السفاره السودانيه ______ غايتو لا تعليق

[السودانى الاصيل]

السودان بلدنا ___ ومسمين نفسنا عليهو (السودانى الاصيل)
لكن الحصل لينا من اهلنا السودانيين والله اكره السودان ودى حقيقه
يعنى لو حكيت ليكم قصتى مع الشهاده السودانيه تقولوا لى اطلب اللجوء السياسى فى الصومال


هسى
مشيت طلعت قدمت طلب للكفيل جزاهو الله خير بكل بساطه وافق ووثق الورق من الغرفه التجاريه
والقسيمه والشهاده الجامعيه وثقتها

قالوا عايزين جواز لتسنيم انا اصريت تتولد فى السودان عشان بحب السودان بلدى
لكن ما عارف برفضوا اطلعوا ليها الجنسيه ؟؟؟

قالوا الشويفعه لازم اطلعوا ليها جواز وبالتالى جنسيه
مشت امها مع اخوها للجنسيات قالوا ليها لاااااااازم تجيبى موافقه من ابوها عشان نطلع الجنسيه !!!

طيب ليه ؟؟ هى سودانيه ولا كذب؟؟؟ لو ابوها قال تايوانيه برضو سودانيه
قالوا خلاص جيبوا عمها

اليوم كوولوا مزمل جارى فى الااخر قالوا ليهو جنسيتك دى تالفه ؟؟ طيب هو اخوى ولا لا
قريت الاسم ولا ما قريتو ؟؟؟

رجعوهو وبرضو دايرين موافقه من الابو

اها مشغوول الشغل ما بتحمل اغيب ساعه
المدير الهنا مصرى قال لى فى مكتب بقوم بالاعمال مع السفارات
بس قلت اتحلت
مشيت ليهم
قالوا لى والله نحن كل سفارت الدنيا بنتعامل معاها الا السفاره السودانيه ؟؟
قربت اديهو كف
ليه السودانيين مالم ؟؟؟
قال لى هم ما بتعاملوا الا مع معقب سودانى !!!!! ما مننا نحن
امش مكتب ابو سرهد احتمال

مشيت والله كذا مكتب نفس الكلام
السفاره السودانيه بعقدوا الشغل وما بنقدر نساعدك بى شئ
اى جنسيه تانيه ممكن

ومن الوقت داك محتار
وممغووووص من اوول شئ الجنسيه دى علاقتا شنو بالوالد وموافقتو ؟؟
وليه تعقدوا الامور وتسببوا متاعب للمغتربين؟؟؟
وليه تلفونكم فيهو انقليزى فى الاول ؟؟؟


خاتى يدى فى خدى ومنتظر
القا طريقه امشى جده
وداير لى واحد من ناس جده استفسر منو ساى
الشغلانه دى بتتعمل عندكم ولا لازم الرياض ؟؟؟

المصرى الانا طلعت ورقى قبلو هسى بى اولادو هنا من بدرى
انا لسه ولاااااا قريب
والله استر من الجاى

[ود النصر]

[align=center]سلام يا روعة

والله في حاجات تغيظ فعلا يا الاصيل

مع انو السفارة بيعملوها عشان تهتم بالسودانيين

في الخارج بس حقيقة تحس انو بعض السفارات

تفتقد لي معرفة اهم واجباتها تجاه المواطن!!!!!!

غايتو الله يعين.[/align][/size]

[jasmina]

السوداني صباحو

مصيبتك بسيطه في نكته احلى حصلت معاي ....اخوي عمل 18 سنه وعايز يطلع جواز

مشى مع خالي للسفاره عشان بابا مسافر قالو ليه لازم الاب او زول من جهة الاب

طيب الاب مسافر وزول من جهتة مافي في الرياض الا في جده او حفر الباطن والاخ الكبير

مسافر بيدرس بره الممكله والولد لازم يدخل امتحان شهاده سعوديه فلازم يفصل اقامتو ..

وبعد ملايقه طويله قال لخالي خلاص جيب اختو الكبيره !!! يلا صحوني تاني يوم من بدري

واستاذنت من الشغل ومشيت السفاره لما دخلنا عنو واخوي قال ليه اها جبنا اختي قال ليه

لا لازم راجل قال ليه انت قلت جيب اختك وذكرو بالمحادثه الحصلت حك راسو كداا

وقال انا قلت كدا !!! طيب خلاص وسالني كم سؤال تعسفي عن عائلتنا ومنطقتنا وبطون وفخوذ

قبيلنتا وقبيله امي ( افتكرني حنكوشه وحتمقلب في الاساله ) والاساله دي صحيح ضروريه

بس انا لما طلعت جوازي ماسالو بابا قدر ده ؟؟ المهم وجاوبتو بكل ثقه وطلعنا من عندو

منتصرين هههههههه

الاختصار ياالسوداني الناس ديل بتاعين مزاجات ..والواحد فيهم ماسك سلطه... انسى التساهل

وخليك خاتي بالك انو دايما حيتعسف ليك ...عشان بس هو عندو الصلاحيه

[بعد الزمن]

[align=center]والله ديل يوم كده يلم فيهم واحد قافله معاهو ومافارقه معاهو بسكين هههههههههههههههه

ماعارف المماطلة والشعتفه ليه ..............؟؟؟؟؟؟؟؟؟

صح في قانون بس يتعاملو بروح القانون وليس بحذافر القانون في ظروف زي كده انسانية[/align][/size]

[omar babikir]

داير احكي ليك يا الاصيل موقف حصل في السعودية للمقارنة
من يومين رخصتى بتاعت السواقة انتهت قلت اجددها
دفعت الرسوم بالصراف ومشيت المرور طوالي ادوني ورقة قالو لى اعمل فحص
نظر... مشيت اقرب مستوصف في دقايق ادوني النتيجة رجعت سريعا المرور قدمت ورقي
قالو لي تعال بعد ساعة ....جيت بعد ساعة ادوني رخصتي وكمان فيها صورتي
بدون ما اتصور كل الكلام دا تم في ساعتين تقريبا
نرجع لي موضوعك
لو سالت ناس الحكومة ليه بتعملو كده في المواطن ؟؟؟ بقولوا ليك ببرود
واعصاب هادية دي البيروقراطية او الروتين او استكمال اجراءات ...الخ الخ
اها المواطن عندو اجابة تانية ووصف ادق:
باختصار حا يقول ليك راحة المواطن هي اخر شئ تفكر فيه الحكومة
هسا لو كانت بتك دي سادومبا او الحضري مثلا كان ادوها الجنسية في دقايق

[ابن عوف]

الاخ ابو تسنيم

لو عندك معرفة قوية فى السفارة ولا السودان بتقضى حاجاتك وانت نايم

انا بنتى طفتها فى جواز امها من غير خطاب ولا موافقة ولا غيرو بس الواسطة

اما لازم موافقة من الوالد دا لانه مرة واحدة مطلقة وعندها طفل مشت ضافت ولدها فى جوازها وسافرت والاب ما قدر يشوف ولده عشان كدا متشددين فى الحتة
اما السفارة فهى عامل تحصيل اموال بس ما منها اى فايدة
دمتم بود

والله يعينك بس

[أبو صديق]

صباح الخير يا الأصيل أخوي
ونسأل الله أن يفك محنتك ،، لكن حرّم لو كانت المشكلة دي هنا كان حليناها ليك بي مس كول
بس،، والكلام ده ليس تعجيزي أو لنفوذ وإنّما يتوقف علي طبيعة الموظفين التي جبلت علي التحجر والتشدد امام ما يسمي بالقانون والتكشّر في وجوه الناس والعبوس...
ومثال قبل كم شهر مشيت القنصلية بدبي لختم طبق الأصل لجوازتنا أنا والعيال وأمهم وقابلت
...... سكرتير ثاني في القنصلية وقال لي لازم تحضر الجوازات الأصلية عشان أختم ليك طبق الأصل
وضحكت بالفم المليان وقلت ليهو بالله إنت جادي ولأ بتهظر قال لي جادي ولو سمحت قوم عشان في مراجعين غيرك ما تضيع وقتي !!! قلت ليهو مش مفروض تقنعني الأول وبعدين تشوف المراجعين التانيين ولأ عايز تخارجم وتتفرغ لمشاغلك الخاصة ( نت - في بوك - إيملات - منتديات )
أي كان ــــ بالله يا جماعة الساعة الزول ده الوقف فيها وضرب التربيزة تقول إكتلني عديييييل
وأنا لا أحرك ساكناً وأمرني بصوت مسموع للكل صارخا يا زول قوم من عندي ماتعطلنا.
وبنفس صوتو وأعلي شوية رديت عليه ماااااا قااااااائم وعايز أقابل الأعلي منك عشان أحل مشكلتي داير أي زول بفهم أو نادو لي القنصل ، وهنا تعال شوف اللمة والجماعة كلهم بطلو شغلهم وبقو إتفرجو علينا، المهم واحد عمك كبير شوية في السن دخلني غرفة علي جنبة كده وسألني وبعد ما شرحت ليهو الحصل قال طيّب إنت ما تجيب الجوازات الأصلية قلت ليهو ياحاج
ده حالتك إنت الكبير البتفهم ياخي هو عايز إختم لي طبق الأصل ده في الجواز الأصلي ولأ الصورة ؟؟؟ وطيّب ماممكن من خلال صورة الجواز إفتش وإشوف هل فعلا الجوازات دي صحيحة ولأ مضروبه وما هي التواقيع العليها ومفروض إذا الواحد ما قادر إفتي أو إقرر في شئ أنو إحولو لموظف أكثر خبرة ودراية منه وهكذا أقنعوني بأن أترك صور الجوازات وأرجع بعد يومين ولكن بعد يومين حا تطلع أربعه يوم لنه في خميس وجمعه وسبت وقلت ليهم الموضوع مستعجل وانا مسافر يوم الجمعة وممكن أدفع رسوم إضافية وتخلصوني زي ما بتعمل كل سفارات الدنيا ومعظم المؤسسات الحكومية بالبلد دي ،، قالو لي الخدمة دي نحن ما عندنا ، قلت ليهم ياخي كحالة إستثنايئة وطارئة دخلوني علي الضابط المسئول أو نائب القنصل ولو رفضو خلاص أنا زاااتو ما عايز لا أصل ولا طبق الأصل زاتو وده طرفي من الجواز والجنسية السودانية ، أها الجماعة بقو في تحانيس وأقعد وبارد وفي الآخر وحياتك ياغاالي
بدل أدفع رسوم إضافية عملو لي تخفيض والله أكتر من النص وختم لي نفس الموظف ووقع
علي ذلك وقلت ليهو إن شاء الله ياااا رب دي تكون آخر مرة أحتاج فيها معاملة من سوداني
وخليك ســــــــــــــــــــــــــــوداني

[sma7a]

[align=center]الاخ السوداني
اول شي من سنة اسكت مع احترامي للناس العلقو معروف تتطلع الجنسيه حتى بعد داك الاضافه في الجواز
وايضا معروف من سنه حفرو البحر انو الجنسيه ما ببتطلع من السفاره

1/ الام تقدر تتطلع الجنسيه لانو انا مشيت اطلع لي اولاد اختى قالو يا الام يا الوالد
في حال الام بتاخد معها القسيمه وشهادة تبليع

ما تقول انا بدافع عن السفاره وانا معاك ناس السفاره بتعاملو بطريقة غير حضاريه


اخر شي لو ما عندك واسطه تعال لي في الخاص يمكن الله يقدرني واساعدك[/align][/size]

[محمد نعيم]

الاخ السوداني امشي اقرب سفارة ليك واعمل موافقة لبتك انها تعمل جواز وخلاص وهذه اجراءات لابد منها
وتاني حاجة حتجي تطلع ليها اقامه هنا لو جايين باقامه
وشكرا
هذه اجراءات لابد منها

[محمد نعيم]

اها ان شاء الله مشكلتك اتحلت؟

[king cairo]

السفاااااااااااااااااااارة السودااااااااانية
والله كرهتنا حياتنا من كل النواحى
ربنا يعينا غايتو

[ahmed bashir]

والله دمي فار عليهم

[الغاليهـ بنت الغالي]

سلاام يالاصيل
والله يمكن السفارة في السعودية عندكم ما اوكي

بس هنا السفااارة السودانية خادمة المواطن خدمة غير عادية
واكبر جالية هنا هي الجالية السودانية ما شاء الله

وبالنسبة لموضوعك
برضو لما كنت في السودان خالتي كانت مسافرة وعاها بنتها الصغيرة

برضو نفس الشئ عذبونا عذاب قالو الا موافقة الاب والاب زيك كدة مغترب برة

بعد سلة روح قالو خلااص يجيبو عم البت جابو عمها وبعد روحنا طعلت
لما وافقو خالتي اتأخرت اسبوعين من السفر عشان خاطر العباطة دي