان انت جاى من الشغل تعبان وداير تدخل الغرفة وترتاح ... برضو الحاجات دى حاصلة تفتح التلاجة تلقى مافى ولا اى شى تاكله ومن التعب تتحايل على الجوع بشرب الموية وتنوم برضو الحاجات دى حاصلة . لحدى الان ماتعرس طبعا دة شى اعتيادى كتيرين المامتزوجين ودكبوشية الفرح المهاجر سارى هندسة الرحومابى كيبتاون . عمار ود الشرفة .. ابو لفتة ... ووووووو كتيرين مابراى انا الماتزوجت ... والبنات حدث ولا حرج عيييييييييييييييييييييييك ولا عوووووووووووووووك زى ما قالت ريتان ما بعرفو .. ملاك . نهر المحبة . قمر الليالى .. نارى عسل .. بحلم ... احاسيس ..الماسة .. الثلج الدافى ... ووووو والله لو داير احسبهم اقعد لى بكرة ..دة كلو حاصل ياجماعة .. تمرض وتجيك اصوات ما عارف من وين تقول الحمد لله الجاتك فى اضنينك سامحتك
الشى الانا ما كنت متوقعه انو البريد الالكترونى بتاعى يتسرق ...
دخلت البوم كالعادة عشان افتح ايميلى كان القى ليك عبارة ( حسابك محظور ) لقد تم اختراق بريدك ويبدو ان شخصا ما حاول العبث ببريدك الالكترونى .. ههههه وعشان نرجع ليك البريد الالكترونى بتاعك اتبع الخطوات التالية وهاك يا اسئلة عمرك كم . اسمك منو . ادينا بريد جديد عشان نتواصل معاك فيهو .. رقم جوالك كم .. اين انت الان .. ما هى جنسيتك ... اسم امك منو .. واخر شى قال لى عاوزين اخر 4 ارقام من بطاقتك الائتمانية ... يكون دة شنو يا جماعة
وهل ممكن ارجع البريد بتاعى باى طريقة

[بلسم حياتى]

روءف حننتى والله حالتك صعبة

شكلو في هكرز اخترقوا ايميلك والله اعلم

لكن لو عرفت ورينى انا ايميلى ماداير يفتح عديل كدا

[ابو تسنيم]

رءوووف يا حبيبنا


باختصاااااااااااااار


فرمت الجهاز

وحاول ضيف الناس من جديد

وشويه شويه بتلقا ناسك رجعو

بس
لكن لا جوالك ولا بطاقتك الائتمانيه

زول مجرم
ح تلقا منو شنو انفعك

[ود الخير]

اوريك حاجه افتح بلاغ وجيبنى انا شاهد
وبس
الجاتك فى ايميلك سامحتك
عين وصابتك يا ولدى

[أبو صديق]

العرس العرس العرس
آآآآآآآآآآآآآآي سمح العرس
انت عارف يا رءوف اخوي لو كان ( لاحظ لو كان )
( وإنّ لو تفتح عمل الشيطان ) لو كان عرست من زمااااااان
ده كلو ماكان حصل ليك ، لكن نعمل شنو مع العوارض والعوانس
المهم انت كوّيس والحمدلله وصحتك بالدنيا..
وماتشاور العذابه ولا المتزوجين
وابقي طمنا عليك

[رءوف]

روءف حننتى والله حالتك صعبة

شكلو في هكرز اخترقوا ايميلك والله اعلم

لكن لو عرفت ورينى انا ايميلى ماداير يفتح عديل كدا

بالجد حاجة تغيظ الواحد
بس عاوز اعرف بيستفيد شنو من البريد بتاعى
بس اكثر شى انا خايف منه يقوم يرسل لاصحابى واخوانى واخواتى حاجات مش كويسة باسمى

[رءوف]

رءوووف يا حبيبنا


باختصاااااااااااااار


فرمت الجهاز

وحاول ضيف الناس من جديد

وشويه شويه بتلقا ناسك رجعو

بس
لكن لا جوالك ولا بطاقتك الائتمانيه

زول مجرم
ح تلقا منو شنو انفعك

شكرا ليك
بس لو فرمت الجهاز اعتقد ح يتقطع العشم ومعناتا انسى الايميل خالص
انا فقط بحاول ارجع اصحابى فى الايميل بس مش عارف القاهم تانى كيف عشان اقول ليهم الايميل اتلحس

[رءوف]

اوريك حاجه افتح بلاغ وجيبنى انا شاهد
وبس
الجاتك فى ايميلك سامحتك
عين وصابتك يا ولدى

هندسة بصراحة فى طريقة حتى ولو ارجع بيها الناس المضافين عندى

[رءوف]

العرس العرس العرس
آآآآآآآآآآآآآآي سمح العرس
انت عارف يا رءوف اخوي لو كان ( لاحظ لو كان )
( وإنّ لو تفتح عمل الشيطان ) لو كان عرست من زمااااااان
ده كلو ماكان حصل ليك ، لكن نعمل شنو مع العوارض والعوانس
المهم انت كوّيس والحمدلله وصحتك بالدنيا..
وماتشاور العذابه ولا المتزوجين
وابقي طمنا عليك

ابو الصديق العسل
قلت لى لو كان
والله جنس عوارض ربنا يكفينا شرها بس

[اميرالحسن]

يا رءوف الموضوع بسيط وشايل هموم الدنيا مالك
[mklb1]مالك مجافى الناس وعايش براك فى غربة.[/mklb1]..وكمان جابت ليها قفل ايميلات..
احسن حاجه تمشى تفتح بلاغ وتطلع شهادة بدل فاقد..وبعد داك نشوف البحصل شنو

[شفت مكحل بي زفت]

عاوزين اخر 4 ارقام من بطاقتك الائتمانية

اذا عطيتهم تكون انيق
انا ميلي مقلف من 2010 وفحتو بعد دا كلو