** وليكن شعارنا : لمة حريمى للعسولات .. نحن بنات وحريم مش ماسورات

[الماسة الخماسية]

لمة البنات لايمكن تتفات

سلامات يا شابات ياحلوات

الموضوع : لمة حريمى يا صديقات

للصغيرات .. للشابات .. للمتزوجات .. للأمهات ..

لكل الفئات

بث

حصريا" للبنات

وقلنا مرة تانية نعمل لمة الشباب والشابات

فى المرات الجايات

لأنو دى كانت من بدرى من المقررات

و

الصراحة النية موجودة من شهر مايو الفات


بس حصلت ظروف

وإعتذار مغلف بأروع حروف

للغالية " وكل من زارنا من ولوف"

كنا نتمنى تكون أيامكم المعانا

والله دى أمنية من صميم الجوف

بس حصلت ظروف

أها قلنا نعملها بإذن الله قبل عيد الخروف



وزى مابقول المثل كل تأخيرة وفيها خيره

فالخير حصل بوصول محسية العسل

و حتكون ضيفة الشرف والإحتفالات

وعندنا المفاجآت متتاليات

مثلا أول مفاجاة ح تكون من نصيب:

الحلوة سيدة الكرم الفياض : حبيبة قلبى أحاسيس سكر نبات

الزولة دى عثل بشكل .. وقمة فى الكرم والذوق واللطافات

وطبعا شيالة التقيلة ولما فكرنا نعمل اللمة كانت من أوائل المشجعات

عشان كده قررت إنها تكون : " ضيفة شرف " ومعاها تانيات

وحيكون فى تكريمات

وإحتفال بى عروسات

وهدايا للعضوات النشيطات

وإحتفاء بالعضوات اللذيذات

والمكان مفاجأة والزمان مفاجأة وحتى التقديمات

كلو مفاجآت

فى مفاجآت

يعنى المفاجآت ذاتها فيها مفاجآت

والمفاجأة الكبرى الحضور حيكون فل الفل لأروع وردات

وحيكون فى ( خمسة ) بث شباب للمعلوميات

وأسماءهم مفاجأة .. وسبب تواجدهم فى لمة البنات مفاجأة ضمن المفجآت

إنتظرونا : نحن البنات ألطف الكائنات

ممنوع الغيابات غير مسموح بها نهائيا" يا رائعات

وليكن شعارنا : لمة حريمى للعسولات نحن بنات وحريم مش ماسورات

يلا الخايفة ماتقدر تجى تكلمنى ع الخاص أو الشات

عشان نشوف أسبابها ونحل العوائق والمشكلات

ومن الآن عشان ما تفوت عليها المفاجآت

هيا هيا هيا

هيا بنا .. نبدأ الإستعدادات

اليوم : مبدئيا : خميس 29/9 أو 6/10 عشان الهيصات والجمعة راحات

رجاء صغير : المطلوب فقط من أعمدة الرحلة إحضار سيرمسات

فقط أربعة أو خمسة سيرمس ملىء بماء مغلى لاغير ياحلوات

والعضوات هن : ..ح..س..ب..ا..ل..إ..م..ك..ا..ن..ي..ا..ت.. وتسلمن يا الراقيات


هيا هيا هيا

هيا بنا .. نبدأ الإستعدادات


ممنوع الغيابات غير مسموح بها نهائيا" يا رائعات


وليكن شعارنا : لمة حريمى للعسولات نحن بنات وحريم مش ماسورات

[الأميرالحب]

الماسه الخماسيه :
انشاء الله تكون لمة خير
ما تكون ماسوره من مواسيركم الطالعات فيها موضه دي
ومن علي البعد مش بعدو قلوبنا معاكم
بث ركزتي علي المواسير ليه كده بث
ويارب يتلمو كل المواسيرات اقصد الغاليات
وتكون لمة تفرح اعضاء انا سوداني
ومن هنا قلوبنا معاكم
بصراحه انا مشترك في كم منتدي سوداني
وكل نهاية شهر بنعمل لمه برنامج وكده
الا انا سوداني ما عارف ليه
بث المواسير كتيره عشان كده
الماسه دائمآ سباقه لي لمل الشمل
كوني بود ( المعــــــذب )

[ابولفته]

لمه خير ان شاء الله يا الحلوات ويا بنات الذاوات يا مرطبات يا فنانات والخير منكن آت

[ريانه إمام]

بعد كلامك ده كلّو لو ما جوكي كلهم ..
مفروض تجي تفجري فيهم حزام ناسف كُلهم
قاعديــــن في الحزب بتاعهم هناك ينقنقوا اليوم كلو

..

[بعد الزمن]

بعد كلامك ده كلّو لو ما جوكي كلهم ..
مفروض تجي تفجري فيهم حزام ناسف كُلهم
قاعديــــن في الحزب بتاعهم هناك ينقنقوا اليوم كلو

..

ريانة ما عاوزين ليكم انتحاري (يجاهد في المواسير ديل)

برمه :
ماسة خماسية (قبيشة الماظ)
الخمسة شباب ديل ح تلبسيهم طرحة ولا شنو .......؟؟؟؟؟؟ هههههههههه

برمه :
مع الاعتذار ليهم

[بعد الزمن]

لمه خير ان شاء الله يا الحلوات ويا بنات الذاوات يا مرطبات يا فنانات والخير منكن آت

برضو ما ح تكون ضمن (المعازيم ) ههههههههههههههههههههههههه

[dream-lady]

ماستنا الجميلة اكيد حضور وتأييد ...

هو احنا لينا غير بعضينا

معا ....الفرد للجماعة والجماعة للفرد

[نهر المحبه]

جمعه مباركه عليكم حبايبي العسولات
الماسه فكره رهيبه
لمه في الحرم ان شاء الله
ونتمنى انه مايكون في مواسير ياالشابات
لانه في المره الفات
ركبت ماسوره كبيره منكم
نتمنى انها ماتنعاد
ولو اتاكد الميعاد...
بكون معاكم...يا احلى شابات

[الماسة الخماسية]

الماسه الخماسيه :
انشاء الله تكون لمة خير

** اللّهم آمين تسلم و شكرا يا أمين ..

ما تكون ماسوره من مواسيركم الطالعات فيها موضه دي

** لالا لا لا أولا" نحنا ماعندنا مواسير سيخ بث

تانيا" : اللمة عاملاها على حسابى الخاص للغاليات

كلهن ضيفات عزيزات وأأكد ليك جايات

ومن علي البعد مش بعدو قلوبنا معاكم

** تسلم قلوبكم ويسلم بعدكم (عشان تنجــــ ـــح اللّمة) ويسلم (بعدو) برضو

بث ركزتي علي المواسير ليه كده بث

** ماركزتّ ياخ ماقلت ليك مابتعرفنى كويس ده مجرد ( لفت نظر)

ويارب يتلمو كل الغاليات
وتكون لمة تفرح اعضاء انا سوداني
ومن هنا قلوبنا معاكم

** شكرا" شكرا" شكرا"

بصراحه انا مشترك في كم منتدي سوداني
وكل نهاية شهر بنعمل لمه برنامج وكده
الا انا سوداني ما عارف ليه
بث المواسير كتيره عشان كده

** السؤال والإجابة منك ذى العثل

الماسه دائمآ سباقه لي لمل الشمل

** تتلمّ يايابا على عروسة حلوة تسعدك وتريح بالك قريب قولوا آمين

المابقول إنشاء الله يبور

كوني بود ( المعــــــذب )

** ودمت لنا أخا" عزيزا"

[الماسة الخماسية]

لمه خير ان شاء الله يا الحلوات ويا بنات الذاوات يا مرطبات يا فنانات والخير منكن آت

** تسلم على لفتــــــــــــ ــــتت ك الجميلة دى ..

** اللّهم آمين .. جزاك الله عننا خير الجزاء ( شامة لى ريحة عضو قديييييي يييييييييييم )

** وخليك قريب .. ورسلّ لى رقمك ع الخاص


** يمكن نزيد الخمسة

[الماسة الخماسية]

بعد كلامك ده كلّو لو ما جوكي كلهم ..
مفروض تجي تفجري فيهم حزام ناسف كُلهم
قاعديــــن في الحزب بتاعهم هناك ينقنقوا اليوم كلو

..

**يا صباح الآيسكريم

** يا بتىّ " لو" تفتح عمل الشيطان

** إذا ما نجحت الرحلة دى ح أغير إسمى من الماسة للماسورة

** الإجتماعات دى للمصلحة العامة مامشكلة


** والأحزمة دى خليها ل و و و و

[الماسة الخماسية]

ريانة ما عاوزين ليكم انتحاري (يجاهد في المواسير ديل)

** ح ننسفك بعدين قصدى كان إحتجنا ليك بنستدعيك خليك جاهز بالله

برمه :

ماسة خماسية (قبيشة الماظ)
الخمسة شباب ديل ح تلبسيهم طرحة ولا شنو .......؟؟؟؟؟؟ هههههشنو d: :ههههه

** ليه هى رحلة بريةّ نيلية ولا إجتماع نساء أنصار سنة

برمه :
مع الاعتذار ليهم

** ماف داعى للإعتذار هم اصلهم ما ح يزعلوا منـــ ــك إنتا بالذات

برضو ما ح تكون ضمن (المعازيم ) ههههههههههههههههههههههههه

** منو القال ليك إحتماااال كل شىء جائز مش كلها مفاجأءت

[الماسة الخماسية]

ماستنا الجميلة اكيد حضور وتأييد ...

هو احنا لينا غير بعضينا

معا ....الفرد للجماعة والجماعة للفرد

** تسلميلىّ دريمووو العسللىّ

** طبعا" طبعا" ما لينا غير بع جينا

** يلا حاولى تنسقىّ معاى

** فمواعيد إجتماعات الإتحاد

** يجب أن لا تتضارب مع تجهيزات ومواعيد الرحلة

[الماسة الخماسية]

جمعه مباركه عليكم حبايبي العسولات
الماسه فكره رهيبه
لمه في الحرم ان شاء الله
ونتمنى انه مايكون في مواسير ياالشابات
لانه في المره الفات
ركبت ماسوره كبيره منكم
نتمنى انها ماتنعاد
ولو اتاكد الميعاد...
بكون معاكم...يا احلى شابات

** وتتبارك عليك جميع ايامك يا الغالية

** والله زعلتنى اللمة الفاتت و عدم لقاءنا ل ذلك فكرت فى لمّ الشمل ف ى أسرع فرصة

** أكيد ماف أىّ إخلاف للمواعيد بإذن الله لأنىّ ح أراعى ظروف جميع العضوات

** لأن حضوركن يهمنىّ جدا" جدا" جدا" يا غاليات ..

** رسلىّ لى رقمك ع الخاص دمتى لينا يالراقية ست الجيل ويا أعذب نهر

[الماسة الخماسية]

** طبعا من باب : " أقضوا حوائجكم بالكتمان "

** ح نخلى معظم الحاجات مفاجآت ..

** لكن من باب الإثارة والتشويق ح نعلن عنها بالتدريج

** بث حسب الترتيب المناسب وحاليا" أحب أطمئن جميع الأخوات العزيزات :

أن المكان فى منطقة " وسط " يعنى ماتشيلو همّ
يا ناس بحرى والخرطوم وأمدرمان حيكون الموقع perfect بالنسبة للجميع ..

ويتمتع بالخصوصية والروعة ..

** وكل شىء فى وقتو " أحلى "

[بت السرف]

[align=center]غاليتى ...
بأذن الله تتم اللمة ...
ولو احتجتى اى شئ رقمى عندك اتصلى على طول ..
وانشاءالله تكون لمة ولا اروع ...كيتا للمواسير [/align][/i][/size]

[الماسة الخماسية]

** تسلمى غاليتى : سروووفة

** ألف لا بأس عليك .. أجر وعافية ياسكرة ..

** ربنا ما يحرمنا منك ولا من ذوقك العالى ..

** حقيقة إنتى إنسانة مميزة وراقية ..

** دامت المحبة بيننا *آمين .

[صوفيا لورين]

ان شاء الله اللمه تتم وتكون احلى م يكون

[رءوف]

الماسة ممكن اشارك معاكم

[الماسة الخماسية]

ان شاء الله اللمه تتم وتكون احلى م يكون

** غاليتى : صوفيا

** آمين يارب العالمين ..

** حتكون بحضورك مع المنورين ..

** تسلمى يارب ودمتى بخير.