قصيده روعه

[عراقيه عسل]

هذه الشعر اهدااااء خاص
الى الخت والصديقه الغاليه ( لمسة حنان)
مع حبي وتقديري

******************************************
لاموني اعلى ضيمي المادروا بالضيم

واني الخاطرك ماانطي بسرارك

وحسدوني عليك واني كلي اجروح

ومتحمل لعينك وجع بسمارك

لوبالخافي يدري اليعتب اعلى الروح

جان ابعينه شاف ابكلبي اثارك

تحملتك جرح والون اون بسكوت

وفوك الجرح هسه اتطالب ابثارك

هاك الروح بيدك وانته حر شتريد

سوي الي تحسه يطفي الك نارك

معذور اني اعذرك لأن كَلبي وياك

خطوه ابخطوه يمشي ويعرف اخبارك

خطار انه روحي واجت يمك ضيف

وماضن شيمتك تغدر ابخطارك

تعرفني انته زين واكثر من الناس

احط روحي سعف بس احمي جمارك

سوي الي تريده اشظل بعد بالروح

مو روحي رهينه وباقيه ابدارك

تزعلني احبك وانتشي بطرواك

وروحي اتذوب لهفه امنسمع اشعارك

ياكلشي انته عندي وكلشي انته وياي

عاين عله اجروحي ويكفي اعذارك

موتدري الوصيه اتلوح سابع جار

ياجيران كلبي اشبيك وي جارك

[لمسة جمال]

تسلمي ياغاليه
ابيات جميلة وصاحبتها اجمل
الله لايحرمني منك
ودوووم تكوني ويانا
ولك خالص حبي وتقديري